Uncle 4 Bar (已結業)

大半年前曾經去過，早兩日同一個朋友咁啱經過走咗入去食野，結果......價錢無大改變，但份量少咗1/3以上......味道差咗好多，可能廚房好大機會換咗人......Service 極差，高級Cafe價錢，普通茶餐廳質素，值唔值就真係見仁見智；若果各位想親身感受一下"貼錢買難受"既話，可以一試．

同朋友叫左個set dinner,個薯仔沙律好好味喎, 而塊扒都唔錯o既, 朋友叫左杯Cappuccino, 味道唔掂!不過過左10點之後就好嘈~~

今日諗住同老婆食餐好，行過亞士里uncle4 貢左入去，食到真係好飽，因為食到一肚氣！同樓下個網友一樣，我地又係食食下比人趕。係我地差唔多要走，上飲品之前，突然有個男waitor 走埋黎，好無禮貌同我地講：，我話：，佢竟然話：。我當堂火都黎埋話，個條友當聽唔到，我即刻叫埋單。巨隊張單上泥時我同巨講我地無飲野，唔會比加一，巨竟然話唔得！結果我地吾肯郁，巨先死死地氣隊兩杯野飲上黎。我地慢慢飲埋杯野無比貼士先走。同樓下網友意見一樣，我地比成舊水一個人得到lee d 甘既服務，真係茶餐廳都不如。重有，如果個waitor態度好d，我都會考慮相就。講到好似欠左佢o甘，以後米駛再幫襯！

昨天收到一間餐廳電話,他們對我在OpenRice發表對關于他們羞勁服務的食評甚表關注. 可以見得OpenRice甚有江湖地位.我亦在此呼籲各位用真金白銀換來一肚氣的朋友多些在OpenRice 發表意見.Uncle 4 服務真係衰到無倫. 我想同大家分享一下我o既遭遇.話說有一日我同女友去咗幫襯. 去到侍應畀咗個大位我地. 一路都好地地. 當我地食緊個餐o既時候. 個侍應突然行埋o黎叫我地換張細o的o既檯. 因為當時o黎多咗三個客. 我當堂呆o左一陣.我以為自已去o左間收費廿蛉蚊o既地踎餐廳. 試問你收得我西餐廳o既價錢, 有乜理由為咗賺多少少錢, 叫個客留低個壞印象呢? 我唸多人起o黎佢分分鐘佢會叫你去搭檯.因為咁,我埋單淨係畀單上個價錢. 個侍應見狀知到我地不滿,即刻連多謝都無句,滿不在乎咁走o左. 是關佢唸住大把客,唔志在再做你生意.呢間野我以前都幫襯過幾次,幾次的服務都係咁. 去呢o的地方都係食埋的服務同氣氛,經過呢次之後,我地從此無再幫襯過. 當日"沙士"時, 呢間野又跪又嘶. 經濟一好返o的, 呢間野就故態復萌. 好小小就鬆毛鬆翼. 各位網友,唔想有我地咁o既遭遇就咪畀機會呢

兩個人去食野，dinner set ($78/$88)內容好豐富，包括有：Salad - 幾好味~Soup & Bread - 我要左忌廉湯，好濃好好味~Main Course - 我要左芝士焗生蠔伴牛仔骨(紅酒汁)，居然有兩大oyster，而且味道very good~! 牛仔骨好juicy，又係very good~! 配埋薯菜，飽哂~ 我朋友要左Uncle 4 生蠔雜扒餐，又係一大碟野食~Dessert - Mange Pudding，細細個，不過都已經好夠啦~最後仲有大大杯o既餐飲~ 如果肚餓，真係好推介去食呀~

今晚經過亞士厘道, 就入去呢一間食晚飯...order左一個caesar salad(最愛), 我男朋友叫左個set dinner, 係牛柳配鮑魚菇?(我都唔記得鮑魚乜野)個set dinner會跟湯, 包, 薯仔沙律同紅酒/餐茶, 湯冇乜味, 個main course都ok啦, 牛柳幾"lum", 不過煮熟d會好d, 因為好多血...個鮑魚菇定唔知乜野片啦, 味道好似沙甸魚, 重要係罐頭o個隻, 不過$78你估會俾真鮑魚你咩? 哈...咁我個caesar salad, 係配雞扒, $38都幾抵食喎... 而估唔到個雞扒都真係幾好味, 哈... 咁個salad一般啦, bacon同焗麵包都好少, 不過咁既價錢唔錯架喇...埋單$128 (連加一)

