Terrace in seaside (SOHO West)

營業中

休息中

夏天最適合同陽光玩遊戲 ，更適合海邊睇日落， 再次來到很喜歡的 terence in seaside🍊, 幸運地又坐到最佳景觀位置。常常推出新菜單和限定期間菜式， 每次來都充滿驚喜。點了三款主食， 雞蛋多過飯的蛋飯卷， 真係好多雞蛋， 質地軟綿綿口感軟熟 ，加埋紅蘿蔔同埋醃漬配菜， 美味開胃。海鮮玫瑰醬年糕， 蝦仁和小墨魚配上粉紅色的醬汁非常吸引， 年糕煙煙靭靭， 配搭甜美蕃茄 清新健康。 店員推介的 ，L.A.牛肋骨， 真係好好食， 牛肉味非常濃， 牛肉質地嫩滑， 牛油香氣滲進口腔， 十分回味。來到最重要的甜品環節， 夏天用蜜瓜做 期間限定 主題， 真的清新又甜蜜。 可惜今天不是星期一， 原來六月份有優惠， 逢星期一order蜜瓜系列, 送初夏青柑柚子梳打。 最緊要盡興 ，自己點返杯蜜瓜飲品， 一樣咁開心。比初戀還要甜的蜜瓜窩夫 ， 窩夫焗到金黃香脆， 裏面軟綿綿， 加上 濃厚的忌廉 ，甜蜜蜜的蜜瓜， 灑上清甜的 蜂蜜， 真的俘虜女士們的心。圓碌碌蜜瓜沙冰， 用新鮮蜜瓜打沙冰， 彈牙的蜜瓜啫哩， 圓碌碌的蜜瓜果肉， 影相打卡真係very good。飲完唔會手指指餅咖啡， 咖啡味道香醇

同老公去咗長沙灣SOHO West 呢間坐擁開揚海景的韓式靚Cafe ，環境好舒服，有室內& 戶外坐位，望住個景好正真係可以hea足半日，仲要食物永遠唔會令我地失望，每次都有驚喜，今期重點係⋯⋯佢個蜜瓜甜品 甜過初戀啊😂！🔶雞蛋多過飯的蛋飯卷🥚真·名不虛傳😄超多蛋呀，蛋香味濃郁，咬落去啖啖蛋，蛋控大滿足💛，加上配料吃起來很清新。🔶泡菜豬肉炒年糕🌶️韓國菜經典風味，年糕好煙韌，酸竦泡菜好惹味，豬肉份量都唔吝嗇亦好入味。🔶L.A.牛肋骨🐮牛肋骨煮得超軟嫩！ 加上醬汁香甜美味，會令人想一口接一口。🔶比初戀還要甜的蜜瓜窩夫 淨係個甜品名已經夠Sweet 💖 窩夫外脆內軟，鋪滿蜜瓜味的cream ，加上香甜蜜瓜肉，仲配埋蜜糖，真係甜到入心💘 難怪話甜過初戀☺️ 甜品打卡一流📸！🔹圓碌碌蜜瓜沙冰： 消暑清新解膩，蜜瓜味好香🔹飲完唔會手指指餅咖啡：咖啡味香醇，奶亦打得很滑，手指餅脆脆哋好過癮。溫馨提示，而家餐廳有個優惠活動：【Green Monday, Melon’s on!】6月份逢星期一，點選蜜瓜系列，即送「初夏青柑柚子梳打」一杯。

雞蛋多過飯的蛋飯卷果然真係雞蛋佔的份量比較多，餡料是傳統韓風，有蘿蔔絲，青瓜絲，飯偏少，很健康，我仲留意到一行雞蛋是心形，so sweet 泡菜豬肉炒年糕年糕軟糯煙韌，豬肉即五花腩薄切，甘香肥美，泡菜比較多，酸辣又惹味L.A.牛肋骨牛肋骨醃得很入味，肉質軟稔，油脂算豐富，醬汁香甜，伴以新鮮沙律菜比初戀還要甜的蜜瓜窩夫 窩夫真係外脆內軟，但不會烘得太焦味，的確香甜又有蛋香，仲有cream 是與香的蜜瓜味，基本上真係唔洗淋上蜜糖，伴以清甜的蜜瓜球，酸甜的莓果，甜品唔錯。圓碌碌蜜瓜沙冰底層是蜜瓜啫喱凍，打磨了蜜瓜果肉，仲有清甜蜜瓜球，以蜜瓜為主，沙冰幼細，很消暑。飲完唔會手指指餅咖啡咖啡香濃，上層是豐富的奶泡，手指餅香甜，拌勻後很清涼提神

