The Cup (已結業)

趁復活節入黎柴灣探個朋友，夜晚佢就帶左我黎食呢間韓式食店，門面同裝潢都係以綠白色為主，感覺好清新光鮮。見到佢地做緊周年慶，叫烤牛肉炒烏冬($58)就送輕盈蘑菇沙律，於是我就點左呢個，朋友就揀左韓式拌飯 ($50)。輕盈蘑菇沙律既柚子醬汁酸酸甜甜，極開胃美味。之後就要講下我個烤牛肉炒烏冬，真係估佢唔到咁好食，開頭諗住係乾炒，點知原來係濕炒，仲係好多汁果隻，成個碗底部都係汁，多到好似湯咁，而個汁係非常之惹味，撈埋鳥冬同d配料一齊食更滋味。至於我fd個韓式拌飯味道就普通左d，勝在配料多元化，食落好似幾健康咁~

今次為左想去小西灣個新既室內街市買餸，而去藍灣半島搵食。選擇左The Cup 呢間韓國菜。初時見個lunch套餐都幾低食，所以叫喇，點知個樓面就話假期紅曰冇得賣(咁就唔好夾入menu喇，個樓面講到好似理所當然咁)，咁就改左叫個年糕，及牛肉飯，同 一杯咖啡。1。個年糕得個辣字，唔夠味，而且太乾身，小弟我覺得唔合格。2。個牛肉飯，都唔係韓國口味，就算以普通香港口味黎講都係唔好食，而牛肉既份量都唔夠，太碎了，食唔倒有牛味，連豉油或者雞粉味都冇，我覺得都係唔合格。3。咖啡，係呢個lunch之中已經叫做最好了，因為冇出現錯誤。食物質素唔好，員工態度及儀態…唉！有代改善! 但應該都唔會再去了…我應該要講聲sorry

The Cup ... 會令人誤會食物份量只有茶杯的多少, 所以我們仨便起勢的點菜, 差不多每種類點一款, 結果飽到要取外賣盒帶走。看裝潢應該是年青韓一代的cafe模式, 甚麼都是簡約為主。連食物款式也年青化。烤牛肉紫菜飯卷 $50一口把飯卷放進口內咀嚼, 唔得, 飯質偏硬, 兼疑似生骨, 還有餡內捲進了生紅蘿蔔絲及青瓜條、椰菜絲, 硬鬥硬影響口感, 牛肉餡只得少許, 相信紫菜飯卷並非即捲的。甜辣雞塊  $62甜辣惹味, 雞塊是外脆肉嫩帶肉汁, 好味。溫泉蛋芝士泡菜麵  $42拉麵是超彈牙, 據餐牌說是韓國直送而來, 配合韓國總店的烹調食法；泡菜湯底是自家煲製, 難怪喝著也不覺得有怪味；溫泉蛋芝士與拉麵, 是人必懂的溫和口味。粉絲炒年糕  $60是有點辣, 年糕比較幼條, 粉絲的量算多, 醬汁也太多了吧!韓式拌飯  $50今次的飯是軟熟的, 拌入彩色繽紛的配菜, 竟然有蟹籽的份兒, 吃著トト脆脆, 還有點烤牛肉、菠菜、銀芽呢~全日不設加一服務費, 不過星期一至五有午．茶市優惠, 肯定更抵!

藍灣半島的餐廳有時轉手也頗快的~像今次去的這家韓國餐廳前身其實是快餐店啊因為和友人是住附近，所以就決定去這家吃晚飯( ˘▽˘)っ在網上看照片時~我一直以為是外賣店而已~因為都是這種盒(杯)子盛著嘛來到才發現原來有堂食，而且大概是新開不久的關係(?)相比前一點的茶餐廳，這家客人也算多是說一來先看飲品Menu，但覺得特別想試的都是Coming Soon...太可惡了！(ΦεΦ) 所以飲水就算。粉絲炒年糕 ($60) 吃韓國菜，首選菜式當然是年糕吧!看到這款是一隻辣椒，心想應該沒問題~但一上桌就有點擔心~誰知真的中伏那辣度明明是應該兩隻辣椒才對！但幸好怕辣的我還勉強吃得到這家年糕較為長和幼身~相對很多店來說，年糕份量也較多粉絲非常惹味但很辣~真是令人又愛又恨啊 (￣Д￣軟豆腐燴 ($55) 看到照片很吸引才點的。配一碗乾到粒粒分明的飯~不過一加落湯吃就完全不一樣!!豆腐 + 海鮮則是常見的配搭~但海鮮不算太新鮮。這鍋不太保暖，如果熱一點味道應該會好點烤牛肉紫菜飯卷 ($50) 飯卷感覺上也是韓國菜中要點的。選了烤牛肉~雖說是烤，但其實不太吃得出料是豐富的~即使飯卷有點鬆散還是不太影響味道吧

