Su Casa (已搬遷) 新店位置

紀念日慶祝，一家三口去到石門的Su Casa食個優雅晚飯😊佢位於京瑞廣場二期地舖，沿着外圍行就可以搵到。店內座位尚算舒適，窗邊是落地大玻璃面對馬路，近門口座位略嫌不夠冷氣，可能外面天氣太熱吧。頭盤先來個小虎蝦柚子田園沙律$88，蝦好彈牙，沙律菜食得出好新鮮。之後小食酥炸魷魚配他他汁$48，老實說這個價錢份量比我預期多好多，魷魚炸得剛剛好，有驚喜！主菜鴨肝野菌扁意粉$158，整體味道很好，濃濃野菌醬汁配扁意粉，口感一流，鴨肝不膩。另外還叫了一個加拿大有機有骨豬扒$188，一大條豬扒骨配上厚豬扒，初時還以為會有點鞋口，吃過才知豬扒很Juicy，油甘味盡出。最後甜品燴車厘子金寶脆脆配雲呢拿雪糕$68，這個打卡一流，打開杯面的餅乾還會有煙霧走出！小朋友有兒童餐，汽車造型挺討好的。跟餐可以憑券到扭蛋機扭蛋一次。 餐牌如圖，三個人吃了大概$700。    

平時我好少帶個仔出去食飯，始終佢太細個(2歲)冇咁多耐性，所以想食餐好真係好難嘅事，次次食親都係快餐 知道石門有一間親子友好嘅西餐廳，好近馬鐵站，大約5分鐘內就到，真係好方便我推住嬰兒車過黎。 入面環境好大，坐位之間又唔迫，好適合帶小朋友黎食飯。因為早左黎(約6點9)，所以安排左好闊落嘅卡位俾我地，我地一家三口坐得好鬆動晚餐Menu唔想睇紙Menu, 可以參考牆上睇下今日有咩廚師推介。另一邊就有個師傅即開生蠔。依家生蠔仲做緊買一送一優惠，我都order左各一款試下先～Drink List小朋友都有Menu嫁，而且張menu正面同背面都可以玩，餐廳又提供蠟筆俾小朋友，我個仔坐唔定真係岩晒佢慢慢畫呀。睇圖已經覺得兒童餐好吸引嫁啦，出到黎真係一模一樣，我個仔見到已經忍唔住拎餐具搶住食。($68)小朋友食飽飽，就到我地大人食囉。首先依家做緊買一送一嘅法國生蠔。擺盤好有heart，有埋冰震住，左邊係Majestic($65)；右邊係Mermaid($68) ；建議先食右邊淡口嘅Mermaid，然後再食比較濃味嘅Majestic。生蠔好新鮮，有淡淡海水味，食左2隻好似唔夠喉，好想再encore。前

紀念日慶祝，一家三口去到石門的Su Casa食個優雅晚飯😊佢位於京瑞廣場二期地舖，沿着外圍行就可以搵到。店內座位尚算舒適，窗邊是落地大玻璃面對馬路，近門口座位略嫌不夠冷氣，可能外面天氣太熱吧。頭盤先來個小虎蝦柚子田園沙律$88，蝦好彈牙，沙律菜食得出好新鮮。之後小食酥炸魷魚配他他汁$48，老實說這個價錢份量比我預期多好多，魷魚炸得剛剛好，有驚喜！主菜鴨肝野菌扁意粉$158，整體味道很好，濃濃野菌醬汁配扁意粉，口感一流，鴨肝不膩。另外還叫了一個加拿大有機有骨豬扒$188，一大條豬扒骨配上厚豬扒，初時還以為會有點鞋口，吃過才知豬扒很Juicy，油甘味盡出。最後甜品燴車厘子金寶脆脆配雲呢拿雪糕$68，這個打卡一流，打開杯面的餅乾還會有煙霧走出！小朋友有兒童餐，汽車造型挺討好的。跟餐可以憑券到扭蛋機扭蛋一次。

