URBAN Cafe (彌敦道)

營業中

休息中

作為貓奴嘅，我梗係要搵一間貓Cafe同啲主子一齊玩吓。咁啱我就知道旺角有間貓Cafe入面有40幾隻貓貓，可以食住同貓貓玩。入面啲貓貓全部都非常之可愛同溫馴，你可以好安心咁咁摸啲貓貓，啲貓貓都會好乖咁樣俾你摸。咁除咗玩貓貓之外，都要試吓度嘅嘢食嘅，感覺晚我就叫咗個二人套餐。人套餐包咗兩份餐湯兩份沙律，仲可以叫兩個主食，兩杯嘢飲。即磨芝士黑松露野菌忌廉意大利飯超級多芝士，同埋超濃郁嘅黑松露味，未除口罩都已經俾佢啲味吸引。賣相雖然冇咩特別，但係食落真係幾好味。巴馬火腿拉絲水牛芝士手工薄餅呢隻係厚底嘅黑薄餅，但佢個餅底都覺得非常之香脆，食起身卜卜脆。薄餅中間嘅計時仲有拉絲效果，不過一定要趁熱食先好食。朱古力沙冰&特濃鮮奶朱古力朱古力沙冰同特濃朱古力嘅味道都係差唔多，只係一個係流質，一個係沙冰狀，而沙冰上面仲會有厚厚嘅奶油cream。食飽飽仲可以同媽媽玩，係貓奴嘅樂園，得閒可以背住家中嘅主子，喺外面擁有其他嘅貓貓。

平時都中意去貓貓cafe玩，但呢個算出名嘅貓貓cafe，因為入面有20幾隻貓貓咁多，而且啲貓貓好乖唔驚人星期六去要提前book 位啊，如果唔係去到現場排隊等位，員工好好人，按排我哋係窗邊位。-瑪格特拉絲水牛芝士手工薄餅 $69-芝士肉醬闊條麵 $69-楓糖漿蕃薯條 $58食完之後店員幫我哋收拾好，然後用$18買貓零食or罐頭一打開，成堆貓貓衝過來，叫食，瞬間心情治療！如果有小朋友嚟，最好要貓零食，因為唔會整污糟隻手。提醒一下每張枱淨係可以買一個買貓零食or罐頭。

♡ 鬧市中嘅貓貓Cafe ～ Urban Cafe ♡-一直都好想去試吓貓Cafe～咁啱放咗工之後興起就約咗朋友去 去到都已經成八點幾好彩九點先截單☺️店舖中採用QR code落單，好方便。食一個Quick Dinner 跟住就玩貓貓啦❣️- ♡ 美國豬鞍扒 配 檸檬蘋果醬 ♡ $168呢個真係必食🥰 豬鞍扒扒肉質鮮嫩，容易入口。配埋檸檬蘋果醬 酸酸甜甜真係好開胃👍仲可以揀 要闊條麵定係薯菜闊條麵有驚喜 幾好食唔會乾爭爭～ -♡ 挪威煙三文魚拉絲水牛芝士手工薄餅♡ $118薄餅嚟到熱辣辣～薄餅香脆鬆軟 ，配埋煙三文魚菠蘿粟米 🌽 兩個餓鬼好快掃哂～～配料多啲就更好啦😆-♡ 蘋果玫瑰普洱茶 ♡ $72加咗蜜糖好滋潤玫瑰味好香 ～ 蘋果味好香 仲好清甜～-❥ Cafe入面嘅貓貓全部都好得意 ～ 而且貓貓重唔怕生保😆 一路食嘢 一路見到成間餐廳都有貓貓包圍住～真係覺得好幸福呀！呢間cafe 價錢平👍 而且無入場費亦無計時收費～ 環境衛生 完全無臭味👍#⇢店鋪資料：URBAN Cafe (彌敦道) (旺角)旺角彌敦道566-568A號僑建大廈2樓#-#旺角cafe #貓cafe #旺角美食

