Sweetheart

營業中

休息中

好鍾意呢間的椰皇系列。。由其椰皇果凍蛋白。。個燉蛋白真係好香，好滑😍👍🏻👍🏻.椰皇果凍蛋白🥥 $49好味度：⭐️⭐️⭐️⭐️椰果+ 椰皇果凍+燉蛋白做底層👍🏻👍🏻👍🏻.好鍾意呢個椰皇果凍。。用椰皇水製成😋😋👍🏻.椰皇芒果🥥🥭 $52個底個椰皇蒟蒻啫喱。。。驚喜😁😁身為椰子控的我，椰子/椰皇產品都好鍾意😁😍😍芒果+小丸子+ 黑芝麻湯圓😋😋好味度：⭐️⭐️⭐️⭐️.

間鋪唔係好大所以個位置都算有啲迫，但亦都因為咁，價錢都比一般嘅糖水舖，好似平少少。叫咗個椰皇芒果，佢係成個椰子咁裝住，咁嘅價錢都幾抵食，而且佢啲芒果肉都好新鮮，好甜，唔會酸。

2135到店，排第一張枱，但都等咗30分鐘先坐底。咁星期五夜晚，都理解。自行寫紙落單，叫咗：- 招牌椰皇燉蛋白 （$49）- 芋圓山 （$54）- 芒果撈冰 （$50）另外想叫多個兩個口味嘅麻薯+小布甸 （$46+$8），但因張紙無呢個選項，得個「其他（$40/$35）」空格。咁我哋想另加錢加配料，就請店員幫手落，點知女職員話：「咁你自己寫喺下面白色位置」。好，我寫。寫完，等咗20分鐘，燉蛋白到。再過多幾分鐘，芋圓山到。因為估唔到個芋圓山係個細細個椰子入面，所以送到個陣，我哋問咗句：「呢個咩嚟？」，女職員話係：「1206」。 er…同朋友你眼望我眼，真係唔知成場有無人記得自己叫咗咩number。催咗幾次後，終於係落單30分鐘後啲嘢到齊。點知，黑字白紙寫清楚都出錯，麻薯嚟咗個單口味無加布甸，真係火都嚟。仲要個QQ鮮奶麻薯又唔q又淡。好在最遲到嘅芒果撈冰幾足料，開心返啲。埋單前，因為上錯嘢，所以我用門口張餐單簡單計一計先。點知真係又有出入，呢個時候，女職員又話：「係阿，我哋更新咗價錢」估佢唔到，痴門口最顯眼個張會唔同步更新☺️總結：燉蛋白較清，感覺健康，不過椰果太甜太搶，唔太夾。芋圓山，食得

口痕想食甜品，落雨涼涼哋覺得食個椰皇都幾正，就搵到呢間甜品店😆鋪頭細細，但種類都算幾多，見佢椰皇咁出名，我同男朋友都叫咗椰皇甜品😆見佢寫住健康推薦，我即刻叫咗個椰皇8寶 ($48)😌材料勁多，亦好多係我鍾意食嘅😍除咗基本嘅圓肉、杞子、栗子等，仲可以自選兩樣，揀咗桃膠同單雙莢😆好似第一次見有單雙莢呢樣嘢食，即係皂角米，一粒粒好似米咁，但有少少煙韌，又幾有咬口幾好食！椰汁鮮奶底唔會太甜，不錯👍🏻男朋友食嘅椰皇蛋白芋圓 ($51)個蛋白好香，而上面嘅芋圓都唔似出面買好hea嗰種芋圓，始終自家製作，算幾有咬口同埋有原材料嘅味，都幾好食😋椰皇甜品質素唔錯，值得一試啊😋

果日經過見到呢間, 門口貼嘅相都好似好吸引就打算去試下入到去, 甜品嘅香味已經飄晒出嚟, 好香, 人都唔算多, 坐得幾舒服, 入到叫咗個窩夫配雪糕睇相好似好大, 其實個窩夫好細😂, 仲驚一個人食唔晒, 不過味道唔錯, 個樣都靚就係服務方面落單個阿叔態度就差咗少少.....今次去都還可以, 下次都會再食

