The Next Chapter

營業中

休息中

三人行午餐，想食得好少少，海提呢邊可算是食街，超多唔同類型餐廳，有水煙酒吧、有日本菜，有泰國菜、有茶餐廳、有西餐廳，我哋見呢間嘅西餐食物好似幾靚，一於做個新嘗試! Lunch menu 有5個選擇，意粉、飯、主菜類都有選擇，食物種類方面有 ： 海鮮、雞、豬、牛、魚，種類都齊全～ 價錢包頭盤、餐湯、咖啡茶。鮮果柳沙律配檸檬欖油汁火煎菜上有球狀的各款水果，小小的前菜已有6款水果，很有心思。生果的甜與火煎菜的微甘衝擊著味蕾，再加上檸檬沙律油那酸酸鹹鹹的味道，很開胃！生果都取中間細嫩部份，甜度十足， 最喜歡就是那柚子，細細件的，多汁又清新。 豆苗湯湯品今天轉了當造的豆苗做湯。侍應說豆苗湯是用新鮮魚的魚骨去淆製，加上胡椒、姜、香葉、雞骨做魚湯底。而豆苗當造，就加上豆苗、大蒜搗爛做湯。最喜歡就是這種，廚師用當造食材做出來的食物。這樣才是大師傅，不是一般流水線。湯底極鮮味，加上豆苗的清甜，是好特別的體驗，一定要試！ 香煎三文魚配海膽醬 第一次見三文魚用這種做法。三文魚皮的一邊鋪滿了芝麻，黑黑白白的視覺效果好吸引。脆實的芝麻跟軟滑的三文魚肉，不同口感但又合拍的一道菜。連旁邊的配菜都十分精緻，又配合主題

全個東涌除了自助餐，很少地方可以食蠔，呢度啱哂我地聚會👍🏻👍🏻👍🏻Seafood platter 👏🏻我遲到，食剩少少俾我影相😹三層嘅海鮮拼盤，最高一層有原隻龍蝦，北海道元貝拼魚子。中層有三文魚刺身、油甘魚刺身、牡丹蝦刺身、蜆肉。最底層有生蠔、熟蝦、翡翠螺、藍青口。我們5人，每樣食物5份，相信海鮮拼盤上桌時係好正😭😭龍蝦肉厚切一片片，第一次吃這樣切的龍蝦，又幾爽口，味道香甜。北海道元貝拼魚子橫切對半，色澤光鮮，好新鮮。口感柔軟。魚子大大粒。中層嘅蜆肉，飽滿又有鮮味！ 粒粒都漲卜卜。三文魚刺身有光澤，肥美甘香。生蠔當造，爽脆又有海水味，係我中意嘅蠔味。 露筍珍珠帶子魚湯燴意大利飯我的主菜點了露筍珍珠帶子魚湯燴意大利飯，其食食完海鮮已經好滿足，再加個主菜就剛剛好。龍蝦汁好濃郁，剛好掛在意大利飯，意大利飯軟硬適中，海鮮有藍青口跟大蝦，大蝦爽脆，藍青口當造期，十分飽滿。最喜歡珍珠帶子，鮮味十足，煙煙韌韌。呢餐很盡慶，最開心有生蠔吃。🥳

今日星期五☺️Happy Friday，去咗一間東涌新開餐廳兼酒吧飲野，食野。環境一流，侍應服務態度非常好，常常保持笑容，又講解食物。食物方面，味道很好，喜歡食西餐嘅朋友，這間是我推介。價錢合理，唔貴，平均消費三百港元一個人。如果要飲酒，價錢會多少少。有酒精或非酒精飲品order這店很多食物都很好味，可以說和酒店級數一座。如有三五知己，想傾計，這裏都很優靜，亦是一個好地方⋯⋯洗手間都佷乾淨，整體我可以常常去這店

