Terrace in seaside (德福廣場1期)

三姊妹帶同姨甥女在九龍灣德福廣場晚飯，不想食得太heavy，就選了在Terrace in seaside晚飯。曾光顧尖沙咀海運大廈分店，覺得食物及飲品都平平無奇，而最近在沙田新城市分店吃過窩夫就覺得不錯。德福廣場分店的室內座位不多，部分座位是設在商場走道旁的開放式座位。6:30pm左右來吃晚餐時未有其他顧客，可坐到室內座位，冷氣涼快一點。超級肉醬芝士千層麵是店舖推介菜式之一，千層麵的面層鋪上焗得融化的芝士，還有半熟蛋，中間夾著滿滿的茄汁肉醬與芝士，味道香濃。將半熟蛋戳破，蛋汁沾滿千層麵，更為滋味，小朋友也喜歡吃。明太子蟹肉飯卷，韓式飯卷的面層加上少量蟹肉，並加上明太子沙律醬，惟明太子醬的味道並不突出，不過不失的一款飯卷。燒醬油黑毛豬白切肉紫蘇拌飯，其實我們三姊妹都不喜歡紫蘇的味道，但飯類的選擇兩款都是紫蘇拌飯，而又不想再多點一份千層麵，所以個人認為主食選擇太少。幸好這道拌飯的紫蘇味不算太強烈，尚能入口，擠點橙汁於飯中，更能減輕紫蘇味，好吃一點。醬油黑毛豬白切肉的肥瘦均勻，不會入口就滿咀肥油，豬肉入味，軟稔度適中。士多啤梨窩夫焗得稍為焦了一點，窩夫🧇的蛋香味足，而且都夠脆。士多啤梨🍓不夠香甜，是款普普通通的窩夫。帶點驚喜的香印提子奶蓋綠茶，雖然奶蓋只有薄薄的一層，但綠茶有茶香，不會好淡，而且提子夠香甜。濟州柑橋乳酪，整杯飲品充滿淡淡橙香味，乳酪質感輕盈不膩滯。這頓晚飯以兩杯飲品較為出色，但價錢偏貴。整體的價格，可以嚐到更好吃的菜式。…查看更多

Terrace in Seaside將韓式料理與西餐完美融合，這個夏天以「蜜瓜」為主題打造清爽系列！6月逢週一點蜜瓜產品還送青柑柚子梳打，Green Monday也能甜蜜蜜💗～ 🌟 雞蛋多過飯的蛋飯卷 雞蛋含量多到見唔到飯！蓬鬆的玉子燒被紫菜卷包裹著，每一口都是蛋香暴擊✨～ 🍈 比初戀還要甜的蜜瓜窩夫 現烤窩夫堆成小山，鋪滿當季蜜瓜球，淋上蜜瓜醬和忌廉，甜蜜口感，連糖分都像初戀般讓人心跳加速！ 😆🥬 無罪惡感！菠菜雞肉千層麵 餡料是菠菜和低脂雞胸肉，特調白醬，芝士鋪在千層芝士面，飽足感滿分🫶🏻～ 🌅 夕陽蜜瓜田園沙律 沙律菜新鮮，火腿鹹香，餐碟為了一圈的蜜瓜球和藍莓，擺盤精緻，開胃之選😋🌀 圓碌碌蜜瓜沙冰 用蜜瓜打的沙冰👍🏻頂部還有迷你蜜瓜球，吸睛度100%。天然果甜+微微奶香，夏日解暑神器必點！ ☕ 飲完唔會手指指餅咖啡 咖啡入口醇厚順滑，帶有堅果與焦糖的香氣，尾韻微苦卻不澀，搭配手指餅，有創意🫶🏻 【Green Monday, Melon’s on!】6月每個Monday點蜜瓜系列（窩夫/沙冰/沙律），即送「初夏青柑柚子梳打」一杯！酸甜氣泡飲完美中和蜜瓜甜度～ …查看更多

