Sugar Lava (已結業)

$48點了一個原味pancake，說明外賣不用袋，15分鐘後回來自取。set timer準時15分鐘後返到，外賣盒是一個有蓋紙盒，滿心期待取回5分鐘路程室內享用，仿佛看見有一個原味失敗餅飄過，然後叫我等多4分鐘，期間問我改紫薯味不用等，我不要寧願等，數分鐘後，問我要幾多隻叉，沒有看過成品已封蓋，取走後用羽絨包住急步走，最後發現如此驚嚇的畫面，$48! $48! $48!(重要說3次)你俾啲咁嘅嘢我？!衰過早晨熱香餅，一個高一個矮，一個白一個黑，梳乎里？矮嘅明顯就冇啦!高嘅好勉強叫做剛熟。乜$48唔係2個同一高度顏色？整衰咗前後幾分鐘逼我要？廚房行政一個亂字!我冇晌街即食係我錯？咁你唔好話可以拎走，根本都唔係果件事!吉野家個魚籽飯都不設外賣啦。伏到嬲到好耐冇寫都要出山。

朋友想食隱世空氣感疏乎厘，特登search左幾間俾佢揀，最後決定食呢間。我哋一開始就決定咗食原味同埋紫薯味，另外加陪優惠價$18蘋果汁。原味疏乎厘配楓糖漿好有空氣感，食落好香蛋味，而且楓糖比蜜糖冇咁甜，仲令蛋香更出！紫薯味疏乎厘配忌廉好重紫薯味，感覺有啲heavy，蛋味就淡左，忌廉唔算太甜，配上紫薯令到感覺冇咁heavy而且滑口。整體感覺好好，裝修幾靚，質素同價錢成正比，疏乎厘即叫即做，如果嗌到客人咁岩行開左唔喺度嘅話，會比下一位客人拎左先，務求令到疏乎厘唔會變凍，入口仲係熱辣辣。唯一唔好嘅係要企喺門口食，唔係一間正式餐廳，但我相信，如果開餐廳的話價錢一定會更貴。

小妹就說了自己是個甜品控，今天剛好經過觀塘開源道工作，看到近年流行的梳乎厘pancake，就被吸引了！它主要是一家外賣店，買的時候店員告知即製需時，大概需時15-20分鐘，因為全都是即製，希望客人能即時吃到熱呼呼的pancake另外店舖主題會是木紋加上環保木餐具店主真是好有心思，同店員聊了一會才知道外賣紙袋要收2蚊是因為想大家都關注環保減少用紙袋膠袋，甚至餐廳已帶頭所有杯餐具都是以木造，沒有塑膠成份。可惜我剛細閱了餐廳的評價卻因此而被劣評！希望大家都會一同欣賞店主的苦心有一至兩個堂食位置，店舖的餐牌亦大大的顯眼的掛在牆壁，唯一美中不足的可能是因為剛開業不久，所以只能每天供應兩款限定味道的梳乎厘pancake但即便如此，我還是欣賞店舖的用心，因為材料全是來自日本，為了堅持品質即使流失了少量客源亦絕不貪快偷工減料小店加油舖面不算大，但所有環保的擺設讓身為客的小妹感到舒適原味梳乎厘Pancake $58 ★★★★最後就是原味梳乎厘Pancake了可能因為今天天氣太冷了，所以有點塌下不過原味配上楓糖真的是很香甜，因為此店用上了日本蛋，因此蛋味極濃，配上楓糖的甜味口感稍為實了點，但味道很不錯，希

經過觀塘見到新開Soufflé pancake , 甜品控既我當然立刻去試味，我點左袜茶同冷泡生果茶，等左25分鐘呀，不過新店人龍長係明白既，等完好在冇失望，袜茶味超香，超濃，軟棉棉好食到震，生果茶又好味只要$18 ，抵到爆！最後買多Set 原味帶走，呢間鋪全部用紙品餐具，讚！個外賣盒又唔使另外收錢，本身要收$2 紙袋錢，但店員提我已經買第2Set 仲可以有紙袋免費提供添，服務一流！下次一定要返去再試下其他味道

係觀塘食完晚飯，但個肚仲好空虛，好想搵下甜品食，立即就記起附近新開左間梳乎厘店，當然立刻衝過去買喇!! 梳乎厘有朱古力味，原味，竹炭味，紫薯味，但可能都夜，我買果時只剩下紫薯味，但我本身唔太喜歡紫薯，所以諗住唔食了。點知店員姐姐話仲有材料整一件原味，介唔介意紫薯加原味? 哇！當然唔介意喇，一個價錢，試兩個味道!好鬆好軟綿綿，紫薯味香，唔太甜，都幾好食!原味有蛋香，加上糖霜同忌廉又是另一番滋味。溫熱，軟綿，香甜，係凍凍的街頭品嚐，幸福感爆發!

最近好興食梳乎厘pancake, 最鐘意食甜品既我梗係唔執輸，去開觀塘去試一試，位置開系人氣東喜茶隔兩個舖位，所以人潮好多，因為唔肚餓既關係，所以只係叫左一份紫薯pancake, 等左二十分鐘左右就有喇，嘩果然即叫即整，好夠熱，賣相唔錯，聞落好香，咬一啖簡直有幸福既感覺呀真係好好食呀，好香紫薯味，冇得輸呀！唯一要彈既係比較貴，要成$58,又冇得堂食同冇生果配菜，如果佢定價系$30-40蚊左右，相信一定會長做長有！ anyway, 我都會想再黎試埋佢個朱古力同竹炭味！

原味梳乎厘班戟 $46舖頭寫明十二點開，我岩岩十二點到，企係舖外，等店員準備左大半個鐘先正式開舖，time management方面略差。每日只提供兩款味道，果日有原味同抹茶選擇。Pancake蛋香一般，鬆軟但不綿密，糖粉太多，配埋楓糖醬，食落太甜，亦略嫌搶了班㦸香。食過出名果幾間後，呢間真心一般，唔會有下次。另外，加$18配既蘋果汁亦只係超市有賣既日本蘋果汁，呢個價錢寧願加多少少錢去隔離買杯珍珠奶茶好過!

