ULURU

營業中

休息中

獨特少見中西合壁ADB配搭🤩，大份好食抵食，值得回訪😻！・・・・・・・・・・・・・・・・・・・・＞配是日餐湯和餐包🍳 All Day Breakfast - Hope For Happiness HK$128＞煙三文魚牛油果波蛋🥑、雜菜田園沙律🥗、吉列炸蝦🍤、煙肉🥓、煎香草腸🌭、一口芝士雞🍗、港式雞蛋仔🍳、雜菌忌廉酥盒🍄・味道：所有食物都係水準之上，一口芝士雞嘅爆芝同雞油非常邪惡好食👅！雜菌忌廉酥盒好香雜菌蘑菇白汁味，配埋層層分明嘅酥盒同菇粒，濕潤濃郁，有驚喜！煙三文魚牛油果波蛋就係想像到嘅美味，三文魚油香十足，牛油果脂香足，水波蛋爆漿💥！・口感：煎炸嘢好香口酥脆，所有嘢食都各司其職，掂🫡🍳 All Day Breakfast - Hope For Freedom HK$138＞松露忌廉炒蛋🍳、雜菜田園沙律🥗、肉眼扒開邊三文治🥩、煙肉🥓、龍蝦汁海鮮酥盒🦞、日式螺肉🐡、港式雞蛋仔🍳、煎香草腸🌭・味道：同樣所有食物都係水準之上，值得一提個肉眼扒開邊三文治，肉濃包脆。港式雞蛋仔比較似係雞蛋糕，但好重蛋味👍🏻，外皮微微焦脆好香口！煙肉仲保留到ham嘅跟感同豬肉香，冇煎到成條黑色致癌物咁，已KO

同朋友仔慶祝生日嘅好地方！空間感大，坐位好闊落，以黑白為主題超靚！！寵物友善餐廳，當日仲見到柴犬喺店內🐶🥗柚子鮮蝦沙律 🍤超大份嘅沙律！落咗沙律醋香噴噴，食完好開胃！勁多柚子啊！蝦同沙律菜都好新鮮！🍝川味雞肉炒意粉 🍗味道有少少微辣，愈食愈滋味😆雞肉粒嫩滑，意粉彈牙！超大份意粉😂😂🐟日式西京燒比目魚扒 比目魚扒超級香！份量好足啊！仲有蔬菜伴碟～🍖慢煮羊膝伴野菌意大利飯 羊膝大大塊超多肉呀🤩 肉質軟腍好入味，一啲羊羶味都無！甜品：港式鴛鴦味麻糬窩夫🧇大大份啊！仲可以寫生日祝福語係旁邊！店員好好人咁比好多tips我😂 問定我想幾時上，準備好就上甜品同埋點蠟燭😹😹 港式奶茶味雪糕🍨勁大條 香蕉、朱古力金寶，原味窩夫🧇上面有大量港式鴦鴛味麻糬🍫🌺Uluru Rose Tea 勁大杯玫瑰花茶！超打卡able!💚Matcha Latte 三眼仔圖案！🤎Hazelnut Latte 柴犬圖案！超可愛嘅圖案！可以同店員講想要圖案～味道都唔會太甜

唔係第一次食，但今次淨係見到餐具就已經唔想食同嚇親，其實係洗咗定未洗？啲食物殘渣仲痴得好實，同埋沖嘢飲真係好慢好慢，飲品同食物一齊叫，但食物都就快食晒，飲品都未到，前後等咗差不多半個鐘，我仲以為漏單，當時係下午茶時間，其實得3，4枱客，又唔係大家同一時間叫飲品…不過其實每次嚟親食嘢，飲品都係要等好耐…食物係唔錯，如果唔係都唔會嚟咗幾次，但上面提到嘅真係開始令我卻步

