The Site

營業中

休息中

週末想休閒寫意食個晏飯， 咁啱去開太子，就試下呢度既cafe。 估唔到內街呢間cafe竟然好多人。原來都有唔少人嚟食野，淨返吧枱都照坐。點了封門柳薯菜，蜜糖玫瑰雞翼同埋凍玫瑰Latte。 封門柳薯菜性價比很高，牛肉同薯條都好味，好快就食哂啲薯條。周圍都有頗多人有點呢個菜。玫瑰蜜糖雞翼味道就比較清淡，唔算太入味，如果多啲蜜糖會香啲。凍玫瑰Latte就一般。可能熱既味道好啲。 整體食物同環境都唔錯，下次可以再嚟。

終於無落雨～ 同同事去咗呢間Cafe食Lunch 午餐都好多選擇～ +$10 有沙律&是日餐湯我叫咗封門柳配薯菜賣相唔錯，封門柳熟度啱啱好～食落口感唔錯！ 但係薯條超！級！硬！😂😂餐廳主要係木系裝修～ 坐得幾舒服！好啱三五知己約會

當日為朋友慶生食晚餐食物味道不錯有健康食材的選擇我們選了蒟蒻青醬蘆筍蘑菇意粉封門柳火喉剛好 牛油果有半個買相也討好唐揚八爪魚粒有鮑魚菇伴驚喜是是日的特色巴斯克蛋糕開心果味道最啱不喜歡過份甜的我配了兩壼養生花茶環境佈置以温暖色配木系傢俬預先訂位可以㨂喜歡的corner食飯其間都見有客人進出午餐晚餐都常滿難怪要預先訂座

地點非常方便近地鐵站店舖位置唔多鋪位細 所以很容易滿座 強烈建議一定要訂店舖裝修好cozy木系cafe🪵今次四個人食飯 叫咗一個二人餐額外加咗一個意粉同埋兩個小食 份量足夠 二人餐前菜可以3選2煙三文魚田園沙律🥗 - 煙三文魚份量唔孤寒蟹肉牛油果他他🥑 - 每啖都有蟹肉加牛油果 蟹肉份量好多 牛油果有切粒同溶唔同嘅口感 (推✨)主菜肉類同意粉各3選1 (即2份)肉眼扒配薯菜 (+$100) - 肉眼超大塊 肉質正 幼身薯條即炸好食 仲要有好多串串蕃茄明太子蟹肉忌廉意粉 - 每啖都有明太子同蟹肉 每條意粉都佔到忌廉 好夠味呢2個主菜都大推✨✨✨是日甜品Tiramisu - 平時我都唔算鐘意食咖啡相關嘅野 但都令我食唔停口 有唔同口感🤣飲品加$20 做2杯手工啤酒🍻啤酒外貌已經好吸引🤩我揀咗一支木味啤酒 好香 入口好順性價比好高 值得加錢轉手工啤啲個二人餐好抵食另外加咗兩個小食同意粉炸雞 - 冇咩特別蜜糖排骨 - 擺盤靚 脆脆嘅肉汁點蜜糖 可以嘗試肉醬意粉 - 意粉都係有滿滿嘅醬汁 完全冇好假嘅蕃茄醬味特別要提一提佢哋嘅所有服務員都好nice個個都好有笑容🥰🥰🥰總括而言性價比好高 嘢食好好

The Site Cafe呢間一開嘅時候吸引勁多人打卡，人氣相當高，攪到我都心郁郁想黎試下食物方面有水準而且份量夠大，推介原味巴斯克蛋味勁重，入口細膩，如果做得再焦香d會更好另外自己都鐘意飲Hojicha latte，佢地嘅焙茶味夠濃郁順口，反而抹茶latte奶味偏重比較失色 - All day breakfast - Egg Benedict- 巴斯克蛋糕- Hojicha latte- Matcha latteTotal $364

-{太子cafe☕️}🤤 封門柳配薯菜 🤤 ($168)封門柳油脂較少 但肉質完全唔韌 仲要好有肉味😚有兩排嘅肉 配上沙律同薯條份量都多嘅😋👖褲評: 8.5/10🤤 巴馬臣芝士蕃茄肉醬意粉 🤤 ($92)比一般嘅肉醬意粉香勁多😆肉醬本身較潔身 而芝士都濃郁好多🤓扁意粉煮得比較腍身 整體都好食😋👖褲評: 8/10 🤤 香煎虎蝦配龍蝦汁意粉 🤤 ($128)虎蝦size正常 有3隻 殼拆左一半 冇咁方便 龍蝦汁味道正常偏淡😢👖褲評: 6/10🤤 明太子蟹肉忌廉意粉 🤤 ($102)明太子味都有嘅 但略嫌蟹肉太少撈埋已經唔見左 而且汁好水又太多😭見其他人嘅相都冇咁多水 有點失望🥺👖褲評: 6/10見到網上食評嘅意大利飯同帶子意粉都唔錯 但當日已經賣晒🥲其中兩款意粉都失望 唔會回訪性價比: 5/10服務: 7.5/10環境: 8/10🚩 The Site 🚩地址: 太子西洋菜北街161號地下A號舖 #fuudjai #fuudjaicafe #fuudjai太子

