Top Blade Steak Lab VS PPPP

營業中

休息中

嗰日約咗朋友去Top Blade Steak Lab食飯，一時唔記得咗朋友唔食牛，不過唔緊要，因為呢間餐廳都有好多除咗牛以外嘅選擇，最後決定陪朋友一齊唔食牛，就分別要咗兩份豬嘅菜式。因為朋友唔食牛，所以對其他肉類，尤其係豬特別有認識，就介紹我食西班牙黑毛豬豬羽毛 $268。之前從未聽過咩係豬羽毛，朋友解釋話豬羽毛其實係黑毛豬兩邊膊頭嗰個部位，每隻豬得兩件，所以好珍貴，難怪價錢比平常嘅豬貴。由於油脂比其他部位多、所以食落味道特別濃郁、特別多肉汁。果然好推介！而朋友就叫咗西班牙栗飼豬鞍架 $160，份量比我嗰份多，有兩大塊，我試咗少少，肥美但唔太油腻，幾好食。我哋仲加$60配咗一份自家靚湯同藜麥沙律，同埋分享咗一份任食薯條。

今日係Happy Friday 雖然今晚得我自己一丁友食飯 但係都唔可以求其食 要好好獎勵下辛苦咗成個星期嘅自己😤 左諗右諗之後 最後就決定去咗Top Blade Steak Lab中環分店鋸靚扒話明係要獎勵自己 所以一打開menu就嗌咗個最貴嘅USDA PRIME 美國390日榖飼Prime約平鐵牛扒😎 一睇牛扒肉質紅卜卜嘅色澤就知道係靚牛😳 唔好睇佢好似好紅好生咁 咬入口一啲都唔韌 亦都冇筋 呢個熟成度果然啱啱好 超級好食😋 擺盤一啲都唔馬虎 砌得都好精緻下見到佢地menu有同研香crossover新推出嘅「開心牛」特飲 見個名幾搞笑 貪得意就叫咗嚟試下 原來佢係開心果純素奶蓋加錫蘭紅茶底 個奶蓋可能因為係純素嘅關係 飲落去好輕盈 唔膩 仲有粒粒開心果 用佢比嘅羹不下不下 好快就清晒層奶蓋🤣 聽講數量有限仲要只限堂食 推介大家一定要嗌嚟飲👍🏻雖然係自己一個人食 但係鑒於我實在係太肚餓 所以都加配咗個藜麥沙律同蕃茄湯 同埋食咗兜任食嘅薯條🍟簡直係滿載而歸 非常滿足嘅一個Friday Dinner👅戈

今日老細話萬歲叫我地搵下食咩好，最後我地揀左公司附近既Top Blade，一行四人可以一次過叫哂餐廳既四大名物: 豬鞍架、豬羽毛、招牌平鐵牛扒同Just Burger😋乾式熟成西班牙栗飼豬鞍架 $180🐷大過塊面既豬鞍架上碟嗰陣好震撼，見到都流哂口水，一切開見到粉嫩既肉色就知正野，食落啖啖肉夠juicy❤️西班牙黑毛豬豬羽毛 $268🐷豬羽毛可以話係豬肉中既王者，係肩胛骨上既兩塊豬柳，好似豬有對翼會生羽毛咁，油脂豐富嫩滑，加上伴碟甜甜既蜜桃真係好夾👍🏻是日特別版: 招牌平鐵牛扒 (每日限定) $238🐮每次特別版Flat Iron既煮法都唔一樣，今次就用到法式慢煮既方式，咬落去既口感同普通Flat Iron唔同，私心推介比大家Just Burger $188呢個Just Burger用左雙層手打豬肉漢堡扒，不加入其他肉類，天然無添加💯上面插住把餐刀好搞笑，配埋仼食既熱辣辣幼薯條好滿足😍😍😍