今日下午我們去咗小西灣藍灣廣場嘅「THE CUP」食下午茶！我們叫咗海鮮牛骨湯烏冬、烤牛肉炒烏冬、韓國烤牛肉冷麵、豆腐沙律、鮮椰菜泡菜同招牌紫菜飯卷！海鮮牛骨湯烏冬嘅牛骨湯底相當香濃，烏冬亦好彈牙！烤牛肉炒烏冬嘅醬汁非常香甜濃郁，牛肉嘅肉味相當香濃，炒嘅烏冬比浸湯嘅烏冬更加爽口彈牙，非常好味！韓國烤牛肉冷麵嘅冷麵相當煙韌彈牙，味道好清新！豆腐沙律嘅豆腐相當嫩滑，生菜亦好新鮮！鮮椰菜泡菜好新鮮爽脆，味道唔會太辣！招牌紫菜飯卷就不過不失！最值得一讚嘅係以下午茶嘅價錢，係正價午餐嘅份量，真係超抵食呀！

笨妹已多年沒有到藍灣半島找吃的，今天重回舊地，始發現這個地方已大翻新。笨妹亦迅速決定要吃韓國菜！「THE CUP 」！店面的裝潢頗為清新，以綠白作為主調，店面以店名作為屏風，別具心思。笨笨二人組很快便決定了點甚麼了～～上菜速度亦相當快=]甜辣雞塊HK$62 (約9件)沒有過甜，辣度適中，嗜辣的朋友可考慮加辣。炸漿過硬，使笨妹對它的印象非常差，為怕浪費食物，笨妹都把炸漿拆走，然後把雞肉吃光光～居然發現THE CUP沒有單靠醬汁的口味要疏懶醃肉，雞肉沒有沾上雞塊醬汁也非常可口。值得一讚。海鹽焦糖咖啡(凍)HK$30頭一次喝有海鹽口味的咖啡，鹹味沒有過於出眾，與焦糖口味配搭亦沒有互相搶走香味。咖啡的顏色雖然貌似Latte，但奶味沒有掩蓋咖啡的香氣，正！粉絲炒年糕HK$60粉絲炒年糕，粉絲把甜辣汁都吸光光， 非常惹味。而蛋絲亦有適當調味，只吃蛋絲，味道也不會過於單調。海鮮炒年糕HK$62海鮮炒年糕方面，有兩隻中蝦、兩隻青口、蝦仁、蜆肉、魚柳、墨魚等～由於沒有粉絲搶走醬汁，吃年糕時比較感覺到甜味。年糕煙韌，粉絲彈牙，可以一試！(但不喜歡硬飯的朋友也許不會喜歡，點前要先了解自己的口味哦～) 值得一

心血來潮想開始寫吓食評，點知見到第一個食評既食物竟然同我叫既差唔多一樣，我即刻唔睇住，寫左先！今日係假期，我中午1點去到，入坐率8成，唔洗等位，餐廳裝修光猛，走青春路線，上菜速度亦很快, 岩哂都市人急速既步伐....入坐時檯面已放好水壺, 客人可隨個人需要自由倒水蜜糖雞肉飯 $52飯底好味, 但雞肉脆漿略為厚了點, 有D漏烤牛肉炒烏冬 $58味濃, 偏甜, 好味!粉絲炒年糕 $60辣辣的很醒胃, 粉絲沾上韓式辣醬, 很惹味!炸蝦紫菜飯卷 $50蝦同紫菜都好脆, 好味, 我一個人食左3舊!

就朋友番工地方結果入到去小西灣等佢食飯，知道附近都無咩好食就入去藍灣等，點知行過見到有間新韓國野望落幾清新， 因為其他都食過晒一於試下新野。Menu唔多頁飯麵最多，對於選擇困難症既我地反而方便左(雖然好多款望落都唔錯)。第一次食都係唔敢試辣住，要左個磨菇烤牛肉飯，朋友要左個menu recommend既蜜糖雞肉飯，加左個泡菜share食。我個磨菇烤牛肉飯黎到個樣同menu差唔多已經令我放心左一半，食落去熱辣辣夠濕潤，黃色既飯飽滿分明，唔錯! 個泡菜黎到比相像中大份，我地兩個share都食唔晒…...但鮮紅色既泡菜汁望落非常開胃，食落夠入味爽口，撈埋d飯一齊食辣度啱啱好，結果我食食下都食晒個飯有d 太飽。朋友個蜜糖雞肉飯d芥醬加炸雞望落都幾吸引，顏色幾鮮明，食左一件，d 雞甜甜地幾易入口......雖然檯面有水供應但食完辣野都引唔住要左杯柚子蜜解喝，足料夠甜，都係正路野普通啦。可惜呢度無甜品……雖然藍灣偏僻d，但如果唔想同人逼偶爾都可以過下去食個唔貴又飽肚既韓國飯。