📍 The Site▪太子隱世木系咖啡店🗝️主打和洋料理及甜品🍮深木主調配搭水泥墻身、玻璃罩燈莫名帶點和風復古氛圍門口設有室外座位 室内左面設有窗邊吧檯 右面角落一張圓桌 自成一角🪑到訪當日為平日午餐時間 枱枱爆滿(尤其見到隔離枱碟封門柳同巴斯克好似好正♡烤雞吐司 $78 (🥗&🥣另加$10)勁足料爆餡🥪麵包鬆軟 外層塗上牛油煎香增加油香味及微脆口感雞扒大塊又厚身 嫩滑Juicy加$10仲可以升級套餐是日靚湯有粟米忌廉濃湯必須大讚👍🏻粟米湯並唔係買現成鮮磨粟米🌽煮成湯 口感特別輕盈幼滑忌廉只為調味 完全無厚重膩感或負擔感✨♡抹茶拿鐵 $55 (套餐優惠再減$20)拉花幾靚🌼茶味香濃 唔會過甜 口感滑順無顆粒感 抹茶控必試💚

好鍾意呢間小店！無book位(原來可以社交平台book!)好彩仲有外面位 都坐得好chill🙌🏼 見到入面裝修有日feel~🍝傳統卡邦尼意粉 $92唔係個種用cream煮嘅卡邦尼我比較鍾意呢種 更加濃郁掛汁🤤 加埋煙肉鹹味 好好味！🐥一口site炸雞 $48本身以為會係嗰種叫貨炸嘅炸雞(勁厚粉多肥膏個種)點知係炸皮薄又脆，啖啖肉 有驚喜😆🍹橙汁 $40🍵Ice Matcha Latte $60嘢飲個人認為偏貴🥹✨另外生酮menu~

第一次到訪是cafe開業不久 試過一次lunch 點了它的明太子意粉 超級濃郁又抵食 一直念念不忘第二次探訪 encore了明太子蟹肉忌廉意大利粉, 亦點了青醬蘆筍蘑菇意粉及粗直薯條配黑松露醬明太子蟹肉忌廉意大利粉- 明顯退步了不少 不再濃郁 不再creamy 可能是落的明太子料比剛開業時減少了青醬蘆筍蘑菇意粉- 不過不失 正常發揮 反而最好吃的是粗直薯條配黑松露醬- 份量不少 即刻炸的 熱辣辣The site店內環境是美觀舒適的 但未必會再次encore了

之前睇某youtuber介紹咗佢朋友嘅依間餐廳，見啲嘢食好似幾吸引，bookmark咗好耐，終於有機會去。去之前早幾日book定位，到當日早咗啲到，又好肚餓，就諗住去問吓睇吓有冇得早啲入去。去到開門等咗一陣見無人招呼，行入去問個男店員有冇得早啲入，男店員話要到我book嗰個時間先有位，冇問題～到book嗰個時間，我好準時地返到餐廳，開門時咁啱該男店員見到我，佢又再問我有冇book位，我亦立即答佢我book幾多點，佢叫我喺出面等一等。等咗一陣，有兩組客人遲過我嚟嘅都入咗去，男店員完全無視我直接同之後嘅客人對電話，我猜測可能我book嘅次序遲過人哋？（但店員從來都冇問過我電話號碼/名，所以佢理應唔知我個次序？）點知到佢閂門嘅時候更加同我對望咗一眼就閂咗門，完全冇諗住同我講我係要繼續等定點？當時都過咗我book嘅時間，亦唔見得裡面仲有吉位。完全感到被無視同唔知要等到幾時嘅情況下，即刻過咗對面間2soon cafe，唔洗等位又好食～之後同朋友講返成個過程，朋友表示佢上次食嘅時候已覺得環境較逼，餐廳店員上菜時亦唔識望住張枱就擺低碟嘢，差啲跌落地……未食到已取消bookmark，附近都有好多caf

