URBAN Cafe (彌敦道)

營業中

休息中

📌 URBAN Cafe (彌敦道)📍 旺角彌敦道566-568A號僑建大廈2樓☎️ 68326990~ ○( º ㉦ º )○ ~ ○( º ㉦ º )○ ~ ○( º ㉦ º )○ ~ ○( º ㉦ º )○ ~之前去過觀塘嘅Urban Cafe 玩貓貓🐱🐱後一直都念念不忘，知道旺角都有，呢日就去咗旺角嘅Urban Cafe （油麻地地鐵站行去大約2分鐘），再去犯賤做奴才。😂旺角店面積比觀塘細，不過貓嘅數量都好多。目測大約廿幾三十隻。另外店員安排咗窗口位俾我哋，一邊望住繁忙嘅彌敦道，另一邊係主子們懶洋洋嘅樣，強烈對比下覺得做人其實可以放輕鬆啲，唔好乜都趕頭趕命。💫二人套餐 （$2️⃣9️⃣8️⃣）毫無懸念一定係揀二人套餐。$298 有齊餐湯，沙律，主食同$38以下飲品。加$28仲有一份二人小食拼盤。抵食又省時。唔洗諗食乜，可以留多啲時間玩貓貓。🥢南瓜忌廉湯飲到絲絲南瓜，奶味濃郁，入口creamy 細滑。🥢沙律沙律菜新鮮，仲加入水果，口感豐富又健康。🥢滋味2人小食拼盤（雞軟骨餃子、唐揚雞塊、薯角）食完健康沙律就俾自己勁食炸嘢啦。呢個拼盤全部係香口炸嘢，新鮮脆口，邪惡又美味，分量亦好多。最好味係雞

尋晚去咗呢間Cafe食飯呢間Cafe最出名就係有好多貓貓 咁啱我好中意貓我哋叫咗一個二人套餐，入面可以叫一個飯或者意粉同埋一份主食，我哋叫咗Pizza同埋一個意大利飯嘢飲方面包一杯$38嘅飲品，後尾我哋補差價轉左其他嘢飲～食物方面嘅質素係唔錯嘅，份量比較多，係會食得飽嘅一個套餐～啲貓貓真係好可愛

是日，同朋友一齊去到旺角的URBAN Cafe，知道朋友系貓星人，同佢來哩度佢真的好開心，旺角分店比較細一點，但也無損我同朋友玩貓貓食蛋榚的樂趣，一坐低，哩隻納豆的貓貓已經坐左我地的枱上，哈哈同朋友點左個2人套餐，唔駛煩食咩另外加個滋味2人小食拼盤，點左個三重芝士肉酱闊條麵，西班牙黑毛豬肋骨，飲品點左個薰衣草拿鐵(凍)，0reo脆脆特濃朱古力(凍)是日餐湯，沙律是日餐湯，沙律都唔錯，開胃菜一流薰衣草拿鐵(凍)，0reo脆脆特濃朱古力(凍)薰衣草拿鐵(凍)，0reo脆脆特濃朱古力(凍)兩杯都好有美感，我的0reo脆脆特濃朱古力(凍)，真的朱古力味足，唔會淡左，夏日飲真的一流~~滋味2人小食拼盤，滋味2人小食拼盤有炸薯條，餃子，同埋炸雞，味道不過不失三重芝士肉酱闊條麵三重芝士肉酱闊條麵都唔錯，好多芝士，另外都有唔少的肉醬西班牙黑毛豬肋骨伴薯菜有兩大舊好JUICY的豬肋骨，加埋好多薯角，真的食薯角都食到飽，貓貓納豆一路陪坐我地食，真的好治癒~~~

去過觀塘分店，今次嚟旺角分店的確有驚喜！食物明顯有質素，仲要抵食唔限時間，全部即叫即整，地方不算大，但係好多貓，全部超可愛同活潑，任摸唔嬲，仲識望鏡頭影相。想嚟的朋友真係預約穩陣啲！👍🐱是日餐湯(+$8)煙肉白湯野菜沙律🥗(跟餐送嘅)配吞拿魚醬，都幾好味！熱朱古力咖啡(跟餐加$17)唔太甜凍抹茶拿鐵(跟餐加$20)香濃抹茶牛奶，叫咗少甜香辣蒜香雞軟骨野菌橄欖油炒扁意粉🍝午餐$72都幾辣，不過真心炒得有水準，雞軟骨同野菌有兩種口感，好夾！燒紐西蘭牛肉眼扒配黑松露燒汁薯菜(午餐$118)肉眼扒好冧身，薯角超脆，炸得非常好！

