URBAN Cafe (麗新商業中心)

營業中

休息中

昨午帶狗去玩。 見到有食客唔幫自己隻狗著尿片， 服務員又唔埋， 佢隻狗一來到就屎尿一齊來， 極唔衛生。我們仲要在旁食緊野💢💢💢👉👉👉服務員應該提示食客要遵守規則， 幫自己狗隻著尿片及清潔乾淨。昨午星期六下午都有5隻狗，狗地方比貓咪地方細， 有d狗太活躍， 周圍跳上跳落。炸魚薯條夠熱， 但味道一般。冷氣天凍， 凍到不得了。🥶🥶🥶食物幾熱都5分鐘內變冷。狗友及毛孩都熱情。 玩得開心。總評。環境。 狗地方太細， 地方大d更好。冷氣。 超級凍食物。 正常6分服務。 6分

90幾蚊窩夫硬過骨頭，懷疑自己食緊狗磨牙棒佢話即叫即整，好啦咁等半個鐘。窩夫上檯，完全唔熱，然後刀叉都唔俾淨係得兩隻匙羹，好啦可能好軟熟好容易切呢。匙羹往窩夫一切，哇妖咁硬嘅，大力少少先，點知舊窩夫硬到切唔到，好啦再大力少少囉，半舊硬屎窩夫直接飛走，呆左。窩夫往口一放，咬唔到咁滯喎，好啦咬大力少少囉，然後直接被刮爛口，上顎甩皮流血，成口鐵味，好痛啊。但係90幾蚊喎，唔食又唔係，唯有慢慢食啦，可能我係狗呢鍾意食磨牙棒。唔係喎狗唔食得朱古力，所以結論係呢個窩夫狗也不吃。 Btw啲貓亂舐朱古力奶都無人理，真係死咗都唔知咩事，慘慘豬

今天1/8/2025，下午茶時間，剛去用餐時，某員工對待客人態度很不禮貌，很差的體驗。以後不會再來！今天本帶小朋友過來，食物可以，環境也ok, 但個別員工對待客人十分的不禮貌，令人感到非常失望，日後也不想再幫襯！之前其實曾經來過一次，整體上感覺ok, 但今天是第二次過來，沒有想會受到不禮貌對待，令人遺憾！但相信只屬個別員工的態度問題，希望餐廳服務質素有待改善。此次是十分不理想的體驗，希望如果此餐廳的客戶服務員見到此post, 可以請聯絡我跟進一下。

下午茶時段三點三左右來到這間全港最大的貓貓cafe，進入前須穿上餐廳提供的即棄鞋套，確保環境乾淨衛生。點了38蚊（另收加一服務費）的鹵水雞髀及薯條下午茶餐配urban cafe的特色熱咖啡，可免費升級為紅豆冰；鹵水雞髀大大隻，味道ok雞肉算滑，薯條都脆同埋熱，可惜熱咖啡明顯不夠熱。不過入嚟都唔係志在食嘢，而係同貓貓們玩，所以呢個價錢有正常嘅嘢食，佢又冇收額外入場費，對我嚟講都係好抵。繼續支持全港最大貓貓cafe。

人寵友善cafe好去處🐱🐱 ✅貓貓Cafe嚟講食物正常水準 Order嘅冬陰功海鮮軟殼蟹risotto都幾好味 濃味但唔會好搶口 有少量海鮮 軟殼蟹有膏der~✅環境都幾乾淨闊落 有7000尺 入坐前都要鞋套加消毒雙手✅每隻貓貓都有專屬嘅名牌 但最深印象一定係貓界陳同佳🤣🤣🥹✅見到啲貓貓會偷食 然後俾人抱走真係好搞笑每次嚟都見到唔同性格嘅貓貓 我諗大家嘅重點都會擺喺貓貓身上 都幾鍾意呢間貓Cafe📍URBAN Cafe (荔枝角)荔枝角長沙灣道680號麗新商業中心1樓#香港美食 #貓貓 #動物 #荔枝角 #cafe

