SUSHI DINO

I ordered a 9 pieces sushi today. I love Omakase but I dont need to make myself so super full. that's why I ordered teh 9 pieces seto. It comes with appetizer, 9 pieces, handroll, steamed egg and dessert.Appetizer.My friend ordered omakase and she has extra dishes, it looks better,huh?halved thick scallop Her dish againI like the truffle on top. Its like magic.Tora, hers again!Those white flakes are salt. Its very thin, fine and light. you can dab more without worrying it would be salty or anything.My Toro Handroll. Its mini and cute. I like the seaweed being crispy. …查看更多

壽司吧就更係食師傅發辦、非常時期當然特別留神、發覺唯一一個壽司師傅沒有帶口罩、基本上所有普通餐廳員工都必定帶口罩、何況日本菜仲要係剌身、師傅同人客面對面接觸、更加要小心、當時感覺已經有啲唔舒服、落咗order 、忍唔住問師傅點解另外個啲師傅帶口罩、而你吾帶？師傅答：我覺得冇需要帶同埋唔帶口罩冇問題我立刻答佢：我覺得有問題師傅態度強硬妙答：如果你覺得有問題我叫第二個師傅嚟招呼、跟住就行開真係一個字「正」、應該係老闆唔憂做樓面聽到過嚟道歉、另外兩個客人差不多食完、會安排另一位師傅招乎、食到一半、四眼師傅再出現係壽司吧繼續冇戴口罩做食物、所以更加相信佢係老闆最後食物係唔錯嘅、但係已經唔重要、四眼師傅已經破壞左整個氣氛、投訴完經理亦都冇要求四眼師傅帶口罩、處理完全唔專業和吾尊重人客、Sushi Dino 永遠消失係我嘅list 👎🏻…查看更多

抗疫也要吃飯。在 Sushi Dino 小吃怡情。光顧原址的舊鋪多次，翻牌後則是第一次來。今天不想多吃，點了9貫壽司餐（$298）。水準不俗。海膽來自北海道根室，味濃最後用安康魚肝撈飯做的手卷好正（雖然好邪惡）蒸蛋、甜品也不錯。可惜無湯，好像美中不足。現在優惠85折…查看更多

到星期五，朋友必定會搵一間好啲嘅餐廳，對自己好啲，慰勞自己一星期努力嘅工作。呢一間係佢其中一個選擇，日本菜，其中一樣最好嘅，就係環境舒服同埋整體擺設有美感，令人食得比較開懷。午餐相對會比較抵食，我個個人覺得性價比幾高，好大機會會再嚟食。如果食(omakase お任せ)廚師發辦, 就建議坐吧枱，可以一路望住師傅逐件做俾你慢慢食，如果食普通set，咁就坐普通檯吧。魚生實在係好新鮮及肥美，我食吞拿魚每件都有油香，每一件刺身食完都有回甘。碎吞拿魚飯，係我最愛，個飯調味得非常恰當，唔會搶咗啲魚生味道，我一粒米都冇剩。麵豉湯同蒸蛋就冇特別驚喜，不過個重點都係食魚生，我極力推介。…查看更多