昨晚我很開心，去到一間食物又靚又好食嘅餐廳，侍應服務仲貼心有禮👍點咗嘅菜式有：⭕️凱撒沙律🥗$88⭕️香蒜辣椒活蜆意大利粉🐚$138⭕️ 油封鴨髀、香煎鴨胸、香煎鴨肝配香橙西梅汁🦆$288凱撒沙律🥗麵包粒和煙肉都有好多，再加上海量嘅Parmesan Cheese芝士碎，那個醬汁更是神來之筆，anchovy 中文應該是叫鯷魚十分提鮮！ 凱撒沙律生菜新鮮，每塊都卜卜脆十分清新🥰。清新的沙律增加咗我嘅食慾🤤香蒜辣椒活蜆意大利粉🐚估唔到會用大大隻嘅紐西蘭鑽石蜆！ 鑽石蜆世一！ 街市買都好貴，呢度鋪滿整個碟。蜆肉鹹香鮮甜，每隻都有海水風味，粒粒飽滿漲卜卜，試過鑽石蜆就唔想食其他蜆。意粉少少辣吊味，一點都唔滯。油封鴨髀、香煎鴨胸、香煎鴨肝配香橙西梅汁🦆一碟有齊全隻鴨嘅精華。鴨髀酥軟多肉，肥美多汁，油脂豐美。鴨胸比平時見到的瘦，沒用那層厚厚的肥膏，鴨肉味道更濃厚。再加上鴨肝的甘香，回甘滋味久久不散。主菜比意粉的擺盤靚很多，食主菜更好享受！

今次是我們公司的每月聚餐🍽，希望吃過這餐精緻料理，我們全組年底業績更上一層樓🈵🈵！ 會計姐姐找到呢間隱世餐廳，食物精緻😋，環境寬敞舒適，更有vip room，唔驚嘈親人。老闆同全組同事都有讚無彈👍👍，食得好盡慶❤️❤️大家一起說未來說衝刺，很勵志💪🏻！ 刺身拼盤🐟🐠菜式名是我自己寫的，因為是老闆點的。刺身拼盤上枱時氣勢磅礴，因為是結構好似結婚蛋糕🎂，樓高兩層的刺身盤！ 上層放有是油甘魚刺身🐟和三文魚刺身🍣，下層是原隻海膽，滿滿的一圈，三款刺身都是我最愛。三文魚刺身🍣砌成蝴蝶🦋形狀，厚切的三文魚先食到魚肉那種新鮮綿軟，滑而不膩！旁邊的油甘魚刺身🐟砌得好像絲帶🎀，肥美飽滿的魚肉風味鮮甜。粉嫩的顏色看上去就知道新鮮🥰。每一下咀嚼都在享受魚油嘅甘香😋。海膽連殼上，好似中環Omakase 或是酒店日本餐廳的食法，精緻名貴。要食最新鮮的海膽，當然首選原隻新鮮上🙆🏻‍♀️，其次就是鹽水海膽，最後就是板海膽。一般板海膽都有添加，原隻上當然最好最甜💁🏻‍♀️。在東涌可以食到連殼嘅海膽真驚喜！加拿大海膽口感豐腴，入口好似雪糕🍦咁滑，見到海膽面上顆粒分明，有光澤，是新鮮的保證！整盤都沒有一片是溶掉的水汪汪海膽，很高

今日來東涌一間新開的酒吧餐廳，位置喺海堤灣畔嗰邊，環境好舒服，啱晒放假嚟飲酒傾偈凱撒沙律🥗：蔬菜好新鮮，配埋芝士粉同脆麵包粒好夾愛爾蘭/阿根廷生蠔🦪：廚師推介由淡味食到濃味，先食愛爾蘭生蠔，因為味道比較清新，有濃濃嘅海水鮮味，口感細滑；再食阿根廷生蠔，海水鹹味比較濃，肉質比較creamyMango Smoothie:🍧沙冰口感細滑，配埋新鮮芒果醬🥭，好似食緊芒果雪芭咁，味道清新又唔會太甜Sober Up：試咗其中一款Mocktail, 裏面有青瓜，芒果醬，龍舌蘭糖漿，蘋果汁，檸檬汁和梳打，好fresh酸酸甜甜好開胃白酒忌廉汁煮青口：青口好肥美新鮮，白酒忌廉汁可以提升鮮味，食嘅時候帶淡淡的酒味；配菜嘅香草牛油多士都好脆口，不過略嫌有啲硬低溫慢燒美國頂級牛腹柳🥩牛腹柳口感軟滑，牛味香濃，以慢燒嘅煮法熟成度啱啱好，配菜都幾有心思，將南瓜，紫薯，番薯造成三層，好似糕點咁賣相精美又好食，唯獨美中不足係牛肉份量太少，三五知己來食都係每人一塊加拿大豬鞍: 豬鞍肥瘦適中，味道香濃，外皮超香，裏面的肉質軟熟Fish of the day:呢個似係香煎鱸魚，新鮮不過醬汁味道比較淡同少，建議調味嗰度可以俾多

