Twinkle Baker Decor (已結業)

Twinkle Baker Decor主打精緻西式糕點，以獨特創新元素融入蛋糕之中，款款賣相吸睛和打卡able！更會不定期推出新款蛋糕，賣相一流，創意滿瀉，絕對IGable！富士山下 6吋 ($368)富士山造型可愛曯目，尤其吸引眼球，使人賞心悅目。切開蛋糕可看到白朱古力慕絲包裹著士多啤梨流心和紅寶石朱古力脆珠，入口酸酸甜甜，脆珠增添口感，甜度剛好，不會太甜太膩。底層是抹茶牛油蛋糕，抹茶味道濃郁突出，啖啖回甘。

「紳父哂你」父親節蛋糕🎂大家父親節點慶祝喔？💕我就食左Twinkle Baker Decor的靚靚蛋糕。造型是正方形的，穿黑色西裝衣服帶上煲呔，就像爸爸英俊瀟灑的身影，十分可愛。蛋糕味道好豐富，有多層口味，每一個顏色代表一種味，色彩很繽紛，十分吸引，就像爸爸一樣外冷內熱。最外面的黑色西裝衣服是72%朱古力慕絲，最岩爸爸口味，比較濃烈的。紅色個層是士多啤梨朱古力薄脆，藍色是藍莓果醬，黃色原味牛油蛋糕。這些口味酸酸甜甜的，so sweet, 食到水果香味，蛋糕都十分鬆軟，買一個蛋糕就照顧到各屋企不同成員，一次過可以滿足所有人的口味👍🏻正

話説我係最近新聞有報嘅三文治中毒群組嘅一員😭，週末原本安排咗滿滿節目，都不得不取消，唉。不過朋友生日，我連蛋糕都訂埋，生日無得改期嘛。我喺APM嘅Twinkle Baker Docor訂咗個蛋糕🎂，去到同店員對返電話號碼，好快就有得拎了！原來預訂咗嘅蛋糕係一早收埋好，而唔係Display嗰個，感覺非常好。我之前食過一次呢到嘅蛋糕，就被佢嘅造型深深吸引住😍！我相信除咗我依類港孩同港女外，就連男仔或者老人家都會鍾意佢嘅蛋糕。因為造型精美，唔係淨係得好多花花、好粉紅嗰啲，而係各式各樣都有，例如富士山同扭蛋機等！價錢我認為都OK，畢竟造型蛋糕都唔會平得去邊嘛。加上我前排見到IG廣告先訂，買滿$300就有85折，基本上原個蛋糕一定夠價格門檻😜。不過唔知優惠做完未呢。福滿小壽桃🍑($368)，5吋，我買呢個係因為佢係Twinkle最經典嗰款造型蛋糕。壽包造型維肖維妙，特別係個點心籠呢！真係好鬼像真。就算病到死死下嘅我，都忍唔住要試下個「籠」嘅味道，因為出於好奇。我以為係啲好硬嘅糖膠，點知係朱古力🍫嚟㗎，仲要唔係難食嗰種。至於再剖腹蛋糕中心，就見到係普通嘅海綿蛋糕，有啲香桃果餡同士多啤梨肉🍓，不過唔

今日公司有同事請食散水餅，佢係APM嘅 Twinkle Barker訂左幾盒好精緻嘅cupcake🧁，嘩，蛋糕送到黎公司個個見倒咁鬼靚，排住隊幫蛋糕影番張沙龍啦🤣。 其實大多數咁靚嘅cupcake一般都係得個靚字，其實鬼咁甜，所以我揀咗一件檸檬味嘅🧁，希望酸酸地可以平衡番個甜度🤣，結果上面個舊類似cream嘅嘢都實在太甜，哈哈，最終都係要撇左舊cream先食倒😬

