影片
喺荃灣突然間心血來潮想食糖水，搵個地方坐低同朋友傾吓偈。去路德圍行吓睇吓有冇新發現。行行吓見到呢間Sweetheart入邊坐滿人，想必一定係好正先會咁多人，所以就入去試一試佢。🍉小西瓜山見佢餐牌上面寫住一台只限叫一個，好似好珍貴咁所以就叫左佢。上到嚟真係覺得非常驚訝，因為座山好大，而且下便仲有半個大西瓜（真係大，唔係平時一個人都食到一個嗰啲小西瓜）上面係一座冰山，用西瓜牛奶刨出嚟嘅，清清地唔係好甜，非常消暑解渴。座山入邊下物會有唔同嘅配料，例如有椰果，布甸，涼粉，小丸子等。好似尋寶咁非常過癮。本身以為佢下便就係一個西瓜俾我哋慢慢挖。但係佢都非常之有誠意，佢將啲西瓜肉挖晒做一個個小波波，方便客人進食。雖然呢座西瓜山等咗好耐同埋都唔係平，但係見到佢咁足料又咁有誠意真係值回票價。🥥椰皇全寶基本問每一台都會叫椰皇，我哋都唔例外。呢個椰皇全部入邊有好多好多種唔同嘅配料，多到我喺呢度都不能盡錄。食落有各種唔同嘅口感，而且椰皇椰奶嘅味道非常濃郁，非常推薦。🥭芒果撈水晶粉最後我哋仲叫多咗一個甜品😂兩個人食咗三個。呢款雖然好多地方都有得食，但係我覺得呢一間係最足料嘅。總括而言，呢一間我覺得性價比非常之高，而且食物質素都好出色。推薦大家去開荃灣可以試吓🥹
繼續閱讀
您可能會有興趣的...