SUKIYA すき家 (譽發廣場)

營業中

休息中

—感覺十世已經冇食過牛肉飯肚餓之際竟然直入有位🐮香蔥溫泉蛋燒肉丼($48/M)升級套餐: 青菜&特製冰紅茶(+$10)肥牛肥瘦平均 唔會好多肥邊溫泉蛋係連蛋殼😻好神奇淨係之前試過整溏心蛋飯粒飽滿濕潤 撈埋汁食一流紅薑條好食 清爽解膩 唔會太酸太刺激 可能加咗套餐 medium食完好飽但係好抵食 菜份量慷慨唔知係咪自己上癮 冰紅茶好似伯爵茶嘅味😆壽喜燒3點後先有 下次晏d嚟試—————————————SUKIYA すき家油麻地彌敦道560號譽發廣場地下A號舖

第一次聽錯number都算，係我地大家都冇覆核一次。態度可以正常啲？第二次餸上黎嘅燒肉同一次完全唔同依家變左45嘅牛丼，但又收我燒肉錢唔係見到第一次嘅燒肉唔同樣，我都唔知原來可以咁樣玩

中午未有時間食野一拖就拖到下午茶🥲但諗到就晚餐又吾想食太飽（有小小自欺欺人）最後就嚟咗呢到買飯，細份又可以小飽細牛丼 （$25 外賣加$1）份量對我嚟講岩岩好 可以止肚餓吾會太飽牛肉汁好鮮甜👍🏽👍🏽不過米煮得太林 再加上有汁變得成碗飯好濕🙊

試下Sukiya 日式早餐，有去日本旅行搵早餐食既回憶🥰🍚🥩🐟揀左牛肉烤鯖魚早餐$39，仲貪心加多隻溫泉蛋$5烤鯖魚好大條，烤得好香少少太咸🤩牛肉小份，醬汁配洋蔥好味😋野菜麻麻地，草青味，混入味噌湯一齊食溫泉蛋剛熟，流心蛋王配豉油白飯，極滿足😎$44一大入，食完lunch 都唔洗食，好抵👍店員好有禮貌，坐低按鐘好快落單，仲主動比茶，親切友善店內有洗手盆、洗手液及紙巾，現時疫情嚴重，洗手安心d

呢日係油麻地完成工作後，發現天氣變了，不止風大得很，而且還下著大雨，使天氣變得更寒冷，而因為工作而沒有吃飯，所以肚子在咕嚕咕嚕的叫著，並開始感覺到身體冷得要抖震，想立刻吃碗熱騰騰的飯。呢間牛丼店之前已經試過，記憶中係即叫即做的足料飯菜，平日仲大多數要大排長龍先食到的，剛巧今日下了大雨，所以不用排隊都可以食到。今次係我第一次係呢間店堂食，發現原來堂食同外賣係分開兩個區域的，一入門口，店員就會詢問你係堂食定外帶，如果外帶，就會先在收錢機比錢，然後去等候區等待，如果係堂食就會示意你先揾位坐底，然後就會比餐牌同一杯水你，枱上仲有一個鐘，比你叫食物時用的。冇諗過一間係我想像中係快餐店既餐廳會係係座位叫食物的，平時的快餐店不是在收銀機先付款後取餐的嗎？所以呢個對我黎講係一個幾特別既體驗黎。黎到呢度，我既首選一定係牛丼拉，佢有S size:$25 ,M size: $29 及 L size:$39, 由於我冇食早餐，所以一叫就叫左個M size: $29既牛丼，再配炸雞套餐（+$20配炸雞及凍飲/麵豉湯），總共$49。牛丼既肥牛好多，夠哂足料，而飯量更加不在話下，基本上一個女仔可能未必食得哂一個M

同老公郊遊完畢夜晚諗住食間好啲😎同老公都好想試吓呢間，因為成日見到好多人都排長龍，而且食評都唔錯😋咁就排下隊啦😅我哋嗰日都排咗九個字🙈🙈然後我嗌咗牛肉飯，仲有炸雞，仲有個芝士飯係唔係期望過高呢🤔我同老公都覺得好似吉野家好食啲😅啲炸雞又唔係想像中咁好食，一般般反而我覺得我嗰個綠茶飲品最好😂我同老公都覺得唔使排隊都可以再試如果要排隊嘅話就唔值得再食咁其實咁長龍係食咩呢係咪我哋叫錯咗嘢呢😂😂