terrace.in.seaside都算係我哋半個飯堂😆佢環境又靚，坐又舒適👍🏻仲要menu時不時都會轉😁我最愛soho west分店，對住個海真係令人賞心悅目☺️望住日落食飯真係咩都好食😙臨近父親節仲推出優惠👨🏻逢星期二至四，爸爸同行即送免費自選窩夫一客🧇另外6月份逢星期一，點選蜜瓜系列🍈即送「初夏青柑柚子梳打」一杯🍹下次真係要揀啱日子黎😂🧇比初戀還要甜的蜜瓜窩夫 ($108)每次嚟就算幾飽都要叫窩夫😋次次都有新口味，真係食極唔厭😌而且佢嘅窩夫真係好高質，每次上枱就已經聞到滿滿嘅蛋香🤤烘得外脆內軟，食落有甜甜嘅蛋香😙今次配搭時令蜜瓜🍈蜜瓜唔算好誇張地甜，但就有陣陣嘅清香☺️清甜嘅味道更吸引人追食😋🥩L.A.牛肋骨 ($198)🌶泡菜豬肉炒年糕 ($88)🍳雞蛋多過飯的蛋飯卷 ($118)🍊濟州柑橘乳酪 ($68)🍹帶點驚喜的香印提子奶蓋綠茶 ($58)

第一次去長沙灣海邊搵食。今次食韓式fusion 菜，原來環境真係唔錯，有靚景。坐得又舒服，人又唔多。其實好方便，南昌站行幾分鐘就到。下次約朋友都會選擇呢個地方👍雞蛋多過飯的蛋飯卷 $118鐘意食蛋嘅一定鐘意，韓式飯卷有10件，內裹包滿鷄蛋，配埋瓜菜，蛋比飯份量多。食落滿滿蛋香，啱哂我怕肥會食多咗飯，食多件都唔會有罪惡感。最突別伴碟除了沙律。仲有一件甜橙🍊泡菜豬肉炒年糕 $88炒年糕入面有豬腩肉片、泡菜、韓式年糕，豬腩肉薄薄，年糕炒得夠煙靱。食落有泡菜酸辣味。好惹味，好開胃。L.A.牛肋骨 $198牛肋骨有4件，醬汁甜甜地，食落好juicy, 配合附上嘅沙律菜一齊食。可以減輕油膩感。比初戀還要甜的蜜瓜窩夫 $108叫咗餐廳新出品。用韓國當做蜜瓜造，賣相超靚，蜜瓜超甜，份量夠2人食，夾埋忌廉同窩夫一齊食，好香好味。呢個窩夫必食。圜碌碌蜜瓜沙冰 $58超多蜜瓜。有得飲有得食。又清甜。飲完唔會手指指餅咖啡$58面好多cream, 咖啡夠香濃，cream上面有個手指餅。點下cream, 點下咖啡。有啲似飲得嘅Tiramisu**（Green Monday, Melon’s on!)6月份逢星期一

