Triple O's by White Spot (太古廣場二座)

營業中

休息中

其實去過呢間幾次了. 每次都係因為唔想食canteen的lunch, 而黎呢度食.先前, 同事話呢度d野好大份, 我都唔多信. 甚至見到個樣時, 都覺得唔食好大je....不過食落, 真係會好飽的~由於幾乎次次都係2個人去食, 得去個女仔, 2份實食唔哂. 於是就會叫一個Mushroom Burger Combo + Strawberry Milkshake. 2人share, 夠飽的~個包真係好食. 好食過一般fastfood shop. 唔係完全靠d茄汁, 而係d肉真係有肉汁. 上面塊酸瓜又大又好味, 次次都俾我食左. 奶昔方面, 稍為水準有少少唔穩定. 有時會濃味/多果肉d, 有時則差少少. 不過都好好.薯條呢, 係唔同食法囉. 唔好expect好似幼薯條一樣脆, 因為佢其實係薯角咁粗的. 食哂呢d野, 好飽~係就係貴d, 但間唔中去食下, 好開心~ 不過lunch時間好多人, 一個去買野, 一個等位就差唔多~

+ CHESSE $10 + ionon 又$5...不過個包好好食...but薯條就唔脆...64一個餐..唔可以話平..不詔夠2個人食

上月和媽試了這裡的漢堡包, 媽要了Original Burger Combo, 加$20轉blueberry milkshake. 由於跟餐已有一大杯粗薯條, D包size又不細, 所以我只要了個Chicken Club burger (chicken breast + bacon + cheese)$39, 其實我唔想食雞胸, 只想吃煙肉, 芝士, 蘑菇等等…點知媽去買包時, 職員說BC burger和Mushroom burger都有牛肉, 媽問那款有煙肉, 沒牛肉, 個職員就介紹了這款在menu紙上沒有的口味…. 可惜媽落左order才拿menu紙給我看, 想轉其他輕型D的包都不可以了! 焗吃這個大雞包!! (原來下晝都可order Breakfast Menu下的款式架!) 先說我的Chicken Club burger, 內有一大件厚雞胸, 兩片脆煙肉和一些melted cheese, 可能我本身唔鐘意食雞胸, 雖然大大件, 但只覺好乾同'嚡', 肉唔夠熱本身又沒什麼味, 只靠表面少少汁, 好彩有D煙肉同melted cheese混在一起, 我才可以勉强吃下去, 都食唔晒,

BC: 煙肉好香脆,加埋芝士好濃味,好美國呀!Mushroom: 好香蘑菇味,就算d醬汁&牛肉好重味都唔會遮左蘑菇味,勁好味呀.由於個包太好食啦,所以成個食哂,搞到本應都好好味薯條都食唔落喇~ 味道好,份量大,服務好,所以$59一個餐都合理.但係轉milk shake要加$20我真係唔捨得喇.

同一男一人一個meal我食雞佢食牛大大的飽+厚厚的肉+濃濃的肉汁+脆脆的菜+粗粗的薯條....wah....真係唔過百五磅ge人都未必食得哂.....味道的確好有水準拍得住外國出名的burger而且無乜調味除左好有鮮味,食落又好似健康d咁喎身為鎮店之寶的薯條就唔駛我多講啦今次我地另外order左個source不過發覺不大夾都係點ketchup好d唔知係咪飽得滯我男友食完第朝勁嘔........唉....side料

我享加拿大既時候都好鍾意佢地D Burger. 特別係個醬汁, 但係香港分店無論係雞肉同個汁都差得多!

這周帶住兩個唔同原因,唔同心情.去到金鐘Great的Triple O.六四當日,老銅一定無啖好食,在金鐘搞掂.速食首選,點都係Triple O.BC burger,漢堡扒100%牛,肉質很Juicy.Made to order已是信心保証.一分錢一分貨嘛.比多少少,總好過你去老麥,將Scum食落肚.毋忘六四,人民不會忘記,昔日百萬人齊叫打到鄧李楊的口號,到今日得番四萬幾人,在維園點著蠟燭,悼念十七年前為國捐軀的烈士.阿Q諗法,都坐滿一個晏菲路球場.但願有生之年,可見得到平反,一個連自己的錯失也不去承認,有什麼資格去批評日本政府竄改二戰的歷史?-------------------------------------------------將近三十度的高溫下,友人在紅綿道情定終生.當新娘子將花球一拋,搶到手的,竟然是小弟.......事後與眾姊妹下午茶,地點又係我諗.得我一個雄性動物,唔係我諗,邊個諗?有人想淨飲,有人餓到就死.唔洗諗,都係Triple O,成身汗味,都係唔上香格里拉.今次到Mushroom,都係牛.唔使講,都係好吃.其他姊妹,全部第一次來,未吃過如此巨形的漢堡包.有人索