喺一間唔係咁高調嘅餐廳品嘗咗一餐，記住呢個名呀，食物真係好得嚟！🍴佢哋個封門柳，肉質嫩滑得嚟味道又夠鮮，實在太正！肉汁豐富，每一啖都滿足極啦。龍蝦汁虎蝦意粉又點？醬汁順滑，龍蝦味非常突出，與意粉完美結合，頂級享受咋！雞翼方面，玫瑰蜜糖既香甜又唔膩口，叫人一啖啖都想食。Latte呢杯真係做到表面金黃，味道濃郁又唔會苦，滑過琴弦咁舒服～👌小食拼盤啱哂我哋呢啲想一次過試多啲嘢嘅食客，每一款都係精心製作。唯有一個遺憾，唔好意思噢，我少少嘢都食唔落咗，下次預咗多啲胃先！飲品方面，柚子梳打清新解膩，真係飲杯都值得嚟嘅選擇。落足精神嚟感受，呢間餐廳絕對會俾你難忘嘅味道同嘅時光。食物好，感覺就更好，絕對值得推薦畀大家啦！💯🍝🤤

店員態度好差，對客人唔尊重，無禮貌，一間餐廳就算好食，如果店員態度唔好係好趕客。希望你地反省下應該要以點樣既態度去對待客人，要令人浪費時間都要係呢到比寫review比你地餐廳。

其中一間我要大推嘅Cafe，一定有「THE SITE」份😻！無論你想三五知己、拍拖定me time都好，呢度都係一個好地方🥰🍝我哋5個人叫咗3碟意粉：#明太子蟹肉忌廉意粉、#香煎日本刺身帶子蒜香意粉、#蕃茄藍青口意粉。每款都十分出色，尤其係明太子蟹肉意粉！！Creamy得嚟啲明太子又唔會太鹹😺 啲海鮮亦煮得啱啱好，2粒帶子夠大粒，不過同人share嘅話就唔夠喉🥹🥗另外都叫咗個「THE SITE 全日早餐」。平時我好少叫All Day Breakfast，但今次啲配料我都覺得好食👍🏻🍮嚟到呢度一定要食「#日式焦糖布甸」！！！！真係超好食😻 又係本來好少食嘅甜品，但係夠滑同甜度適中，諗返起都想再食🤤🍰總係要覺得食埋件蛋糕先滿足，我哋就叫咗件 #原味巴斯克蛋糕。其實想試唔同味，可惜當日冇晒🥺 原味都好好食，鍾意食cheesecake嘅朋友應該都會鍾意食😊🍵飲品我揀咗「#鮮奶日式抹茶」。抹茶控表示幾好飲，拉花亦好靚😻下次會嚟食Risotto同其他未食到嘅甜品😋

下午3:30約左朋友黎tea 一入到黎感覺似日本傳統咖啡店裝修特別木系Menu有一張係全生酮menu選擇都算多叫左個keto all day breakfast & latte & coffee tonic 賣相靚野食就normal all day breakfast 但多左塊生酮麵包口感食落似用杏仁粉做都唔錯Coffee tonic係so far我見過presentation最靚的

朋友介紹之後一星期黎左2-3次，超推介西餐生酮menu，大愛！低碳食得健康，開心又好食！極推介🍝 明太子蟹肉意粉人氣no. 1 ，枱枱都有叫，個個朋友食過都認同最好食！超creamy嘅忌廉醬，蟹肉份量超多，明太子味道亦好新鮮！🍝 卡邦尼意粉傳統手法，蛋味濃郁，份量剛好唔會太dry，但煙肉先係重點，因為佢嘅煙肉係自己煙薰，超香口好好食～每一舊都令油香留係口腔迴遊，好正🧆封門柳配牛油果封門柳嘅肉味好強，佢份肉已經rest左，食嘅時候肉汁已鎖起，餐廳會再切埋一片片，溫度少少唔係好夠，但烤邊好香～加埋沙律同牛油果配合，好滿足！🥓 蜜糖五花腩配烤菠蘿五花腩超邪惡，豬腩肉同肥肉分佈都均勻，但極香口同有焦糖烤邊！比叉燒極肥美，餐廳有大火烤香，迫出油份，出爐後個溫度同香氣都係天花板！烤菠蘿都有焦糖味，烤完微酸，中和油膩感，非常正！從口感到平衡到味道，都感到係用心之作～🍗小食拼盤、the site 烤雞呢兩份比較普通，雖然價錢相宜，但炸物就有待改善～可能原因係餐廳主打西餐，第一次比較少枱會叫酒，所以亦比較少會叫小食～不過多人聚會嘅時候，我就忍唔住研究點樣加餸🤣🍮 巴斯克蛋糕我地分別叫左一份原味、開心果同