T Club

營業中

休息中

朋友介紹一間有海景又chill嘅樓上cafè叫我一齊去試吓；好啦！橫掂疫情之後唔係公仔麵就茶餐廳，當獎勵吓自己豪一次啦！（係！以我嘅經濟環境，樓上cafè 已經算係豪😅） 上到餐廳，有自我測量體溫機同搓手液喺門口，保障咗大家嘅衛生先！很好👍🏻店員帶領我們到一張靠窗嘅四人枱😍好嘢！有海景睇！場內當時大約已經有另外四枱食客，枱上面都係睇落好美味嘅食物，而我同我朋友就連早餐都未食，望望餐牌，都係睇字面都覺得好好食嘅嘢，所以諗住試好多好多。首先每人叫咗個午餐，我食「鮮蝦松子仁羅勒醬意粉」；朋友叫 「龍蝦汁海鮮意大利飯」。先來個湯，睇落都好靚，店員話係甘筍湯，喺完全冇期望底下，我同朋友都wow咗聲! 成個湯都飲到係好thick嘅甘筍蓉打出嚟嘅，唔係又稀又溝水果隻，掂！跟住係沙律😱 咁大碟嘅？外面餐廳前菜沙律一般都比較細份，佢仲要係用沙律菜！好落本！廚師選用醋令到我哋胃口更加好！到主菜啦！keep住高水準；朋友個龍蝦汁個味真係好濃郁，意大利飯做得個Texture 好好夠煙韌，而我個意粉又做到Al dente，又唔多油，感覺健康得多，個蝦都係好爽好彈果隻，非常滿意。食完主菜我哋仲係好肚餓，我就叫咗個

見朋友介紹，就上左去試吓。叫左個午餐Set ：甘筍湯（甘甘甜甜夠開胃）、沙律（配黑醋汁）、龍蝦汁海鮮意大利飯（味道濃郁，飯粒軟硬適中）、熊仔凍奶茶（超得意+好飲）。經過觀塘可以試吓，值得推薦🤤🤤🤤 一開始以為係南瓜湯， 老闆介紹返原來係甘筍湯😋沙律配黑醋汁加上小小蜜桃，酸酸甜甜👍🏻主菜：龍蝦汁海鮮意大利飯 醬汁同飯既比較恰到好處，唔會變咗做湯飯。證明廚師好有心機去煮。正🤤熊仔凍奶茶同老闆傾開先知，呢杯嘢飲係今日先上餐牌，好幸運地做第一批客人試飲。一睇個熊仔就知道唔係普通冰粒，老闆用左茶底黎做冰粒，等杯凍奶茶唔會越飲越淡😍。薯條新鮮炸起配茄汁夠哂好味，原來再配黑松露醬都十分野味。炸雞小小辣，肉質鮮嫩多汁。

今日在嚴峻的疫情下，跟朋友去了 T Club 飲下午茶。我一直在觀塘上班，知道餐廳新轉手，上去一試。今日叫了兩個下午茶餐，三文魚牛角包及三文魚賓尼迪蛋。未轉手之前也來過，食物一般。今次再來，食物水平明顯不同，係中上之作，奈何價錢亦中上！不過環境依然不錯。我最喜歡23樓的九龍灣海景！可以 encore !

去開觀塘諗住平平哋搵間Cafe chill吓 上網搵到呢間超正地鐵站三分鐘就到但係竟然望到海景港島尖沙咀海旁一覧無遺嘢食一啲都唔貴仲有勁多選擇All Day Breakfast 🍳 Spaghetti 🍝 窩夫 🧇小食 🍗Cake 🍰 仲有酒飲 🥂🍻環境超舒適特別想講而家疫情之下可以搵到間坐得舒服兼且衛生枱與枱之間一啲都唔迫仲要有Open Kitchen睇住食物製作真係食得安心又放心下次一定會再嚟過!!!!!!