Urban Cafe旺角彌敦道566-568A號2樓 貓咪陪食架CAFE , 唔洗入場費, 只要ORDER 食物, 就會有被貓咪包圍架幸福啦。一個人叫份食物都只 是$150 左右, 見到健康又親人的貓貓, 喜歡動物架人, 我每1-2個月就會來一次, 見見貓貓界朋友, 摸下佢地逗下玩$298二人餐由SALAD, 湯, 小食, 主菜. 飲品到甜品都有, 可謂之十分豐富, 同埋味道次次食都保持到水準, 質素好過好多博大霧是是但整比你食架打卡CAFÉ湯好實在, 唔似好多餐廳好落好多水沖開好淡或者是用湯粉煮。次次主菜都會點西班牙黑毛豬肋骨配薯菜, 薯角炸至脆香, RIBS又大份食得好飽。豬肋骨上BBQ醬惹味。另一個就PASTA/RISOTTO, 二人餐靈活處是可以優惠價加小食拼盤/甜品/轉特飲吸完貓貓充電, 精神爽利。貓貓好乖, 有D就好親人好動, 四圍跳跳走走, 支持愛護動物。

今日同朋友來油麻地呢間貓咪Cafe食晚餐，好彩有book位，現場可見座無虛席，雖然地方細細，但係有成三十幾隻貓，亦有足夠嘅貓架同休息室俾貓咪活動及休息，環境乾淨衛生，客人入門口前都要穿上鞋套。呢度食物種類比出面寵物Cafe多，價錢都相宜，我哋揀咗2人套餐，有餐湯，沙律，主食，飲品，再補少少錢加多左個二人小食拼盤及甜品。餐湯：南瓜忌廉湯南瓜忌廉湯入口軟滑香甜，可以食到絲絲南瓜嘅口感，奶香味比較重，食落好Creamy。沙律🥗蔬菜新鮮爽脆，配埋生果同胡麻醬酸酸甜甜好開胃。滋味2人小食拼盤: 份量都幾多，有雞軟骨餃子，唐揚雞塊，薯角，加$28都幾抵食，全部都炸得好香脆，熱辣辣好惹味。即磨芝士黑松露野菌忌廉意大利飯黑松露味香濃，意大利飯軟硬適中，醬汁濃厚，入口Creamy。🍔安格斯牛肉手工漢堡配薯角Burger 望落去都幾厚身，牛肉漢堡肉味香濃，質感結實，厚度適中，配上芝士🧀同蕃茄🍅及生菜🥬夠晒份量，加上有大量薯角同沙律菜，食到好飽。🍍菠蘿茘枝梳打味道酸酸甜甜好開胃，梳打夠晒氣，如果再加啲新鮮水果會更吸引。蜂蜜紅棗茶（熱）味道比較清淡，紅棗份量比較少。雪山心太軟配雪糕🍨🍫朱古力同🍵抹茶心太軟軟心

原來呢一間Cafe相當出名😝出名唔單只係啲嘢食唔錯😗價錢合理😜仲要係超級多隻貓🐱係典型嘅貓貓Cafe😎雖然地方唔大得10張枱😅但係已經有20-30隻貓🙃重點無怪味環境感覺😝無入場計時⌛️愛貓人士一定去😍仲要隻隻貓唔同樣😗唔同大細😝僅有一隻你鍾意😚超級乖巧😌任人摸唔嬲巴馬火腿拉絲水牛芝士手工薄餅🍕$98依間Cafe最出名應該係D Pizza😜首先佢個份量大小啱啱好😀兩個人都食得晒😚超級多芝士🧀仲要係可以拉絲嗰隻🥳另外都有啲菇同埋車厘茄🤪個批底唔算好厚😎都可以接受😚加埋咁多芝士就啱啱好挪威煙三文魚芝士墨西哥餅$68平時嘅墨西哥餅會加好多醬🤓但係呢一個入邊加咗橄欖油😚同埋煙三文魚🤩所以帶出三文魚嘅香🤓同埋橄欖油既原味香😜加埋啲沙律菜🤗係完美嘅開胃菜唐揚炸雞🍗$58佢唔係平時嗰啲超爆勁炸雞😜係類似麥樂雞口感嘅炸雞🤩雞味都幾重😝加埋佢個白色嘅醬🤣應該係有酸味嘅沙律醬🧄所以都幾特別朱古力蜜糖吐司配雪糕🍦$78見到都相當吸引有好多配料😆當中佢個多士加咗蜜糖同埋朱古力就知道有幾邪惡👹另外都加咗兩球朱古力雪糕🤗同埋無限嘅忌廉🤭所以真係增肥必食🤗麵包好香脆🤪加埋雪糕😍呢個配搭都食到好幸福藍花皇家伯爵荔枝紅茶

