Venchi (已搬遷) 新店位置

意大利gelato 最特別的是其質感，製造時雪糕內的空氣含量少於10%，令口感更加綿密紮實，更標榜不用高脂肪奶油、重糖和人工香料，加入天然材料，如果仁，生果成分，因此存放期不可多於一星期。😊👍🏻❤️個人好喜愛pistacchio 開心果味，所以一於點來吃。除了朱古力味，榛子味亦是這裡有名的。♦️開心果味：濃郁芳香，帶奶香且味道平衡，甜度適中亦不會膩，質地細滑之餘，亦夠綿密。💯♦️榛子蓉巧克力：濃厚巧克力混合榛子蓉，好厚身但質地非常幼滑，味道榛果香甜跟巧克力夾雜也不會過甜，口感細膩。😋質地好滑之餘 亦不會好快溶，真正只溶係口，岩哂夏天可慢慢嘆，做法用料精製所以價錢較高是有原因的。這味道這感覺一試便愛上了！🤤

係意大利時食過VENCHI的hazelnut雪糕,真係難以忘懷,VENCHI的好貴,但好好食,間中心痛一次都值得,今次要回味一下那種感覺。太多口味,每次都有D選擇困難的感覺,最後選擇左濃黑朱古力,雪糕好幼滑, 濃濃的朱古力味。

如果唔係女朋友chur住要試，自己真係唔會主動食呀！因為$55一細杯都唔平架！今次叫咗黑朱古力同埋開心果味，又出奇地夾喎！由於本人唔好甜嘅關係，本人覺得特濃黑朱古力味好香濃，唔算太甜，岩曬我！而開心果味就比較特別，出邊唔係甘容易食到，不過我個人就認為太過甜啦，女友就得剛剛好。食完一個正常晚餐計，一杯細嘅兩份食就剛剛好。因為太甜嘅關係食完半杯我都覺得好肥啦！如果好似我咁做緊體重管理嘅人士真係要忍下口啦！

最近就連麥當當都推出了D24榴槤雪糕新地，才勾起了小人早前吃過的榴槤味意大利雪糕，齒頰留香，仍在回味當中。意大利雪糕，主打是輕飄飄而超凍的感覺，榴槤味又會如何？Am……榴槤味雪糕確實不差，榴槤香在舌頭而裡打滾，餘甘非凡。但雪糕幼感不足，鞋了些，可幸榴槤味搭救，增了分數。況且咖啡味更勝一籌，啡味濃重，正好趁著超甜的榴槤味，三重奏的風格絕對值得一試之極品！！不食猶自可，一食之下無得返轉頭，真真正正的令人榴槤忘返！

Venchi雖然以朱古力起家，分店遍佈全球，但它的雪糕同樣高質，可以說是我在香港食過最好味的雪糕，沒有之一。已經忘記對上一次是幾時來，雖然同樣在海港城，但店面明顯增大了，以前只賣雪糕，現在還有售喜不同的朱古力。雪糕可以選Cone或杯裝，一球$40，兩球$65，比哈記還要貴，但食過就知物有所值。每球比一般雪糕店都來得小，所以都真是挺貴的。上面是冧酒提子，下面是特濃榛子雲石黑巧克力，冧酒提子食得出很重冧酒味，甜甜的吃到停不了口；特濃榛子雲石黑巧克力朱古力味很濃郁，質地非常黏稠。

朋友一向不喜歡甜食，但是他會主動跟我說，想食朱古力雪糕，我的好奇心被挑起來。他們的朱古力產品也特別多，但我雙眼只看見雪糕。可以先試食才選擇購買，40元一球， 可選擇杯裝或雪糕筒，一個有品質的雪糕，加上特別rich的黑朱古力，價錢也不是算太貴。最怕朱古力只有甜味沒有香味，但是吃這個朱古力雪糕，一定不會令你失望。在欣賞他們40元也可以paywave

用club200積分換了coupon 去吃雪糕，選了蕉糖棒子及cappuccino 两口味，雪糕軟軟滑滑不會太甜，幾好味！店內還有朱古力賣，服務員好有礼貌，而且可先試食才揀口味！單球40元，双球65元，大杯8O元

得到一張Venice的贈券，第一次試吃gelato。贈券可以換取120g，即兩球gelato，價錢是$55。見到網友的食評，表示價錢貴，是的，但我去換取時，見到兩球的regular，已經是$65了！為方便拍照，我揀了杯裝的，兩款分別是Cappuccino（意大利泡沫咖啡）和Gianduja（榛子蓉巧克力），講真我是有點失策。一則因為我忘記了意式雪糕不同一般雪糕，我不該因為喜歡吃咖啡雪糕，而揀Cappuccino；二則Venice以朱古力聞名，我應該揀兩款都是朱古力味的。因此，我覺得Cappuccino的味道一般，稍甜。但Gianduja則很好味，質地軟滑，有極濃的朱古力味，少少甜，creamy得來又帶著榛子香味，不錯不錯。之不過，相信我不會掏錢來買這兩球gelato了，因為始終喜歡傳統的雪糕多點。有贈券免費試吃的話，當然無妨！