沙田石門現在開了很多新的食肆，一路看着真是目不暇給啊，好彩朋友話想食西餐，那我們就從街外看到了這間裝修雅緻，餐牌食物和價錢都不錯的餐廳試試，坐下來餐牌選擇算幾多。我們就先來個簡單的生蠔頭盤啦，我選了南非和法國生蠔，他們來到的南非生蠔的味道是比較清新的而法國出品的則味道濃郁，食落非常爽口新鮮，好醒胃呀。再來是個很特別的用打碎了的生蠔肉做成的濃湯配有洋蔥包一起上，第一口喝下，濃濃的生蠔味，感覺鮮甜無比呢，意猶未盡又叫了一個海鮮白酒忌廉紐西蘭青口。嘩，來到原來份量不小啊，足足有十大隻青口之多，而他們調攪的忌廉白汁的味道和青口配合得剛剛好，我們很快便清晒了。這晚我們都比較肚餓，所以也叫了兩個主菜，一個是炭燒美國牛肩扒而另一個就是牛肉意粉，牛扒配有薯條和蔬菜，上到來的牛扒都幾大塊而且燒得剛剛好七成熟，切開是我喜歡的牛扒燒法即外面是全熟而内裏有小小紅，入口有牛扒的鮮肉味易咬又無渣，好吃，至於牛肉意粉就比較普通但也足夠飽肚了。朋友最愛吃甜品於是就選了個羅勒奶凍配青檸雪葩，來到原來它的份量足二人吃呢，這款甜品賣相漂亮，上面是白色的奶凍和雪葩配上新鮮什果蓋着下層的是綠色的青檸奶凍，入口不太甜，吃完也不覺

石門依家真係好多好嘢食呢一日收工之後同屋企人去咗石門站一出地鐵站就見到好大個廣告寫住生蠔買一送一😟😟😟😱😱😱😱😱😱最終就係俾佢吸引住左就去咗呢間餐廳度食晚飯啦😂😂😂-呢間餐廳係食西餐嘅題外話～～我見到有兒童餐佢個賣相好可愛係一架車，小朋友見到一定會好開心！仲有氣球送😺--晚餐嘅選擇都唔少望落去價位都唔高-呢個椰菜花忌廉湯值得一讚😛椰菜花絞碎左之後真係飲到有顆粒感，個湯好香濃-主角黎啦!今次同屋企人一人兩隻🥰買一送一呢個優惠實在太抵啦!左邊gillardeau食落去好鮮甜 $72兩隻右邊namibia就比較creamy $58兩隻下次一定會再翻黎食！因為呢頭都真係無乜邊間有生蠔食得落味道係唔錯既😆😆呢個價位食到咁既高質生蠔，仲可以挑剔d咩？🤭個人愛gillardeau多d❤️❤️❤️-是日意粉 $68意粉嘅份量都比想像中多同埋入味😼-魚柳新鮮熱辣辣上碟薯條炸得相當香脆下次再嚟食飯嘅話等我試吓佢嘅晚餐牛扒先👅-值得一讚嘅係跟餐有呢杯奇亞子綠茶飲，感覺好天然同健康嘅，唔會太甜👍🏻-今餐就以呢個金寶脆脆配雲呢拿雪糕做結尾好睇又好食，一上枱嘅時候用糖霜餅乾蓋住甜品，一拎開就好似有仙氣咁由雪糕飄出～🙊🙊

