Twinkle Baker Decor (MOSTown新港城中心(4期)) (已搬遷) 新店位置

網上預訂生日蛋糕～MILO®髒髒龍$388馬鞍山新開蛋糕店， 知道此店出品蛋糕好得意， 於是預訂了蛋糕， 試試味道如何。晚上收工去取， 服務員交帶蛋糕如即食可以不放入雪櫃。MILO®髒髒龍蛋糕造型可愛， 糖牌恐龍。蛋糕外皮黃色的又是糖膠？ 用它們的膠刀一切就裂開。後改用家中廚刀切才冇事。白色的泡沫質感好怪如膠。😒但MILO波波林哂，好林及濕，唔脆口。朱古力蛋糕不太甜，還可以。😒但黃色，白色糖膠皮真的好難食，黏糊糊的，MILO波波又林哂。好像食膠咁以$388一個蛋糕，價錢來說，超唔值。👎食完有些失望， 名過於實。😔

大家睇相係咪以為真係有個巨型西多士呢🤣 咁又唔洗咁快流哂口水住，當你知道係最近twinklebaker用上英國皇室茶品品Twinings 而推出嘅一系列港式小食造型蛋糕，真係要即刻攞返部相機出嚟影返幾張先好食😙-「Grand西多」($388)外層用上泡芙去打造麵包嘅質感，原味吉士扮牛油，面層嘅西多醬竟然係奶茶味鏡面，真係夠哂逼真😍 入面有多層layers，最頂層係原味牛油忌廉，下面即係奶茶慕絲包住海綿蛋糕以及奶茶啫喱。口感味道非常有層次，而且茶香都多突出，唔會過甜過膩，而且味道同造型配搭幾有驚喜✨*「芝士格格」($48)上面放左個mini 窩夫，而蛋糕係用上Twinings breakfast tea嘅茶味焗芝士蛋糕。質感厚身濕潤，芝士味超濃郁，鹹香突出🧀

之前見到富士山蛋糕都好特別好想試但一直未有機會今次行過馬鞍山新開，見到好有little twins star嘅感覺，就買黎試下。外層3粒星星加望似奶蓋的外形，實情係外層厚實cream，入面海棉蛋糕加上朱古力脆。粉紅少女心影相一流！厚實cream而家代替糖膠非常好，上面有啲粒粒食嘅時候要小心碌哂出黎，味道甜甜，海綿蛋糕驚喜格仔紋，雖然分唔到味道，但視覺效果一流，加上朱古力脆脆，口感增加。小公主生日或港女打卡推薦

Twinkle Baker Decor 終於開到嚟馬鞍山喇，以往想食最近都要去到沙田新城市先買得到，今日終於等到喇。😍蛋糕款式都幾多，而且整得幾精緻，見到有新產品，當然要買個返屋企食啦。🥰皇室星級夾餅 ($288) : 將茶味蛋糕製成窩夫形狀，再配上脆口杏仁碎同濃郁嘅花生醬作為上層，蛋糕周圍就用咗牛油忌廉同朱古力營造出滿瀉嘅效果，而內裏就係茶味芝士蛋糕，食落口感細膩柔滑，自己覺得味道有啲似伯爵茶，估唔到一件蛋糕都可以食出咁多種元素，簡直媲美一件藝術品。🥰

家中嘅摯愛生日，想買一個與別不同嘅蛋糕，同家人好好慶祝。咁岩見到馬鞍山新開呢間餅店，入去睇吓，見到所有蛋糕嘅設計、味道，和包裝都非常有心思及獨一無二，所以就揀咗一個蛋糕，來一個難忘嘅生日派對。蛋糕店嘅職員細心又友係，好詳細同我介紹唔同嘅蛋糕嘅特點和口味，因為家中有小朋友，所以店員推介左櫻花樹下呢款以桃味為主嘅蛋糕。蛋糕以粉紅色做主調，外面有桃味嘅慕絲，中間夾有海綿蛋糕，新鮮嘅桃肉，以及忌廉。每一層都有唔同嘅材料，淨係睇外型都已經好吸引呢。蛋糕上面有棉花糖、朱古力、裝飾得非常可愛，所以家人一見到，都十分驚喜和開心。蛋糕嘅味道唔算太甜，粉紅色嘅慕絲口感做得唔錯，又滑又有桃味，海棉蛋糕質感也很好。最重要嘅係，蛋糕入邊真係有好多桃肉。賣相一百分，大家影相瘋狂拍照，味道又好食，成就左一個開心嘅生日派對，你間蛋糕店下次真係可以encore呢！

馬鞍山這間蛋糕店的蛋糕全部都非常可愛，造型十分吸引，小朋友和大人都很喜歡。最後讓小朋友自己選擇蛋糕，她們選擇了比比款的蛋糕，$368一個。漢堡造型配上比比的貓咪臉，可愛到叫人捨不得咬下！漢堡包由芒果芝士慕絲夾住原味牛油蛋糕組成，草莓啫喱酸甜而略帶煙韌口感，似足蕃茄片！原味牛油忌廉偽裝成生菜等漢堡配料，配上芝士形狀的芒果吉士奶凍，再加上重頭戲「漢堡扒」—香烤杏仁朱古力曲奇，多重口感與滋味，如同真漢堡般豐富！它們有太多款蛋糕，下次一定會再買。