Venchi (又一城)

營業中

休息中

Mangio gustoso gelato al nocciola!意思係我食咗杯好味嘅榛子雪糕。.話說最近學緊意大利文，同埋見去親意大利嘅朋友都話要「一日一gelato」。未食過gelato嘅我，一直都想知意大利嘅gelato有咩咁特別～其實意大利文gelato就即係英文嘅雪糕。係囉，咪又係雪糕一杯，可以有幾唔同啫🤔 正正因為咁，決定去試試gelato究竟有咩魅力😆 簡單上網search咗一輪，見到有幾間專賣gelato嘅雪糕食評都唔錯，例如ifc間grom、灣仔玫瑰花型givres等等，大部分都喺港島區。九龍人冇乜選擇，就去咗又一城間Venchi。.叫咗一杯baby size ($40) 嘅榛子雪糕(Hazelnut)。其實baby size純粹係單球咁解，絕對唔算細杯，食到幾飽吓！性價比好高，比起一球都要$45嘅haagen daz，甚至更貴嘅Godiva，絕對更抵！所謂嘅regular size ($62) 其實係雙球😍 本身諗住叫鹽味拖肥 (Salted Toffee)的，但試味覺得太甜，所以揀咗榛子。.店員好友善，細心咁潷雪糕—原來潷gelato要有特別技巧架，所以gela

之前有個朋友同我講話佢係意大利嘅時候食過一個牌子嘅雪糕好食到要一日食幾杯 然後佢係意大利返嚟香港之後發現原來香港都有呢度嘅分店今日同佢再喺九龍塘行過見到呢一間佢大贊嘅雪糕鋪所以就決定入嚟買一杯試吓啦見到價錢都有少少貴最細嘅都要＄50一杯左右但係勝在可以有兩個味等你可以試多少少今次我同朋友就揀咗 特濃黑朱古力同埋榛子味兩個未食落都唔係話好甜嘅但係我就食唔晒一杯因為都原來唔小特濃黑朱古力味係我係香港食過咁多朱古力雪糕來講叫做最濃味嘅一個佢濃得來又唔會好苦榛子味食落嘅話就有啲似金莎就咁單一個味食嘅話呢就會比盒朱古力甜但係如果兩個味溝埋一齊食就啱啱好啦🤤原來朋友真係冇介紹錯下次決定都要再試吓其他味先！

剛巧遇到有一個積分數換2份gelato 的優惠，趁母親節前嚟試試!店外繽紛的Gelato掛飾十分吸睛，入店短短10分鐘，已有3組小朋友嚷著要食雪糕~第一次試揀了 signature 嘅朱古力口味朱古力脆片及特濃朱古力Mini (120g) $55 朱古力脆片以牛奶味做底味，配上牛奶朱古力薄片。整體味道配合，只是部分朱古力薄片黏起來成了一大團，要大力咬。特濃朱古力名副其實， 而且整體味道也不會太甜。而質感方面，與普遍 gelato 一樣相對比較快溶， 要快趣食用~職員好有禮貌，對著不停叫嚷的小朋友都十分有耐性

來自意大利嘅雪糕店，之前歐遊差唔多每日都食一支，嗰陣覺得係全世界最好味嘅雪糕！因為每一啖都好黏，朱古力唔會太甜，一啲都唔膩，食落個口感好正，所以番到香港都忍唔住！佢分四款size，然後唔同size俾你叫嘅球數都唔同。我同朋友呢款係mini 120g 有兩球，叫左最傳統個隻黑朱古力味同榛子味見到榛子味係白色覺得好surprised😳 以為係淺啡色，但食落真係勁榛子味，又唔會太甜。雪糕嘅質地比意大利無咁正，但都係好有口感！😋 不過就勁易溶，係商場入面有哂冷氣都溶得好快

今日下午茶約了朋友到又一城聚一聚，早到了便逛一逛。 經過Venchi 朱古力雪糕專門店，便忍不住買了一杯兩球雪糕試了。Gelato意式雪糕採用天然材料，不用加防腐劑，天然又健康，多吃也不怕肥，哈哈！好多味都想吃，選擇困難症的我，選擇了兩種味道招牌特濃朱古力和意大利榛子，朱古力味好香濃食落口有好綿感覺，棒子味好好味唔太甜口感好滑溜，好食。Venchi 朱古力甘出名，我還買了一樽原味朱古力醬回家吃，把多士烘完之後搽上朱古力醬真的好好味。

朋友有Venchi雪糕🍦贈券⋯我們一人選了2種味道的雪糕球⋯食脆筒⋯價值$65/2球⋯我選了雲尼拿和雲石朱古力⋯姐姐杓時巳感覺雪糕質地似Gelato 意大利雪糕甚至更稀身⋯不太成到很圓的球狀⋯影埋張相巳溶緊⋯趕快放在嘴裏⋯雲尼拿味道較淡⋯雲石朱古力味道就好濃了⋯嘴裏的感覺像極食緊溶緊但冰冰的朱古力⋯係榛子朱古力味道⋯好好味⋯個筒好香牛油味又脆⋯超讚但個人還是喜歡較挺身的雪糕質感或奶感甚至油份⋯舔舔下才溶的雪糕球⋯贈券來說很滿足⋯真金白銀掏錢包我會猶疑⋯

今天下午三時半去買一個開心果雪糕,買完覺得分量太少,詢問本店職員,她說一球只得80g,話可以幫我磅下结果得75g,問洗唔洗比返5g我,作為一間買高劏既雪糕店$65一球不是應該講唔好意思咩,作為一間gelato雪糕店不是要帶給客人快樂嗎?食完都背脊骨落,一路食開太古城店也沒有此不愉快經驗,至於開心果雪糕味道都是偏甜,好味都無用,一路食只會越食越不開心,分量又小,都未試食同等價錢既gelato 雪糕分量細到好似被人食過咁

同朋友喺又一城行下，喺地鐵站一上電梯就俾間店吸引住喇！門面好靚，掛起七彩繽紛嘅雪糕～見倒有小朋友行過話要影張相屬於意大利5大特別城市嘅唔同口味之前去意大利都有食過venchi ～記得嗰時夏天好多人排晒長龍，湊熱鬧排埋一份～今次喺香港唔知會唔會食返嗰種味道呢～揀左羅馬～都幾大杯喎gelato 好香滑，咖啡味唔太濃另外一隻味啖啖都有朱古力碎～食落唔會太膩，亦都唔會過甜，天氣熱辣辣買返杯食消暑一流呀！！！！

話說夏天將至 ，天氣開始炎熱，加上工作壓力大，女友心情自然會有d煩躁不安。 唔想成為出氣袋既男友，食完晚飯後經過kowloon tong, 遇到一間食gelato 既店舖叫venchi chocolate，知道機不可失，立刻拉女友入去。 佢有好多gelato既味道，花多眼亂，而且仲有大中細size 同cone and non cone選擇。 我地要左regular size(中)，可以有兩隻味道，熱情果同特濃朱古力為我地最後選擇。d gelato超級滑，好好味，一d都唔滯，而且分量又大。熱情果於我而言淡淡地，但配上左重口味既朱古力，即刻起左中和作用，味道互補，感覺好奧妙。價錢大概65蚊到，但都唔係問題，最重要係女友重現久違既笑容。雖然女友一邊話易肥，但睇得出佢其實係超級enjoy同開心。各位brother不妨試一試， 一來消暑，二來又可以搏紅顏一笑，何樂而不為?！