TLCBBQ

營業中

休息中

一行十一人選擇黎呢度聚會，預約6:30六人先到，門口已經排了一條長龍，到先的朋友不能幫未到的朋友預繳入場費，後到既朋友都要照樣排隊。收費後隨即派發燒烤用品，烤架，紙巾、蜜糖、夾兩個、大紙碟兩個（載食物用），人頭紙碗加紙杯。然後進場後要自己搵位，搵位後又要搵人嚟開爐，如果你搵嘅位係未執的話又要等人嚟執枱，抹枱同開爐唔同人做。場內有汽水機自由斟，但又係大排長龍，有提供紙包飲品，攞晒既話冇人refill，或自費購買啤酒，藍妹支裝$18、1664$22、罐裝朝日$16，買夠六罐/支會提供冰桶。食物方面都係大路嘢，但係冇內臟雞腎鴨腎之類，有大約六個雪櫃擺食物但都係重複既。唯一特別嘅係爐中間可以擺個鍋，類似打邊爐。服務方面，真係人太多，職員不夠，但態度尚可。

職員服務態度差，現場人手唔夠開唔切燒烤爐，一開始勁多人排隊拎嘢食，等左成半個鐘先夾到野食，嘢食種類好少，紙包飲品全部都唔凍，冇晒嘢飲又唔fill，唔建議黎依間！

book左位要排一個鐘先入到仲要到左幾多個人就只可以買幾多個人手帶遲到嘅人唔可以幫佢買定，即係要重新排過一個鐘🤣佢話幫人買定咁樣叫打尖喎永久blacklist🤡未入到去已經飽曬，大家都成肚氣一路排就個個都一路喺度鬧：條隊好長：入面有人喎，等我行前問下係咪可以優先買：下唔得喎，book咗位入埋去都要重新派過btw準時訂枱到咗都係要排隊㗎，目測150-200人但係逐個party分開收錢🤡係喎 排完畀錢仲要排拎用具包

入場費$198，全枱+$80轉大爐有燒烤有火鍋入場後就係取食物飲品嘅地方，有冷氣熱飲機都有：咖啡、朱古力汽水大量供應有晒新簇嘅冷櫃雪住啲生料呢邊係菜類for火鍋：。茄子 。粟米 。方包 。生菜 。金菇 。鮮冬菇 。娃娃菜脆玉瓜、迷你豆卜、枝竹、尖椒、粉絲。。。大量丸同腸肉類豐富雞翼都幾隻味，仲有咖喱魷魚翼推薦豬頸肉就算冇乜點醃都好好食汁醬、湯底醬、豉油料同埋牛油一應俱全有火鍋邊少得即食麵，成座山咁多燒同食都好方便舒服，但同時腳邊比較熱，因為靠近碳位置設計真係好方便

今次喺社交媒體網站見到依間好似唔錯咁，跟住就諗住試吓新嘅BBQ場，之前去開嗰幾間都比較熱情，而且唔會趕人走，服務好好多。咁我同朋友14:00鬆啲去到BBQ場，我哋係第一台客一開始我哋仲喺度糾結緊到底168由1400燒到1730，定係198由1400燒到2200跟住嗰個店員話爭$30咋，咁我哋就決定都係198嗰個set啦,四位連開爐費$872。我哋第一次嚟唔知個流程係點樣，我覺得個店員亦都冇好清楚咁樣同我哋講解，搞咗一輪先知係要自己抬啲工具出去嘅，我仲以為佢會幫我整好晒所有嘢，因為之前我去過啲場都係咁樣。但呢個其實都唔算係大問題黎，完全唔明白嗰店員既開爐嘅流程😓😓😓點解唔一開始就開好個爐佢，要分段式開？去咗咁多個燒烤場人哋都係一開就着點解你呢個爐要開三轉？佢第一次開完之後走咗，我哋就擺啲嘢食上去啦，點知擺完啲嘢食之後發現冇火咁就同佢講啦，佢就攞咗把手提風扇仔過嚟對住個爐吹，吹到啲炭灰跌晒落我哋啲嘢食度跟住就話仲燒緊粒炭精，如果你未開好個爐係咪應該同我地講聲先呢？佢攞個手提風扇仔吹左一輪之後又走左，好啦我哋又開始燒啦，跟住等咗一陣之後我哋又見唔到嗰火啦，再同佢講佢先攞個火槍同埋個手提風機過