終於有梳乎厘班戟店在觀塘落腳!Sugar Lava位於巧明街與開源道之間, 附近有另外3間飲品/甜點小店, 因此人流很多😳說回班戟-每款兩件班戟, 不包括水果/雪糕等原味 $48抹茶 $58朱古力 $58紫薯 $58竹炭 $58可配楓糖漿 /蜜糖/ 朱古力漿等點了紫薯班戟+楓糖漿等了15分鐘左右!都算快!吃第一口很重紫薯味，但再吃第二口就已經覺得過甜...是甜得很假的味道...(不知道是否我選了楓糖漿的關係...)口感沒有入口即溶的感覺...最後, 我吃剩了半件...很可惜真的吃不下...建議粉漿的糖粉減低一點或者店舖已配好相配合的配料, 以免甜上加甜...評分: 5⭐最好食物: ⭐⭐環境: ⭐⭐⭐⭐價錢: ⭐⭐服務: ⭐⭐⭐

公司附近開了一間pancake 的小店，午餐後和同事經過諗住買一份pancake 試下，過左試業期間已經要$48了，本應抱著期望心態試，但最後比我覺得味道普通而且價錢偏貴。 見到鋪頭有幾種口味，但今日得原味同綠茶味選擇。門面就好似好吸引，但整食物的人沒有帶口罩去整食物，期間還對住食物講野，衛生感覺麻麻。味道黎講蛋味比較重，口感好實既感覺，pancake 唔夠鬆軟，偏甜，麻麻地，物不所值。想加其他配料就要另外加錢，計計下其實都唔抵，無下次。

店舖會將自己嘅錯誤推卸落客人身上，然後還會亂收錢，俾錢嘅時候已講明是外賣自取帶走，單據上亦清楚打住外賣兩字，而且亦沒有說明外賣還要另外收費，單據亦沒有寫上任何註明，但係等完差不多45分鐘的時候，在終於攞得嘅時候又話要收多你外賣錢。再付錢落單前已問清楚需要等待時間是多久， 店員大聲說明是15分鐘，最後因為店員自己的失誤卻把已等了15分鐘的食物給了別人，而且說話敷衍客人及拖延客人時間。店員自己把所有外賣出錯卻要客人在白等半小時，之後還說要再另外收費。一世都唔會再幫襯嘅鋪頭。

Sugar Lava🥞🎉新開張梳乎里班戟店🎊聲稱無用梳打粉🤗✨✨✨✨✨✨✨✨✨✨✨✨✨✨🎊今日正式開張🎉原味 紫薯🍠 綠茶🍵 竹炭配一種醬料仲可以加錢配水果添😁原味梳乎里班戟($48) 🥞賣相一般 份量感覺比起其他店較大🤗味道普通 有微微偏甜而且唔夠鬆軟但的確食原味都無梳打粉味🙆🏻 Pancake唔算太特別 🙈價錢偏貴💸地址：Sugar Lava (觀塘)觀塘開源道63號福昌大廈地下A10號舖

本身我對甜品一般，怕太甜。最近見到網上飲食男女推介觀塘有間新開嘅梳乎厘甜品店，今日經過觀塘，心血來潮一於去試一試。店員推介叫左個原味疏乎里，好好味～ 又唔太甜～ 好有口感食落去軟綿綿的，唔似一陣風咁食完就好快無。又唔係網上講要等禁耐耐～ 而且店員好有耐性講解整嘅過程點解需時！支持小店😋😋 我叫原味配cream，cream打得好滑，甜度適中，值得推介～ 食完唔覺膩～ 期待其他4個味推出！Highly Recommend👍🏼 必食推介

行過觀塘見到呢間新開梳乎厘小店一於試下新野～本來想試朱古力，但太晏冇晒得番原味只係等左10分鐘就有得食梳乎厘好香好軟蛋味同牛奶味都好濃最緊要即叫即整熱辣辣等耐少少都值得下次經過一定會試埋其他味

前日睇完飲食男女介紹，有間新的梳乎厘班㦸在觀塘，今天趁小朋友返學了，自己有空餘時間就過去試一試，看一看餐牌，就選擇了原味加朱古力醬，試業價$48 ，店員告訴我大約等20分鐘。在等待過程中，我看到全是即叫即做，要等待時間長少少是理所當然，加上是新開張，人流特別多，我都明白，只好耐心等待及期待。站在店內的十分鐘，很多食客除了order 梳乎厘外，還點了飲品，此時，令我眼前一亮，紙造飲管、杯、杯蓋，木匙，夠環保。等等下，終於到我了，我看看，$48原來有2件，而且比我想像中更大件。梳乎厘的味道不太甜，不覺漏，很軟熟，不覺得食空氣，有口感，有蛋味，一人食2件都得。也可推介給小朋友食。有時間會再嘗試其他味道和飲品。

睇完某雜誌介紹去試一試閒日下午都已要等幾個點了一個紫薯味pancake 落單時店員先話要等半小時唔係嘛？！整個pancake 要等成半個鍾？！😲一場嚟到就試一試啦結果個紫薯pancake一d都唔好食，成件事非常令人失望！質感似焗出嚟失敗的蛋糕，無紫薯味48 蚊又無任何toppings ,加多pat cream 都無，得d楓葉糖漿， 心諗麥記pancake都好食過佢。 新店剛開，運作緩慢又無效率，出品又慢，仲要難食，認真無下次！