之前收到佢哋嘅外賣宣傳單，叫咗一個軟殼蟹意粉試下，有成隻軟殼蟹喺度，都真係幾好食，價錢只係55蚊，都算幾抵。後尾知道佢哋換咗個廚師，於是同太太上去間餐廳試下，唔知係唔係疫情關係，啲枱擺得好闊落，我哋兩個人可以坐一張近窗口嘅枱，睇到海景添，環境都幾舒服。我哋叫咗兩個午餐，一個闊條麵，一個燒雞餐，有餐湯有沙律有嘢飲，食物水準都可以，餐牌上嘅價錢貴咗少少，但係入咗會可以打番八折，加上幾好嘅環境，咁價錢就變得好合理，而且侍應嘅服務態度都幾好，值得繼續幫襯。

做完野上網睇下有咩食，想搵間cafe坐下飲下咖啡，上網睇到有人推介話呢度咖啡好飲所以就去試下點知杯咖啡黎到咁既樣已經唔想飲，一間cafe沖既咖啡竟然會係咁既樣，唔叫都叫左就試下啦，可能好飲呢，抱住呢個心態既我錯了，飲左啖真係勁難飲，完全唔係一間cafe應有既水準野食亦都難食，店員服務態度又差，完全中伏，唔會再幫襯完全唔明點解會有人覺得好飲，真心無下次最少比一星咋，如果唔係想比零或者負星如果你睇緊食評諗緊去唔去試下，奉勸你真係考慮清楚

以前都聽過吓有呢間餐廳, 今日終於有機會同朋友上去食T set. 一入去環境好舒適呀~! 無敵海影! 梳化設計又舒服. 見到有waffle同T set, 兩個人去, 一個食waffle, 一個食Tea.Waffle係紅火龍果雪糕窩夫, 個waffle上既格格仲有細粒綿花糖, 好正呀! 趁熱食超好食! 火龍果又夠健康!Tea Set係蕃茄水牛芝士貝殼粉, 個貝殼粉夠軟身好正~味亦夠喉! Tea set黎講份量剛剛好!朋友係呢度club會員, 食嘢有8折,  蕃茄水牛芝士貝殼粉 折咗只係$68. 火龍果雪糕窩夫 折咗只係$54, 好抵呀!

同幾個朋友食下午茶，點左全日早餐，三文魚牛角包，小食併盤一齊share ，Cafe 環境好靚，望到觀塘碼頭，裝修又靚，重點比較少人係度食，唔會太嘈，食物方面偏貴，但有教協證就8折，最近做promotion 更半價，好抵食。比較鐘意小食拼盤，大大份岩同朋友share.。

早前暑假一家人去了英國倫敦旅行，特意去品嚐倫敦名食鴨腿窩夫（duck&waff),味道真得一流，食完一次都好想再食第二次。今日下午約左個朋友到觀塘Tclub開會，無意中俾我發現了香港版的duck&waff⋯軟殼蟹窩夫，雖然鴨腿換左軟殼蟹，但是看它買相都幾分相似，於是叫了一份試下，味道同樣很美味，甜甜的半生熟荷包蛋夾埋鬆碎的軟殼蟹再加埋窩夫一齊食，口感及味道真得好夾，總之好味，晤識形容，😋😋😋😋日後不用山長水遠跑到英國先有得食啦😄😄😄

今晚同幾個同事食晚飯，預先訂位，但全場就只有我們一臺客九人，認真講，食物好一般，肉眼無味道，好嚡，斧頭豬扒味道有既，就系嚡姐，燒乳豬皮系脆，但肉好嚡，意粉還可以，總體說得個貴，但環境好舒服，見海，好靜，適合談話，但喜歡食物的你，請三思。個人認為，口味個人唔同，我味重姐。

老師們約左一班舊生聚會，黎到呢間cafe, 很寬敞，景色也不錯！如果你係教聯會員，係度食野全單八折，即場做會員都得，所以我哋即場做咗會員了！食物方面，主要為西餐，份量十分大，味道不錯，仲有湯飲！好可惜冇影相添！All day breakfast份量如下，很美味如果叫set lunch，仲有自助沙律吧任食，有煙三文魚，鴨胸，水果，粟米，青瓜等等整體來講，都算是高水準嘅Cafe，做咗會員八折抵食，我下次會再來

