影片
The Shack位於新發展區「馬灣1868 」面向青馬大橋海景cafe’☕️🏞。本年4月開張，餐廳以西式美食為主，裝修融合地中海和日式設計。Café 墻上有油畫🖼，而天花有仿製紫藤花🪻和草🌿，好迎合周邊環境。最矚目受歡迎係狗店長🐶西摩犬佢全白色毛毛又溫柔又高雅。坐底時前雙腳交叉踏住好有儀態😂，人見人愛🥰Cafe’有榻榻米，高枱櫈，露營枱櫈，4人枱和露天枱櫈提供，坐下飲下coffee望出窗外藍天白雲海景，好有度假的感覺🏝👍開心果朱古力蛋糕 $52Pistachio Chocolate Cake推介👍上層有開心果碎，開心果cream 又多又滑，中間夾著朱古力蛋糕，多重口感。麒麟生啤 $68咖啡拿鐵 Caffè latte $42@theshack.hk📍House 17-18,38 Ma Wan Main St, Ma Wan馬灣1868公園16-17號屋 (海邊) 🍽11:00-20:00(星期一休息)有可變動，請留意官網#馬灣1868 #馬灣美食 #馬灣公園 #馬灣彩虹村 #キリンビール #latte #開心果朱古力蛋糕 #Pistachio #ChocolateCake #西摩犬 #渡假 #Cafe #TheShack #MaWan
繼續閱讀
我哋係除鞋坐榻榻米，有位置可以收起對鞋，都ok。嘢食雖然出得有啲慢，單真係好好食，值得等下，可以同朋友慢慢吹下水傾計，幾舒服！嗰度應該寵物友善餐廳，有店狗，非常乖同好脾氣，不過最好都係問下staff先摸！
繼續閱讀
最近得知馬灣開咗個新嘅景點，特意同另一半前來參觀，不過由於當日天氣十分酷熱，極需要避暑，最後就先選擇喺呢間新開嘅Cafe入面歇一歇。星期日晏晝基本上係滿座，甚至要搭枱或者等位，而我哋有幸坐都最後一張Bar枱。坐就唔算坐得舒服，有少少逼夾，但係服務同衛生都還好。重點係店舖入面有一隻非常可愛不過好懶的薩摩耶，基本上比你搓圓撳扁都冇所謂。窗邊位會望到汲水門大橋，景色頗令人忘憂。我哋由於唔係好肚餓，淨係叫咗一杯抹茶latte同埋開心果朱古力蛋糕。抹茶 latte 味道唔錯，至於個蛋糕就中規中矩，賣相就請參考我附送的相片。Vibe 同價錢都唔錯，值得一去。
繼續閱讀
適逢今日星期五，諗住去嘆吓午餐。叫咗四樣嘢，兩個午餐+2杯嘢飲。叫咗個salmon+ salad wrap，嚟到好細份，同埋好soggy，同咗類似老細嘅男人講，佢話叫salmon係咁喎，吹佢唔脹佢話如果你chicken wrap會好啲喎….。咁我俾benefit of a doubt 你。第二樣嘢 tuna salad, 吞拿魚是新鮮吞拿魚，雖然係得幾塊但好味！個沙律正常（但個dressing好淡好似冇加鹽）。兩杯嘢飲正常，其中一杯是凍朱古力，頗甜！會唔會再嚟？ 近街頭的Cafe(街口嗰間)好少少, 識揀應該去….🫣😬。
繼續閱讀
睇介紹趁墟新景點馬灣1868，有啲似韓國嘅小法國村，將一系列嘅村屋塗成唔同嘅顏色， 加埋graffiti，遷入cafe同埋文青小店，將呢度打成特色景點，但係只有小部分嘅店鋪開店，行過呢間cafe見到裝修幾靚，有對住海景同埋吸水門橋，所以入嚟試吓，點知失望而回。入嚟見到窗口位嘅客人走咗，問店員可唔可以坐窗口位，佢話要4個人先可以坐，由佢空咗係度，安排我哋兩個人坐近廚房位嘅四人位，我對佢嘅邏輯有啲滴汗😅之後15分鐘都冇客，佢最後俾咗3位旅客坐，再安排两位本地客同我哋搭枱🥲我以為自己去咗茶記同一時間有pair惡惡地嘅女仔客趁窗口位客人走咗，自己調過去，店員無阻止，莫非要迫人變西客？跟住點餐要去counter ，斟水同餐具都要自己拎，完全冇服務可言😑佢哋有啤酒賣，但只可以喺室外飲，即係叫人唔好點😅叫咗cold brew，龍蝦湯連牛角包及all day breakfast ，45分鐘先上齊🥲🍽個咖啡($60)勁酸，就算埃塞豆嘅cold brew都好少咁出事，brew time/temperature 或者有問題👎🍽龍蝦湯配牛角包($68)-個牛角包幾鬆脆，但個湯好鹹，要飲水balance吓😐👎🍽All day breakfast($138)-三文魚同巴馬火腿都乾及顏色稍暗，牛角窩夫反而不及上面配湯嘅牛角包好食，最好食係個炒蛋🫠🫠🫠我對面枱客叫咗pizza，半小時都未有，我哋都相視苦笑，應該唔會有下一次.......唔expect俾近三百蚊，點餐拎水餐具要自助仲唔可以揀位，茶餐廳都可以揀位，仲要出餐快靚正，價錢只係三分一。餐廳裝修靚又有海景，但食物服務咁嘅質素真係玩自殺，而且個度仲有其他cafe競爭。我都想撑本地消費，但自己都要爭氣，唔好趕本地客，唉😶🌫️
繼續閱讀