隨著越來越多新式商業大廈落成和大型機構進駐石門區, 所以在石門區開設了很多新店, 這天就趁人在石門, 晚上就正好過來這裡試試。飲品點了菠蘿特飲，甜度合適, 菠蘿味濃, 感覺唔錯。先來意大利巴馬火腿配哈蜜瓜, 火腿鹹香有致，跟蜜瓜同吃也可減低油膩感, 生菜爽口,混合了沙律醋同吃, 味道清新開胃。一道餐湯送上來, 是招牌蠔湯, 鋪面的忌廉, 香氣味濃, 湯本身味道甜美而蠔味濃郁。蒜蓉包烘得皮脆而內鬆軟，塗上蒜蓉就是簡單的美味,吃起來滿有牛油及蒜蓉的香味。要了帶子菠菜忌廉墨汁麵, 這裡的帶子是很鮮嫩甜美，外層煎得焦香, 麵條煮得很有咬口，配合菠菜忌廉同吃, 就更加滋味, 值得推薦。是日的主菜炭燒紐西蘭肉眼拿上來了, 牛扒選擇了五成熟，烤牛扒的功夫做得不錯。先吃一口，牛肉鮮嫰, 有濃郁的牛味，肉汁非常豐富, 入口肉質細嫩帶嚼勁，伴碟有蔬菜和薯角, 整份牛扒吃完後真的非常滿足。還有甜品是燴車厘子金寶脆脆配雲呢拿雪糕, 在賣相方面已經加了分, 把面頭粉紅色的蛋白脆片打開, 便放出輕煙, 蛋白脆片香脆而帶些甜味，而杯內的甜品也有煙燻的香味，雲呢嗱雪糕香滑甜美。今時今日餐廳要在市場上突圍而出不是易事,

朋友提過銅鑼灣casa Pennington 在石門開了分店，今天放假終於可以相約朋友來su casa 晚餐，試試是否同casa 一樣美味。門口全落地玻璃，看到餐廳牆身圖案及梳化用色配搭，令人也感到溫馨及實在感覺。Menu 內食物多選擇，更有set dinner 可自行加配食物，方便一家人或一大班朋友挑選喜歡食物組合。菠蘿有機奇亞籽綠茶一杯熱一杯凍，份量也是一樣，菠蘿味道香濃加奇亞籽增添口感。招牌蠔湯蠔味十分香濃，湯質感夠滑。德國腸拼盤配酸椰菜用$78 價錢來說，份量已十分足，腸及酸椰菜味道也不錯。煙三文魚明太子忌廉天使麵濃厚明太子忌廉包裹著每條天使麵，味道調得非常好，令人吃到欲罷不能。炭燒紐西蘭肉眼扒外層帶少少焦香味，內裏肉仍帶微粉紅色，肉質鮮美又帶肉汁。連配碟薯粒也炸至脹卜卜好吸引。羅勒奶凍配青檸雪葩十分特別配搭，味道清新又香滑。

高質平民西餐非你莫屬蠔湯有極重蠔味，完全唔腥又鮮味。無係第二度飲過咁有質素嘅蠔湯。巴馬火腿哈蜜瓜正常水準，但夠多件，碟又好靚。龍蝦汁海鮮飯大推！啖啖食至海鮮，仲有青口同蜆。墨魚好咬口。原隻美國無骨雞個皮好脆，肉嫩又多汁。嘩好多件仲有蔬菜伴碟。車厘子金寶脆脆配雪糕勁精緻上碟，仲有煙出，應該係乾冰。影到唔停手。好味又唔太大份。總結，餐廳調味係好特別，唔會太咸但好出味。食得出廚師功力！美滿一餐以菠蘿特飲作結。

聽講石門開左好多餐廳，有朋友話有間西餐廳既生蠔同牛扒非常出色，鍾愛生蠔既我，點會錯過呢個機會。今日食既餐廳叫su casa，一入門口侍應熱情招待我地坐低。睇完餐牌，我地叫左當日店長推薦既精選生蠔，分別係南非既Namibia,同埋法國著名既Gillardeau。店長推薦我地先食南非生蠔，因為法國蠔比較味濃。南非蠔一入口非常鮮甜，口感creame。而法國Gillardeau,入口海水味濃，爽口，後勁強勁，味道鮮度均屬上等，實是難分高下。上完餐湯同包之後就輪到主菜啦，首先係黑椒牛柳絲意粉，中式菜名，西式煮法。好多餐廳會烚定，過完冷河再擺落雪櫃，咁樣啲意粉就唔會痴埋一舊舊，而且方便，但缺點就係沖走左表面既淀粉質，令到意粉掛唔到汁。而呢度意粉即叫即烚，再炒製，無過到冷河，令到每一條意粉都掛到汁，加埋嫩滑牛肉，無懈可擊。接住落黎係炭烤美國特級牛肩扒，輕輕用刀篤一篤好有彈性，切開係完美既粉紅色，入口稔滑，牛肉味好重，同出面扒房比較有過之而無不及。甜品係車厘子金寶脆脆配雪糕，一個甜品杯入面，好多種生果，果醬，脆脆，薄荷葉，未打開蓋前仲有煙燻效果，味道甜甜酸酸，煙燻味突出。係石門呢啲新發展既邨都有呢啲咁