朋友成日係我耳邊講：好想養貓啊~好得意啊~~見到呢間貓貓Café就即刻約埋一起去，原來朋友幾年前都去過，話十分之好🤓我今次第一次去完都覺得超級推薦！！有超多貓貓，隻隻都好得意又親人，仲會坐定定係隔離陪你食野🥰🥰🥰除左貓貓，我地叫左二人套餐，都好有水準😎食完野之後可以用成本價$18 買貓零食喂貓貓，一堆貓貓圍住你，唔捨得走haha😍二人套餐🍽 $328包括餐湯、沙律、主菜同飲品✨餐湯🥣✨沙律🥗餐湯係南瓜湯，濃郁又creamy，藜麥沙律配芝麻醬，新鮮開胃🤪✨西班牙黑毛豬肋骨配闊條麵/薯菜🐷我地會加小食，就揀左闊條麵。豬肋骨帶焦香，燒烤醬醃得惹味，食落口感軟腍😍✨溫泉蛋煙肉野菌黄金芝士卡邦尼扁意粉🍝蛋係日本無菌蛋，加埋溫泉蛋令到意粉變得更加creamy, 好掛汁，煙肉嘅鹹香，溫泉蛋嘅蛋香，加埋野菌同芝士增添口感，好味🤤✨滋味2人小食拼盤 +$28包括薯角、唐掦炸雞、雞肉餃子，炸雞肉質嫩滑，薯角脆卜卜，配左沙律醬同茄汁，香脆又滋味😝✨白桃蘋果醋梳打🍹 +$5✨菠蘿茘枝梳打🍹 +$5兩杯梳打清新又開胃☺️

其實貴係唔梗要，但坐又坐得唔適服，座位勁窄，食物又等得耐，食物質素極之普通，叫咗個菲力牛柳配濶條麵，個闊條麵好硬，唐揚炸鷄啲粉又勁厚，又唔比刀叉，都唔知點食，要問先比叉，最重要係有一位服務員態度勁差，間cafe限時90分鐘，叫咗個甜品芝士餅，見等咗10分鐘追下個甜品啫，個一位唔肯講姓名的服務員只係應一句等下，上緊啦，個樣表現得非常不耐，之後個服務員仲話我都唔知廚房幾時出，剛剛碟甜品就有，個服務員仲要講多句，依家咪出比你囉。

估唔到咁快又再黎多一次，太掛住堆毛毛🥹每次黎到都完全專心唔到食飯，見佢地不斷行黎行去，跑黎跑去，一行埋黎少少又即刻停低摸佢地😆初頭見每隻貓都係停留1秒就跑走咗有啲心灰意冷，點知買咗包乾糧之後即刻成間鋪啲貓撲曬過黎，開心返曬🥰所以大家一定要買糧去餵佢地😂.🍝意式青醬忌廉海蜆野菌扁意粉 $108擺盤賣相真係一啲都唔差，份量仲幾多添🥳最鍾意食意粉有好多汁，但多汁得黎又吾會係稀個隻😎味道唔錯唔錯🤪.🍕挪威煙三文魚拉絲水牛芝士手工薄餅 $118Pizza竟然比想像中好食好多，本身覺得黎到呢啲Cafe，個重點都已經唔係食物，但比預期好食就更加好喇😋配料份量都幾足，鋪滿成個面😌而且餅底都幾脆口😗.💰人均消費：~$200.🍽味道: 3/5🏙環境: 4/5‍👨🏼‍🍳服務: 3/5💧衛生: 3/5💰價錢: 3/5