同朋友去咗荔枝角嘅 Urban Cafe 試食，地方真係好大，環境寬敞又充滿溫馨氣氛🥰 食物質素超正，有啲意想不到嘅驚喜，食得好滿足！最開心係有好多可愛貓貓喺度陪住我哋chill，可愛到唔捨得走😻 服務員態度友善，總體體驗好愉快，係一個啱晒放鬆同貓奴聚會嘅好地方！💖✨精選餐湯&沙律✨二人小食拼盤(酥炸雞翼、酥炸蟹鉗、薯條)✨煙三文魚溫泉蛋卡邦尼扁意粉✨安格斯牛肉手工漢堡配薯條✨日本北海道練乳草莓芝士蛋糕 配 雪糕✨石榴橘香果茶✨白桃紫米酸奶🪄News- Urban Cafe 荔枝角分店新設Pet friendly cafe主人可以帶寵物一齊用膳, 仲可以參觀貓貓區域🐱入場時間-一至四：無限時- 五六日、公眾假期及前夕：2小時如沒有客人等待可以繼續使用座位，不會額外收費。滿座時請禮貌性讓座，客人可以繼續於場內與貓貓互動。📍荔枝角長沙灣道680號麗新商業中心1樓（~7000呎空間）（香港最大貓 cafe）（荔枝角最大貓 cafe）荔枝角B1出口3分鐘步程9049 9929 (WhatsApp)852 9049 9929（微信）~75隻貓貓📍觀塘開源道62號駱駝漆大廈第1座6樓（~6000呎

貓貓Cafe去得多，第一次去長沙灣呢間，店裏面嘅裝環全部都木系，營造舒服，而且空間好大，無論貓同埋人都有自己嘅空間。入邊嘅貓貓好親人，但係唔會上嚟偷嘢食而家二人餐做緊298 ，但係一家三口食都冇問題，兩個餐湯、兩個沙律，仲有兩個主菜包埋飲品，一家三口其實好夠，不過好想食個泡菜豚肉pizza，所以再嗌多咗個pizza，食完之後女女仲同貓貓任玩。食物質素方面，以貓Cafe來講，算係唔錯，意大利飯嘅料好多，而且好Creamy， Pizza比較特別非常之惹味，豬肋骨多汁多肉，而且賣相精緻。員工服務態度方面都非常之好，見到女女好鍾意食車厘茄，再另外拎多兩粒俾佢食，非常之抵讚。

喜歡貓貓可去，lunch超級多人，下午餐更抵貓貓幾親人，仲會不時走黎陪食平日低消一個餐，lunch 5x起食物普通唔難食，湯烏冬好食過飯貓cafe唔會要求好多門口帶位既姐姐幾好禮貌

原來荔枝角有間7000尺嘅貓貓Cafe所以晏晝即刻去做貓奴先雖然主要目的都係為咗玩貓貓，估唔到食物方便有驚喜喎！真係一啲都唔馬虎！價錢相宜，又可以玩貓，性價比極高！下次會去埋觀塘分店

與友人第一次到这cafe. 大約是衛生问題，進门要穿上鞋套，腳下會滑些，慢慢行就是了！平日不多人，很舒服。點了下午茶，免費飲品有多種，好像部分還可免費选紅豆冰。我的下午茶自帶什果沙律伴碟，不會膩。飲品 升級至抹茶拉鉄才50 多元，很划算。友人的炸雞脾還配薯條，友人說炸得剛好，比快歺店好多了。當然，最美妙是cafe 數十隻悠然自得又不怕人的貓咪。看著十來著不怕人的貓咪，心情大佳，煩惱都一掃而空。如果喜歡動物的，會是個不可錯過的地方。如果不討厭動物，这店食物價錢環境也很不錯。有時間我和友人必會再來。

