TORIO喫茶部 (已結業)

想在 1hr 的lunch time 裡食得休閒一點，所以搵一搵見到呢間裡面既環境好靚好舒服，所以與同事黎試一下，relax 一下，下午再回office 繼續拼博😝menu 種類不算多，啱曬選擇困難症既我。但飲品種類很多的。set A : 招牌青蘋果紅茶咖哩飯配牛肋肉 $78賣相好靚，牛肋肉炆得好唸好入味，咖哩汁偏甜，係我最鐘意既日本咖哩味道哦❤️ 沙律菜很多，哈密瓜及南瓜容都好好味，菜及肉都好均衡，好健康呢😆 份量好多，食到好飽呀！糖漬柳橙紅茶 $8 (跟餐價）紅茶配鮮橙估唔到咁好飲，而且唔太甜，好有驚喜呀！要自己去cashier 落order, 食物會由侍應親自送上，免收加一。環境及食物質數很不錯呢，下次帶朋友黎食先！

同朋友晚上想搵個地方靜靜地又好食又唔算太貴, 揀咗呢間. 貪佢夠近公司, 行過去就係. 晏晝打去book3位. 晚上7點準時入座. 朋友遲咗10分鐘到, 原來大廈7點正門就落閘, 係入面既人都唔可以係正門出去.朋友要兜去美興B座車場上. 有少少不知所惜, 不過都OK既, 入到好環境都好好, 坐得舒服. 唔嘈吵. 朋友叫咗個鰻魚飯，超長超大條！非常美味！呢個potion去銅鑼食起碼$180，但呢度$118就食到啦！我個帶子菠菜都好好味！想食好少少，靜少少嘅朋友，呢間係不錯選擇！

觀塘區一間走文青路線的cafe小店！是次來店是一嚐水果pancake塔的！cafe 環境裝修都靚，厄like一流，放了一些木制枱櫈帶d懷舊感，坐位疏化也舒適！可能是這區cafe選擇多所以店內意外的未見人潮！由於lunch時間還未過，故點選了一客鰻魚飯set！set 唔貴有跟湯面包更可以加38配芝士薯條或加飲品！當然不少得要叫主角 - 水果pancake 塔賀朋友生日！ set 既鰻魚飯不過不失只略嫌亁身唔夠多汁！芝士薯條不錯的芝士味焗出黎竹夠香都幾野味，要贊一下裝著茶的水壺和柸子好華麗，令我地頓變女神！重點來了 - 水果pancake塔，個人認為口感有別於一般食開淋身的這種，這個比較厚實及有飽肚感，整體尙算不錯不太甜而水果都是新鮮的！有生日提字服務當然加分：）

食物質素 7/10同朋友去觀塘搵食，本來一心黎食佢個pancake，點知原來要tea time先有，咁我地唯有食佢個lunch set！尼度既野食種類都比較少，如果再多啲就好饅魚飯饅魚質地軟滑，飯既份量適中！尼個飯仲會配多個沙律同一杯紅茶。我比較欣賞佢個沙津，除左有啲生果之外，仲有一舊好軟滑既薯蓉，係用心之作！巴馬臣火腿牛油果奶油意粉意粉既份量太少，食完有啲唔夠喉咁，如果加大番少少份量就好啦！尼個餐同樣會跟個沙律同一杯紅茶，朋友都話個沙律好正！環境衛生 8/10座位唔算多，但我地去既時候無咩人。尼度既裝修好文青風，岩曬要影文青相既人去！服務質素 7/10因為人手比較少，我地要自己去到cashier度落單，同時係要比左錢先。不過店員上茶既速度都好快

同樣係第二次幫襯，今次同另一個朋友黎話就話第二次黎，但係都真係仲未認得路點黎下次要記得喺正門上樓梯轉左直行！立此為證今次叫咗雞肉咖哩飯同埋番茄意粉，由於加咗錢轉套餐嘅關係，所以包埋沙律、湯同麵包，又幾好啵。南瓜湯好濃厚，黑色包包就硬咗少少，如果整熱返啲可能會好啲（啲牛油都唔係好搽到上去）。咖哩飯係日本嗰種少少帶甜嘅咖哩，客人可以揀雞肉或牛肉，肉嘅份量唔會太多，好啱唔鍾意食太多肉嘅朋友。日式咖哩飯（可配雞或牛肉）意粉夠濕潤多汁，惟味道不算太特別。最鍾意嘅係主菜隔離嘅配菜！事關個南瓜蓉係超級香甜，旁邊仲有啲密瓜同沙律菜，成碟嘢唔會太heavy，食多幾啖都唔怕好膩。