這次在東涌覓食，在OpenRice 搜尋下發現新開的一家西餐，牛扒好靚，忍唔住跟著地圖找尋靚牛。店鋪在東薈城外，行約5分鐘，一定要跟著地圖找，而原來呢邊都有好多食肆，是一條小食街。我找的餐廳在街的頭排位置。見餐牌選擇種類幾豐富，不少新菜式都很吸引。Starter 侍應推介了白酒煮青口，上菜時已經聞到海鮮嘅香味。新鮮青口好飽滿，天氣開始凍，真是食青口嘅好季節。每隻漲卜卜嘅青口都吸收哂白酒精華，洋蔥粒散發嘅香氣增添風味🥰仲有個蒜蓉包真係無敵。蒜蓉包點青口汁或者餐湯，應該是大人小朋友嘅至愛。呢個蒜蓉包大大個，又有蒜香又夠脆。主菜點了心儀的牛扒，餐牌上有幾款牛，我將在社交平台見到的牛扒相給侍應睇，確認是低溫慢燒美國頂級牛腹柳。上菜時跟我看過的圖片一樣，牛扒嘅鮮紅色太吸引了，牛扒控見到一定發狂😝牛扒底一直切後都乾乾淨淨，唔會有血水。牛腹柳牛味好濃郁，而慢煮解決了牛味濃就會肉質靱嘅問題，呢個牛腹柳真係兩全其美🥰🥰而配菜都不可忽視。那個一層層的甜心蕃薯，口感很特別，好像某美國牌子蛋糕，我覺得應該可以獨立做甜品呢🤣另一款主菜點了海鹽檸檬生燒原隻法國春雞。法國春雞出名皮薄，不會有肥膩感，吃完不會覺得有負

三五知己去飲番杯，最後選咗一間有高枱嘅餐廳，感覺好chill 。  旁邊的酒吧櫃好靚好有氣勢。酒類有紅白烈酒，我地幾個女仔，選咗幾款雞尾酒。我最開頭飲嘅️係 mellow melon, $89。入面有gin 酒、蜜瓜、柚子、檸檬、梳打等。話明mellow 杯上面有2個燒過嘅棉花糖，一舊就咁食一舊濕咗酒食，濕咗酒食都幾得意。杯酒入口酸酸甜甜好清新，唔會有一陣苦味，好啱女仔飲。最喜歡有柚子又有蜜瓜，好易飲哂一杯。另外仲叫咗個雞翼同薯條，仲有好多杯酒。不過掛住傾計，都唔記得影相。唔經唔覺我地傾到夜晚餐廳關門，呢度真係好開心好有氣氛。

萬聖節當晚選了東涌新開的一家餐廳，一家人吃晚飯。節日氣氛濃厚，佈置有心思，有些蜘蛛等等的毛公仔，仔仔十分喜歡。而侍應們都穿上華麗的伯爵裝，對大人小朋友都招呼周到。餐牌上的分類有小食、主菜、沙律、意粉、附加菜。飲品方面都有很多選擇，例如葡萄酒、列酒、雞尾酒和啤酒等。串燒拼盤$218烤架上吊著四款不同的串燒，賣相有玩味。四款串燒分別有燒鵪鶉髀、燒牛肉、豬肉和菠蘿。牛肉和豬肉串燒拼上洋蔥和燈籠椒，增加風味。燒鵪鶉髀很少見，肉質結實多汁，啖啖精華。低溫慢燒美國頂級牛腹柳 $298賣相精緻，走fine dine 路線。低溫慢燒的牛腹柳，光是那粉紅嫩嫩的賣相已經十分吸引。慢燒後牛味濃郁集中，配上惹味燒汁更添食味。刀子輕輕一𠝹便可把牛腹柳切開，肉質軟糯不黏牙，而且碟底完全沒有血水，整體甚好。旁邊還有餐廳的招牌配菜：16層焗甜薯，以為口感會很脆，實際卻像蛋糕般綿密。️黃金薯條$68薯條每條咬下去都有「卡查」絕妙聲響。薯條外殼像是玻璃一般纖細易碎，內裡鬆軟綿滑。最主要是吃到尾段還能保持酥脆，很適合派對上享用。薯條尺寸比較粗大，炸得十分酥脆。BlackBerry smash $78這款無酒精成份的雞尾酒，由