為答謝 XO仔幫忙，D君好豪氣咁話要請食廚師發辦，仲專登揀咗間新店「Sushi Dino」一齊去試。地舖灰銀嘅招牌貼喺灰黑色嘅磚牆上，眼力弱啲真係未必睇得到。值得讚嘅係個出入口設汁！和式嘅電動木門時尚中不失傳統，寛闊嘅通道兩邊都有扶手，暗斜又可方便輪椅出入，盡顯食客安全第一最重要。壽司屋並無花巧之裝潢，除咗兩間廂房之外，正中央有個被十個吧位圍繞著嘅壽司吧，分別由三位師傅掌舵。細佬自認聲浪較大，容易影響其他貴客，經理姐姐安排調位其實都理解得到，不過由入門口一刻到埋單離場時卻一直要遭受到佢全程黑面嘅對待，個人覺得唔係太有道理囉！為咗唔掃自己興，兩口子埋位即研究酒牌。應師傅推介點咗枝「銀千樹純米大吟釀」（$850/樽）。有點好奇怪，店子所提供嘅清酒居然要喺冰桶度冰咗成十幾分鐘先斟出黎，飲落口時仲要未夠凍喎，明顯樽酒根本就未適合俾客人飲用，相信誠意欠逢就是如此吧？！晚市廚師發辦套餐共有三款可選，均包有前菜、吸物及季節水果，主要不同在於魚生及熟食之份量分配。據餐牌列出，第一款「寒梅」（$1,580/位）共有刺身、壽司、卷物十三道，另加烏冬作單尾；第二款「幽蘭」（$1,480/位）包有刺身及壽司共八道，另加燒魚及A5和牛作主食；第三款「秋菊」（$1,380/位）則完全冇魚生，只有鮑魚海膽麵、燒魚、A5和牛及銀魚仔飯。因深知小肥愛吃魚生但怕食燒魚，主人家就好客氣咁點咗兩份「寒梅」。小弟自問唔算係一個特別執著嘅人，不如就由大家憑下圖杯墊及茶杯嘅位置評一評服務生嘅專業水平吧。當晚最友善就係為二人準備魚生嘅師傅仔:)，未有酒飲前先送上苦瓜及蘿蔔醒一醒胃，食完仲有得添。廚師發辦由「前菜二點」打頭陣，建議由右邊食起，亦即瀬尿蝦及冰頭漬。瀬尿蝦肉雖則尚算爽脆，可惜偏咗少少嚡。小碗中透透地明嘅「冰頭漬」原來係三文魚頭位嘅薄片，質感爽潤帶脆，酸酸甜甜，開胃又醒神。刺身環節由擺盤砌到成朵花咁靚、銀邊白肉、清香嘅深海池魚作序。接著嘅針魚同屬味淡之列，厚厚嘅魚肉極富彈性，連同伴配嘅紫蘇花食落口即增添芬芳。以金碟承載嘅粒貝薄片清甜脆巧，以透光嘅桃味啫喱點綴更覺清涼清爽。預先切好嘅北寄貝鮮爽甜美。節令嘅香箱蟹不單顏色美艷奪目，食落蟹肉幼嫩鮮香，頂面嘅蟹籽亦夠哂脆卜卜。整晚最為失色都要數水尾嘅秋刀，敗筆在於唔得肥潤，而且味道欠缺鮮香，講真會情願佢用第二種海鮮去代替囉！哈哈，師傅仔一聽到小肥離遠已經指得出佢手上嘅係銀雪魚BB時都已經感到驚訝，印象深刻全因個人食過返尋味，愛之深所至！肌膚雪白嘅銀雪魚BB柔軟滑溜，吃畢口腔仍洋溢著芳香濃郁嘅松露香，實在係白吃不厭呀！返睇相片再屈指一數，先發覺刺身合共只食咗七款，之後就有一碗奶白濃醇嘅魚湯。換上壽司前先有爽脆多汁嘅粟米及蕃茄作間場，莫非兩者為刺身嘅第八道，定還是係師傅貴人善忘，忘記咗「寒梅」應有刺身八點呢？！壽司四貫嘅質素一啲都唔差，只係個人覺得差咁少少爆炸力。第一味帶子伴烏魚籽壽司爽厚樸實。第二件昆布白蝦都好爽彈。不過四款之最必選橙美亮澤、軟嫩無比，鮮甜可口嘅海膽壽司。半溶於口嘅拖羅壽司亦冇失拖！由於食完多道魚生後D君都未夠飽，佢就追加咗兩件壽司。白身嘅石垣鯛壽司尚算厚潤，但兩口子都未能嘩然讚嘆。（話時話，睇返啲相，再對應餐牌嘅詳細說明後，先發現食少咗一道刺身同卷物，唔知如果冇漏到的話，係咪唔洗追加壽司就夠飽飽呢？）獅魚壽司其實都好肥美，但請恕小弟直言，後加嘅菜式當真難及套餐壓軸嘅海膽及拖羅媲美。上甜品前先有碗熱烏冬，清潤得黎相當暖胃。作結嘅季節水果蜜瓜都好爽口，只係小肥略嫌唔夠甜。隱蔽於蜆殼街嘅「Sushi Dino」環境簡潔企理。晚市恐龍級價格嘅廚師發辦料理質素一般，份量亦稍為不足，性價比偏低之餘，最遺憾就係服務生差劣之態度，以平均消費二千多元黎講，市內絕對有其他更好嘅選擇囉！…查看更多