🏝️自從《Terrace in seaside》3，4年前韓風襲港，喺海港城開左第一間分店風靡一時之後，以韓國fusion菜特色cafe為名，深受大眾歡迎👏🏻、繼而係港九新界各大商場入面開了分店，可以話係香港确立了地位。📌唔執輸的熊妹當時當然都湊過熱鬧，試過海港城店。今日，約左𡃁妹見面，話想食韓國菜🇰🇷，熊妹二話不說就佢屋企附近，帶佢試下九龍灣德福廣場分店。📌德福廣場分店係商場二樓，有分室內同「室外」場，「室外」場其實都係商場入面，但以開放型式，行過路過都會見到餐廳，地方開揚。📌夏日炎炎，喺開始食蜜瓜嘅時候啦🍈！所以《Terrace in seaside》都推出咗一系列蜜瓜嘅新品，一於全部都試勻去喇！夕陽蜜瓜田園沙律，$86多數沙律都係以蔬菜為主，呢個反而係生果沙律，一粒粒圓碌碌的蜜瓜🍈從大大粒藍莓🫐梅花間竹咁樣圍邊，中間仲放咗啲黑醋汁沙律菜同埋兩大片巴拿馬火腿🥓，擺盤已經攞晒分💯。蜜瓜配上parma ham，鹹香清甜嘅配搭非常滋味！雞蛋多過飯的蛋飯卷，$118經常推出多款新奇有趣的飯卷，今次嘅新品係雞蛋多個飯嘅飯卷！顧名思義，就係將蛋捲同飯卷二合為一，以內涵塞滿左成件蛋卷，外層包咗一層好薄嘅飯卷形式，真係食到滿口都係蛋捲，又唔使食咁多飯咁滯，絕對啱晒唔鍾意食咁多飯嘅熊妹，好啱減肥低碳高蛋白人士！今次呢款新品真係啱晒口味！無罪惡感！菠菜雞肉千層麵，$88蕃茄肉醬千層麵就食得多，仲入埋啲芝士入邊，每次食完都好膩濟！今次就試下菠菜同雞肉做餡料嘅千層麵。廚師好窩心地將千層麵一分為二，方便食用，千層麵唔算好厚，大概有五六層，入邊放滿用忌廉汁烹調的菠菜同雞肉，冇蕃茄肉醬咁濃味，入口軟綿綿，一個人K.O.半份絕對無難道，仲有原隻溏心蛋🥚，所有調味同食材配撘都好做得好恰當，係另一款口味嘅千層麵。比初戀還要甜的蜜瓜窩天，$108《Terrace in seaside》嘅招牌窩夫出晒名都街知巷聞，今次新品就當然要配搭蜜瓜口味啦！一大餅鬆軟厚實嘅窩夫一分為四，搭成一個窩夫塔，上面淋上厚實嘅奶油忌廉，唔夠甜仲可以配撘上蜜糖，當然唔少得一粒粒圓碌碌的蜜瓜🍈，加上蜜糖🍯真係甜上加甜，滋味在心頭。主要係個窩夫🧇真係做得好出色，牛油味重之外，口感好鬆，軟配搭任何口味都無問題，所以話黎《Terrace in seaside》一定要試吓佢嘅窩夫作個美好的終結。圓碌碌蜜瓜沙冰，$58一大杯蜜瓜沙冰入面仲有粒粒啫喱，飲落去真係透心涼🧊，面頭一粒粒圓碌碌蜜瓜夠哂熟，食落好清甜軟淋，夏日炎炎🌞，新品呢杯沙冰一定要試吓！飲完唔會手指指餅咖啡，$58熊妹當然都再點返杯咖啡飲下啦！咖啡凍飲入邊呢杯手指指病咖啡絕對係招牌咖啡，入面係凍latte，奶味重，帶點咖啡香，將塊手指餅浸入去食夠哂滿足😌，就唔洗再手指指喇。📌《Terrace in seaside》新次出的夏日蜜瓜新品款款無論賣相同味道都夠哂新穎特別又唔伏！值得試一試！…查看更多

Terrace in seaside不定期會有新餐牌, 今期既推廣係蜜瓜系列丫, 充滿夏生清新氣息, 經過就入去食喇九龍灣分店環境滿滿文青feel, 座位闊落, 坐得舒服~~菜式賣相好靚, 真係好岩打卡, 而且味道都非常好呢！淨係睇餐牌既圖都好吸引, 樣樣都好想食丫夕陽蜜瓜田園沙律 $86可愛又靚既擺盤 粒粒蜜瓜肉配風乾火腿, 仲有火箭菜同沙律菜~~整體味道鹹甜交織, 刺激味蕾雞蛋多過飯的蛋飯卷 $118第一次見咁多蛋既飯卷丫~~ 個名真係冇改錯, 蛋真係多過飯啊!!飯卷每件都大大粒, 夾雜蔬菜, 口感超豐富!! 無罪惡感！菠菜雞肉千層麵 $88千層麵夾住雞肉同菠菜, 口感creamy得嚟唔膩口~面頭焗到芝士微焦, 層次添更豐富!!!真係可以大啖食冇罪惡感～比初戀還要甜的蜜瓜窩夫 $108一上枱就聞到蜜瓜香!! 窩夫外脆內軟, 加咗蜜瓜鮮切蜜瓜球~蜜糖醬甜度真係比初戀仲要sweet~ 打卡呃like首選!!圓碌碌蜜瓜沙冰 $58蜜瓜波波超吸引!!!  沙冰口感清爽, 甜度自然~仲飲到粒粒果肉同啫喱添飲完唔會手指指餅咖啡 $58創意咖啡!! 特濃咖啡上面有塊手指餅, 飲嘅時候手指餅會慢慢溶化, 唔會搞到手指黏笠笠, 仲可以當餅乾咁食~~咖啡香濃有層次!!每樣菜都睇得出廚師心思, 打卡able之餘味道仲要好好~~…查看更多

呢度既紫蘇撈飯。。。係完全無紫蘇（連紫蘇醬都無），只有辣味。（其實咁樣係咪違反商品說明條例？）問職員，話就係咁既味。甜品亦都無咩特別，好普通。唯一一個食得落口既就係飯糰。…查看更多