香港其實唔多地方搵到gelato 所以難得見到Venchi有就即管試下呢間嘅Gelato其實以朱古力味系列為主仲有hazelnut, caramel 除左gelato仲有好多款朱古力products揀.今次揀左榛子蓉朱古力第一啖放入口係好濃榛子味好似金莎咁但後尾慢慢會出左朱古力味苦苦地咁回甘幾好食Gelato比起普通雪糕軟身同"un".不過價錢真係太貴$60+先得一個scoop Baby scoop 都要$40性價比唔係咁高

從網上得知Venchi Chocolate有純素朱古力雪糕，知道尖沙咀有分店之後就急不及待去試一下。不過，去到尖沙咀分店時，店員溫馨提示原來只有中環和灣仔分店有純素朱古力雪糕，頓時覺得失望。但店員馬上又推介水果口味的雪葩，因為所有水果雪葩都沒有奶類成份，適合純素人士。當時有兩個口味 - 芒果和士多啤梨，味道十分清新，完全沒有添加劑的味道，而在大熱天下也沒有溶得很快，果然是一分價錢一分貨。一時忘記雪糕桶有蛋奶成份，下次要記得用杯才行。後來到Venchi的網上查看了一下，原來Venchi有四款朱古力口味，當中只有一款「Azteco」屬於純素無蛋奶，希望可以快點到中環和灣仔點試一試。

新既一年倒數完有咩好做，就係食返啲甜野去迎接新既一年，係尖沙咀黎到呢間意大利品牌有過百年歷史既朱古力店度為個胃添下新食彩。其實係比佢個門面吸引到我地入黎（唔知係咪太為食既關係）雖然佢唔係好多款可以比我地選擇，但係有試食就一於唔好浪費呢個機會，點錯左就無得返轉頭點都要試真啲先可以做到決定我地都試勻哂所有味，有開心果，熱情果，四種朱古力味，最後我地簡左香橙朱古力同埋椰子味由於佢無位坐低，就要係附近搵個位品嘗一下首先椰子味好RICH，每一啖都好香濃椰子味而且啖啖都有椰子肉係度，直頭好似食緊個椰子咁，再黎食下佢個香橙朱古力，第一啖好似跳左入個朱古力泳池咁（而我就係果舊橙）香滑到一個點。己經唔可以用筆墨去形容。如果你問我究竟有幾好食，我只可以話比起GOXXVA呢一杯先係叫朱古力雪糕十個讚！！

聽左呢間野好耐喇, 冇得去意大利食, 唯有係香港食啦叫左hazelnut 同75% extra-dark chocolate2隻都好正好滑, 令人不停放入口hazelnut 好似食緊繽紛樂入面d榛子醬咁特濃朱古力真係冇錯, 好濃好香, 一d都唔苦又唔會太甜

焦糖布丁雪糕 Créme Brulée Icecream🍮🍦$40; 8/10🍴好懷念義大利嘅味道😭😭🇮🇹入口香滑，食落煙靭，係我鐘意果種口感😍😍👌🏻個焦糖布丁味好香濃，不過食多幾淡就過甜🙈🙈

喺尖沙咀食完飯行左陣海港城,朋友提議去venchi食gelato。雖然選擇唔多,但竟然有我最愛嘅榴槤,即刻點左一球榴槤,朋友點左一球開心果味。榴槤味聞落唔算強烈,但食落齒頰留香,榴槤味濃郁。細心睇,仲見到雪糕有榴槤肉。但朋友完全唔欣賞榴槤,聽到我點榴槤味仲差d想走。而朋友嘅開心果味都唔錯,淡淡嘅開心果味,又唔會太甜。

今日同媽媽行街街，行到攰哂，想食雪糕補充體力。去咗Venchi食gelato! 其實係米蘭食過好好食，味道又多，所以要試試香港又如何。去到有少少失望，因為得幾隻味，仲要係基本嘅味，有3種sherbet。我同媽媽一人吃了一個朱古力碎同hazel nut。係好味嘅，我杯朱古力碎嘅朱古力好靚，濃味，因為有d chocolate chips係冇朱古力味，係糖膠。媽媽個杯秦子好香hazel nut味，但係唔甜。食完唔口渴！