The Faith (已搬遷)

星期日和朋友去屯門黃金泳灘遊玩,順便揾野食.上openrice search到附近有幾間餐廳,發覺TheFaith食評不錯,打去訂左兩位.大約六點半到達餐廳,接待員帶我們到窗邊卡位坐下.望出去雖然不是海景,一片茂密樹木,偶然會有幾輛車經過,感覺也非常寫意.侍應生先介紹頭盤有各類法國海鮮生,加拿大馬糞海膽及50個月橡木果黑毛豬火腿.好!一於試晒三款 生揀選了兩款,Golden Regal--外殼上帶有金箔,說是今年新款品種,入口海水味適中,爽中帶甜,食完滿鮮甜,感動味蕾 另一款HCM有一點煙薰海藻味,口感豐富.再選多兩隻法國Cherry Stone,海水味濃,爽口清甜,不同於美國口味,也是一個好選擇.加拿大馬糞海膽--叫了半份,海膽鮮甜肥美伴紫菜靑瓜,食落不會有滯口感,非常清新. :) 橡木果黑毛豬火腿--濃厚橡木果味油香而不膩,配芝士豐富,配蜜瓜清新細膩 用網上手機優惠券,送左隻法式溏心鮑魚 湯點了白松露湯,香濃磨菇滲出白松露香味.主菜揀左澳洲和牛胸膈膜,見幾特別菜色,待應推介食4-5成熟.爽中有彈性口感特別,香濃牛肉味有別於食牛扒那種感覺,都幾特別. 最後甜品叫了心太軟,甜味適中,朱古力味香濃配上呍呢拿雪糕.非常滿足的一晚 …查看更多

食左好耐，10月5日食完，唔得閒寫食評。有時來吃幾次，餐牌都無變，有點悶，希望餐廳係每星期餐牌改變下。今次個辣雞肉長通粉同個扇貝天使麵好味，其實個長通粉之前一個星期食過覺得好食再encore. 天使麵有少許"漏"，味道算可以的。以上呢個係素意粉，仲意食風乾蕃茄可以選擇呢個，本人對蕃茄唔識欣賞，都係菇類素意粉好味點。但喜歡食得清淡一點的可以選這個。最後來個甜品，真係好滿足。…查看更多

無意中發現有哩間餐廳，見食評ok, 加上近日香港市區情況，所以就喺屯門慶祝3周年紀念。我地揀咗招標set dinner C, $528/person +10%, 有3個前菜，包括刺身小龍蝦(OK ), 鵝肝custard (幾特別), 大磨菇(好味 )。我地經openrice訂檯，送咗一隻鮑魚(公眾假期都有係估佢唔到嘅 :) )(味道ok), 我地都揀咗牛肉湯，好香，幾好飲！主菜叫咗黑毛豬rack with apple sauce, 肉質有少少似豬頸肉，但無咁油膩。甜品包喺set入面，但得揀，無論賣相定味道都失望 :( 最後飲品喇，我叫嘅earl grey 係twining, 所以ok. 老公叫coffee, 佢話好飲！環境ok啦，可能今晚人多，full house, 有d嘈，但起碼檯同檯之間距離唔太近，唔會聽同人地傾計先。Waiters 當中只有較年長嗰位男侍應喺每次放低食物時有講嗰碟係乜野黎，另外嗰幾位後生嘅唔知係咪新人定替工，放低時一句野都唔講，其實咁多個courses, 客人好多時會唔記得自己叫咗乜，有介紹會好好多。另外一讚佢地有將碟預熱，令食物無咁快凍，值得一讚！ :)…查看更多