想係中環鋸扒又唔想咁貴？咁就要試下呢間由何文田本店開到去中環、銅鑼灣同沙田既Top Blade Steak Lab啦🐷🐮店員推薦我地試下佢地既人氣之選: 豬鞍架、豬羽毛同特別版平鐵牛扒😍乾式熟成西班牙栗飼豬鞍架: 重量級既豬鞍架好大份，煎到靚靚格仔紋，容易切開，肉質腍滑💯下面加埋洋蔥絲同辣椒絲，非常惹味🐷西班牙黑毛豬豬羽毛: 豬羽毛呢個term真係好得意，一隻姓只有兩塊豬羽毛，夠哂罕有同矜貴呀，油花夠重，燒到五成熟好好食😋是日特別版: 招牌平鐵牛扒 (每日限定): 每日限量供應既特別版flat iron，今次係法式慢煮手法鎖住肉汁，煮到幾乎入口即溶🐮😍🤤

之前同事食過，個個都話飽到捧住個肚咁走，不過我唔食牛嘅😗之但係佢哋話餐牌都有一半係豬嘅選擇，既然講到咁，今日自己一個食，都黎試下啦🤭叫咗個西班牙黑毛豬豬羽毛$268，黑毛豬就食得多，不嬲都有品質保證㗎啦，但豬羽毛呢個part第一次試，肉質肉嫩多汁，好鬆軟，咬一啖豬油個股香係口腔爆發，但又唔係油膩嘅感覺，仲鬆過豬頸肉啊，配埋個伴碟烤桃🍑又真係幾夾。 🍟我就無同事們咁誇張食幾盤薯條，不過都無話係任食就亂咁黎，起碼盤盤薯條都新鮮炸起，又落order好快就有得食！飲品叫咗杯dirty lemon tea，特別在唔係普通茶餐廳嗰啲檸檬紅茶，而係用檸檬糖漿加鮮檸檬汁咁調出嚟，聽講係餐廳特色，可一試！推介係附近番工嘅朋友仔黎食下。😆

自己係非常之鍾意食牛，乜牛菜式都試下，見佢咁大個牛頭係門口，就知呢間餐廳主打牛啦，有時食long lunch都想揾間舒服嘅，啱晒心水！睇見佢餐牌，緊係order 招牌平鐵牛扒，牛扒揀咗五成熟，上枱已經切好咗，睇嚟廚房都好自信個扒係五成，表皮望落，煎得幾香，食落都真係五成，無過熟，肉質都嫩，配搭嗰焗蒜🧄我了晒黎食，一粒都無浪費，俾多啲醬汁就更好😚😚😚同事食另一款終極漢堡，都幾大份下，有成半隻手掌🖐️咁大份，塊漢堡扒極厚，芝士大大塊，咬落啖啖肉，配嗰個洋蔥🧅仲要係紅酒洋蔥黎！好有誠意，果然係終極！👍🏻👍🏻👍🏻薯條都食咗三碟，飽飽，等收工！😊

之前黎食咗牛嘅漢堡包包，今次一心要試埋豬漢堡同喪食薯條啦！JUST漢堡SE $118🍔🍔🍔🍔🍔呢款豬漢堡扒感覺比牛嗰款厚啲啲🤔可能唔同分店？btw開心嘅，感覺大塊咗😆，個包包保持一貫水準，鬆軟香口，有烘過充滿牛油味😊芝士有兩塊，咁樣半溶狀態，真係望見都流口水🤤豬漢堡扒呢，肉味無牛堡嘅咁濃，不過都好juicy 充滿肉汁，無奇怪嘅味，以豬堡黎講，雖然有啲貴，咪當係俾薯條錢囉，所以我嘅策略就係最少食2 round薯條🤭🤭🤭薯條正正常常，我就鍾意佢熱騰騰上碟，碟底食完都無乜油，炸得好脆身。要一贊嘅係職員見到薯條就食完，都會主動問要唔要多碟，good啊，唔使怕食多碟都唔好意思😅👍🏻👍🏻👍🏻

