T&M Dessert (已結業)

中午行經樂富廣場，見到有間甜品舖「T&M Dessert」。原來小店係主打拿破崙，市面上比較少見😀。甜品櫃一覽無遺，件裝拿破崙整齊排列，但留意返未必所有口味都齊全，就例如今日冇抹茶同鐵觀音🍵，有啲可惜。件裝拿破崙定價由$42至$64不等，有唔少水果口味，其中富貴杮係季節限定款式🍊。不過我就覺得傳統味道比較穩陣。巧克力拿破崙($62)，🍫朱古力同酥皮比例一比一，味道濃郁。法國朱古力甜而不膩，而中間嗰層更加係Crunchy脆脆，口感富層次。雲呢拿拿破崙($46)，🍨雲呢拿吉士醬幼滑，再加埋面頭嘅鮮忌廉，重奶香，甜甜的。成個組合同拿破崙好夾，而且價錢係比較平嘅一款👌。即使係件裝嘅拿破崙，但酥皮層都無揸流攤，而且唔同款式嘅疊砌紋理有所不同😳。總括嚟講，如果想食拿破崙嘅話，不妨可以考慮呢度。自私食可Walk-in🙈，但訂原個裝就建議先聯絡店家。值得一讚嘅係就算只買一件，店員都會附上乾冰包，以確保食物質素👍。

樂富廣場開左間專做拿破崙的小店T&M. 小店貴精不貴多, 做各款拿破崙, 亦都做其他小量芝士蛋糕小店出品的拿破崙都有好多款選擇,由士多啤梨, 到芒果, 亦都有茶類款式, Earl Grey, 鐵觀音同抹茶, 亦都有Oreo 咖啡同朱古力味等等。--今日買左兩件簡簡單單做Tea士多啤梨拿破崙 同 鐵觀音拿破崙士多啤梨拿破崙拿破崙酥皮鬆脆，夾著自家雲呢拿吉士醬，口感香滑餅面及中間都以士多啤梨作裝飾士多啤梨香甜可愛, 味道具層次。-鐵觀音拿破崙鐵觀音拿破崙都有驚喜, 甘香鬆脆的酥，夾著用上鐵觀音茶秘製的吉士醬。啖啖充滿鐵觀音的味道，口感細滑, 甜而不膩。-

📍 T&M Dessert 樂富聯合道198號樂富廣場3樓3180號舖🍒點評時間路過樂富廣場見到有間新開拿破崙店即刻就吸引左我🤩原來有好多種口味選擇，不過比較夜去就已經賣得七七八八🍓草莓拿破崙新鮮草莓香甜，完全唔會酸酥脆的千層酥皮同吉士好夾💕🥭芒果拿破崙店員推薦𝖭𝗈.1🏆同草莓一樣夾住酥皮同吉士啖啖芒果肉食落好幸福❤️細細件可以每隻味都試下下次真係要再早啲去買其他口味試😝好味指數😋：⭐️⭐️⭐️⭐⭐抵食指數😛：⭐️⭐️⭐️⭐服務指數⚜️：⭐️⭐️⭐️⭐環境指數🧽：/

搵路嘅時候經過見到呢間細細嘅cake shop, 比廚櫃啲拿破崙吸引左，係我最近上癮嘅甜品！見佢都幾多款，賣相又好colourful扑鎚買左兩件件裝試試佢～～揀左抹茶拿破崙($64) 同咖啡oreo拿破崙 ($62)真係整得幾精緻架，影左一輪先捨得食佢🤪一拮落去已經feel到每一層個酥皮有幾脆，真係"咔咔"聲，金黃嘅酥皮望落都係好層次分明，欣賞！啲cream我覺得幾低糖架，係夠延身嘅cream,又唔會覺太油膩👍抹茶🍵同咖啡☕️味都成功出到，唔會被甜味蓋過果種！呢間小店唔錯，店員好young好nice!

👧🏻😋👅🍽✨終於開黎九龍東-T&M Dessert🇭🇰 樂富聯合道198號樂富廣場3樓3180號舖 🇭🇰-🍰呢間拿破崙咁出名之前係IG都見唔少人po, 但係屯門真係搞唔掂, 開到黎樂富就要試試佢!🍰買兩件有盒有冰包, 仲有溫馨提示1小時內放返入雪櫃就ok-🍫🥛🍩巧克力拿破崙 $62💯每層酥皮中間都有唔同野, 口感同味道都超豐富💯底層係較硬身既法國朱古力忌廉好順滑, 中間果層就係朱古力味薄脆, 面層係薄薄地一層黑朱古力唔會太甜, 成件咬就係唔同濃度同口感既朱古力配料-🍅🥛🥚富貴柿拿破崙 $58✨本身諗住黎買傳統芒果味, 但期間限定富貴柿又忍唔住試吓✨採用日本富貴柿, 細細件裝都好多果肉, 柿唔算好濃味所以同吉士好夾-

最近經過樂富廣場，見到一間新開嘅甜品舖主打係買拿破崙 咩都選擇非常之多喺櫃上面見到眼花撩亂 忍唔住買咗兩舊返去試一試 我就見到佢嘅芒果同綠茶好吸引所以就買咗呢兩個啦！買返去都屋企即刻開嚟食果然冇令人失望 佢拿破崙果皮非常之鬆脆口感好好 👍 芒果拿破崙中間有好多吉士 而且口口都有芒果肉 但食落一啲都唔膩 反而甜度亦都啱啱好 食落非常之滿足😇而抹茶拿破崙 呢個配搭我都係第一次試抹茶嘅味道非常之濃 食落有回甘嘅味道 同樣地個口感亦都係非常之鬆脆😍整體嚟講都幾好味下次等我試吓佢嘅其他味先

🎈T&M Dessert樂富廣場新開甜品店報到📍小店衝出屯門進駐樂富，主打拿破崙甜品，口味相當多元化千層酥皮香脆帶牛油香，自家製吉士醬口感綿滑，入口細膩#富貴柿拿破崙 $64當日限定的款式，店家將蛋糕成份一一列出，食得更安心選用當造嘅富貴柿配上自家製吉士醬，用料矜貴，富貴柿口感清甜充滿日式風味#鐵觀音拿破崙 $58茶味少許回甘，吉士醬份量好多，沒有在客氣🤣淡淡茶味剛好平衡忌廉同酥皮的甜膩，整體濃而不膩值得一讚店員非常細心，因為唔係現場即刻食，會主動送上保冷包保持溫度，返到屋企都保留到最佳口感

樂富新開蛋糕店Magazine推介所以黎試下18:00幾黎到已經剩番幾件，新開就無辦法啦，過一排大家都試完既話，咁我就可以慢慢買，本身拿坡崙自己都like ,1個月至少食番2,3次今日買左士多啤梨，芒果，鐵觀音，全部都好啱食 又不太甜，食一件係唔夠喉架，食两件就差不多啦，今日買左4件，留2件比老婆又食下先下次有咩重要紀念日都訂番個食下，有借口嘛哈哈等我下次黎再試下其他先之前要去到屯門又話訂先有，而家係樂富都有，就方便好多有食神yeah