唔好意思, 係講食物前要講下歷史先,。臉書的好處給我找到了，就係有打咭記錄可以睇返。因為曾經打過咭，就可以追溯返我地一家幾時開始來呢間野食。就係2012年8月12日, 其實最早係06年已經黎食過, 個次係慶祝大女6歲生日, 食晚餐。之後事隔6年, 再黎食, 就係食午餐。自從12年食過一次, 當時3歲幾的細女就愛上左呢到。因為仲意佢環境舒服，食物質素又OK，人又少，次次黎都包場咁濟 (不過而家出名左, 多左人來食, 變相我地就唔會再係大時大節黎食LU)自從介紹左呢間餐廳畀細女認識之後，每次週末問佢想去邊到食，佢都會畀3個CHOICES 畀佢爸爸︰1. 上樓梯(即係THE FAITH) 2. 三文魚 3. 黃金海岸 (THE FAITH 同一集團的另一間低質素少少的餐廳)其實我地黎呢到開餐不下30次，不過係最近先開始用OPENRICE 寫食評。咁講返正題，呢次係結束暑假，迎接新一學年，為炎熱的暑假劃上完美句號。畀個藉口自已去食好野丫MA. HEHE 今次四個人，每人叫一個SET LUNCH，食到好飽！好滿足！第一道前菜︰沙律 味道同選料都OK 啦, 菜算新鮮, 但係好耐之前係用陳醋唔係用沙律醬的。如果可以用返陳醋會更好味啦！第二道係湯 ︰紅腰豆忍廉湯, 啖啖濃郁的腰豆味, 足料跟住就係主菜啦︰叫左四款1. Deep Fried Sole Finger and Season Fruit Tartar Sauce 時令水果配炸龍脷手指魚柳配他他汁個魚柳今次略為真係DEEP FRIED 過頭，黑黑的，還好，沒有影響到味道！我個人就唔太喜歡DEEP FRIED 到咁！但細女就話OK。個西瓜係超甜多汁的！2.Stuffed Chicken Breast with Mango Leeks and Caramel Strawberry Sauce 香芒釀雞胸配焦糖士多啤梨汁個雞胸肉夠香，肉嫩，有雞味 配埋個芒果肉同士多啤梨汁, 夠清新，不肥膩3.香煎鵝肝配雞肉千層麵Lasagne with Chicken and Pan Friend Foie Gras 大女話一睇到鵝肝就叫呢個, 都唔理佢配咩！畀佢激死！我只係淺嚐一兩口，鵝肝係好鬼香, 入口即溶, 的確好好味, 但係不宜成日食囉！尤其是睇過一D鵝肝工場的故事, 就很自然對呢種食物劃上標籤。吃都要有點智慧。4. Risotto With Pan Fried Deep Sea Grouper With Porcini Mushroom 深海石斑牛肝菌意大利飯今次個石班煎得好香脆, 但無之前個魚面珠登咁爽滑好食, 個飯稍為淋左少少, 少左意大利飯應有的彈牙感覺。味道仍然OK 的！　食完主菜到甜品同餐飲。食到好飽好滿足, 為暑假劃上左完美的句號！…查看更多

好開心男友一早為我安排既生日晚餐，呢到地點雖然有D 偏，但對有開車既人黎講應該問題不大！初初一到步，仲諗緊男友做乜帶我黎D 鬼地方，人影都冇隻，過黃金海岸咪仲浪漫..入到去有近窗位置坐，坐位好舒服，但可惜冇燭光，近窗既枱可能比較光，所以唯獨呢D位冇燭光！不過見氣氛都OK浪漫，靜靜地好舒服，Waiter 都好識做，唔會打擾我地！我選左個較經濟既二人餐，唔想男友洗咁多錢，$7xx ，以呢到氣氛同食物黎講，物超所值。我地唔記得影餐牌，所以 D 菜叫乜名唔係好記得！唔記得影蒜容包同跟餐甜品同飲品~ :)…查看更多