近日正苦又禁番堂食 冇堂食下 惟有搵下啲店係可以外賣。 今次經開油麻地 見到依間開左一排 開張大排長龍既過江龍すぎ家 就決定試下依間主打牛丼飯既店 除左人氣既牛丼飯 都會出售一啲炸雞飯 岩哂我依啲唔食牛既人 。 雖說禁左堂食，但都唔可以睇少依間既人氣， 雖然店內都排左一條人龍 但速度絕對係好快手 好快就拎得。今次就order左炸雞芝士咖哩（$62）同三式芝士烤雞丼（$54） 。 由落單到拎得都唔洗半個鐘， 主要因為職員相當有效率 首先係三式芝士烤雞丼， M size唔會話太少 岩哂一個女性正常既食量。 面蒲左係滿滿既芝士， 同埋紫菜 ，食落去絕對唔「漏」 口感都唔差。而炸雞芝士咖哩飯， 咖哩係用白咖哩制成，唔辣， 岩哂唔食辣既朋友 ， 炸雞食落有口感， 不過芝士味被咖哩cover左 唔係好食到😆 美中不足係沒有set既外賣

溫泉蛋牛肉烤雞雙拼丼賣相：🐧🐧🐧味道：🐧🐧🐧🐧包裝方面，牛肉、烤雞跟米飯同放在一外賣碗內，沒有特別分隔，温泉蛋則另外用小膠碗盛放。牛肉、烤雞量足本，温泉蛋呈半熟流心狀，合格。味道方面，牛肉不會過韌，牛肉味濃，不會過肥。烤雞則一般，雞肉不會過老，調味適度。米飯採用珍珠米，口感較黏，跟牛肉汁浸泡在一起，所以偏淋，但入味十足。温泉蛋口感滑溜，蛋味足，十分新鮮，伴飯一流。外賣等候時間：🐧🐧🐧🐧🐧在假日晚上6點幾，由排隊至取餐只需5分鐘。服務：🐧🐧🐧🐧職員態度有禮，並不會因長長人龍而特別急躁，備餐速度迅捷。🐧❤️結語：牛肉、温泉蛋值得一試。

今晚開始又要外賣回家了，第一晚決定食好d食Sukiya!! 點咗泡菜牛肉飯加布甸奶茶 Sukiya的白飯凍咗都唔會難食，依舊有彈力和粒粒分明，配埋本身都可以凍食嘅泡菜係咪外賣最強先。星期五咁開心要獎勵下自己飲返杯布甸奶茶，雖然茶味不是十分香濃，不鄗布甸滑滑溜原來配奶茶都好夾。總算為外賣生活輕輕送上一點甜😆為了補充更多蛋白質，額外再點了一隻溫泉蛋，滑滑的蛋配合泡菜，牛肉和珍珠米真係令人好滿足！我唔客氣了

SUKIYA於香港開張後，一直都很難入座堂食，這間分店現時在晚飯時間排隊人龍依然非常之長，估計要等一小時以上，始終堂食座位太少了，還是外賣比較好。收銀和出餐店員非常有禮貌，在我下單之後，差不多一分鐘內已經出餐，外賣的分量比我想像中要多，而且熱度足夠，並唔會因為外賣涼了今次試試這款由日式快餐店推出的韓式拌飯，除了有香甜微辣的韓式拌醬外，還有溫泉蛋是連殼另外包好的。已拌在飯中的醬汁均勻，不會怕白飯太淡，而牛肉和芽菜非常香口，味道相當正宗。另外點的青菜分量亦不少，但青菜附上的蒜蓉醬汁比較鹹，吃完比較口乾。整體以言，味道、價錢、份量都非常吸引，唯獨大部分時間只能外賣。