今日和同事到uncle4食午飯, 一個叫午餐, 一個叫焗飯, 一個叫炒飯, 一個叫焗法包.侍應落單抄得慢, 上菜一般慢. 我見隔離上了飯都未上餐湯. 叫了焗法包, 焗飯來了都仲未做好, 等了很久.焗法包終於來了(已經摧了兩次), 非常之熱. 可是沒有辦法食, 更休提她們沒有附上刀! 另一方的隔離叫了牛扒飯, 也沒有刀提供, 只是要求之下才取給該客人.之後我想要杯水, 這理應是一般可能提供的服務吧, 侍應竟細聲和我們說, 下什茶時間不會給水, 這會給她們麻煩, 帶著投訴的口吻說. 我想如果這杯水要收費還好.至於蒼蠅也不得不提, 多得有點嚇人, 大蒼蠅有兩大隻飛來去, 牆上也遍佈蚊子.

最令我唔喜歡的-- 如題. 人聲加上強勁音樂Background. 嘈到耳嗚. 唔多適宜情侶同傾密偈的地方; 叫了焗椰汁芋頭雞肉意大利面. 配搭聽落幾奇, But 幾好食. 特別係d 芋頭.

同個同事來尖咀做野，原本想去燒鳥食，點知佢因為門面關係點都唔肯去，見呢度有位，就近近地入來幫襯。以前都來過睇波，氣氛唔錯，幾好坐啤酒又平，都是一個好選擇。叫了星州炒一丁同大三巴炒飯，西湯是大路貨色；炒一丁濕過籠，不太油，炒乾一點就更好，普普通通；炒飯得個大碟，味道一般。埋單八十幾，唔算好貴，但打句問句都係去燒鳥食個串燒飯更佳。

昨晚同男友黎呢度食晚飯.叫左兩個set dinner(銀鱈魚+牛柳/ 焗生蠔+牛柳).一開始, 送上二人份量雜果薯仔沙律.幾新鮮.salad dressing同料的份量配合得幾好.其次羅宋湯(夠濃.用車厘茄煮的.我鍾意佢夠多椰菜)同餐飽(軟林林夠熱); 主菜方面.銀鱈魚煎得比較多油.不過魚質幾嫩滑.生蠔都可以.牛柳texture都好.不過似乎醃得咸左D;Iced Coffee幾香~!唔知點解佢地牆邊Decoration會用蜘蛛網(其實係灰色的棉醉)睇落唔好睇嘛.好似好多塵咁.服務唔錯.侍應都幾醒目.不過我地等左差唔多成20 mins 先有得食主菜囉.BTW,埋單時,佢地會主動話你聽,如用某張credit card埋單會有優惠. 其實呢樣野幾值得表揚下. 因為好少餐廳會咁主動講著數優惠俾食客知呢.

無唸過$78 的set dinner 會有如此出色！套餐選擇多，未食已吸引．　我叫了牛柳加銀雪魚配意粉，份量好夠，牛柳好'唸'，我朋友的牛仔骨都好'唸'，味道不錯！　而且個餐有沙律，餐湯，餐包，飲品同甜品送，真係好飽好飽！除左個湯之外，所有味道都不錯！　而餐飲仲可以叫紅酒，真係好底食！至於環境都幾舒服！不過張檯似乎殘舊d！　

四個人叫o左三個set dinner加一個焗什菜, 都食唔哂, 最好味係set dinner 其中o既牛仔柳(夠諗又入味), 用manhantan credit card 有9 折, 都係約$260.

第一次幫襯, 點知就舐野. 我食完出門口十五分鐘就肚痛, 要搵廁所去, 去完仲要即刻搭的士返屋企再再再去......仲嘔左一鑊......唔知係我個人問題定係碟野有問題.....唔講肚痾單野, 我覺得d野食都係麻麻. 蘿宋湯唔好味, 好多味精. 芝士吞拿魚石斑意大利麵味道一般貨色, 油太多, 好滯, 食左三份一就唔係幾想食.我諗我唔會再去

13/07/2003 20:30味道於水準之上;份量更多得很;環境亦算不錯,適合情侶(或正在追求人士);由於本人為非吸煙人士,不太喜歡冇非吸煙區!;價錢方面也很合理.P.S: 21:30前以Mannattan Card結帳有九折

food: 好味, 夠熱, 又大碟(兩個人叫左兩個焗飯同意粉)special: 餐飲可以配紅酒, o的紅酒又ok worservice: okcharges: $150 兩位