Terrace in Seaside韓國過江龍餐廳，提供韓式料理。長沙灣海邊餐廳，環境優美，落地玻璃窗面對海景，令人有如置身韓國仁川。適合與朋友聚會，享受悠閒時光~▫️L.A.牛肋骨共五塊，醬汁香濃，帶有微微的甜味，令人回味無窮，有沙律菜解膩。▫️ 比初戀還要甜的蜜瓜窩夫新品✨喜歡!!比初戀還要甜~窩夫有4塊，外脆內軟，搭配新鮮蜜瓜，甜而不膩，口感層次豐富。▫️飲完唔會手指指餅咖啡（凍）飲完唔會手指指(個名好搞鬼有創意)，類似韓國嘅維也納咖啡，加咗Cream，令口感更滑順，中和咗香濃的咖啡味道，易入口~▫️泡菜豬肉炒年糕辣味適中，泡菜酸酸辣辣有係韓國食到嘅感覺 。年糕Q彈，好入味。▫️雞蛋多過飯的蛋飯卷雞蛋多過飯，感覺好健康~蛋香濃厚，包裹著紅蘿蔔同青瓜，口感輕盈。▫️圓碌碌蜜瓜沙冰新品✨圓碌碌嘅蜜瓜沙冰清涼消暑，蜜瓜的天然甜味讓人一口接一口，適合夏天享用。而家餐廳做緊優惠🌱✨父親節月限定優惠 (至6月15日)逢星期二至四，爸爸同行即送免費自選窩夫一客（不包括生日窩夫）與爸爸一起來 Terrace in seaside，吃一口屬於爸爸的甜～✨【Green Monday, Melon’s on!】

✨朋友帶我黎 海景韓食餐廳 바다 앞 테라스有室內室外 如果有陽光☀️更加靚成個餐廳 都系簡約 橙色為主整體而言 食個甜品 打卡OK食物質素有待改善 賣相冇問題 但食物幾乎得暖無熱 員工都有即時作出改善.另外朋友嚟之前有打黎問有冇蠟燭 點知冇 失望左 冇生日牌冇寫字 想要慶祝的朋友要自己準備了.同朋友叫lunch set 1甜品窩夫當做生日蛋糕🎂.甜品🧇✨開唔開心試咗先知嘅開心果蜜糖窩夫 $115 開心果醬配窩夫 果醬夠濃 窩夫好脆 好吃的 仲有好多開心果脆脆 賣相都好好睇.Lunch Set A+B $96送指定飲品.✨$114燒慢煮雞腿紫蘇拌飯 +$18 雞腿嫩滑 飯少少辣 開胃香蒜牛油蜜糖薯條 普通 蜜糖得少少.✨$124巴馬火腿青醬年糕 呢個幾好食 巴馬火腿咸香 青醬清新搭配年糕 年糕軟糯 口感層次不錯輕盈薯仔沙律 份量不錯 還有半粒蛋 有點蛋白質.濃黑咖啡（熱）鮮奶咖啡（熱）

同朋友冒住個大海景cafe而來, 諗住好好享受個chill lunch, lunch set唔岩食所以散叫, 呢樣又冇果樣又未推出但menu有架喎...最後叫左個炸醬面(98蚊係公仔面底味道似台灣肉燥) , 明太子飯卷(成舊水凍既硬既似雪櫃攞出黎晚隔夜壽司), 芝士肉醬炒年糕(又咸又酸味道同舊年糕根本完全唔夾),唯獨叫左個炸雞雙拼係最正常熱既脆既似返個韓樣加3杯凍飲.....埋單$7××(呢餐飯絕對邊食邊想講粗口, 頭也不回!!！

平日12點到，剛好重有窗口位！從南昌店B出口走到商場差唔多10分鐘，地點真係好隔涉！而且沿路都幾曬！幸好網上做了功課，知道洗手間距離很遠，入座前先去，免得入座後走上走落！入座後，侍應禮貌招呼，沒有限時用餐，讓我們坐得安心！見到有outdoor嘅座位，初初仲後悔冇坐喺出邊，後尾見到坐喺出邊用餐嘅客，全部都係用外賣紙杯紙盒裝住啲食物，唔同堂食嘅食物容器！即刻覺得，都係坐入邊窗口位好啲！食咗啲伴碟嘅沙律，先記得影相😜原來呢個傳統捲飯，好受歡迎，好快就賣晒，所以賣晒就冇㗎啦！另外提吓大家，佢無下午茶Menu！

曾經都幫襯過這個連鎖品牌的其他店，但環境一定是這一間最好，無敵大海景，感受到慢活的感覺。今天和朋友一齊，到這個店聚會。雖然食物一般，但見也吸引了很多客戶來。我們足足排了40多分鐘，才安排到位置。商場附近沒有什麼可以逛的。所以要有心理準備。如果下次再嚟幫襯，我會選擇只點飲品。因為食物肯定是預製的，但飲品看見有咖啡師在處理。感覺上CP值比較好。