開始放暑假，梗係要帶埋兩個仔女去食好西啦！今次嚟到位於灣仔嘅 URULU，好鍾意間餐廳係黑白主題，好型呀！主食可以加錢轉套餐，加 $28 就可以有是日餐湯 + 茶，是日餐湯係忌廉湯，仲會配埋多西一塊。另外就係可以加 $38 配是日餐湯 + 沙律 + 茶，沙律超開胃。前菜梗係食啲開開胃胃嘅嘢食，就係 #煙三文魚露筍卷，中間除咗露筍仲有沙律菜，包埋一齊好夾呀！仔女都話好好食！鍾意食串燒都要試埋 #蜜味沙嗲醬雞肉串燒，熱辣辣食好正呀！主食一叫咗 #白酒忌廉牛油煮青口配芝士多士，個汁超好味，芝士多士配個汁食都好夾好好味！主食二叫咗 #日式西京燒比目魚扒，鍾意食魚必定要試，西京燒真心正，個個都搶住食，想講連配菜嗰舊薯蓉都一樣好好食！主食三小朋友至愛 #京式烤鴨薄餅，真係好似食緊片皮鴨咁，有埋片皮鴨醬 + 京蔥，好搞笑又好味！至於甜品必試窩夫 #綠茶麻糬窩夫，切開一細片，連埋麻糬紅豆雪糕一齊食，口感100分，味道又唔會太甜，真係大人細路都食唔停。天氣太熱，餐茶梗係要叫凍飲 #凍檸茶 + #凍檸水，糖水份量自己加，甜度自己控制。另外仲加咗錢要杯特飲 LAVENDER DREAM，呢杯好香薰衣草 +

因網上報導餐廳開放下午時段俾學生溫書而認識呢間餐廳，所以行完書展就直接過去餐廳晚餐。餐廳環境比想像中大，白色牆上都有手繪畫，加上宮崎俊動畫背景音樂，環境氣氛一流。Order左卡邦尼意粉同蒲燒鰻魚櫻花蝦意大利飯，另加左$28要左沙律同凍檸茶卡邦尼意粉有溫泉蛋，非常多汁又掛汁，好好食，分量好足蒲燒鰻魚櫻花蝦意大利飯好食食物分量好足，本身仲想叫甜品，因為睇佢地社交平台甜品都好靚 好適合打卡📸但實在太飽，謂有下次再黎食先再叫甜品🍮

法式油封鴨腿肉忌廉汁意粉 $118小編係法國冇機會食到油封腿，咁啱見到就點黎試吓✨點知大有驚喜！鴨腿份量好足，不過味道有啲鹹，配忌廉意粉一齊食，可以中和味道。小編同朋友都覺得呢個油封腿絕對需要試吓😚 但係小編就唔建議自己揀食啦，因為忌廉意粉會太滯，兩個人一齊分享就啱啱好😋⭐️紐西蘭西冷牛扒 $158 西冷牛扒我哋點咗五成熟，肉質軟熟，配上醬汁令到味道更濃郁！份量多，性價比極高！絕對會為咗牛扒再嚟🤩Rose Tea +$28 嘢飲嚟到嘅時候真係靚到尖叫😆雖然個杯好大！但份量都唔少～仲有玫瑰花瓣組裝飾一攞到過嚟成張枱即刻充滿玫瑰花嘅味！飲品味道甜，反而有濃濃嘅玫瑰花香😍非常特別❤️Lychee and Rose Soda $18 荔枝味道唔係死甜，配上玫瑰花🌹好有驚喜！本身抱着「試吓啦」嘅心態叫杯嘢飲😂反而出嚟嘅效果係好fresh，唔會甜到漏👍🏻（呢杯影相就冇頭先嗰杯咁靚啦）整體味道好食，嘢飲唔錯。小編見到餐廳裏面都有人嗌咖啡及朱古力飲品 好似都好吸引！但由於環境有啲細，如果側邊啲人講嘢大聲，就會有啲嘈啦（因為樓底唔係好高）🥲但lunch呢個價錢嚟講 絕對值得去食❤️值得一提嘅係 職員好主動幫小