TLCBBQ (大埔)秋風起就想燒嘢食趁住長假期同屋企人去咗大尾督嘅TLC BBQ鐘意佢燒嘢食得嚟可以順便打邊爐大埔墟火車站坐75K去到汀角落車行5分鐘就到燒烤場有埋停車場下午1點半左右去到已經近半場坐滿店員建議下次先預約會較好假期下午燒到17:30成人$188開爐費$80以加無咗細爐揀，均一$80憑收據拎燒烤網，煲連水壺，紙杯紙碟筷子夾同蜜糖入到去自己揀位揀好位就好快有人嚟透爐會有兩包炭提供燒到5點一包炭都未用完絕對夠用飲品係自助式，有冰基本飲品種類都有齊雞翼有多款味可以選擇蒜蓉土匪麻辣韓式等等反而扒類味道種類就只有1-2種廚師腸台灣腸鴨胸肉牛仔骨咖哩魷魚多春魚金菇翠肉瓜茄子粟米生菜旺菜蕃茄冬瓜菠蘿烏冬營多福麵福米韓麵出前一丁方包法包格仔餅仲有刨冰同椰果等配料一路食一路夾食物飲品都好充足仲可以自費買酒，樽裝汽水同雪糕雪條！不過當日唔知係咪太多人廁所廁紙用晒都無補甚至沖水都較慢收銀嗰邊店員服務一般但裡面店員就好積極而且服務很好建議食完之後行去總站坐車因為都幾快滿座當順便過去水壩嗰邊行吓都唔錯TLCBBQ (大埔)大埔大尾篤汀角路202號地舖

大埔任飲任食燒烤打邊爐 70多款食物 最平竟然只係$168？ （餐牌價錢可以長按暫停睇睇）.今次帶大家去燒雞翼可以喺大埔站坐 75k 小巴 汀角站落車就到入到店內可以見到自助區域有四五個雪櫃 放住 BBQ 食物食物選擇超多 好似雞扒雞翼 都有幾款口味選擇例如 日式照燒 咖喱 麻辣 韓式甜辣 蒜蓉 土匪都有🥰仲有牛扒 牛仔骨 咖喱魷魚都好正.旁邊仲有自助飲品機 我最鍾意係香印提子汁打邊爐 湯底 調味 蔬菜 粉麵 都可以自己拎.入座會有大隻佬幫你起爐火力勁猛 而且爐頭範圍大中間可以加湯底打邊爐 湯底有沙嗲 麻辣 豬骨可以揀但我更鍾意用中間個鍋 自己⭐️炒蒜蓉牛油金菇最鐘意 猛火燒⭐️黑椒牛扒 再搽大量蜜糖.‼️整體勝在價錢平 選擇多‼️好適合叫埋一班朋友聚會.#hkfunfoodrecord窮遊香港#hkfunfoodrecord_大埔.地址：TLCBBQ (大埔) @tlc_bbq 地址：大埔大尾篤汀角路 202 號地舖.⭐️評分：味道：4/5環境：3.5/5 服務：3.5/5抵食：4/5.#hkfoodie #foodiehk #hkfoodblogger #hkblogger #hkfoodi

之前同咗朋友仔 去咗Tlc bbq 恐龍水上樂園玩超好玩😍😍😍之前淨係去過BBQ唔知有呢啲咁好玩嘅嘢‼️有三個超級大嘅池 仲有唔同長度嘅瀡滑梯亦有唔同嘅水泡、吹氣玩具、小船另外有兩個好大嘅吹氣彈床所以好多嘢玩❤️我哋係玩2:30-5:00pm場次包咗輕食放題 但係絕對唔馬虎 啲嘢食可以稱得上係高質🧡💛有一雪櫃甜品 連馬卡龍都有!!仲有唔同嘅麵包酥餅小食朱古力牛角包、蝴蝶酥、流心芝士撻….小食就有薯條、雞軟骨、雞翼等等仲有童年回憶撈麵DIY 其實仲有刨冰，不過冇食到😆食唔落了

呢度可以免費🆓泊車很方便入到場内好大、環境又舒服😍仲特設有個草地及打咭位🤩簡直係為我哋呢班主子而設咁🤭唔講咁多喇，我要開餐喇😋😋香港可以攜帶寵物嘅BBQ場地實在唔多🥹所以十分推介大家帶埋主子一齊🥰

一班朋友想BBQ又想打邊爐？小朋友才做選擇！大美督TLC BBQ 滿足晒你😉💜呢度個場真係要力推，超大嘅燒烤枱，唔使自己揸住燒烤叉咁攰，最正係中間位置仲可以打邊爐，食下公仔麵、烏冬、芝士撈麵⋯💜燒烤場有職員幫大家加炭，起爐，超方便。💜食物款式亦都超多選擇，淨係雞翼都已經有六款不同味道可以揀，仲有各式扒類、蔬菜、丸類，嘢食真係數都數唔哂，食到勁飽~💜好多BBQ場都限定飲品數量，如果不夠就要自費，依度係有飲水機同埋汽水機，可以無限添加，款式仲好多😍💜呢度仲好岩一家大細帶埋小朋友黎添，燒烤場旁邊有小攤檔，可以俾人玩下遊戲，撈下金魚，仲有得DIY Pizza, 自己整嘅Pizza特別好食😙有得玩又有得食，玩足全日都得👍🏻🥢整體評價：✅CP值超高✅地方大，乾淨企理✅有得食有得玩✅食物款式超多✅食到勁滿足