之前已經吃過這家的港式味道系列Cupcakes，每款蛋糕口味獨特，味道不會膩，賣相精緻，造型非常吸引。適逢家人生日，那不如訂購這家的大蛋糕吧。見過宣傳單張的新品，早已預購了。店員拿出來給我們時，我們都傻了眼又嘩然，很美的一部糖果扭蛋機，像真度極高，幾可亂真。七彩繽紛的糖果機蛋糕，不捨得吃呢，大家不禁先用手機拍照拍過夠，在解剖前先留念這個美美的藝術品。除了上面透明圓形的樽子外，整個都是可食用的。裡面有很多迷你珍寶珠，那灰色扭蛋部份也是朱古力製作而成。蛋糕分成幾層：紅莓乾牛油蛋糕、藍莓夾心、吉士醬，雲尼拿味較突出。內有果乾，口感煙韌。藍莓夾心帶點酸，中和甜味。看似細細個的圓形蛋糕，足夠4-5個人分享，因蛋糕質感綿密緊緻，跟紐約芝士蛋糕差不多結實，而非戚風蛋糕那鬆軟，每人分點來吃十分飽肚。

呢間野成日都經過見住佢越開越多佢個賣相真係攞滿分次次經過都吸引我去睇但次次都冇買今次我真係忍唔住手蛋糕又未有人生日唯有再忍住手先點知比我見到佢有cup cake即時有藉口買蛋糕食佢啲cupcake好得意 而且有好多唔同嘅味 味道好特別好新奇好有港式嘅味道港式奶茶 凍檸茶 紅豆冰 奶醬多 好立克鹹檸七 阿華田 鴛鴦 凍檸賓 熱檸香蜜 可樂煲薑 龍鳳檸樂 熱咖啡 菠蘿油杏仁露 芝麻糊 樣樣個賣相同個名都有特色完全中西合璧西式嘅蛋糕配中式嘅味道同名

之前經過呢間鋪頭幾次已經覺得佢地嘅蛋糕好靚，今日就買左一個返去試下。我就要左一個幸福果子嘅蛋糕，個外型相當精緻同埋好靚，亦都好色彩繽紛，而且唔容易溶。size唔算好大，如果係3-4個人食嘅話應該已經好足夠。一切開個蛋糕更加有驚喜，原來中間嘅部分係有好多粒心型嘅朱古力，我切嘅時候仲猶疑緊點解中間會咁硬，原來係因為咁。個蛋糕嘅朱古力味好濃郁，再配埋外面嘅個層朱古力就更加正。而個蛋糕嘅甜度都適中，唔會話太甜，食完之後亦都唔會覺得膩，真係又好睇又好食。

慶祝朋友生日，因為我一直好想試chocolate mousse cake, 所以自投羅網負責訂蛋糕，好在個蛋糕出黎個效果靚同埋受歡迎。我係三個工作日前用whatapp 訂的，很方便。 呢個足足有三層高的胡桃夾子園，朱古力慕絲蛋糕內層放入香蕉肉與焦糖忌廉軟心，所以一口食落好軟熟香滑，外層又有海鹽焦糖脆珠，口感十分豐富具特色。最頂層既Cupcake我都試左少少，很結實又有香濃既朱古力味。Cupcake下的兩層蛋糕都不含酒精，岩哂開party既小朋友。總結而言，呢度既whole cake 睇得又好食，Christmas party加返個vake真係帶來好多歡樂。

朋友就嚟離開香港，提早慶祝聖誕，決定買個聖誕蛋糕慶祝！呢間蛋糕係第一次食，蛋糕嘅款式真係好靚😍最後決定一試呢間！白雪冰林（$438）裝飾真係靚到不得了有薑餅人，又有樹同小蘑菇😍勁有冬日氣氛啊！而個蛋糕係牛油蛋糕，中間夾住雜莓慕絲，同紅桑子醬，混雜出多重酸酸甜甜，好食！蛋糕旁邊係椰絲，食得又睇得呢～最驚喜係聖誕樹幹～係士多啤梨乳酪慕絲😍仲要食落唔係好甜！朋友們都超喜歡呢個蛋糕，影左好多張相😍重點係睇得又食得！下次會再考慮呢間😃

又差不多到聖誕的日子 開始多大大小小不同的聚會今晚就去和幾個姊妹見面 去之前經過這一間店舖 看見很多很可愛的cup cake 就買兩個一齊share啦 ！選了甜酒咖啡杯和冰雪聖誕樹 ,各 $52外型超級可愛 充滿聖誕氣氛 甜酒咖啡杯是朱古力味道再加上一支用飲管包着的甜酒 吃的時候用tube把甜酒加在在蛋糕中吃下去有一些酒香 令到成個蛋糕的味道提升 甜甜的超級好吃朱古力聖誕樹則是充滿着紅桑子味道 吃下去不太甜 再配上mousse , 非常清新的一道食品這兩個cup cake 為聚會添加了一個美好的甜品環節呢 ！

