Times Coffee

營業中

休息中

這間以校園風做主題，食fusion菜的cafe在觀塘工廈非常有人氣，想試很久了。當晚放工就約了朋友去試一下，由於晚上太黑關係，找了很久終於揾到了，所以我說非常隱世就是這樣。😅猜不到這間cafe原來真的這麽多人來食，因為員工人手不足，很多餐枱的餐具還沒收拾好，幸好我們都找到一張乾淨的枱。我和朋友開始點餐，當然就叫店內最出色的＜炸殼蟹肉燥飯＞啦，超大隻的軟殼蟹非常吸睛，賣相、味道真係唔錯👍跟餐可以用半價叫特飲，我就叫左一杯＜牛油果沙冰＞，聽聞是用一整個牛油果打成的沙冰，我覺得有點像奶昔，唔太甜，幾健康👍另一份餐叫左＜煙三文魚羽衣甘藍南瓜燉飯＞，這碟飯望落都幾色彩，又橙又黃又綠😂，唔知係唔係羽衣甘藍炸過，食落口有點脆口，整個飯的配料感覺一樣健康。朋友一樣跟餐叫了一杯半價特飲，就是＜開心果椰子水＞，朋友說椰子水雖然比較淡口，但有些開心果碎搞拌，都有些口感。食完餐當然叫個甜品，我就叫左嗰我喜歡的＜芒果小丸子刨冰＞，隻碟都幾特別，就好像我們讀書時做功課的單行簿一樣😂，講番味道整體唔太甜，可為夏天帶來冰涼透心的感覺。整間店的佈置以校園做主題，有書枱，有學生的書櫃，感覺返回中學時期，什麼回憶都番晒嚟👍

女兒今日帶咗我去觀塘工廈食午餐，Times Coffee是一間西式懷舊餐廳，室內擺設以課室為主題，尤其係餐枱和餐椅，一入座就有返學上課的感覺。酸辣醬菠蘿炸雞扒漢堡配薯條、沙律菜：炸雞扒炸得香脆，中夾左塊煎香嘅菠蘿片，再配上酸辣醬，味道酸甜唔會膩。即炸薯條脆口。蟹肉蟹棒明太子意粉：蟹棒超大條，上面鋪左蟹籽，下面個意粉每條都沾滿蟹肉和明太子醬汁，無論味道和口感都係一流！芋心地瓜球口感Ｑ軟香糯，味道香香甜甜。紅玉紅茶：茶體明亮，茶感涼潤生津。伯爵茶鮮奶：美麗的拉花飲品，入口非常幼滑，而且帶有濃濃茶香。

今日約了中學同學晚飯，為懷念一下校園生活，我們選了這有校園特色佈置的餐廳，勾起很多校園回憶。意粉、漢堡都是中學時常吃的午餐，今晚又再選這些食物，當然感覺完全不一樣，質素高很多。炸魚柳Burger ($108)大大條的魚柳，炸得外脆內嫩，配以軟熟的漢堡包，口感豐富。粗身的薯條和新鮮的沙律菜，令這個餐更加完美。青醬帆立貝大蝦意粉 ($128)每條意粉都掛上香濃的醬汁，帆立貝和大蝦烹製適宜，很彈牙。意粉的軟硬度適中，份量足夠。抹茶雪糕豆花豆漿 (跟餐 $28)這飲品造型可愛，小熊杯身盛滿抹茶雪糕豆漿。抹茶和豆漿味好配合得很好，加上滑滑的豆花，令口感更有層次。熱宇治抹茶鮮奶(少甜) (跟餐 $24)很喜歡可選不同甜度的抹茶鮮奶，抹茶味濃、鮮奶香滑，而且甜度適合自己。

