Sugar Brothers

營業中

休息中

路過佐敦，發現有間新餅店開張原來係Sugar Brothers印象中拿破崙是必試的那便買了一件原味拿破崙（$43）和2件千層布甸撻（$22@）試試店子裝修簡潔明亮，路過都會自然地向店子望望店員友善有禮，有主動介紹產品講講件拿破崙賣相fancy, 細細件，算精緻食評：餅做到酥脆乾身，不太甜，好味度屬中至中上的級別，但未有出奇地好食的意外感跟住講講件千層布甸撻件撻有女士既手掌咁大，撻皮酥脆不油膩，布甸滑溜溜，有蛋味，又有淡淡的雲呢拿味，甜度適中，不錯

一個可以訂制字形嘅拿破崙都幾特別👍 為慶祝媽媽生日整咗數字慶生日很有意思🤩 面層鋪上新鮮士多啤梨，藍莓，金箔及食用花做裝飾，顏色很豐富很吸晴😍打咭一流👍我地選了原味拿破崙夾層係吉士忌廉同香脆嘅焦糖拿破崙層層相疊，襯上紅桑子醬，酸酸甜甜一啲都唔膩，還加強了層次感，整個餅食落都唔會好甜好膩，食多少少都仲得😍 外觀同口感都係一種享受😊

拍得住係街買到既拿破侖❤️❤️揀左2個數字既拿破侖價錢$368 2人份量口味本身好想試黑森林味不過我訂個個月份已經完結左☹️☹️最後要左榛子朱古力阿華田味拿破崙牛油味好香 阿華田吉士又唔會好甜所以唔會好漏 一次過食哂都冇問題😛😛(拿破侖都建議盡快食)唯一唔好處既係自取點有啲遠😢😢但拎貨會包埋冰袋👍🏻👍🏻下次希望可在試到黑森林味❤️另外有個皇牌原味係食用花鋪係面 好靚 送比媽咪婆婆個d可以考慮🤔️

散水餅之選  又靚又好味嘅拿破崙🌼成件散水餅藝術品咁🌟唔單止靚 仲好好味😆酥皮非常脆 入邊啲吉士醬又唔會好甜作為散水餅非常得體👍🏻

好味指數😋😋😋😋😋回頭指數 ⭐️⭐️⭐️⭐️⭐️開心指數🤗🤗🤗🤗🤗呢間餅店嘅拿破崙，聞名已久，因為佢哋可以製作唔同造型嘅拿破崙，而且又靚又好食！閏蜜生日，因為閏蜜覺得呢間店嘅餅好靚，我哋就決定訂呢間店嘅拿破崙，whatsapp 店時，知道有新出品係黑森林味，而閏蜜本身好鍾意食黑森林蛋糕，咁就啱晒啦！店嘅 packaging 好好，已經包埋冰袋，袋嘅size 同盒好fit，好容易handle，亦都唔會透露到蛋糕個樣，保持到驚喜感。拿破崙真心靚，上面有三款薄片朱古力，有少量金箔裝飾，貴氣十足。三層嘅cream 係唔同味，底層係vanilla蛋白白櫻桃酒custard，中間深啡色嘅係比利時72%特濃朱古力 mousse，頂層係白櫻桃酒 mascarpone ganache，每層都夾有車厘子果醬。拿破崙好易切，唔會變成碎片，酥皮非常脆，整體上唔係好甜，非常啱口味，custard、 mousse 同 ganache 好滑同 creamy，驚喜位係好似 deconstruct 咗個黑森林蛋糕咁，白櫻桃酒味、朱古力味同車厘子味好 balance，又有香脆嘅酥皮，呢個 crossover 好掂👍

摯友生日，想物色一個又靚好味既蛋糕。今次搵到Sugarbrothershk既拿破崙蛋糕，實在係無得輸。論賣相，三層酥皮夾住兩層吉士，層次分明。有士多啤梨同藍莓舖面，仲有花瓣同金箔，配搭得超靚🫶🏻除左傳統圓形同正方形，仲可以隨你心意訂製中英文字、數字、甚至圖案架！論味道，今次選擇左原味拿破崙。就算放左4個鐘係雪櫃，酥皮仍然好鬆化。士多啤梨好甜，吉士好滑，成件事剛剛好，完全唔會死甜（最怕！）佢仲有得揀芒果或者Tiramisu味架！論服務，回覆一直好有效率同有禮貌，送貨會主動多次同你確認。總括然而，真係物有所值，一定會再幫襯