一去港島,都會想起lee度一試難忘, 一定要去試下

(4/6)約了人去了此店，叫了個burger cheese combo，原想叫mushroom burger combo，要等。大片的漢堡牛肉，底層的煙肉，蕃茄生菜酸瓜繼續有，整份是很大件，不能完成賽道。味道是不錯，勝過那美式連鎖西餐廳或甚至街牌xx勞，牛肉的肉汁很多，很鬆，煙肉很香脆，而個包身很鬆軟，喜歡吃快餐，真的要試試。炸薯條是粗條的，喜歡吃粗條多過幼，不錯。今晚約的人仍然沒有遲到，準時到達了這麼多年頭。年復年間，繼續見面。那約會是不願意去，但命中註定這約會是要繼續。

今日上完山頂再行番落去pacific place...記得有呢間食juicy hamburger 既餐廳...一於同老公試試..佢叫左個bacon and cheese (BC) burger combo set...加左八蚊轉橙汁....我就要左個磨菇burger...再加blueberry milkshake...嘩..如果比較杯milkshake $32..個包其實唔太貴! 先講個包...我地見到個包咁大都有啲怕食唔哂...但實在太好食...啲料好足...同埋唔太一般既burger 咁油....又好多菜夾埋...咁可以令到個包健康啲! 個杯milkshake..好似雪糕咁....好濃郁! 仲有杯薯條點埋啲醋又有一番風味....唔錯唔錯....!

念念不忘，星期六同老婆再來食過。Lunch time好多人，等左一陣至有位坐低。除左Mushroom Burger combo($59)係必叫之外，加多個BC Burger combo($59)(即係beacon & cheese)，另外加$20試埋milkshake(原本想要藍莓，不過話無，結果試左士多啤梨milkshake)。又等左陣至有得食。大大個包，睇見已經相當興奮。醬汁勁多，食BC Burger 的時候更因為整穿左張紙而搞到漏汁，食到好狼狽，嘴角同手都沾滿醬汁，失禮死(不過我見到後面檯有個男人食到塊面都有醬汁，而佢重好似唔知添，嘻嘻)！Mushroom Burger仍然好正，BC Burger亦唔錯，煙肉夠多亦香，不過相對上都係鍾意Mushroom Burger多些。原本諗要加$20至有milkshake都幾貴，不過睇住佢整，用料唔慳，飲落幾杰又夠香滑，物有所值。又係比起麥記高幾班。

This burger looks small, but is so huge.. fill with stuffing. very tasty and very juicy ! but really is a bit expensive

點解黎食?上圖既呢句招牌slogan就係答案但係呢句slogan既答案就唔容易搵喇蘇絲黃話宜家世上只係食triple o既burger都有佢既道理我就一路食一路鬧「黐線架」「變態呀咁好食既」好彩無叫出聲唔係人地又同我拍片就大件事要左bacon and cheese (BC) burger combo個包有我兩個拳頭加埋咁大真係超多汁張包紙食食下穿左勁漏汁攪到好狼狽麵包脆得黎又唔實每一啖包都充滿煙肉、漢堡扒同菜即叫即整既朱古力milkshake真係睇住佢整都已經勁開心超濃既朱古力奶味但係又打得勁幼滑薯條都係即叫即炸加五蚊先可以配牛肉汁今次唔試住熱氣?唔健康?點都唔夠我家下既生活同情緒唔健康喇掛?講返上圖既問題要做到日日進步真係唔容易日日有新意就更難不過作為一個短期既目標日日有尐新刺激都唔錯喎So, what will you do today to make a difference?題外話明白不明白依我看其實在乎有沒有一個你願意讓他明白的人但如果覺得有的話請主動點make a difference祝早日找到唔明?你就係咁難明架啦

之前聽吳君如個節目話呢度既包好味！今日去開金鐘咪試下lor！真係好好味！好juicy！個包好大個，食完真係好飽！好滿足！這裏的服務也不錯，雖然是快餐，但個侍應亦主動行埋黎睇下我張單，驚死我miss左唔記得攞包！幾好！

今日過海,前幾日睇電視見呀蘇話呢度d包好食,就順便黎左試做午餐叫左個BC burger combo,我唔知個包有d乜,我驚自己一個人食mushroom果個包d菇會飛晒出黎,到時我就食得好狼狽...等左一陣,又等下位,有得食喇,都幾貼心既,知有d人唔食酸瓜就將塊瓜擺出黎~個包好大呀,我覺得我自己好大食,都食唔晒個包囉...我好欣賞個包,好juicy,同埋塊煙肉唔太鹹,事關我好怕食鹹野, 薯條我都係死撐咁試左1條下次再試下其他先