一粥麵 (青衣城2)

## 食評：放工後的快餐體驗放工後，我同老婆去咗大家樂旗下嘅一粥麵食艇仔粥同狀元及第粥，味道一如既往地鮮味！呢兩碗粥材料充足，居然有蝦、豬腸、豬潤同埋豬肚，真係好滿足。尤其係炸兩，維持咗水準，外脆內軟，搭配靈魂醬汁——甜醬、麻醬同埋豉油，簡直係填飽肚子嘅重要因素。每一口都好有味道，令人驚喜。整體來講，呢餐快餐真係非常不錯，無論係材料、味道，都有高水準，而且價錢合理，真係好適合放工後嚟填肚子！下次再來試其他嘢！…查看更多

去開青衣城比較常鍾意第一期多過第二期， 但係第二期有食開嘅一粥麵所以間中都會去試下。佢哋做嘅嘢都係好 standard， 同附近長發嗰間一粥麵差唔多。唯一我考慮嘅係環境， 有時開得太多屈咪係一個 ground area, 雖然都可以 ok ，但係感覺上 好似覺得有種壓迫感，所以我去咗一兩次都寧願行多幾步去第二間「一粥麵」。設計唔關呢間食肆事，完全係商場嘅planning，所以都冇乜好講。…查看更多

晚上放工買了一粥麵外賣，等候時間已經很長，外賣職員態度很差，當回家發現雲吞米線俾漏雲吞，已經唔係第一次發生，唔通次次都要現場檢查所有外賣才提取，咁低等錯誤都可以發生，欺騙顧客，服務質素極差不會再光顧😡😢…查看更多

乾炒牛河 炒河份量十足，而且牛肉大大塊，食得過癮。炸兩 腸粉皮過熟糊口，而且比較鹹一般。艇仔粥 一粥麵主打粥的，粥底棉滑，料頭十足。現在要喺香港食碗粥很難找了。(成本，鋪租，製造麻煩程度)餐廳嘅地方段落，座位較多，就裝修有一段歷史。…查看更多

第一次食一粥麵下午茶幾抵食😂😂😂好想飲紅豆冰 紅豆冰 紅豆冰見到呢個餐平過買杯珍珠奶茶🤣🤣就叫呢個餐………………………30蚊有碗雲吞麵一杯紅豆冰岩晒我，就叫呢個餐，杯紅豆冰好濃wo有驚喜。碗雲吞麵有3粒雲吞，估佢唔到仲要有送餐d服務好到有啲嚇親，叫姐姐比兩包醋，姐姐雙手遞上，好耐沒試過咁好服務，竟然係一粥麵平民快餐店有咁好服務，真係難得一遇🤣🤣🤣🤣見到隔離食炸無骨雞髀都好吸引，下次有機會試吓…查看更多

平時喜歡但很久沒有食的薰魚菜飯，今午買咗一個…魚不只沒有鮮味、反之有一些怪味！😠購買時職員態度比一般差。這間分店太好生意？不論食物質素及服務態度都係叫客人不要再來！…查看更多

一向麵覺一粥麵嘅粥粉麵都算不過不失直到遇到青衣城呢間首先就算係唔係繁忙時間外賣等嘅時間都必定超過25分鐘頭一兩次都以為係因為lunch hour所以要等咁耐之後發覺係每次咩時間都係等咁耐等得耐都算但食物質素每況越下粥係無味嘅又稀到水一樣唔會再有下次…查看更多

好耐無去一粥麵食早餐，今日就去開青衣城，咁喺大x 樂，同一粥麵之間，我揀左一粥麵，點知揀錯邊....... 叫左沙爹牛肉通粉配餐肉旦，再加多士。宜家好多地方既餐肉都好薄，明既。多士正正常常無特別，唔會抄車既。但講到嗰個通粉就不知所謂又淋又爛咁，沙爹牛啲牛肉肉質幾好既但就係個沙爹味又係得個鹹字，唉...... 浪費咗啲牛肉。食過好食既沙爹牛之後就好易比較。叫左熱奶茶，都仲保持到少少質素既。但今次真係大失所望😢😢😢😢…查看更多

抱住去快餐店快趣買個普通既外賣等左30分鐘都未有，期間無一個呀姐係helpful，態度差，收銀叫我去包外賣呀姐問，外賣呀姐叫我出面等，一路拖話整緊，原來廚房話無我張單，最後要發脾氣叫退錢先肯退錢。足足40分鐘先走得。backlist 無下次…查看更多

經過青衣商場突然間想食粥，想速食就來這間快餐了！因為是快餐就自己看看水牌就直接去收銀點餐，我當然點了荔灣艇仔粥，本身想配腸粉，可惜已經賣晒我就選擇了炒麵，另一朋友叫咗京都炸醬撈麵，我自己就覺得個粥底其實都唔錯，炒麵就唔算太熱，京都炸醬撈麵就一般啦！不過快餐店形式嘅粥店，差唔多啦～都可以接受！…查看更多

OT 完諗住叫個外賣返屋企食，點知返到屋企一打開盒外賣，夾開舊魚片頭，就見到大大隻唔知乜嘢昆蟲，好嘔心囉🤮🤮🤮嬲爆，一定冇下次！！！如果我喺堂食，一定會報食環！…查看更多

今早去食炒麵雞扒烚蛋早餐,食物到時一開蓋,一大陣燶底咪!連隻烚蛋都係燶!??? 敢都可以出早餐,大家樂可唔可以有個水準,雖則$28一份早餐,不能要求太多,但都不能咁嘅質素做食肆!! 以前什麼為你做足100分呢隻歌已無唱好耐!! …查看更多

一粥麵推出$90三個餸，今晚丫媽唔想煮飯，決定試一試佢。雞比較細隻，肉比較實，但完全冇味，蔥花純粹係裝飾，連蔥味都冇，好彩肉質唔霉，唯有自己點豉油食。豆卜排骨，豆卜好油，味道一般，排骨勁多粉，應該用左鬆肉粉，外面又包左一層粉，總之勁多粉，唔好食。蒸魚，啲魚肉質完全冇纖維嘅感覺，似用粉啤出嚟，棉花嘅口感，真係新奇又有趣。旁邊既菜係甜既，唔太好食。總括而言， $90三個餸，將貨就價，咁嘅食物質素非常正常，冇下次。…查看更多

位於青衣城二期底層近洗手間旁，大家樂集團式營養模式，最近推出優惠現金卷，以300元買600現金卷，算是吸引不少人光顧。經過看見推出麻辣米線，所以試下水平如何，畢竟已有米線陣叫了最基本的雲吞麻辣米線，說真的價錢不是便宜以外面一般米線店，另外加餸$8，選擇只有數款。說回今次既米線，配料芽菜腐皮不足。味道湯底清而不油膩，麻辣方面普通，感覺只是一般加辣椒油，沒有麼風味特色可言。唯一比較可取是衛生算是不錯。…查看更多

疫情嚴峻，餐飲業生意大跌，一粥麵亦推出外賣特價優惠，希望搶客，一隻豬手$33 ，是原價的七折，今日特登買咗一隻試吓好唔好食。外賣有一盒豬手，還有一碗醬汁。豬手當然沒有德國豬手那麼大，偏細，不過$33可以接受。皮比較厚，看上去膠質挺多，充滿骨膠原，而且不會炆到溶溶爛爛，是完整一塊。但豬手肉比較實，不鬆軟，要俾多少少牙力咀嚼。肉味道也不夠鹹，所以要靠附送的醬汁彌補。整體而言， $33可以接受，屋企求其加一個餸，但原價我就不會考慮購買。…查看更多