凍冰冰最啱就係食暖笠笠嘅甜品想食嘅時候已經好夜，仲諗住鋪頭收咗工，抱住冒險嘅心態特登去到荃灣，好彩佢哋嘅外賣去到22:30（當時），就可以品嚐呢個暖入心嘅椰皇甜品（左）椰皇燉鮮奶（熱）（右）椰皇芒果山配雪糕椰皇燉鮮奶（熱）其實燉鮮奶我已經食咗好多好多次，每一次都係必叫，香滑嘅燉鮮奶配搭椰子嘅香味，溫暖又開胃，而且因為係熱食，所以椰肉好輕易就起咗出嚟，配搭埋燉鮮奶一齊食，真係錦上添花椰皇水果山配雪糕水果新鮮清甜，啫喱做底，口感更添層次每一次都要食晒椰子肉先捨得掉咗個椰皇😂之後堂食開返，一定會再多啲幫襯👍🏻👍🏻

食甜品多數都係食冰、窩夫、心太軟呢類，呢間Sweetheart就主打椰皇系列既甜品😌見好耐冇食過呢類甜品，就去試下。甜品既選擇好多，有芋圓、窩夫、班戟、西米露等等，椰皇系列都有好多款揀！食滿一百蚊仲會送支新鮮既椰皇水比你拎左添！1️⃣招牌椰皇燉蛋白（$42）椰汁味好香，蛋白好滑🤤而且食曬之後仲可以刮啲椰子肉黎食。見到呢度黎親好似每枱都會點樣椰皇系列既野，果然係好味既！  2⃣️椰皇桃膠（$47）呢個係椰皇燉蛋白再加啲桃膠，蛋白同椰子既味一樣係咁好味咁夾，加埋桃膠更加豐富😌  3⃣️椰皇8寶（$48）有杞子、桂圓肉、椰果、栗子、蘭香子、椰汁鮮奶，之後仲有花膠同桃膠😳好多料！個menu仲寫住係健康之選😂食落呢個既椰汁味好出，啖啖都係唔同既料，好正😙  

近呢大半年去荃灣機會多左，仲禁晚市時發現左呢間Sweet Heart，自此一試愛上❤️❤️除左堂食，都試過買外賣返港島屋企輕輕翻熱，都一樣咁好味！講真，椰皇燉蛋白唔係只有呢度有，試過大圍，試過佐敦，但味道岩岩好就真係 Sweet Heart! 椰皇水嘅清甜，蛋白嘅香滑，平衡得岩岩好，想再開心d可以配芋圓，小丸子，湯圓果d，但食到咁飽，食到呢度嘅招牌就夠！走時仲買左兩枝椰皇水飲，咁熱天氣，夠哂消暑🤤🤤🤤今次帶媽咪荃灣半日遊，由老闆娘開始，一路到以Sweet Heart作句號，完美！

終於都放寬返晚市堂食禁令啦!!!!即刻約返朋友出嚟食返個糖水先啦🤤呢間甜品舖位置位於鱟地坊地舖嚟，旁邊有幾間賣水族用品嘅舖頭，地方唔算難搵。椰皇桃膠(熱) $45大約等咗10分鐘就上枱，一上到枱，椰香味就即刻湧晒出嚟。食落去椰味十足，仲配埋健康養生嘅桃膠，真係健康人生呀🤣雖然佢個名冇寫到係有燉蛋白係個底到，但係個蛋白完全唔會過甜，令人想一啖接一啖咁食晒佢；就算俾你食完成個桃膠燉蛋白，成個椰皇殼嘅椰肉都留返俾你食，真係一個令人相當滿意嘅甜品，讚👍🏻芒果班戟 $28芒果班戟相比之下就中規中矩，就冇乜特別。

一入到餐廳，已經椰香撲鼻，令食慾當堂標升！最後我簡咗榴槤公主（凍）$58榴槤肉都比得唔孤寒，比得都多，食得都滿足，榴槤係甘甘甜甜既味道質感creamy同椰汁鮮奶好夾鍾意榴槤既朋友可以試下。食晒啲料之後，當然唔好浪費，連啲椰肉都刮得乾乾淨淨，一路起勢刮，一路食，work hard!eat harder!😂到最後埋單走個陣，老闆仲送咗枝椰青水添，起初都冇咩期望，但之後再去附近掃街掃到好口渴，就開黎飲，不得了，好清甜！甜而不涸喉又解渴！