一早訂好吃生日飯的日期，但到吃飯前兩天仍然未決定吃飯的地方，突然想起在OPEN RICE有賣廣告的THE FAITH，立即打電話去訂座，訂好了星期六晚七位。餐廳位於屯門蟠龍半島一幢別墅的1樓，地下有免費停車場，駕車過來非常方便。拾級而上，樓梯間已放滿餐廳的介紹，餐廳的環境很舒適，氣氛有情調得來卻令人輕鬆自在。侍應都有點年紀，服務都非常到位，貼心殷勤得來卻不會令我們覺得被打擾，讚。我們都點了SET DINNER，非常豐富。凱撒沙律鵝肝 – 我一向麻麻地喜歡鵝肝，但這個很滑又沒有怪味，而且配著薄脆、RADISH和藍莓醬，清新美味。這個是另外點的鮑魚，很鮮甜很嫰，淋上黑松露汁，好香。熱辣辣的蒜茸包黑松露湯，很香，但有點遺憾是味道跟剛朷那個鮑魚汁太相似了。我和老公點了一份黑毛豬和一份牛扒SHARE來吃，不過可能近年吃了幾次很好吃的黑毛豬扒和牛扒，相對來說這兒的豬扒肥瘦分佈不均，牛扒則都得略韌(可能因為老公要八成熟)，所以整體來說主菜的質素相對較為遜色。甜品也有驚喜，竟然有幾款不同的可以自由選擇，也可以SHARE來吃多試幾款，而且味道也不錯。不過，最令人回味的是這兒的咖啡，未加糖未加奶之前喝了一口，覺得很苦，心想一會兒一定要加糖。想不到一加了奶之後，咖啡的苦味減退了，而且變得又香又滑，喝下口會有一種回甘的感覺，這跟平日喝到不用加糖的即磨LATTE又很不一樣，咖啡的世界實在太神奇了吧﹗能夠跟家人一起吃一頓美味的生日飯，實在太幸福了。…查看更多

環境非常有格調, 適合2人世界, 我6點半入坐, 第一枱客, 由於客人不多, 拍拖真係一流.服務好好同好專業, 全晚流程唔快, 令你好好享受美食, 整個過程好舒服好ENJOY, 值得推薦!…查看更多

兩星期前..打去半島酒店book檯食buffet dinner~超誇張..接線生話已經full晒之後另一半話轉食日本菜..不過我又一般~後尾我諗到一間拍拖時開始幫襯(當年叫"蟠龍堡"既餐廳)~雖然已經轉過幾個名但食物水準每間都好掂~加上環境好有情調..服務又好呢所以用tablemap book埋檯~"The Faith"好快有人打黎confirm而出席當日tablemap有email提示~食店都再打黎remind呢~ ~ ~ ~ ~ ~ ~ ~ ~ ~食店除左卡檯座~仲有半圓sofa座~我地被安排坐半圓sofa座..好寬闊舒適安坐後..order完食物~再order杯"House White Wine"獨享餐牌有幾款生蠔選擇~我點左款"White Pearl(x2)"叫服務生幫我揀一款..佢揀"Gillardeau(x2)"沖洗得太乾淨~海水味無晒..但蠔肉非常鮮甜爽口Gillardeau果款比white pearl~留係口腔既味道更長久Set Dinner For Two.."Hamachi and Tuna Sashimi"刺身好薄..有魚味+口感實在~伴上沙律菜好新鮮爽脆Dressing有醬油味又帶微微酸~醬汁配搭好開胃惹味"Caesar Salad with Smoke Salmon"三文魚有油香~沙律菜爽口~麵包粒有牛油蒜香味+勁鬆脆醬汁唔多..味道平平~同沙律菜份量混合正好恰當"Baked Snails with Avocado".."White Truffle Abalone"Promotion.."五頭鮑魚"($78/隻..2人限叫一隻)醬汁好滑濃郁有菇香~鮑魚腍身有彈性..味道帶鮮牛油果醬料mix田螺同焗~味道好香..口感滑滑簡單調味..整體味道好吸引"White Truffle Mushroom Soup"菇味好香+質感濃郁~口感帶點點菇茸..半幼滑感"Lobster Bisque"除左甘香幼滑既龍蝦湯味外..仲慢慢滲出一份鮮甜伴上"蒜茸包"..好香牛油蒜茸味~內軟外脆"Grilled Beef Tenderloin(Cab) with Red Wine Gravy Sauce"另一半話牛柳好腍有牛香~好好味"Grilled Vodka & Chilli Jumbo Tiger King Prawn with Linguine"扁意粉口感好有彈性又軟軟~醬汁帶辣..夾雜蒜香~好惹味醒胃虎蝦好巨~肉質爽彈有鮮味"Dessert"mousse層及蛋糕層都好軟滑~帶點點椰絲..味道唔太甜cheesecake口感實在帶半幼滑..有芝士香味~但批底唔脆用tablemap訂檯時交代係"wedding anniversary"所以餐廳職員打比我既時候~話送個甜品"心太軟"呢心型心太軟整得好靚外層焗得脆脆~而且唔太厚..薄薄地無咁漏切開入面..湧出流心朱古力~夠朱古力味又唔會太甜餐飲.."凍檸茶及熱檸茶"整體食物好有水準~服務非常親切殷勤+有禮貌環境幽雅舒服~慢慢享用左3小時既週年晚餐..好舒服寫意!!…查看更多