呢間旺角樓上貓café好多人推薦，裏面真係好多好多貓，啲貓一啲都唔驚人，佢哋已經見慣晒大場面😆午餐時段幾乎爆滿，可見各位貓奴已經被徹底地馴服。由於太多貓貓，餐牌都已經吸引唔到我，快速求其地叫咗set lunch🤣一路食嘢嘅過程可以望住好多貓貓會喺你身邊穿來穿去，隨時會跳上枱度食你啲嘢😅 我哋食嘢佢又想食埋一份，真係好搞笑好得意呀！食完嘢就可以買零食餵貓貓，由於我哋係第一枱餵零食，貓貓全部走晒我哋張枱度，真係好誇張，隔籬枱好羨慕我哋俾貓圍🤣看著佢哋爭嘢食，周圍跑，打交，偷野食，訓晏教真係好得意😻✖️1000食物方面不過不失正正常常，味道唔算太突出～

平時都算係半個貓奴嘅我☺️, 今日同朋友去咗旺角一間貓cafe, 見到好多貓貓, 係我見過最多貓貓嘅cafe🤪, 今日個人即刻有心情返工!😊二人套餐 $363依個套餐包咗兩碗餐湯, 兩份頭盤沙律, 一份意粉/飯, 同埋一份主菜, 再加兩杯餐飲, 份量好足, 而且質素仲好高!👍🏼💯我地主食揀咗溫泉蛋煙肉野菌黃金邦尼扁意粉同埋巴馬火腿拉絲水牛芝士手工薄餅😋. 依間餐廳雖然主打貓貓🐈‍⬛🐈, 但食物質素亦都唔錯! Carbonara食落好creamy🥰, 而且煙肉同菇都好香, 再加上隻溫泉蛋, 確實係一流! 👍🏼👍🏼而個手工pizza都好出色, 絕對無偷工減料, Parma ham好香, 同水牛芝士襯到絕! 🥳另外餐飲叫咗一杯凍抹茶latte(+$20)同埋一杯凍oreo脆脆特濃朱古力(+$20). 抹茶latte好香又濃🤓, 而Oreo朱古力唔單止得個樣, 飲落唔會太甜, 朱古力都好濃, 夾得啱啱好.😚最後加配咗一份心太軟(+$25), 朱古力味濃郁但又唔會太甜, 十分唔錯!🤩整體黎講, 依間貓cafe價錢好抵, 仲有好多貓貓😍, 但一啲異味都無😯而且食物仲即叫即整, 質素好高, 十分推介大

環境一般，平日星期一中午上去坐滿人，場地大部份用泥擺餐枱，啲貓冇咩自己嘅地方，人同人之間幾迫下同埋好噪，d貓好慘。似一間有貓嘅餐廳多過似貓cafe，額外觀察到嘅，店員冇拎玩具比人同貓玩，佢地想同貓玩先拎出嚟。野食正常，pizza唔錯，甜品女朋友嗌左栗子蛋糕類似嘅嘢《———唔好食，飲品我嗌朱古力咖啡沙冰《———啲冰太幼，好快就溶晒，變晒液體，得一開始有沙冰嘅感覺，Overall,餐廳黎講價錢正常同埋唔好當係貓Cafe，唔會再去。

Urban Cafe鹽燒厚切牛舌番茄芝士羅勒闊條麵慢煮紐西蘭香草羊膝薯菜配薄荷啫喱金沙雞翼水蜜桃蘋果醋蘇打蘋果醋薄荷蘇打價錢💲: $108/ $178/ $68/ $42/ $58好味程度😋: 3.7/5服務🍴: 3.7/5環境🗾: 3.7/5性價比🥢: 3.7/5回頭率😚: 3.7/5-係旺角諗唔到食咩，自然地想去呢到玩貓貓，順便食埋野🐱 冇去年幾，而家多左貓貓的玩樂區咁，有佢地陪住食飯真係開心啲！同埋佢地都係長期滿座的，最好訂訂位先，如果晚市。-✅鹽燒厚切牛舌番茄芝士羅勒闊條麵。係個口味比較淡的意粉😳用左我最中意的闊麵，口感好D，都煮得幾啱硬度。個人覺得可以再濃茄啲，開心啲。上面個2塊牛舌係我中意既😝燒到焦香，質地軟腍，保留小小韌度，牛味濃🤓 最愛牛舌！-✅✅慢煮紐西蘭香草羊膝薯菜配薄荷啫喱。呢個出色過🍝！沿住骨切，啖啖肉！好嫩唔鞋，都唔會太騷😌加小小燒汁，好夠味😉 蔬菜就係一堆新鮮炸的薯角，有辣味粉的，停唔到口😎-🆗金沙🐔翼。有5大隻，好香脆！脆粉係有粒粒個隻，食落口感特別好😆味道正常，只不過唔係好鹹蛋黃，主要靠面頭的鹹蛋黃粉，如果換醬可能出味D🤔 不過入面有醃過，所以都夠味。-