呢間貓貓Cafe我起碼去過三次，因為空間大同埋品種都好多，有我最愛嘅英短、暹羅貓、唐貓等品種，啲喵全部都好乾淨零異味😻.Cafe野食定價都好抵玩，平日午市/下午茶時段$50-80有交易，再加多杯嘢飲或者甜品夠低消人均$100就嘆足成個下晝，冇額外入場，仲要食物質素係好Ok，唔係Hea煮！.環境方面，木系裝修夠chill，7000呎空間環境真係好舒服，可以盡情撩貓，仲有獨立寵物區可以帶埋狗仔一齊玩。不過溫馨提示：假期勁爆場，我已經平日去都好爆🐱🔥 記得預早喺佢地社交平台 Book位～

去完長沙灣睇戲，本身諗住食壽司郎，點知要排四十幾張枱上咗去上面貓貓Cafe食晏，順便玩貓原來平日晏晝午市套餐先至$50至$80，相當抵食但係我哋同埋小朋友一齊去，人頭計每人要嗌一個餐，小朋友得個兩歲幾，即係大人都要食埋佢個餐壽喜燒牛肉湯烏冬壽喜燒湯底甜甜地，牛肉肉片都有一堆，仲有半隻糖心蛋，對得起個價錢吉列豬扒撈烏冬吉列豬扒撈烏冬都係50幾蚊，舊豬扒有少少硬，炸完可能都擺咗一陣，烏冬溝埋胡麻醬都幾好食慢煮豬柳配檸檬汁慢煮豬柳真係好難食，個豬柳呈現粉紅色，初頭懷疑自己係咪叫錯咗做牛熱豬柳嘅口感都有少少生，味道無咩味不過可能去得貓貓Cafe都係以睇貓為主食物質素唔係重點

5.1假期中午去，原來本book左枱但遲左15分鐘要改walk-in攞飛。ok攞飛幾分鐘已安排入座，但個位置勁差，勁近同貓貓玩的區域，問職員可唔可以換其他座位。當時仲有好多位但佢話全book晒。ok，明白你假期人多，但唔夠一分鐘，D小朋友已玩到幾隻貓逃到我張枱，跟住5-6個小朋友湧埋黎，圍在我身邊貼住我，個個拎住𢭃貓棒係咁fing，貓都無得走。家長食飯當睇唔到，職員唔得閒理。我同職員講呢個情況，再問職員可唔可以換位，佢都係話假期人唔換得。咁我唯有走人了。我有去過同店的旺角店，果次d客人&小朋友正常d，今次荔枝角店體驗好差。我來是食飯&陪貓貓，在咁嘈吵的環境對其他客人及貓貓都唔好。我去過好多間貓cafe，大多數都唔俾大聲叫及強逼抱/追貓貓，希望貴店在經營生意同時，首要顧及貓貓的感受，亦要有彈性安排。餐廳食物味道是ok，也要客人着鞋套。假期無lunch 套餐，無一人set，散叫價錢偏貴。食物種類也是肉/炸物為住，希望之後會有多d較健康食品。

第一次上嚟，員工好友善，我隻狗因為係臘腸狗隻腳太短，唔係好着到尿布，但係啲員工都冇強迫我哋，俾我鋪尿布狗仔可以自由落地行，真正寵物友善餐廳成間鋪啲員工感覺都好包容，對動物好友善好怕貓Cafe一陣味，但係呢度環境乾淨，啲貓貓全部都好靚，好親人，感覺上係一間好好嘅貓Cafe而且食物味道都好好，性價比高，非常推薦

間唔中過開嚟荔枝角做嘢都會諗起呢間貓貓Cafe🐱因為平日過黎食lunch 性價比都幾高😚嘢食雖然唔算話特別好食但真心唔差❤️茶餐廳嘅價錢但有一班得意貓貓🐱陪你食lunch真係幾過癮😆😆今次試下吉列豬扒咖喱湯烏冬咖喱飯食得多，但原來咖喱煮烏冬都幾惹味😍吉列豬扒，不過不失都ok 嘅🫶Lunch Set 跟一個湯今次呢個係蘑菇湯，入面有粒粒蘑菇蓉，好creamy 😋😋小食叫左芝麻雞翼，係雞全翼！😍炸得好酥脆，平時唔太鍾意食雞翼嘅我都忍唔住食左兩隻😆😆