星期一嘅Lunch緊係要食飽啲先可以趕走blue Monday 啦！同事一行三人，打算食晒間餐廳嘅薯條先走！😤😤😤叫咗個覇氣十足嘅終極漢堡，哇！勁大個，㩒扁佢都放唔到落口，超鍾意佢有double 芝士，啱晒我呢啲芝士控。仲要配個包嘅洋蔥係煮過嘅紅酒洋蔥，酒味就無，不過就好帶出洋蔥甜味，口味幾夾，個洋蔥為仲漢堡加分好多🤩✨USA PRIME平鐵牛扒，上次食咗招牌，心心念念想試呢款🤤今次同事叫咗，緊係偷佢一塊黎試下啦！呢款仲好食啲，牛味再濃啲，同職員建議叫三成，真係肉質嫩啲🐄🐄另一款係豬嘅just 漢堡，豬都好食嘅，如果唔想食咁多牛肉嘅人，可以揀呢款，口味無牛咁重，反而食落好舒服😌btw食薯條先係重點啦。薯條量無限♾同我將所有薯條倒入口，要回本就要不停咁食！！好彩職員無嫌棄我地係咁order 薯條啫！😅😅😅

係士丹利街經過，比佢紅黃黑嘅型格餐廳設計吸引咗🤩原來鐵板牛扒先係主打，不過驚lunch食唔切，所以揀咗漢堡包🍔穩陣啲！咦咦！得呢款午餐先有，就要呢款just 漢堡SE😍包包有得食啦！漢堡都幾高身，個包都幾香口，鬆軟而個包皮咁光滑係點做到嘅呢？🤔係好食嘅包黎，而舊豬漢堡呢，食落有啲焦香，又有啲煙熏嘅味，肉汁豐富，配埋蕃茄紫洋蔥同秘製醬汁，都幾夾，食完成個包都估唔到係咩醬黎🤷🏽‍♀️如果有得自選醬汁就更好啦🤤薯條呢，我就食咗兩盤，哈哈哈😄回本啦！！

獨自揾食，今次咁啱有啲事去咗中環，又好似孤獨的美食家咁，出差去到邊食到邊。之前係佢其他分店食過平鐵牛扒，今次見佢加咗好多豬嘅元素，似乎呢間有靚豬食，繼續我探險家精神，order 個西班牙黑毛豬豬羽毛$268配任食薯條，加杯凍Dirty 檸檬特飲！豬羽毛原來係黑毛豬兩肩膊上切出嚟兩塊小豬柳，每隻豬仔先整到十份豬羽毛炸，呢啲都係我即刻網上查下先知啦，查完更加期待。薯條先上，即炸即上，香口脆身，係窈窕類型，我本人就鍾意加茄汁同砂糖咁點黎食😋😋😋個人口味小秘方。豬羽毛都有grill過嘅坑紋，唔難切開，外表焦香味十足，咬落有油香唔會太多肥油，肉質靚，真係簡單調味已經帶嗰豬香，配搭埋幾舊香桃，酸甜味又可以balance 豬嘅油脂。杯檸檬特飲都幾清爽，食完個豬羽毛，清清味蕾，爽啊！

Lunch最驚食唔飽🙄黎呢間就唔使怕餓，之前係沙田食過佢哋嘅平鐵牛扒，🤗今次黎就揀款唔同嘅🐄USDA PRIME美國390日榖飼Prime平鐵牛扒$278雖然比平鐵牛扒貴，但我覺得呢款好食啲。不過可能又關上次我係食七成，今次食五成，五成啲肉無咁實，軟身啲易咬口，不過呢款個牛扒面grill得焦香啲，推薦食呢款。朋友就揀咗食終極漢堡$168🍔見佢食到手指啲汁都奶埋，就知佢好滿意個漢堡啦，大大個，加埋伴碟沙律，見佢食到一半加埋入個包度一齊食，笑死🤭🤭🤭薯條呢，就似某快餐嘅，不過不失啦，熱辣辣上碟，未食完叫定先，職員都無問題，very good！