「Sugar Brothers」新鮮即日即製每一個訂餅款式，除了傳統圓形或方形，亦可以訂製字母、數字，甚至中文字或圖案。小店會根據季節的當造水果，推出期間限定口味，不過小編個人還是最喜歡皇牌原味！🌟23•皇牌原味拿破崙(5人份)零售價：$668 這次是第三次回訪，為妹妹選上數字蛋糕慶祝生日。蛋糕盒圍上絲帶外觀精美，同時配備冰袋和用餐餐具，可見小店的用心。皇牌原味面層鋪滿新鮮切塊草莓，同時加插食用花與金箔作點綴，傳上陣陣酸甜莓香，聞起來使人如痴如醉。夾層間的吉士忌廉與香脆焦糖拿破崙層層相疊，襯上點點紅桑子醬，變得更精緻，在脆口與香滑間交織衝擊味蕾，同時送上滿滿幸福感。家人們表示日後一定要再訪，你又準備好了嗎？味道：10/10環境：NA/10 性價比：8/10回頭度：10/10

如果食拿破侖，除左Sugar Brother，我再諗唔到另一間。向講味道之前，做型係佢地最大賣點！點解咁講？有別於一般唔係圓形就方形。那怕K形佢地都有呀！你冇睇錯，係K形都得！點解咁講？因為佢地係可以訂做字形，圖案，就連中文字都得！我已經幫襯過好多次！亦都因為咁，成為好多人既打卡焦點！然後，味道……掂呀！最怕食到勁甜既野，但佢地真係岩岩好！而且食拿破侖最怕係切果下！一係就扁曬，一係就碎曬，裂開果d……但佢真係冇咁既情況！仲要勁靚！！又睇得又食得！有圖有真相！仲有其他相既……但夠啦下嘛？夠曬靚啦！

📍 Sugar Brothers (葵涌)葵涌大連排道35-41號金基工業大廈20樓D室媽咪生日自訂左個m字蛋糕俾佢，m for mother M ，媽咪見到都好鐘意，打卡度十足！可以自訂其他英文字母架👉 3人份原味藍莓士多啤梨混合味拿破崙💰358😋😋😋😋/5個拿破崙唔單止靚，個酥皮仲好香脆，雜莓同藍莓酸酸甜甜，重點個吉士又唔會甜，食落去唔會太漏！酥皮好脆，切落去係有聲架😆😆👍🏻😋😋😋😋/5回頭: yes ，總括然而又靚又好食😋#kermit食在葵涌

🎂🎂Sugar brothers 大家都唔會陌生，我反而係第一次食。今次揀咗期間限定「紫羅蘭莓果拿破崙」，聽講一年只係出一次，萬眾期待嗰隻😍😍💜💜首先個心型蛋糕真係好靚，紫羅蘭花配上雜莓，仲有陣陣嘅花香同水果香味，未食已經好有驚喜。切蛋糕時已經feel到個酥皮好脆，切落去堅係有聲㗎。🫐🫐試食後真係不得了，個拿破崙酥皮整得好香脆，就算已經放咗入雪櫃兩三個鐘依然好正。紫羅蘭同雜莓酸酸甜甜，配合埋個超鬆脆嘅酥皮，好味得來又唔會太甜太漏。連我本身唔特別鍾意食拿破崙蛋糕，都覺得呢個超有驚喜，靚得來真心好味👍🏼👍🏼

認識它是因為生日時朋友驚喜送上蛋糕形狀可以隨便選擇有不同英文字母和一些特定圖案重點是這個蛋糕不單樣貌吸引味道更是完美基本上食過一次你會返唔到轉頭每次都有人問 啲花食唔食得？