已經嚟過幾次用餐，餐廳環境十分之好在海邊好relax，而且食物也好食keep到水準，食物味道和presentation也很好但係每一次嚟呢度嘅員工服務都係咁差，完全木無表情，愛你不理嘅態度，完全係唔想serve你嘅感覺令到用餐感覺大打折扣，希望佢哋注下員工嘅服務水平

一進餐廳，人流尚可，選了餐廳內角位，能飽覽維港靚景色位置。店員服務好，友善。靚海景， 飽覽維港西面，又可看到船經過，環境清幽。食物有特色，餐廳以香橙作主題， 令人有開朗心情用餐，音樂輕柔，令人relax我們兩人點了：-1。很想去濟州的柑橘炸雞半份$128：雞鬆化有香橙甜味，能有果肉鮮甜。 2。燒醬油黑毛豬白切紫蘇拌飯$148 ：肉很嫩滑，飯有煎香，微辣。餐廳可坐內和坐外看海景，沒想到市區內有寧靜環境進餐。

思考人生的甜辣炸雞 🍗✨$128呢道思考人生的甜辣炸雞，外脆內嫩，甜辣醬汁入味，每一啖都充滿驚喜！薯條同麥當勞有啲似，附上蛋黃醬點。開唔開心試咗先知嘅開心果蜜糖窩夫 🧇💚$138開心果蜜糖窩夫，甜甜脆脆，搭配香濃嘅蜜糖，食落去真係開心到飛起！又有忌廉，開心果醬同粒，窩夫都外脆內軟，配上焦糖粒帶來一絲絲既甜味。明太子奶油年糕 🍡🥢$92明太子奶油年糕，軟糯嘅年糕配上濃郁嘅明太子奶油，味道獨特，口感滑順，但粉量有啲少，擺盤一般😢😢。另外原來星期日收8點，但我哋6點半入咗去，等野食都等左好耐，見好多枱客人都不斷催促住店員，好彩我哋算早，比起其他人算等得快😰😰，唔知發生咩事😳。

知道南昌站有新商場SOHO West 本舍，環境唔錯，全海景餐廳Terrace in Seaside，喺Alipay好賞買特價coupon，3個人dinner$268 二人韓式分享餐$108 一人招牌窩夫餐另埋單要再俾正價加一🍗燒慢煮雞腿紫蘇拌飯🍝超級肉醬芝士千層麵🥗煙肉薯仔沙律(輕量版)🧇士多啤梨窩夫🧇Lotus焦糖窩夫🍹柚子檸檬梳打(凍）x 2☕️鮮奶咖啡(凍）燒慢煮雞腿紫蘇拌飯，雞腿肉幾滑，但係D飯有比較硬，同埋冇乜紫蘇味。超級肉醬芝士千層麵，肉醬同芝士份量十足，仲有多好層次。2款窩夫外脆內軟，士多啤梨🍓清甜，焦糖又唔會過份甜，好食😋煙肉薯仔沙律同飲品就正常水準。（本人自費，在Alipay買coupon食今次的晚餐，並非試食）

放假去咗📍長沙灣新商場SOHO WEST享受了一個休閑嘅下午！係南昌站B出口行過去大概5分鐘左右～呢間韓式Cafe的設計充滿了柑橘元素，讓人感覺如同置身於果園中～店內有戶外座位，適合帶寵物🐶可以一邊用餐，一邊欣賞海景，真是極其放鬆！傍晚仲可以欣賞到日落，十分寫意✨🍊清甜柑橘窩夫🧇窩夫即叫即整，烘得外脆內仲好鬆軟，面鋪上一層厚cream，好滑，食之前淋上柑橘味嘅醬，加埋一齊食每一啖都食到柑橘嘅清甜，清新而不膩～唔單止賣相靚，味道更讓人驚喜😋🍯開唔開心試左先知嘅開心果蜜糖窩夫🧇最近嘅開心果熱潮，唔少餐廳都推出開心果產品～伴碟有開心果粒粒，杏仁，焦糖等..淋埋開心果醬，食完絕對會令人開心🥳