今次食咗四款頭盤，分別係：1. 蠔White Pearl, Gillardeu, Pinky & Belon 000000.其中既 Pinky & Belon 000000 係推介。2. 50個月熟既西班牙火腿月份高啲真係好食好多，雖然貴少少但覺得值得，啲油分滲透入肉裡面，又香又好食，極力推介！3. 白汁藍青口中規中矩，無驚喜，只可以說合格。4. 藍梅汁鵝肝好食，唔油，都可以推介！主菜龍蝦兩食第一款：龍蝦配天使麵我本身唔係好中意食天使麵，但食咗佢啲麵一啖，我食咗半碟，好味！第二款：焗龍蝦呢個又係好食，因為佢焗得啱啱好，唔會好乾，仲可以食埋蝦頭，都好食。食埋甜品，法式燉蛋，做法幾好，啲糖夠厚，蛋夠滑，推介。…查看更多

已經第三次來食了,很喜歡這裡的氣氛和食物,和服務員的態度,所以今次和朋友們慶祝生日:)首先係生蠔,呢度既生蠔好新鮮,有我鐘意既法國同美國蠔,配埋杯白洒真係一流~之後先來頭盤,好鐘意食呢個陳醋帶子沙律,佢地既陳醋汁配上新鮮菜真係好清新!之後到凍鮑魚la,今次餐廳服務員好好ar,幫我地轉左用白松露汁,令到個鮑魚更鮮味之後到主菜la~~首先係m5和牛扒,叫左5成熟,鐘意和牛既油份,比上次既肉眼更出色!另一個係帶子意大利飯,今次我向服務員提出可否轉汁,因上次來食過朋友吾太鐘意佢果個汁,這個男服務員幫我地問完後,話可以加幾十蚊轉松露汁,我地當然贊成la!轉左松露汁後既意大利飯真係好味好多!最後就到我最愛既黑松露汁海鮮扁意粉la!呢個真係好味,海鮮又新鮮,好快就俾我地K.O哂成碟la最後到甜品時間la雖然我地自己都有準備蛋糕,但服務員都送左個心太軟俾我地~佢地既心太軟真係整得好好味,朱古力味濃,蛋糕亦焗得好香,入面亦夠流心,真係一個水準幾高既心太軟!好味今晚呢餐飯真係食得好開心同滿足!亦都要一讚服務員既細心,尢其今晚呢位資深男服務員ar~:)下次一定會再嚟~…查看更多