今⽇⼀⾏四⼈到了Times Coffee⻝午餐，野⻝質素唔錯，特別是明太⼦意粉，⿊松露意粉同Latte☕️⿊松露意粉$98，如果係午餐時分就有包埋飲品，亦都可以⽤優惠價加配⼩⻝同甜品。呢個意粉既調味係10分出⾊，⿊松露既⾹味好⾜夠，亦都唔會煮得太腍啱啱好🤗鹽酥雞南⽠燉飯既鹽酥雞竟然可以做到外脆內嫩，個⼈認為呢個燉飯係⽐較膩，因為本身南⽠已經⽐較飽肚，再加埋炸野就會太滯，相對黎講意粉就好味啲😌明太⼦意粉$138⾮常出⾊👍🏻 明太⼦醬濃郁，仲加⼊左幾款唔同既配料，蟹⾁加蟹籽同醬汁係好夾，為左呢個意粉值得再黎多幾次🙈煙三⽂⿂⽜油果沙律有半個⽜油果，加咗柚⼦醋⻝落幾fresh。⽤優惠價加咗魷⿂同埋台灣腸，兩款⼩⻝都唔錯幾好⻝，特別係魷⿂🦑⾯頭有啲紫菜味好惹味咖啡嘅味道都唔錯，飲落去有本身嘅甜味唔需要額外再加糖都易⼊⼝。整體嚟講我哋四個都好滿意😋觀塘都好少有咁有heart嘅⻄餐，欣賞佢哋嘅⻝物質素，值得⼀讚💖推介菜式:蟹⾁蟹棒明太⼦意粉、⿊松露雜菌意粉評分🖍️(滿分為5個🌕)抵食指數：🌕🌕🌕🌕🌑服務質素：🌕🌕🌕🌕🌑環境：🌕🌕🌕🌕🌑味道：🌕🌕🌕🌕🌑

已經嚟過呢間餐廳幾次，基本上好多嘢⻝都試過晒，值得推介嘅係佢嘅burger餐，真係好抵⻝同多款式。 今期⾒佢加咗鰻⿂burger落去lunch Set,⼀於試試佢。竟然係成條鰻⿂上，蜜糖芥末醬係幾好唔錯嘅配搭不過本⼈最鍾意都係炸雞扒Burger, 佢係M記脆辣雞腿包餐嘅豪華版，薯條夠脆，沙律新鮮，漢堡burger夠鬆軟，醬汁調配得好好，⽽且lunch set係有包埋嘢飲嘅。最後⽐⼀個⼩⼩嘅建議就係希望可以有可樂賣，因為可樂同埋burger係絕配嘅!!! 如果有埋就100分

唔知大家之前有冇去過觀塘工廈嘅台式餐廳「小時光」？原來佢哋而家改咗名叫Times Coffee📖☕️ 同樣以校園風為主題，食物則由台灣菜轉成咖啡店嘅all day breakfast 、意粉、刨冰等等🍝🍧 除課室佈置，四周亦掛滿雲朵佈置同燈飾, 幾啱打卡☁️📸*💰免加一*▫️Bagel全日早餐🥯 $128煙三文魚｜牛油果｜bagel｜藍莓乳酪｜沙律菜Bagel 搽咗啲cream cheese, 咬落幾crispy🥯 煙三文魚足料兩個人share都夠食😋 乳酪加入薄荷葉令成件事無咁單調🌿▫️焦糖燉蛋焙茶冰🫖🍧 $128焙茶冰加朱古力醬呢個配搭剛剛好，茶味可中和朱古力醬嘅甜☕️ 而且亦有不少配料如穀物脆脆同餅碎豐富口感～📍Times Coffee觀塘興業街18號美興工業大廈A座1樓C1室

《特色校園風cafe🌟》———————————————-#TimesCoffee ☕️ -早排去咗觀塘工廈揾食，搵到呢間主打校園回憶殺嘅cafe，裝修充滿校園風，用咗木枱櫈，亦有黑板壁報同吊扇，相當特別🏫-🦀 脆炸軟殼蟹肉燥飯魯肉飯一定係必點，五花腩肉肥瘦參半，唔會好膩，而滷汁亦相當入味，鹹中帶甜😙 軟殼蟹大大隻，即叫即炸。炸到金黃，好香口，層次豐富🤗 跟餐嗌咗個宇治焙茶鮮奶，除咗奶香之外，仲透出淡淡焙茶味，意外地好夾🍂-💜 芋心地瓜球小食選擇都好多元，我哋食咗個芋泥地瓜球，外脆內軟，口感煙韌🤭-🦑 天婦羅海苔魷魚鬚外皮金黃色好香脆，內裡爽口～而且魷魚無腥味，帶有海苔鹹香，食落亦都唔會只係得炸粉，口感豐富🤤-⭐價錢參考：脆炸軟殼蟹肉燥飯：$182芋心地瓜球：$48天婦羅海苔魷魚鬚：$68🍌 抵deal 指數：7/10