某日去陸羽茶X嘅路上，見到呢間牛頭店，原來食排同漢堡，就即刻轉陣，食呢間。終極漢堡，改得個名咁有霸氣，就要咗個。即叫即做，個包到咗，外形都霸氣十足，大大塊牛肉漢堡，男仕都要㩒㩒佢先咬得晒，肉質juicy，重肉味，兩隻色嘅芝士溶，應該cheddar cheese 同Jack cheese，有拉絲效果添啊！同埋個秘製醬汁，加埋個包包有焗香先上，食落香脆，漢堡排啲肉汁無令到個包濕晒咁，淨係呢點都抵贊。🤩🤩同行朋友唔食牛叫咗西班牙栗飼豬鞍架，跟佢所講，豬鞍架唔癡骨，唔會食到好呢hea，肥瘦均勻，即使舊豬咁大件，都無烤焗得過火，帶有油脂香，靚肉就係簡單煮都會好好食。被佢咁講完，下次我都黎試試佢。

平時同同事一大班人食飯，今日得小貓兩三隻食就去發掘下新餐廳，咁啱又想食漢堡，見佢係主打牛排漢堡嗰啲，就一齊去試試。Just 漢堡 Just Burger 🐷🍔 佢係雙層芝士同雙層豬漢堡，哇，搭到咁高，目測每塊漢堡排有成1.6cm厚（我估😅）真係要用盡力擘大個口一嘢咬落去，緊係咬唔曬啦，啲豬即刻咇晒肉汁，勁香，食到我成手到係，加埋半溶化芝士同自家調製嘅醬汁，係出面無食過喎，好特別同豬味漢堡好夾。無特別影埋同事個牛漢堡，佢話好食過隔離五條友🙊🙊🙊伴菜有得選擇薯條，餐湯同沙律，我同同事一人揀薯條（超大份）一人揀沙律（正常份量）好彩咁配搭，食完個漢堡都飽得七七八八，下次再叫埋啲男同事一齊黎食，一定食得飽飽，唔使再係office叫下午茶啊！

🍽想食漢堡又想食沙律，平時見佢門口都排三四枱人，今日見少啲人，就即刻係門口㩒咗飛等咗陣就入得。睇到餐牌分開牛同豬，原來PPPP係pork pork pork咁解😅最後都係揀咗個牛嘅打扁漢堡$118，我好努力咁切開咗一半俾大家睇下個橫切面，漢堡扒都幾厚身，牛肉味濃，咬落有肉汁，簡單加埋蕃茄生菜芝士都已經好好食，而個包好鬆軟，打開睇，似係有係扒爐烘烤過。跟餐加$60要咗藜麥沙律加自家製蕃茄湯，沙律都唔錯，啲車厘茄好甜，如果個沙律醬汁係另上就更好，蕃茄湯都可以任飲就好啦，湯好綿滑，茄味重，真材實料！總結黎講，lunch呢餐係中環都可接受，如果男士大食就要揀番任食薯條啦，下次黎試下牛扒先。

老實講，就係打算食薯條食飽所以黎挑戰下，放縱一下！！🍟🍟🍟🍟🍟Um...雖然大家一心諗住食薯條，不過食咩主菜配薯條都要諗好度過㗎嘛，我就覺得炸薯條又澱粉又油炸，加錢叫藜麥沙律同番茄湯啦，無咁罪惡感。平鐵牛扒$160，上網睇到食評話呢個係唔錯嘅選擇，叫咗medium🤤切開比預期熟咗啲啲，不過肉質都好嫩，無筋，配個舊蒜都焗得好香。果然係牛牛第二滑滑嘅部位。黑毛豬豬羽毛$268，呢款豬羽毛要講下，無豬羶味得黎皮焦香，入口肉嫩多汁，估唔到豬都可以做到呢個極佳口感，加埋有幾片蜜桃可以解解膩，不過俾我揀，會想要啲吸汁啲嘅配菜，因為豬羽毛啲豬油一滴都唔想浪費🤤🤤🤤最後薯條食咗3盤，已經係我地嘅極限，因為其他主食令人唔記得咗要食薯條😂😂唯有下一次黎先真正挑戰！