朋友生日，佢好鍾意食拿破崙，之前已經係網上搵左好多唔同既拿破崙，見到呢個賣相好靚好吸引，所以就訂黎試下。見佢除左原味之外，仲有一啲時令既口味，今次期間限定係柚子伯爵茶味。除左普通圓形之外，仲可以訂製唔同字形，店舖會因應人數決定大細，今次訂左個4人份。去到拎個蛋糕，已經覺得好靚好吸引，柚子肉比想像中好清甜，配合埋食用花既顏色，清新得黎又感到一份優雅。相完相都急不及待要品嚐🙈一切！！不得了！！！點解可以唔碎既😱😱😱平時食親拿破崙，都一定會切到碎晒，一係就上面啲生果跌晒落黎，分好之後就不似拿破崙形😂但呢個仲係完整無缺的。最神奇係，食落去又唔會覺得好硬，仲係好鬆化，食到有淡淡既伯爵茶味，原來中間幾層夾住既係伯爵茶吉士，又估唔到啲吉士又幾滑喎👍期待再試新口味

經常係社交平台見到好多人分享Sugar Brothers嘅蛋糕!! 次次望見都覺得好靚, 心諗如果有人送俾我做生日蛋糕就好喇🤪 今年終於俾我恨到, 男朋友竟然神神祕祕咁自己訂咗, 真係好開心好驚喜! 佢訂咗個二人份, 直徑4吋嘅蛋糕～🔹包裝店舖包裝落咗重本, 每個蛋糕包一個冰袋, 然後入面仲俾左三包冰包, 絕對唔使驚會溶! 打開冰袋仲有個透明盒, 綁住絲帶🎀 好精美! 🔹賣相蛋糕頂層鋪滿鮮花, 金箔, 士多啤梨🍓同藍莓🫐 望落去色彩繽紛, 十分吸睛!! 側面睇層次分明, 酥皮分左三層, 望落十分工整👍🏻🔹味道紫羅蘭莓果味拿破崙, 呢個味道係期間限定 (1/4-31/5) 唔肯定之後仲有冇! 由切開蛋糕個時已經聽到好清脆嘅聲音, 佢係焦糖酥皮, 十分鬆脆香口, 鬆化得來又夠乾爽, 好驚喜! 而每層酥皮都鋪滿咗吉士, 口感幼滑, 係雲呢拿吉士同埋芝士吉士, 再加莓果醬酸酸甜甜咁, 好味道! 雖然每層都有吉士, 但係食落完全唔會覺得油膩, 吉士份量預計得剛好👍🏻 我哋兩個搶住食, 勁快就ko左成個蛋糕😹▪️總結呢個蛋糕真係好睇又好食, 即使我地影相影足半個鐘先再食, 蛋糕個酥皮依然仲保持到好鬆

家人生日諗住訂個老少咸宜靚蛋糕，上網見到呢間店嘅拿破崙中英文字同圖案都整得好靚，於是訂咗一個四人份嘅W字母拿破崙，佢建議拎到嘅三至四個鐘內要食，所以會問自取時間，預時間新鮮整好就可以拎當日去到葵興金基工業大廈自取，地鐵落車行到去唔洗十分鐘，都算方便嘅，按鈴後店員(定師傅)喺入面敲咗幾下門，原來道門係向外推，所以佢係提醒客人推門出來要小心，都幾貼心，拎到蛋糕時發現竟然有埋保溫袋同冰袋😱實在太好喇！拎完三個鐘後先切嚟食，味道好好呀！甜味啱啱好，唔會死甜，個餅超酥脆，老人家食完都係咁讚！

當造芒果遇上馬斯卡邦尼吉士🤩係清甜香滑、層次分明，甜度適中嘅「Sugar Brothers」期間限定手工芒果馬斯卡邦尼拿破倫蛋糕🤩😋。用香蕉，芒果，熱情果三款熱帶水果肉煮成果醬再混合埋新鮮芒果粒，甜香微酸既味道好啱夏天👍酥化香脆拿破崙同馬斯卡邦尼吉士配得好「正」甜度適中🥰