Thai Chill

營業中

休息中

叫咗個冬陰功金邊粉同青咖喱雞飯，碗都嚟到個時已經知個麵餅應該唔夠熟，食咗幾啖就放棄。湯底勁鹹，問餐廳拎水究竟冇提供，最後自己加杯水溝勻，海鮮就一般般，正常發揮。跟餐都加咗炸蝦餅、雞卷同兩杯嘢飲，味道唔錯嘅，呢個值得一讚。價錢方面就覺得正正常常啦，可接受範圍。係落單個時，我每講一道食物，姐姐仔就講個總價，人哋都未落晒單，呢個位有待改善。但係食完冇耐就開始屙，真係唔好彩，上嚟先見到大家都有咁嘅遭遇，作為廚師出菜前應該試一試味，起碼都會過到自己個關，但估唔到中大伏，請大家慎重考慮呢間餐廳！

去到Food Court 一眼卜就見到有間泰國野，又想食下泰式嘢就揀咗呢間，睇到炒金邊粉想回味一下太耐無去泰國既感覺，不景最近都未必太去泰國就叫嚟食一食。不過整體體驗真係一般般，有啲失望既感覺。份量方面，唔算特別多，對食量大啲嘅人嚟講可能未必夠飽。配料有幾隻蝦🦐，豆乾同芽菜，蝦一食就知係冰鮮無晒味得個樣個啲蝦，豆乾正正常常啦，食落感覺唔係泰式炒金邊粉個樣野，有啲似食西炒飯金邊粉，但加返少少泰式辣醬咁。整體魚露香味太淡，完全無泰式嘅濃郁香氣，檸檬味都唔突出，感覺調味比較單薄。辣度🌶️係有少少（真係少少泰式辣醬個隻辣），層次感就一般，炒粉亦無乜鑊氣，粉條炒得有啲濕。雖然係Food Court，不過有時Food Court 餐廳都會有驚喜，不過就應該唔係佢了～味道同質素都平平無奇。如果純粹想填肚又唔介意味道一般嘅話，可能會接受，但如果對泰國菜有一定期待，就可能會覺得失望。😕🍴

位於朗豪坊food court嘅一間泰國菜叫咗一個冬陰功海鮮湯金邊粉竟然個面底係硬掘掘 應該係煮好咗擺喺個碗都好耐 再淋啲湯上去 湯底食落去都唔係好熱 感覺有啲似預製菜 冇返熱個湯底就提供比客人享用 除此之外 食咗一嚿魷魚個質感好似橡筋咁 唔知係煮得太耐定係放得太耐？ 其他嘅海鮮完全冇味 海鮮入邊都冇冬陰功湯嘅味湯同粉嘅味道完全係分開嘅價錢$72 但係竟然冇提供紙巾 服務態度亦都好差酸味好重嘅冬陰功湯底係唔會再幫襯嘅一間餐廳

態度差，食物分量極少，真係吾好光顧。見佢門面幾靚，覺得應該可以，叫左一個濕炒牛肉河，河粉十分小，一個大碗得汁，河粉只有幾條。職員態度差，食物分量極少，真係吾好光顧。

今日係旺角行街,行到攰攰地,就去左朗豪坊food court 食野~泰式炒牛河好好食阿!!d河粉好似陳村粉咁,又滑又煙韌另外加配左小食~炸雞翼熱辣辣好好食~炸蝦餅又係熱辣辣,好彈牙!~炸雞卷都係熱辣辣,好食

叫咗「香辣肉碎煎蛋飯」，圖片上肉碎係有辣椒炒的，冇諗到係唔辣，仲要冇辣椒。實物冇辣椒，問店員可唔可以要辣椒，店員黑面責備話你落單冇話要辣椒，但圖片本身有辣椒，食物名稱亦叫「香辣」，冇諗到原來香辣唔代表已經有辣椒，佢話要自己叫辣椒，落order時，店員係從來冇問過要唔要辣椒？非常有禮貌地問佢而家可唔可以俾一啲辣椒我哋，佢話唔會有，態度仲要非常差，一直黑面。最慘係仲要唔好食，以後唔會再叫。又要受氣又唔好食

一碗船河嘅惡夢！！！！！！！！難食到吞唔落！ 鹹到腎衰竭！ 謀殺長者！老人無牙力先至食湯河啫！點知害老人家食到啲垃圾級食物，仲要鹹到死！老人個腎唔襟玩㗎！！！想請教一下各位，每一次食嘢前係唔係要先上openrice度睇曬食評先至可以選擇？咁樣會仲忙過返工！到我中咗服嘅時候，喺openrice度先至知道，原來呢間嘢係劣評如潮！我見到有人話喺碗粉上面有昆蟲，當時有冇報到食環呢？如果報咗食環，可能佢唔會再危害下一個客人喇喎！朗豪坊容許呢啲劣質食店？

於2023年11月16日 晚上跟女朋友到到Thai Cill 點了海南雞飯和香辣肉碎煎蛋飯。 第日早上已經肚痛到即時起床去了幾次💩💩 ，至下午仍未康復，十分虛弱。而女朋友都有同一反應最後都係請病睇醫生。最後我跟她都要承受一整天肚痛肚痾的情況不停循環，並到附近診所求診。整個程十分痛苦！感覺很無辜，本應跟女朋友可以好好享用晚。誰不知，第日無辜一同肚痛，同一病徵，日後必定不會再回來用膳！！！建議餐廳，好好檢討食物衛生情況！！！！不希望再有任何無辜食客因為食物導致不適，十分不愉快體驗。

呢間垃圾餐廳環境衛生差，搞到人食完又屙又嘔！事緣係喺朗豪坊行完街，見到呢間泰國嘢新開有幾平，諗住試吓，點知同朋友食完之後第二朝一齊肚痾，痾足全日，一齊打開OpenRice先知，原來得兩個評論都係話食物有曱甴🤢見到都想嘔，點解間嘢仲生存到……真係累人累物，相信每一個人食完都肚痾，已經report俾食環署，等執粒啦

外賣叫左招牌牛肉船河，服務態度好一般，河粉仲要黐埋晒1舊舊，然後撈咗2下就見到隻曱甴浮左出面頭！！！好彩未開始食！實在太嘔心！即刻要求退錢。成個food court 大把咁多選擇偏偏揀左依間真係唔好彩，絕對唔會再食。

叫左個冬陰公湯河粉加杯椰汁冰總共$90。冬陰公湯唔酸又唔辣正正常常咁，河粉質地一pat嘢咁，都算。杯椰汁冰，我仲記得飲第一啖話幾好飲，飲到一半見到隻小昆蟲，拎張單同個杯去搵店員，同店員講有隻蟲，粒聲唔出就打算整過杯比我，我話我已經食完唔要第二杯，亦都唔敢飲第二杯，問店員會唔會可以退錢，然後退返$19比我，但留意返個店員從頭到尾一隻字都冇講過唔知係咪啞嘅😅什至連望都冇望過我一眼，另外兩個姐姐見到就係度講我唔識聽嘅語言，仲笑笑口咁。