今天是結婚周年紀念，已經是第二年來這裏。我們order了二人餐$7xx(forgot the exact amount)前菜是法式魚生(忘記了真正的名稱)，魚生片很薄切，淋上小許olive oil，我會喜歡日式多些。三文魚caesar salad, 菜很新鮮，很refreshing我們還多加了白酒煮青口，青口比較細少，有一兩隻還有沙，但那白酒忌廉汁非常好味再跟住就是田螺及贈送的南非鮑，田螺跟菌ok，鮑魚白松露汁一讚，鮑魚也很煙韌，我老公還想加錢叫多隻湯:龍蝦湯，超正，濃味白菌湯，超超正，非常香的菇味main course牛柳，4成熟，非常嫩，有些微炭燒味羊架，7成熟，嫩及多汁，沒有多餘肥羔，兩道主菜都非常讚已經非常飽及滿足，連平日不好甜的老公也把甜品吃光，其中一款是蛋白芝士cake，比較甜但很滑。最後一杯餐後咖啡，啡味很香，非常完美的一餐…查看更多

第一次嚟，喺openrice網上訂咗1點，早到，有3枱客，窗口仲有一枱空位，點咗雞胸肉及黑豚扒2個set lunch, 先嚟沙律，略為港式，跟住餐湯，都係一般，main course  雞胸肉好厚，唔老，味道幾好，黑豚扒唔太硬，口感唔錯，甜品一般，值得一讚係個咖啡，好香濃。…查看更多

有人介紹又見OPENRICE: 送免費法式南非五頭活糖沁鮑魚，所以去試下。地點一般，在屯門搭的士：原來係黃金海岸附近。亦可能因這原因，覺得另有一番情調又寧靜又舒服。比起黃金海岸似乎更勝一籌。因有Book 位，完全不用等 (可能WALK IN 都得).坐下後聽着音樂很有氣氛：大部份是我所喜愛的曲目: Speak softly love, Moon River, etc.Order 了白松露菌湯 及 龍蝦湯 :  白松露菌湯 (一定要試)  龍蝦湯 亦十分濃 亦值得試試。法式南非五頭活糖沁鮑魚 (免費) 要錢都低食：做緊特價 羊架: 一絕，內軟外胞；多肉汁，特顯廚師功力!!成吋厚顱魚 -- 只要簡單地 (不太複雜)  烹調 亦能做到齒頰留香食第一口時的感覺是: 不是吧!這價錢實在是物超所值!!! 甜品: Apple Crumble - 烤蘋果奶酥 (Cheese cake 就普通咗D，算是可以進歩的地方)…查看更多

相信不是很多人不知道在青山公路的分支小路裏有一間穩世的西餐廳。賣的是fine dining和海鮮。雖然沒有酒店的排場和服務，但是食物一點也不失禮。這晚室內比較暗，拍出來的照質素不好，請見諒。因為家住附近的關係，算是這間餐廳的常客。尤愛他們的pasta，成熟度掌握得很好。連平常較相宜的午餐，亦永遠不會給你過熟的pasta。算不錯，但比起意大利粉，不算是他們餐廳最精彩的菜色。是晚沒有吃到海鮮的main course, 拍不到照。值得一提，一向覺得他們魚main course 做得不錯。皮脆肉嫩。還有生蠔及海鮮拼盤，雖不便宜，水準中上，絶對值得一試。還有還有，中午set lunch比晚餐更抵食，初嘗的朋友可以考慮考慮。…查看更多

From first getting there to leaving, wonderful service, good food and a great evening.I saw the various comments here and decided to give it a try for my wife's birthday dinner.  I made the reservation online; very smooth and fast.  We found the restaurant very easily and as stated, free parking.  The staff invited us to take a seat first and have a glass of water as we were early.  The dinner was good and the service was very nice.  The only thing that I could find a very small fault was that I wish the food would come a little faster.  But my wife told me the point was to slowly enjoy the time so I guess I will just have to be patient and enjoy the time with my wife.  As I stated that the evening was for the birthday of my wife, they even had a small desert prepared for her; very nice.  While the dinner wasn't cheap, it was well worth it for a special evening.…查看更多