椰皇甜品專門店🍮食完晚飯想搵下甜品，見到呢間用原個椰皇的甜品鋪就比佢吸引左入黎🤪店面唔算大🍴有6張枱，裝修都幾精緻🎍。👀椰皇蛋白芋圓（熱）$49甜品嘅選擇都幾多，我就揀左椰皇蛋白芋圓（熱）😁食落都幾有驚喜，有特別嘅紅豆圓、芋圓、紫薯圓同蕃薯圓🤩個蛋白就有好濃郁嘅椰奶味🥥一個人食一個可能會有小小膩😣不過整體成個感覺都唔錯，值得一試😋

同朋友搵個聚腳點見依間有位就坐低左！本身諗住搵芋圓食但係又無咩選擇最後叫左個香蕉朱古力pancake🤣無咩驚喜.. 都係就咁食左野既感覺😂應該都唔會再番黎😂

食完飯 肯定要出動女人第二個胃去食甜品la🤣麻辣風雲向左直行 就見到依間甜品 出乎意料地好味😋==============================🌟椰皇寶藏三色芋圓(啫喱底+椰水+金薯+椰果+雞蛋布甸+紅豆+薏米)($48)出面d糖水舖 芋圓都好伏🤢得個咬口完全無味但係依間d芋圓有驚喜🤭係自家製而唔同色都食得出佢陣味同有咬口😋同埋依款甜品係椰水再塞唔同配料 感覺好奇怪配料中雞蛋布甸麻麻🤔試蛋白類可能好d- - - - - - - - - - - - - - - - - - - - - - - - - - - - - - - - - - - - -🌟椰皇芒果(啫喱底+芒果肉+芒果溶+小丸子+湯圓)($38)🌟椰皇芒果山(啫喱底+芒果肉+椰果+雪糕)($48)🌟椰皇榴槤山(啫喱底+榴槤肉+椰果+雪糕)($49)芒果味普通 唔係特別甜😬榴槤肉香 相對濃味d三款甜品都中規中矩 正正常常😗==============================⚠️全部甜品都簡中用啫喱底 清甜爽口😋質素中上 性價比高 值得去食😍

荃灣呢間糖水鋪，經常吸引唔少人專登早啲黎食，成日都大排長龍，最出名嘅係椰皇系列😍😍！招牌椰皇燉蛋白 ＄40用上原個新鮮椰皇，透過半開放式廚房見到老闆好純熟咁開椰皇，椰汁加上蛋白入口香滑，又有椰子獨有的清甜，最後仲可以刮埋啲椰肉食！椰皇之寶 ＄62集三大美顏聖品於一身！上層係椰汁燉桃膠,花膠,雪燕，下層係燉蛋白，加埋一齊口感豐富，健康又養眼，女士必食♥️♥️另外牛奶布甸班戟都好特別，班戟內餡多數係水果，呢度用上3.6牛乳製作成布甸，有少少雪糕口感，配埋忌廉食勁滿足呀～！

係荃灣食完父親節飯， 唔係幾夠喉， 想食甜品，諗起荃灣除左路德圍之外， 「鐵皮屋」嗰頭都好似都有一兩間糖水舖，因此就過來探秘一下， 就揾到呢間小店，小店空間不大，坐位很少，所以10點左右來到來係排曬隊，咁我哋就去路德圍飲杯野再過來11點左右返返來， 無人排隊，等左一兩分鐘就可以入座雖然地方狹小，但坐得還算可以。叫左2 份糖水都相當有水準（因為本來無打算寫食評，所以無影相）1）椰皇xxxx(唔記得咩名，但編號係123）-$48原隻椰子🥥，一個成年女性手掌🖐️大小，啫喱底，椰子沙冰係主體， 椰子沙冰面有7-8粒龍眼果肉， 5-6粒小丸子同埋一粒芝麻湯圓。成個甜品唔係好大個，一個人食剛剛好， 雖然係椰子沙冰加左椰汁，但唔會好奶，成個甜品好清新， 龍眼肉多汁厚肉， 小丸子同芝麻湯圓都正常，不過不失。成個甜品的配搭同份量比例都好恰到好處2）蜜糖青檸千層班戟 - 46自從上年年尾食完沛公個千層蛋糕之後，就無對任何千層蛋糕/班戟有期望， 但佢呢個班戟可以算是喜出望外。首先佢個班戟底做得很好， 1）夠濕潤唔會乾晒， 2）又唔會太厚， 3）夠軟且有彈性4）青檸味好出， 真材實料至於忌廉方面1）唔會搽得太厚