同朋友燒烤癮起,就打算去大尾篤燒下野食今日就黎到TLC燒烤 一入去首先要買飛先既 跟住就會有職員幫你打理好一切 咁佢同傳統燒烤場都幾唔同 佢除左燒烤仲有唔同食物可以打邊爐 幾新穎 無論係環境同埋整體既氛圍,場內充滿住唔同既led燈,同埋就係超級超級乾淨.真係好值得一讚,用餐既感覺好好多成個area都係有瓦遮頭既 離拎野食既自助bar都唔遠,非常方便 特別要一提係佢既牛仔骨 雪花好靚 油香但又好嫩 忍唔住一拎就拎好多 整體食物質素 環境 服務都十分滿意 價錢也都唔貴味道: 8/10環境: 8.5/10服務: 9/10人均: $150-250

成大班frd係冬天, 總係好岩BBQ 今日就跟著班frd去到大埔, 個位係去大尾篤既半路, 係weekend可以超平泊車~ 我地都見到唔少人係踩單車黎食🚴🏻‍♀️weekend既價錢都好親民, $18x每人就可以任食呢個晚餐時段. 去到個場超大, 每張枱中間既空間都好闊落, 唔洗驚嘈到/整到大家. 仲有好多狗仔一齊🐶😍食物選擇都算唔錯, 有丸、腸、肉、菜、麵包+唔好既公仔麵🥩🥬🍞, 有個煲仔可以煮麵同菜. 肉類同丸類既調味都不錯, 係某d會咸左d. 我地幾鍾意佢有得煮麵, 冬天加埋配菜一齊食就好暖笠笠哈哈. 🥢總結: 如果有一大班frd想BBQ會再揀呢到, 時間充裕地方又大, 係無揸車既朋友黎會麻煩d~

TLC BBQ在大埔有分店了💕場內食品及飲品都是自助的，有不同的肉類及蔬菜類供選擇，可以去凍櫃慢慢挑選🔥除了燒烤外，還有一個小鍋可置講於爐中間作自助火鍋🍲 自助吧有清湯提供，但火鍋食材選擇不多~ 場內除了燒烤火鍋，還有其他娛樂設施及大電視💕可以一邊燒烤一邊玩樂~

聞說大埔大尾篤多了間燒烤場，身為BBQ迷的我不容錯過。位於汀角路202號的TLCBBQ，如果在大埔墟火車站出發，坐75K或者275R在汀角站下車行一段路仔就到達，指示牌都十分清晰。呢間燒烤店主打係可以打邊爐同BBQ，而且價錢都算吸引。每位成人入場費用168元，爐費80元。進場的流程亦簡單列明，圖文並茂，簡而美。食物種類相當豐富!而且飲品係無限Refill! 百事可樂、香印提子汁、檸檬茶、忌廉梳打等等。有打邊爐的疏菜食材配料雞全翼，不同口味的雞翼、豬扒牛扒金沙骨 各種腌好的肉類任君選擇!多款公仔麵，有韓國公仔麵揀，其中明洞牌的麵都幾好食。盛載的器具都是紙制的，相對環保。燒烤爐的設計係一張大圓檯中間擺放爐頭，每檯都有一包炭，而燒烤網中間可以放置一個煲仔，目前打邊爐湯主要有豬骨湯，味道相當清甜甘香。

呢幾日天氣凍返，岩哂bbq🔥🔥見到大美督有個新開嘅BBQ場就同朋友一齊嚟試吓場地好大乾淨衛生👍🏻 呢度最特別係可以同一時間打邊爐&bbq中間有個窿，可以放個小鍋打邊爐😆價錢方面唔算太貴一個價錢任飲任食，食到飽飽☺️開爐費就一個爐$80所以一班人黎食除返開就會抵啲食物選擇非常之多😍😍有各樣嘅燒烤肉類，丸類，香腸，海鮮，蔬菜，蒜蓉豬仔包雞翼都有六款口味 每款到醃得好入味我就最鍾意孜然土匪雞翼，非常惹味😋重點推介牛仔骨😍 肥瘦適中呢個夾咗幾次黎食☺️ 朋友都好鍾意食燒嘢食燒到咁上下，就打邊爐湯底係豬骨湯底，味道清清地食完好多肉，就食返啲菜🥬，粟米🌽，蕃茄🍅 幾款麵包選擇: 法包，方包，豬仔包加上蒜蓉牛油，自製蒜蓉包👍🏻如果仲未夠飽，仲有即食麵，烏冬，印尼撈麵一定唔驚唔夠飽😆 食飽飽仲可以玩夾公仔，打街機😆😆總結: BBQ場地又大又乾淨，食物選擇多，價錢又實惠👍🏻 啱晒一大班朋友嚟燒嘢食☺️