上星期六開首個聖誕派對，我們首次吃Twinkle Baker Décor聖誕限定的Christmas Empire 三款蛋糕，造型漂亮，色彩繽紛，蛋糕主題分別是「胡桃夾子園💂🏻‍」，「白雪冰林❄」及「糖果王國🍬」。蛋糕一出場，吸引各大小朋友拍照，蛋糕不甜不漏，鬆軟美味😋！今個聖誕有優惠：2019年12月18日或之前嚟Twinkle Baker Décor分店或網店購買聖誕系列原個蛋糕，可享早鳥優惠9折， VIP會員更享早鳥優惠88折🐣！仲有，凡購買任何產品滿$350，即送你「2020年扮Friend座檯月曆📅」一個**！比比、阿福、事頭婆同堅叔全年陪住你😘！ 相關連結：http://bit.ly/33X2zI4

今日同事生日，lunchtime時間去左觀塘買生日蛋糕，同朋友激烈討論後，我地去左Twinkle Baker Décor，門口既Cupcake公仔幾得意。之前對Twinkle Baker Décor既認知都只係Cupcake，因為之前同事買過Twinkle既Cupcake作為散水餅。玻璃櫃入面有多款港式味道Cupcake，甚至用上港式茶餐廳獨有既紙杯作為器具。回歸正傳，我地揀左胡桃夾子園蛋糕，蛋糕總共三層，最上層係朱古力Cupcake，更配上滴管，入面係Bailey Chocolate Luxe，加上酒精令Cupcake整體冇咁膩。下兩層主要係朱古力慕絲，口感幼滑，食到中間更發現香蕉肉，整體偏甜。

適逢今天是媽媽的生日，今年決定嘗試一下Twinkle Baker Decor 的蛋糕。 Twinkle Baker Decor 在apm 一田百貨入口的隔離，十分方便。當天我們大概下午四時到達餅店，看見櫥窗裏所有的蛋糕都十分精緻，賣相很漂亮。我們最後選擇了賣相吸引又有聖誕氣氛的糖果王國！這個12月應有優惠價，原價$438，我們能以優惠價$394買到！這個糖果王國其實是一個士多啤梨乳酪慕絲牛油蛋糕，上面擺放了很多糖果，例如有是的糖、馬卡龍、棉花糖、星星朱古力等等，非常適合一家大細一起吃。蛋糕中間鋪上了口感紮實而鮮甜的士多啤梨果肉，而最底層的則是牛油蛋糕，酸酸甜甜的很清新，Cream也是十分細膩。我們一家四口一起分享這個蛋糕，分量剛剛好， 十分好吃，極度推介。

綠野仙跡 $48呢款蛋糕造型好似一盤盤裁咁上面放有好可愛既仙人掌朱古力🌵，並淋上黑朱古力淋醬，其實佢係綠茶慕絲蛋糕黎嫁，綠茶味道好甘香濃郁，而且好Creamy，中間加有綠茶薄脆，配搭黑朱古力淋醬味道幾夾，層次亦更豐富玫瑰蜜語 $48浪漫既玫瑰香氣，呢款蛋糕以蜂蜜做主題🍯，上面有朱古力馬卡龍同蜜糖滴管🌼，蛋糕外層係牛奶蜜糖慕絲，包住玫瑰軟心慕絲夾心，一入口就有滿滿玫瑰既清香🌹，配搭蜂蜜清爽不甜膩。

近排見apm LG樓層新開左一間蛋糕店，所以就行過去望下有咩特別！一落電梯左轉第一間就係架啦！眼見蛋糕款式都不錯！外貌幾吸引！尤其是綠野仙蹤蛋糕！都幾特別！而且蛋糕細細個！啱晒小家庭去選購！而家選購原個蛋糕，打咭就有85折！要買就記得打咭啦！另外，店舖仲有14款cup cake供選擇！但外表無蛋糕咁吸引！味道都係一般！唔太特別！不過cup cake 而家都做緊優惠，買5送1，都可以一試！除cup cake外，呢間店仲有細件嘅西餅，外表都幾靚架！不過就好似有少少甜！鐘意食甜嘅就啱晒！