呢間打卡一流嘅餐廳 就响灣仔地鐵站附近，一入去就係條長長、鋼琴琴鍵嘅樓梯，已經忍唔住影影影🤭 入到去整間餐廳都係以黑白手繪圖畫做設計，而且仲係pet friendly添！我哋點咗兩個前菜，酥皮焗田螺 同 自家制墨西哥焗脆薄片Nachos 作為開胃小食。有酥皮包住田螺焗，一口size又超香脆！而nachos，有層厚厚嘅芝士鋪上面焗，佢當薯片咁食。我就狂點牛油果同cream cheese醬，正！另外嘅main course我地都top up咗沙律、餐湯加drink嘅set，好豐富！西班牙紅花海鮮意大利飯 份量超大，有鮮蝦同帶子，risotto 汁夠creamy。 紐西蘭西冷牛扒 我只係叫咗medium rare，因為家姐細妹都想share，肉質夠tender，火喉控制得幾好，肉汁都鎖住响入面。小朋友嘅重點就梗係甜品，兩個異口同聲都話要食waffle同雪糕。見到餐牌有新甜品，就試吓港式style嘅 奶茶味麻糬waffles ！旁邊有奶茶味雪糕，而窩夫上面鋪滿咗奶茶味麻糬，嘩，好有質感呀！配埋充滿蛋香嘅原味waffle，食得好滿足！打卡又點會無杯drink？呢杯 Signature drink

早兩日放假同老公拍拖👫，灣仔行街，見到餐廳裝修好特別，又咁啱有扒食，就膽粗粗去試吓。裝修特別，環境舒適，座位又唔會太迫。打開Menu原來有好多選擇。日式西京比目魚扒魚扒剪得剛剛好，唔會太乾，而且仲有我最鍾意食嘅薯蓉紐西蘭西冷牛扒老公至愛，生熟到啱啱好，而且配埋汁，非常美味Uluru Rose Tea見隔籬枱叫，好吸睛，所以自己都嗌一杯，唔係太甜，又有好香嘅玫瑰花🌹味，另外加埋果香，成杯嘢飲好FreshPopcorn Latte老公話飲啲特別嘢，就揀咗杯有爆谷🍿嘅咖啡，杯嘢飲真係好靚，而且咖啡味非常香Dream Wonderful食甜品係女人嘅天性，靚靚蘑菇外型，已經吸引眼球，而且裏面仲有草莓乳酪同果蓉🥰

成日都係社交平台見到好多人打卡，最常見係黑色衫甘去打卡，仲有D甜品超得意！食完覺得性價比超高！🍗慢煮羊膝伴野菌意大利飯羊膝係mega size~未見過甘大份，兩個人食呢個都飽左一半！羊膝不會酥，味道不錯。🍔和牛漢堡配薯條薯條係好大條，熱辣辣點茄汁真係好正。和牛漢堡都真材實料，厚身多汁、肉質鮮嫩。🗻富士芝櫻祭 丸久小山圓抹茶Tiramisu富士山既外型超可愛！！個 迷你鳥居造型 ⛩️又惟妙惟肖！以爲好睇吾好食？呢個甜品令我喜出望外，底層的抹茶味Tiramisu 茶味非常之濃郁，質感非常creamy。而周邊的Oreo 碎令層次更豐富。必叫！🍄Dream Wonderland蘑菇造型好精緻。成個蘑菇殼係白朱古力做成，但又超級薄喔！内餡有海綿蛋糕同草莓茸，酸酸地好開胃，加埋oreo好有咬口。超級推薦♥🍎Apple Crumble呢個又係不得了~~~首先$78呢個份量同造型係無得輸。味道方面更加取勝，杯入面有好多蘋果片，不會酸，配上奶茶雪糕同脆脆超有口感！好抵食！！🍹🌹Uluru Rose Tea真係有玫瑰碎花，顔色好鮮艷，不會太甜剛好，好適合打卡。餐廳仲有好多打卡位📸

過左灣仔同老友記聚餐，佢Book左間好有特色嘅餐廳，顏色係黑白相間的感覺很cool, 但進入後見到2枱都有主子陪食，因是寵物友善的餐廳，夠晒溫馨感覺，而牆上繪圖的買點，亦是打卡好地方。阿根廷紅蝦刺身配番茄莎莎多士，紅蝦刺身鮮甜大隻，配合脆口多士同埋洋蔥番茄粒，口感豐富。用煙三文魚卷包住了露旬，外柔內脆口感，咸香味十足，健康之選。日式西京燒比目魚扒，燒汁帶點甜，比目魚厚身且大塊，魚肉質很嫩滑，附上的薯蓉creamy, 我哋好快就清晒☺️。慢煮羊膝伴野菌意大利飯，喜歡食羊的老友點的，羊膝帶點羶味，很容易切開，煮得入味又夠淋，帶有香濃野菌味的意大利飯，軟硬適中亦好吃。食埋甜品先滿足，玫瑰奶凍配雪榚，奶凍帶有花香入口香滑，跟雪糕好夾。跟老友飲番杯冰凍啤酒🍻，食下傾下又過了一個愉快嘅晚上🌃。