今日要同朋友慶祝生日，咁岩大家都好中意貓貓，就搵到呢間主打貓貓既cafe黎慶祝生日食餐飯。一入到去就見到好多貓貓好活躍，非常之岩一家大細黎食飯。我地4個人就叫左個4人套餐，首先包每人一碗湯同沙律，碗湯係南瓜湯，好creamy，而且有啲燕麥既感覺，相當特別同好飲👍🏼而主食方面，簡左個黑松露飯，黑松露味好濃郁，岩曬中意黑松露既我地。另外再簡左一個肉醬芝士闊麵，闊麵煙韌而且芝士可以做到拉絲效果，再加埋肉醬一流。之後到一個慢熟雞胸配薯菜，雞胸幾淋易入口，上面配左啲類似蘋果肉既汁，甜甜地幾特別。最後就係煙三文魚既pizza，非常好食👍🏼批底脆得黎好易咬，再加埋煙三文魚味配芝士，極力推薦叫pizza。最後我地再另加一份小食拼盤同兩份甜品，小食拼盤有薯角，雞翼，炸雞等等，炸雞脆得黎肉好軟，成份拼盤最好食係炸雞，甜品方面就少少失望，心太軟過份軟身，完全唔似平時食開果種心太軟。整體黎講食物質素唔錯，再外加有好多貓貓陪我地食野，成個感覺唔錯👍🏼

作為愛貓一族，又點可以吾定期去貓貓cafe 貢獻下啲糧水，今日約左親SIS 放工後去左旺角嘅Urban 貓貓cafe 坐下睇下貓，叉叉電-作為自己有養貓之人，貓貓之地最重要係夠乾淨，Urban 真係做到理個條件，其中之一貼心位就係鞋套，一入到門口已經覺得雖然多貓但係吾會好多塵，鞋底亦吾會帶左細菌比貓貓，抵讚- 插下隻為食貓FACE，等緊野食之本本與本妹應該都係咁既表情天寒地凍，都係做沉睡中的主角最實際-終於都上菜啦，先上既係唐揚炸雞($58)勁juicy 的炸雞，入口好脆卜卜而入面既雞肉好幼嫩，吾會炸到乾晒口，外皮炸衣好吾錯，真係有日本風吾會行左鹽酥雞OR韓炸雞果種路線，正! 而且仲有沙律伴碟，好豐富-之後就係意式青醬忌廉海蜆野菌扁意粉 ($108)伴碟同賣相勁靚，好好食，意粉好香蒜味，青醬加左cream，好好好creamy，好rich 亦都好飽肚，好多蜆同野菌，仲有BB carrot，真係好豐富的~-仲有另一個main 係大啡菇安格斯牛肉手工漢堡 配薯角($128)超正，個burger 勁大，好高，一定要講既係塊安格斯牛肉，超厚身，勁多肉汁仲有大大塊大啡菇，如果吾係要同親妹share

🐱近年寵物友善餐廳越開越多，就算無養寵物都可以去下貓cafe，呢度有成50隻貓主子陪你食飯，真係好熱鬧好開心！除了咖啡、小食外，同時有意粉、薄餅、沙律等，貓奴可以又玩又食，非常滿足呀！🍽️二人套餐（$328）呢個餐性價比好高，而且好豐富！有齊餐湯+ 沙律+主菜+飲品🍝三重芝士肉醬闊條麵芝士醬汁非常濃郁，帶點新鮮蕃茄既微酸，撈埋闊條麵食好開胃，口感豐富唔會好膩。🐷西班牙黑毛豬肋骨配薯菜肉既份量好多，面層搽滿BBQ醬，帶有少少焦香，最重要烤得軟腍入味呀！🍟小食拼盤（+28）有雞軟骨餃子、唐揚雞塊同薯角，熱辣辣炸起夠晒香脆，點埋沙律醬/茄汁，邪惡又滋味！🍧雪山心太軟（$25）雖然唔算太流心，但加埋雪糕好開心！