同事仔食生日飯，壽星女揀左呢間充滿文青feel嘅TORIO, 好，等我呢個中女都扮下文青先餐廳位置響工業區，有d隔涉嘅。上到去環境唔錯，相信係好多女仔鍾意打卡嘅食店，如果響度girls talk都係一個不錯嘅選擇嗌野食喇餐前沙律都幾好味，size適中，而且唔係平時出面好hea嘅什菜沙律，睇得出係用心製作到送上餐飲喇 - 蘋果茶，簡直喜出望外，原來真係有2片蘋果架，淡淡嘅果香，感覺好清新期待嘅主菜黎喇，點解？點解？會同個沙律反差咁大？我試左一啖個海鮮飯，um... 完全食唔到有d咩味道，龍蝦？海鮮？其實係無味...而且飯太淋太爛同事仔嘅意粉，應該俾我好少少嘅，但都稱唔上好食🤦‍♀️🤦‍♀️見到好多枱都有嗌個cake, 諗住無事掛，點知都係....伏都唔知自己食左舊咩野落肚環境舒適但食物質素真係要用心改良喔💪💪💪

上星期去左觀塘食tea呢個水果pancake塔幾特別由五塊細pancake疊起 加埋忌廉糖漿同新鮮水果🤗Pancake🥞食落好軟配埋水果 清新而不膩 甜度適中😙另外仲試左個青蘋果多士覺得個配搭幾新鮮所以就試左啦估唔到都幾夾架青蘋果酸酸甜甜咁 配埋個多士同蜜糖食落又幾正喎整體黎講覺得啲食物既質素都唔錯同埋幾用心👍🏻而且成個木屋咁既環境 十分適合文青黎打卡傾計

現在工廠大厦開既食店越來越多！一間比厚日精緻。呢間店一入去就覺得設計好用心，主要以木為主，中間有一個用木條同膠版間出來既小包箱，雖然和隔離枱好近但又不失私人空間感！呢個設計真係一流！講返食物，佢既咖哩唔錯，係日式咖哩，好香甜，另外佢做既海膽意粉都好香濃，份量唔多但好飽肚！不過佢個豬肉蓋飯就令人失望，豬肉唔香口，個汁都好普通⋯呢間店做緊promotion , 如果 like 佢既facebook 就有野飲送，抵ga!

平日時間lunch time同同事一齊去食驚6個人會無位 所以有打去book枱book左12:30pm 一到就即刻有得入坐 其實間鋪都唔full 仲有幾多位裝修好靚 好復古嘅感覺 有好多打卡位 可以影好多靚相 但同同事食飯就無影到食物方面 lunch set有6個 選擇唔多 而且返工lunch嚟講有d貴 ard$100一個set 唔包野飲 但幾好食！！高汁有嗌到甜品 但甜品真係唔太推介 好普通 麻麻地 物非所值

為了幫朋友慶祝生日, 我們選擇了位於觀塘工廈開業還未夠兩年的小店 - TORIO喫茶部。喫茶部的地理位置較偏, 雖然位處於觀塘鬧市, 但如果夜晚前往, 需要由美興大廈B座搭升降機到1樓, 再行過A座。由於喫茶部的門面唔太顯眼, 所以記得要多加留意。喫茶部的面積不大, 但看得出老闆有細心佈置過, 我們一早訂了位, 所以被安排在店中間一個小小包廂。餐廳佈置走日式風格, 但從Menu來看, 食物主打咖啡和西餐, 價錢亦不便宜。我們點了兩個主食, 每個主食都會附送一客沙律、面包與餐湯。餐湯是南瓜湯, 吃得出有南瓜蓉, 而且調味不錯, 不用加額外調味亦可。雖然面包外表是黑色的, 會有視覺衝擊, 但味道與普通面包無異。蜜桃煙鴨胸辣茄汁長通粉 $108長通粉份量算多, 但由於個人不太嗜辣, 所以對我來說, 辣茄汁的辣度太過, 吃到一半就吃不下去。如果不愛吃辣的話, 避免點這道菜。煙鴨胸有幾塊, 剛好一人兩塊, 上菜前有有略略煎過, 味道不錯。TORIO招牌之青蘋紅茶牛肋肉咖喱飯 $98老實說, 吃不出有青蘋紅茶味, 咖喱味亦不算濃, 不過醬汁整體來說是好吃的, 而且份量不少, 足夠用來拌飯。牛肋肉非