如果講到香港人最愛嘅日本野，牛肉飯一定會係排係top3到，但係相信咁多位都戒左口好耐，但宜家有多一個選擇，大家可以再食翻啦！🤟🏾香䓤温泉蛋牛肉飯啲牛肉係正常牛肉飯質素，小弟叫左L size ，牛肉份量都幾好，啱啱好夠夠食到最尾嗰啖飯，温泉蛋煮嘅時間都掌握得唔錯，唔會話個蛋黃熟得濟，撈落個飯到再加埋啲䓤真係好夾。美中不足係有啲少咸。温泉蛋燒肉丼燒肉丼感覺冇上面嗰個咁正，但都幾抵食，燒肉唔算燒得好香，俾嘅份量都比較少啲啲，汁係用翻燒肉汁，所以整體偏甜，但都可接受。值得一提係兩個飯都好夠熱飯品小食特制紅茶對得起個名，有茶味同埋唔算好甜，配第一個丼飯個感覺啱啱好。炸雞就係平時入貨嘅日式炸雞，上碟唔算熱辣辣，得少少脆。青菜，本身以為佢係俾菜心，但點知係通菜，成件事有少少驚喜，佢用蒜茸整，雖然蒜味唔算好濃，但都幾爽脆，唔錯。總括嚟講，人均50蚊左右，滿足牛丼慾之餘又唔算差，幾抵食會黎encore。

平時十二月總會去日本旅行，但呢兩年疫情，已經好耐無去，見今日放假，決定出油麻地食牛丼感受下之前去日本既感覺大概一點半左右到達，但竟然無乜人排隊，前面大概只有七八個人，所以等左10零分鐘就入得坐，完全係比預期快👍🏻👍🏻入坐左之後，睇完menu，order完，五分鐘唔使，個飯就送上喇，超有效率👍🏻溫泉蛋牛丼飯 一貫日本牛丼既味道，太懷念呢個感覺喇😋好味到要清碗以示感謝😂真係大滿足😋😋😋

以前食吉XX嗌親牛肉飯都一定要加牛汁，而Sukiya既牛丼就比較多醬汁，上次嗌個就咁牛肉丼就覺得略嫌有啲膩🙈所以今次就嗌左呢個👇🏻🍽香蔥溫泉蛋燒肉丼（$48）加左溫泉蛋既食物真係好味 level 🆙，有醬汁燒牛肉、減膩既蔥粒，仲有日本米既彈牙彈牙既口感，呢個配搭真係食L size 都唔覺膩😂(雖然今餐我只係食左M size)🤣順帶一提，lunch hour 既堂食經常排長龍，如果公司喺附近既位，就嗌外賣返office 慢慢食，快好多！🤩🥢

唔想食嚟食去都係啲西式早餐或餐蛋麵，奈何啲再吸引嘅好嘢最早都11點先開舖，見近近地彌敦道就去呢間日式快餐。入到舖，貼地椅背枱凳都俾插哂旗，所以揀咗收銀附近個自顧位坐，雖然係吧凳但前面有腳踏，哈比人無憂，冇得挨勝在自成一角。呢間主打肥牛鯖魚，餐款不多，見圖，都係自己想搭乜搭物加加減減就一個餐。就正正點咗個肥牛烤鯖魚餐配溫泉蛋一隻。我以為係預設隻蛋已喺飯面，原來要自己動手，因為蛋不像糖心蛋般成形，自打難免弄到指尖都或多或少沾蛋汁。飯量有2碗標準碗，肥牛、麵䜴湯都正常鹹淡，就係鯖魚偏鹹，變相撈多咗飯嚟減鹹，不過去左骨方便唔駛噒骨。職員都斯文有禮，所以氣氛都食得自在。

今日同朋友行經油麻地附近一帶，去左試一間出一直排長龍嘅牛肉飯專門店，我地一行人在門外等了45分鐘,用餐時間沒有限制,鋪頭坐落新填地街交界，標榜24小時全天候營業。 今次我哋試咗豪華丼材料有牛肉同雞肉,L份量,對食量大既人尚算可以, 雞肉配上日本直送米入口美味,牛肉配以秘製牛肉汁送飯一絕,另外加上10蚊蔬菜形成蔬菜套餐,平衡營養需要。蔬菜份量都算幾多,而且都幾新鮮,飲品係冰鎮紅茶,為佳餚劃上完美句號。