Tam Viet

灣仔謝斐道tam viet 每日lunch時間呢間舖頭必定會出現大量等候人群，係區內打工仔飯堂。舖頭面積唔大，位位之間距離都幾密，店員睇落唔似本地人，食物選擇多樣。1.生牛肉湯河+熱桔仔茶賣相吸引而且正宗，牛肉份量足夠送河粉，而且唔肥，湯味道有咸中帶d甜，加埋河粉一齊食味道剛剛好，感覺不俗。桔仔茶亦正宗，雖然桔仔得兩粒，但篤散左之後都飲到桔仔味，茶飲到底時帶澀，建議可以落d糖沖淡下。2.燒牛肉撈檬+米紙蝦卷（跟餐加配）燒牛肉有兩條，份量比較少。牛肉鬆散，基本上筷子都可以輕鬆夾開，牛肉上面加左唔少香料一齊燒，但上到碟時已經凍左，所以唔係好食得出d味道。撈檬亦配有生菜，蘿蔔絲，青瓜絲，配埋台頭醬汁，酸甜咸辣，夏天食落都幾清暑。米紙蝦卷沒影相，有3舊，每舊都有一隻大蝦同大量蘿蔔絲，青瓜絲，材料豐富。包得好穩陣，夾起來都唔會散。食物算係正宗，中午飯價錢相宜，menu仲有好多野想試，係會想回頭再試嘅餐廳。…查看更多

香茅雞扒：賣相真係好靚，上邊有雞蛋，雞扒同飯撈埋啲蛋汁一齊食好正，雞皮都好脆，但係味道上就唔係太突出到香茅嘅味道。鮮魚湯檬：係好特別嘅湯檬，入邊有魚肉炸出嚟嘅魚餅，有啲特別，仲有佢個湯飲落係唔辣嘅，但係吞嘅時候就會稍微感受到係薑嘅辣味，仲可以另外夾起啲檬粉整成撈檬，好惹味。鮮牛肉湯河： 牛肉鮮軟，湯清味濃。用餐時，後邊兩啤人入嚟都係點生牛肉湯河。…查看更多

去左間小小的越南餐廳！我點了生牛肉湯河和牛油果沙冰，兩道菜我都好鐘意。**生牛肉湯河**底味道正，濃而不鹹！生牛肉，肉質嫩滑！最重要的是！食完，佢仲要完全不會口渴，應該無乜落到味精！**牛油果沙冰**這個沙冰簡直是我的最愛！佢個杯子勁大，份量也超足。沙冰的質地綿密，牛油果味濃，重點係唔係好甜，飲起來勁爽消暑，好適合summer day！這間小店職員好親切，雖然座位唔多，午餐時間經常要等位，但服務人員都非常友善。總之，這間小店絕對值得一試，大推牛油果沙！…查看更多

熟牛河非常好食，半筋半腩肥瘦適中。牛肉牛味濃郁，湯頭清甜。芽菜洋蔥大蔥份量適中。完全係越南嘅味道。飲品都好有heart , 絕對唔hea.價錢又抵食，惟一缺點係太多人排隊Lunchtime 通常都要等位. …查看更多

竟然沒有被貶過的餐廳，一定要探。只二人同行，未能點太多，只點了以下:牛油果沙冰，牛油果味很薄。越南雞蛋白蘭地咖啡，個人不喜愛，蛋味濃過咖啡味。鮮蝦米紙卷，一般。越式炸春卷，炸得很脆，味道一般火車頭湯河，有牛丸，牛肉，扎肉，牛展，湯底不錯。蟹肉蕃茄湯檬，感覺沒有蟹肉，蟹膏倒是有可能，有蕃茄、扎肉和像炸腐皮的東西，味道可以。 整體 : 店子小，很家庭式，但服務親民友善，食後不口渴，應該沒多味精， 但整體比"第一郡" 稍 遜色。…查看更多