這裏地點方便，從地鐵站一出大約5分鐘就到。因為又有得打卡，又聽朋友介紹呢間餐廳好特別，所以就選擇了這間餐廳慶祝屋企人生日。食物嘅味道賣相都不錯，屋企人最鍾意食個意粉😂😂而我就最鍾意食甜品😍😍

之前我地一家去左lee間特式嘅餐廳裝洪潢設計簡約，以黑白為主題一踏入餐廳就見到鋼琴琴鍵嘅樓梯牆壁全人手繪圖。🔸酥皮焗田螺酥皮鬆脆又有牛油味，裏面嘅田螺厚肉軟淋，口感得意，一口一啖。🔸京式烤鴨薄餅 真係估唔到北京烤鴨同芝士🧀pizza🍕會甘夾👍🏻鴨肉肉質鮮嫩肥美，配上香甜嘅秘製烤鴨醬同芝士，口感豐富。🔸慢煮羊膝伴野菌意大利飯賣相一流，慢煮羊膝非常極之軟腍，肉味清香帶甜，羊羶味唔會好重，意大利飯軟硬適中仲帶有香濃野菌味添。🔸日式西京燒比目魚扒份量比想象中大份，厚身比目魚魚質嫩白，肉質嫩滑，西京燒汁口感帶甜，薯蓉量十足。今次叫左2款甜品「富士芝櫻祭 - 丸久小山園抹茶 Tiramisu」外型好精緻又好靚，抹茶味濃郁用上日本小山園綠茶，Mascarpone意式軟芝士，又好香滑。Tiramisu

會留意呢間餐廳，係因為老闆真係好有愛知道學生可能冇地方溫書，唔單止借餐廳出嚟變自修室，仲送埋甜品同飲品，為DSE學生打打氣💪終於搵到日子，去小店支持吓Lisa媽係甜品控🤭🤭《嚕嚕米-森の家》真係要大推呢粒蘑菇好靚呀❤️外層係用咗自家製朱古力皮，甜度適中，包住入面嘅草莓乳酪同草莓果蓉又食得，又睇得🥳打卡一流呢度d staff 係高水準又helpful主動換碟、推介產品有咩好食其實香港都有好多小店有好嘅服務🏆一定要繼續支持💪💪可惜Lisa 黎唔到😮‍💨下次一定要再黎過呀❤️❤️

家庭聚餐，嚟到呢間灣仔區嘅特色Cafe，店鋪採用大面積嘅黑白色調圖案鋪陳，營造出簡約時尚嘅視覺效果，空間寬敞明亮感覺格外舒適，處處都係打卡點！🐶卡通拉花latte咖啡味香濃醇厚，泡沫有奶香，甜甜地，柴犬嘅拉花睇落充滿少女心，好得意，打卡一流！牛油香煎原條龍脷柳魚柳外皮煎到金黃色，非常香脆，配搭有濃郁奶香嘅醬汁，清新可口。泰式燒鹹豬手大大件豬手肉質紮實，表層帶焦香，咬下去皮脆肉嫩，配搭甜甜地又微辣嘅泰式醬，酸甜鹹香交織，完美搭配😍京式烤鴨薄餅鴨肉薄片鋪在脆脆嘅餅皮上，食到有京蔥，醬汁甜甜地，估唔到中西合璧會咁夾。卡邦尼意粉超濃郁奶香和芝士🧀️，加上流淌嘅溫泉蛋，入口juicy！海鮮冬陰功年糕年糕Q彈有嚼勁，湯頭帶微辣帶酸，泰式風味，回甘十足！

約左好耐無見朋友，在openrice 簡左好耐，决定來這店食午餐，真係冇簡錯👍午餐大大份，連甜品都食唔落，好好食😋唔趕客，服務好，環境好靚，厕所乾淨，會再來食晚餐，甜品及介绍朋友。