Urban Cafe 有兩間分店，呢次去咗旺角店，附近有巴士站所以都好方便。作為熟客仔 過幾個月就去探佢地，今次發現旺角個貓區setting唔同咗，貓貓既休閑區大左～～貓貓好多不同品種，佢哋都好親人，有啲成日跑嚟跑去勁活潑，有啲就成日瞓覺覺，隻隻都好可愛。我地都係照舊叫二人餐：嘩終於有白湯飲 超開心！沙律正正常常～溫泉蛋煙肉野菌黃金卡邦尼扁意粉啲意粉勁掛汁，個汁好濃好香比之前進步左！西班牙黑毛豬肋骨配薯菜ribs好香加埋bbq醬正 而且都算多肉～ 小食拼盤：有餃子、雞塊同埋薯角，雖然都係炸，但勝在即叫即炸，新鮮熱辣脆卜卜。野飲都唔錯，我杯梳打好清爽，有果香之外仲飲得出蜂蜜嘅清甜。柚子蜜好甜唔會落好少醬份量generous~~呢度有正餐食，而且有質素，價錢唔貴，人均都係百幾蚊，呢個價錢出面普通Cafe都要啦，更何況呢到仲有好多貓貓陪你食，性價比超高 ！！

國際抱貓日帶咗兩位小主子去搵貓星人。 各位鏟屎官 你今日抱抱你主子未啊？呢間餐廳有四十幾隻貓貓🐱，全部都好乾淨, 無異味。貓貓都唔驚人，任摸唔嬲 😍 有一隻全白色的， 肥嘟嘟軟綿綿 10分10分可愛 ❤️ 食物選擇都幾多，味道有驚喜～ 推介 carbonara 👍🏻貓星人都乖乖的任摸唔嬲。 貓貓的品種以後很多，灰色的白色的黃色的都有。 全部都很黏人。 😍食物方面，有很多適合小朋友的食品，carbonara 醬汁香濃， 有驚喜。 Pizza厚身，芝士多。 還有很多小朋友喜歡嘅飲品，例如凍朱古力配棉花糖， 凍 Oreo 朱古力脆脆。 小朋友們都自動自覺食得很開心 🥳

貓奴必到～ 凍飲 的杯蓋都用上貓貓形象，很有心思。 Oreo 朱古力脆脆雙重芝士新鮮水果沙律芝士竟然用了 貴價的Brie cheese , 加分！ 👏🏻👏🏻 水果也是價格比較貴的珍寶藍莓和士多啤梨非常清新可口。 玫瑰花茶可以另外加蜜糖。花茶味道清香，不是茶包，絕對有誠意。另外叫了豬鞍闊條麵豬鞍 厚切， 粉紅色的。 肉質爽嫩！ 朱古力心太軟 配朱古力雪糕 也不錯。 做到流心效果。 主角 ～～ 貓貓們 任映任摸， 乾淨企理。 。 呢隻最討人歡喜，甚至會主動走去同你玩

貓貓cafe😍😍好多貓貓呀，貓奴一定要去呀。餐廳雖然唔大，但係至少有十幾隻貓，好得意，不過記得一定一定要book位呀，因為真係好多人。佢冇入場費，限時2個鐘，都夠時間食同玩，d嘢食一啲都唔貴，甚至平過出面啲cafe，而且味道都幾好，所以我見有啲人上去淨係食嘢食完就走🤣餐廳有套餐，好抵食，不過我哋想食兩種唔同嘅意粉，所以散叫。溫泉蛋黃金芝士卡邦尼扁意粉好多汁，好濃郁，不過食多咗會覺得鹹咗少少，但係好味嘅。而三重芝士肉醬闊麵都好味好掛汁，芝士味濃。另外叫咗份小食，炸魚薯條，脆脆卜正。餐廳仲可以買貓糧喂啲貓貓，佢哋好醒，見有嘢食就會走埋嚟，好得意😎