一秒重返校園cafe🥗☕️.ᐟ‪‪.ᐟ入到去就好有親切感🥹好似入左課室有黑板、經典木枱木凳、locker、記事本Menu同愛人/朋友時光倒流一下學生時代👩🏻‍🏫🎒★ Bagel 全日早餐 $128全部都係我嘅comfort food💗有bagel 、煙三文魚、牛油果、yoghurt 杯、沙律菜，食落無負擔，好清新🥗三文魚有4大塊，bagel煙靭有咬口！yoghurts 配藍莓醬、麥皮、水果，係平時我超中意嘅配搭🙂‍↕️★ 抹茶雪糕豆花豆漿 (跟餐飲品半價) $28招牌飲品🍵！抹茶味幾濃郁，豆花係底，用吸管好容易就食到，抹茶豆漿有幾夾！比起牛奶更清新！中意有雪糕，就咁食又得、等佢溶入都得🍦★ 安格斯牛肉芝士Burger $128入面糖心蛋、煙肉、漢堡、蜜糖芥末醬、生菜🍔漢堡幾有肉味！不過差啲汁水，蛋係流心就更正了🥹不過薯條幾正！即叫即炸、粗身、夠熱、夠脆！★ 藍莓乳酸梳打 $21

收工之後，發現咗呢間以校園風格嘅樓上咖啡店，店入面放滿咗學校嘅枱枱櫈櫈，地方非常寬敞，適合大班朋友聚會，感覺就好似開緊學校聯歡會咁，勁好打卡 🩷冬蔭功龍蝦汁蜆肉意粉（轉原隻軟殼蟹）＋桂花黑糖薑蜜 $186係比較少見嘅意粉醬汁配搭，冬陰功嘅微辣同蕃茄嘅鮮甜配合得好好，仲加入咗不同嘅香料，令味道更加有層次 💚炸雞扒Burger +熱茉香綠茶 $133最鍾意竟然係啲薯條，堅脆又熱辣辣，漢堡塊吉烈雞扒好大塊夾多汁，雞扒上面有片原片菠蘿，減低油膩感，下面就係泰式辣醬，麵包好軟腍，配脆卜卜嘅炸吉列雞扒真係無得彈 💛

坐在課室上的枱椅用餐，感覺特別和餐牌用上file 夾，朋友介紹幾款意粉餐，煙三文魚明太子意粉的汁香濃，鹹蛋黃蟹肉意粉色香，蒜香蜆肉意粉香滑，各種款式也相當吸引，值得一試。Americano 真的香醇，入口順滑。

依家餐廳book mark咗好耐之前有睇電視台都有介紹以校園風為主好多好靚嘅打卡位青春嘅感覺返曬嚟即刻覺得自己後生咗10年做嘢辛苦嗌個二人套餐食得豐富啲獎勵下自己鳳尾蝦雜果沙律：蝦大大隻 ，夠彈牙火箭菜新鮮台式小食拼盤：完全係邪惡嘅表表者每樣小食炸得好好食外脆內軟有甜有鹹青醬帆立貝蝦肉燉飯：帆立貝大大隻燉飯唔會太硬好食鹹蛋黃格羅燒蟹肉意粉：離遠影相已經聞到陣陣嘅好香嘅蟹肉味流曬口水每條意粉都掛汁加上有鹹蛋黃粒增加層次好出色抹茶雪糕豆花豆漿：打卡一落豆花好滑抹茶味都好出唔甜好飲茉香綠茶：飲落去清香綠茶解膩雖然樓面只有一位員工仲要做埋水吧但係佢依然好有禮貌而且餐廳食物味道好食而家餐飲業難做希望大家都可以多多支持