我同老公都好鍾意貓，可惜屋企地方有限冇得養，同事就介紹咗我哋黎呢間Urban cafe，話入面有超多貓貓，啲貓又親人活潑可愛，見今日收工出開去食嘢順便就嚟試吓啦！ 同事話觀塘店嘅面積仲大過旺角，貓嘅數量有幾十隻，不過旺角比較近我哋返工。我哋叫咗二人套餐 $328 二人餐包咗兩份餐湯同沙律，今日係煙肉忌廉湯，湯好濃稠，好味。另外主食可以揀兩份，我哋揀咗三重芝士肉醬闊條麵同埋安格斯牛肉手工漢堡配薯菜。意粉表面鋪滿咗好多肉醬同芝士，啖啖都食到肉醬，配埋我最鍾意嘅闊條麵，真係好惹味！ 手工漢堡嘅牛肉扒超厚，配上牛肝菌燒汁令味道昇華，麵包表面仲有好有heart咁印左貓咪圖案，影相打卡一流👍🏻另外+$28 加配滋味2人小食拼盤，有雞軟骨餃子、唐揚雞塊同薯角，唐揚雞塊炸完出嚟唔會乾爭爭，仲保留到佢嘅肉汁好Juicy，食物都係即叫即整，上枱時仲係好熱辣辣😍😍以前都去過好多貓Cafe，呢間性價比都好高，唔會話計時收費，餐廳處理衛生都做得好好，唔會好大浸臭味，食物又好食，貓咪又好親人，下次一定會再嚟同貓貓玩😻😻📍 URBAN Cafe (彌敦道) (旺角)旺角彌敦道566-568A號僑建大廈2樓

旺角Urban cafe係一間好有名氣嘅貓貓cafe佢哋嘅貓貓種類算係貓Cafe中最多嘅一間。貓貓亦都好親人，同埋環境保持得好乾淨，無咩異味。Urban另一出名一定係佢哋嘅二人餐啦！CP值好高。是日沙律 鮮果沙律清新又開胃。是日餐湯南瓜忌廉湯夠哂Creamy，湯中有滿滿南瓜嘅清甜。滋味小食拼盤三款炸物分別係唐揚雞塊、薯角、雞軟骨餃子，佢哋都採用即點即炸，所以每樣都香口非常，加埋調味得宜，令人一食上癮。西班牙燒烤醬黑毛豬肋骨配薯菜豬肋骨肉質嫩滑，有滿滿嘅肉汁，而且搽咗惹味嘅燒烤醬都唔會搶走豬肋骨嘅肉味，配菜可以揀薯菜或扁意粉，我哋揀咗薯菜，有熱辣辣脆卜卜嘅薯角，配埋豬肋骨一齊食更好味。溫泉蛋煙肉野菌黄金芝士卡邦尼扁意粉蛋用咗日本無菌蛋，食嘅時候更安全同健康，而卡邦尼醬都好Creamy，撈埋溫泉蛋後變得更順滑，更易將意粉掛滿醬汁，醬汁亦多添一份蛋香，而配料中嘅煙肉野菌令味道層次更多。

第一次去貓貓cafe，初初都認為會有陣貓味，點知一啲味都無無預訂 好彩去到唔洗等位，門口有部機係笠個鞋套，好方便，消毒埋雙手就入去。職員會被份注意事項你睇，要小心看管自己既食物，唔可以俾貓貓食，我地叫左個二人餐，不過入到去成個心飛左去貓貓到，一張野食相都無影但賣相係唔錯既，同埋味道都唔錯～整體野食同飲品都幾好，份量都算足夠，不過我地加左小食同心太軟，同埋⋯我一心想快啲食完玩貓貓🐱😝餐廳空間還好，唔算好大，但都夠位去睇貓，同埋啲貓貓好活躍 會自己周圍走，重要好為食，一有野食就衝過黎，隔離枱係餐廳買左貓罐罐餵食，然後就有以下幾張相🤣貓貓圍晒過黎，爭住食，感受被貓圍既感覺😂肉緊到企晒起身～不過大部分既貓貓都唔願俾人抱，我眼見都係坐枱🤭同埋係櫈到俾人摸多～但就全部都好乖～職員態度都好好，會主動收走枱面食完既餐具，等可以多啲空間同貓貓玩～整體黎講係個好開心滿足既體驗～會再搵時間去，希望下次可以抱住貓貓影相😚