同舊同事一齊食飯,叫左一個海膽卡邦尼意粉,肉眼扒配帝王蟹腳,海膽泡沫龍蝦湯,老闆請甜品｡首先環境好舒適,因為光顧嘅人唔多,如果早上去或者晏晝可以睇倒景色,夜晚去就難睇倒｡海膽卡邦尼意粉好好味,有3舊海膽響面，食落又香又滑，配料唔算多但份量夠｡龍蝦湯飲到海鮮味,味道幾特別,龍蝦味都好重｡有啲白色泡沫響面，好似話係雞蛋黎，但如果怕海鮮聲味嘅話就唔好叫｡肉眼扒配帝王蟹腳,我地叫左五成熟,燒出來都幾暖口，幾juicy下面墊左好多薯仔配菜,個配醬都幾特別，食落似係黃介未加芝麻同醋。帝王蟹腳就得一隻｡我覺得食物方面喺接受到嘅，都幾好食。但,性價比唔算高,同樣嘅價錢,出面有好多好多選擇｡但一試亦無妨,佢嘅午餐，下午茶，都可以一試,性價比會高好多｡最後老闆請左我地食左個甜品,普通嘅蛋糕細細件，比個happy 我地。

最近從雜誌得知，觀塘有一間藏身商廈之中、坐擁日落美景的靚靚Cafe，當然得去拜訪一下。但上到23樓，四周都是辦公室寫字樓，到底Cafe在哪？原來這間叫T Club的Cafe正藏身於教師聯會辦公室之中，由本地精品咖啡店Pregio主理，每日限時開放給公眾使用，可算是教師們的私竇。Cafe座位不多，但闊落舒服，空間感十足。盡管是日天色不佳，未能看到日落景致，仍令人不自覺hea足一下午。Pregio以炮製精品咖啡聞名，當然要點一杯。試了這店限定的Coffee Sangria，將切粒的蘋果、橙及檸檬加入Ice Drip之中，再倒入一小杯接骨木花汁，入口帶濃濃水果香，酸甜平衡，層次鮮明。食物不算便宜，但做得有水準，意大利風乾火腿芝士比高包，餡料十足，鹹香火腿鋪得滿滿，底層又夾入大量混了黑醋的沙律菜，清新不膩，但伴碟的墨西哥玉米片明顯已受潮一段時間，香脆欠奉，不合格。最後點了麵包布甸配雪糕作結，熱烘烘的麵包嗦滿香甜牛奶，濕潤好吃，上面一大球Movenpick士多啤梨雪糕，一冷一熱，每一口都衝擊著味蕾。 整體而言，這店的咖啡出色，在芸芸觀塘cafe中算是中上之選，加上環境舒適而帶點私竇feel，相信

又到左同同事去觀塘搵嘢食嘅時候喇！ 一向我weekend都會去依間餐廳食下午茶啊！但係lunch就未試過啦！我哋12點就到咗餐廳！一去到暫時我哋係第二台客！再望吓個Menu原來佢lunch set有包頭盤餐湯同埋嘢飲依頭盤方便我見有鴨胸啊有煙三文魚啦仲有好多沙律嘅配料！ 同事都話好抵食！佢哋仲出咗去攞咗幾次添啊！意粉方便呢我哋叫嗰啲意粉都好有鑊氣Menu上面我哋亦都見到有牛扒嘅選擇！二lunch set仲要包埋飲品已每人$10x嘅價錢真係好抵！要我哋嗰日最後食到兩點先走！全個餐廳只係得三四枱客，簡直係我哋嘅觀塘隱世餐廳我哋下次一定會再嚟

今日同同事食farewell飯，特別選了一間隱世西餐廳。餐廳位處已翻新的商厦23樓，可以遠眺海景，座位很寬敞。如果傾計，可以坐沙發。如果食飯，當然坐飯桌。哩度係敎師協會的，不過歡迎所有人入會。一入會，就有八折。唔止有飯食，仲有嘢買。除餐湯外，午餐有自助沙律吧，唔係只有沙律菜，仲有鴨胸！午餐餐牌中，我選了All Day Breakfast. 份量與卡路里，都好勁量，不過味道亦很好。餐廳說牛角麵包是自己做的！同事要長通粉，雞扒意粉。賣相一流，聽說味道亦好。餐廳亦有照顧素食的朋友，這裡提供一款素菜意粉。