觀塘工業區以校園課室主題cafe，餐廳內營造校園環境，牆上掛上黑板，有儲物櫃，木櫃桶枱，好像回到讀書時的課室，讓人重拾學生時代的回憶，有意思的主題cafe。 黑松露雜菌意粉 🍝遠遠已聞到陣陣黑松露的香氣，濃郁芝士與忌廉汁，黑松露加埋雜菌結合🍄‍🟫，充滿層次感，每一啖好豊富同濃郁，好creamy好味道。😋 宇治抹茶鮮奶 🍵不單止拉花❄️賣相好睇，入口亦抹茶高質香濃。 芋心地瓜球 🧆地瓜球炸得香脆，咬落去好煙韌，入面紫薯滿滿，味道甜甜地，充滿台灣街頭小食既感覺。 📍Times Coffee 觀塘興業街18號美興工業大廈A座1樓C1

最近發現一間藏身喺工廈嘅特色Cafe，叫Times Coffee，成間舖裝修有種懷舊學校feel，啱晒同朋友嚟打卡、傾偈hea住食餐，氣氛輕鬆自在。🍚牛肋條芝士燉飯 $128一上枱就聞到香味，面頭仲有芝士醬鋪面，份量唔細，夠晒誠意。牛肋條炆得好入味，輕輕一咬就散，完全唔鞋口。🍔他他醬炸魚柳漢堡配薯條沙律菜 $98成個漢堡用料新鮮，魚柳炸得外脆內嫩，佢嘅他他醬夠晒惹味，酸酸地開胃。麵包鬆軟，整體平衡度高。配菜方面係粗身炸薯條，咬落更有咬口，加埋一小份沙律菜，感覺唔會太heavy。🦑天婦羅海苔魷魚鬚 $68外層炸得酥脆但又唔油膩，調味適中，鹹香夠味之餘仲保留到魷魚本身嘅味道，咬落仲帶少少汁水。雖然係工廈入面，但平日夜晚都幾旺場，幾乎坐滿！如果你鍾意輕鬆chill住食餐，或者想搵個打卡點，可以bookmark呢間！

回到過去🫢🤫觀塘係個充滿我經歷嘅地方，加上班房佈置，回憶返哂黎😆Cafe四處都係班房打卡位😏🔹炸雞扒Burger雞扒大大塊，夠厚又爆汁，配酸辣醬好惹味。🔹煙三文魚牛油果沙律天氣悶熱，想食refreshing嘢，煙三文魚、牛油果份量多，驚喜位係配中華沙律，又係回憶殺🤫🔹抹茶紅豆芭菲雪糕係濃濃抹茶味，充滿奶香，配幼滑紅豆蓉、抹茶蕨餅、脆脆，非常滿足。🔹紅柚冰茶🔹桂花白桃冰茶飲品味道清新、開胃，岩哂夏天飲🫶🏻☀️

凍冰冰殺入工廈搵食，撞正間玩校園回憶殺嘅Times Coffee！木枱櫈、黑板壁報仲有吊扇，成個中學課室咁款。最過癮係櫃桶塞滿「同學簿」，等上菜時揭開睇晒啲街坊心事，自己加兩筆鬼畫符都幾過癮～✨鹽酥雞南瓜燉飯 $88抵食夾大件！南瓜蓉撈飯夠creamy，炸雞即叫即炸脆卜卜，咬落仲噴肉汁✨脆殼蟹肉燥飯 $158原隻軟殼蟹炸到金黃拱起，蟹膏漏油撈埋台滷肉燥，邪惡到想舔碟凍到騰騰震嗌兩杯薑飲暖身，桂花黑糖薑蜜甜辣平衡，飲完成個胃暖笠笠。薑啡就夠哂癲，鮮奶撞埋薑汁再shot個expresso，飲完成個背脊出晒汗～坐低聽住懷舊歌，揭下人哋手寫日記，hea足個幾鐘都冇人催你埋單，呢啲先係真正嘅「偷閒食堂」嘛！