星期五放工想同朋友去chill下🥰 佢話想同貓貓玩🐈 所以就嚟咗呢間貓貓Cafe❤️ 依間貓貓Cafe超好👍🏻 唔收入場費😍嗰度有超多貓貓😍 隻隻都肥嘟嘟😆 又靚又可愛❤️ 嗰度仲有勁大棵樹比啲貓貓休息👍🏻 環境乾淨有冇臭味🥰除咗貓貓之外🐈 當然食物質數都好緊要啦🥰 依間啲嘢食真心唔錯 👍🏻 二人套餐($328)我哋叫咗個2人set🥰 已經包左餐湯🥣 沙律🥗 主菜🥩 同埋飲品🍹今日嘅餐湯係南瓜湯🎃 南瓜味超濃郁👍🏻 夠晒杰身🥰 好飲😋 而沙律就正常發揮啦☺️即磨芝士黑松露野菌忌廉意大利飯🧀每一啖都食到黑松露味🥰 加埋忌廉汁夠晒creamy👍🏻 最勁嘅係佢哋上面仲有啲即磨芝士🧀 食落一啲都唔溜❤️ 返入邊仲加咗菇同埋三色蕉係增加口感😋西班牙黑毛豬肋骨配薯菜🐖佢有薯菜同埋闊條麵🥰 揀我哋就揀咗薯菜🥔 原來係薯角黎😍 雖然唔算好脆身，但真係啖啖薯肉😋 而豬肋骨亦都好厚身👍🏻 個肉唔會好鞋🥰 配埋個BBQ醬味道啱啱好☺️白桃蘋果醋梳打(+$5) 🍑/ 青檸薄荷蜂蜜綠茶(+$21)🍋估唔到白桃同蘋果醋嘅味道咁夾👍🏻 青檸薄荷就好清新🌿

屋企隻主子服侍得多，會唔會想偷下懶同其他主子玩下呢～之前去過位於觀塘嘅2000呎分店，今次就去旺角店鋪探下啲貓貓🐱。鑑於疫情緣故，客人必須要消毒雙手，同埋著好店鋪提供嘅鞋套先可以入場（出面有部自動上鞋套嘅機，踩落去就搞掂😎，非常方便）。店鋪有超過20隻貓，但好可惜嘅係，今次去到貓貓都係到睡覺，好少主動討摸。強烈推介加$18買佢地嘅貓罐頭，可以享受下俾眾貓圍住嘅感覺。比較驚喜嘅係有啲好親人，會主動坐喺你對面擺pose，可以抱亦都可以任摸。另外，餐廳特色係用餐無限時，你鍾意玩幾耐都得。食物方面，「溫泉蛋煙肉野菌黃金芝士卡邦尼意粉」嘅卡邦尼汁十分之creamy，混合埋同埋香濃嘅cheese，十分惹味。而溫泉蛋吉穿之後，蛋黃掛麵十分之滑溜。而煙肉嘅鹹味都令到菜式更加惹味。另外，「雪山朱古力心太軟」作為飯後甜品都唔錯。一啖香濃嘅心太軟，一啖味道清新「雜苺氣泡特飲」，呢個配搭唔會太甜，亦滿足到味蕾嘅需要，十分值得推介。

作為愛貓之人，我諗都一定聽過呢間貓Cafe適逢今日放大假，就過嚟撚下貓輕鬆一下，又估唔到啲嘢食又幾抵🥫茄汁肉醬寬條麵除咗茄味濃郁肉醬夠多之外，份量都幾大兜，而且價錢唔貴，都只係70零蚊一個Lunch，仲可以做吓奴才，望吓治癒嘅貓咪避風塘雞翼下午茶餐嘅避風塘雞翼連嘢飲都只係50幾蚊，確實好抵食隻隻雞翼都好香脆，又大隻荔枝百香果乳酪沙冰同隻貓一齊睇風景飲住杯沙冰，都咪話唔甜😂坐耐咗飲杯花茶，胃吓個人，止吓口渴👍🏻最後送上貓貓圖👍🏻總括嚟講，估唔到食物質素都好高，全場都冇臭味，價錢非常抵食，又可以同貓一齊玩，環境都好乾淨，一定再光顧👏🏻