上網見過呢間裝修好靚既cafe於是黎食一次晚餐我家姐叫左牛肉咖哩飯份量好大 咖哩好香濃加左蘋果煮甜甜地好好食而牛肉亦都有好多舊飯係類似珍珠米所以好有咬口而我叫左海膽意粉（確實名唔記得左望落去以為得幾粒海膽點知原來呢哂係下面🤣所以份量都唔少都有好多魚子！所以夠哂鮮味而流心蛋撈埋忌廉汁好濃郁略厭汁太水太多 好似湯咁 所以幾漏但我見隔離枱食又冇咁多可能一碟碟水準不一 但尚可接受最值得一提係個薯仔沙津球好creamy 呢個伴碟好好食每個主食亦有餐湯 包 同沙津晚市百幾蚊有呢個環境同食物水準 算係唔錯

之前有同事試左呢間餐廳, 佢介紹我去食, 今日終於約左個朋友去試啦~雖然地點有點唔就腳, 但店內嘅環境好日系, 空間夠闊, 係一個傾計嘅好地方。 而包箱只有一間, 如果想坐包箱就要早D去BOOK 位啦。咖喱雞食好味, 份量夠大, 配埋沙律無咁DRY 黑松露忌廉煙三文魚意大利麵有驚喜, 第一啖已經食到好香嘅黑松露味食完正餐當然要有個飯後甜品啦，我地試左個草莓Pancake 塔，Pancake 比較厚實，總括黎講不過不失啦。朋友想試下佢個紅茶，職員好貼心，問我地要需唔需多隻杯，個茶好養生，飲落去淡淡的花香味。

文青cafe.主要係尼個menu, 唔算好多野揀，但真心吸引嘅叫左a餐個南瓜湯真係非常正！係勁香勁新鮮好大份，好在佢無限時可以慢慢坐 慢慢食個沙津係超級新鮮，個咖哩好特別，有啲青蘋果🍏，同埋勁入味，同埋啲雞同牛真係超正！一定會再尼呀！

此餐廳地點比較隱秘，有點難找到。因為此餐廳在工廈內的後樓梯旁，非常不起眼。起初係見到電梯口有廣告易拉架才會發現。Torio喫茶部…餐廳內環境佈置都很好，坐位很舒適，雖然地方不算大，但亦不覺得迫。而且近門口位還有個放左少量精品賣嘅貨架，佈置得都幾靚架。我地4位同事都各選擇唔同嘅食物，食物都好好味，所以很值得推介大家去試下。A.Torio招牌@青蘋紅茶咖哩飯B.黑松露忌廉煙三文魚意大利麵C.南瓜蟹肉意大利麵E.秋栗山藥雞肉燉飯

餐廳位於工廠大廈內，不易找到。但一進店內，感覺有驚喜！店內有窗，有陽光照射，感覺光猛，而且小屋子裝修好特別，下次會好想坐係入面影相！哈哈，午餐繁忙時間都係免了店員在門口已提醒過點餐需要自助式到收銀付款買餐，其後會有專人送上。睇過餐牌後，發現like facebook會有一杯免費飲品，即刻同朋友like一like。發現原來佢個品牌仲有做日系時裝。最後揀左凍蘋果綠茶同熱橙黑茶前菜首先送上沙律，不過咖哩飯沙律就係伴碟作用，所以顯得大份好多！沙律汁係和麻味，又會配上酸薑同西柚片。感覺好清新。仲有一球薯蓉同一片日本南瓜！好味！呢個係Torio招牌之青蘋紅茶咖哩飯配雞扒肉，相比起好多茶餐廳更大份，雞肉都俾左十粒八粒，亦都配備日式咖喱必有薯仔紅蘿蔔，唔會偏甜又帶少少黑椒味，整體都好食又豐富，印象令我好深刻！然後呢份蜜桃煙鴨胸辣茄汁長通粉亦都抵讚，雖然幾片蜜桃唔覺得特別夾，不過作為伴碟都唔過份。茄汁濃郁亦會包含茄茸，感覺足料。煙鴨胸亦都有微煎先上碟，同時伴有幼身露荀。亦因為本人好辣，所以我都好鐘意呢一味，整體口感豐富！兩個午餐計埋每人約$80。午餐都算中高價，不過配合環境同食物質素。都覺得值既，係飲品