我之前去開銅鑼灣嘅Casa 食架。知道佢地一月頭喺石門開左分店，一直都無咩機會試。今日我同老公都唔洗OT ，就過黎試下。叫咗兩杯菠蘿有機奇亞籽茶，一凍一熱。無諗過熱係好飲啲，其實熱只係暖，所以可以即飲。暖暖地可以飲得出菠蘿同奇亞籽嘅味道，甜味剛好。相反凍嘅啲冰稀釋咗，令味道啖過暖嘅。同銅鑼灣一樣，指定蠔買一送一。我地叫咗Pink Lover 同Majestic 。新鮮就不在話下啦，我喜歡嘅係佢細心到會寫低嗰款生蠔係咩名，方便我地認。有時候想試新款，叫多幾款都唔記得自己叫乜，有佢就好方便，下次可以叫得番，需知我對蠔好揀擇，唔係款款岩。單骨柚子雞翼好食！柚子嘅酸酸甜甜同雞翼係絕配，完全無猶豫過。驚喜係，單骨無將雞翼變成半隻，意思係坊間嘅單骨雞翼其實只係將雞翼開邊，眼見8件，其實得4隻。但呢度真係起一邊骨。炭燒美國特級牛肩扒肉味夠，仲幾夠份量，除咗中間有條筋影響口感外，整體都唔錯，又淋又有肉味。龍蝦意粉幾抵食啊，成隻龍蝦平時都賣成百蚊，呢度百幾蚊餐仲有野飲！龍蝦係成隻上，非淨龍蝦肉。意粉係龍蝦汁調味，鮮味十足。最後，我地仲點咗個甜品，燴車厘子金寶脆脆。少少仙氣嘅甜品，因為一打碎糖蓋，入面就有

今日因為要探朋友來了這附近，探完的時侯已經差不多吃反時間，經過門口，見到外面餐牌，望入去都不差，所以就決定在這𥚃吃晚餐😊先叫了兩杯飲品：一杯暖菠蘿有機亞籽綠茶 / 另一杯是凍全天然的菠蘿果肉甜味，香濃解喝🍹🥂頭盆：法國生蚝 「little special 」頭盆：法國生蚝 「Gillardeau 」天然海水味，唔需要再加任何醬汁，鮮味又夠新鮮，看你喜歡淡或濃，兩款法國蠔都好吃，我自己較喜歡重一點海水味的Gillardeau⋯⋯👍😊沙律：雨衣甘藍—-蔬菜新鮮爽口，調較的汁令人開胃，不像其他地方就是給你沙律醬，這裡的沙律汁味道特別，予人清新的感覺😊主菜：忌廉帶子菠菜墨汁面——菠菜墨汁味道濃厚，帶子新鮮彈牙，滋味無窮☺️主菜：燒原隻去骨春雞—-香口肉嫩，味道適中，去埋骨食，刀叉享受，食得滋味😊😍越食越開心，越食越驚喜，甜品是我的至愛😍❤️❤️❤️❤️❤️😋😋😋😋😋😍😍😍（燴車厘子金寶脆脆配雲昵拿雪糕）簡直係一個好驚喜的甜品（雪糕➕脆脆➕酸酸甜甜的車厘子伴在一起吃，完美無瑕，蝴蝶的設計，生動得似飛出來一樣（蝴蝶🦋）一個完美無瑕的晚餐

頭盤主菜甜品樣樣皆好吃又抵食，尤其是甜品款式很多，賣相很美，我們10個人吃了很多東西都是人均消費200元，待應的態度很好，店舖很大，座位也很舒服，下次到沙田行完街一定會再來。

環境非常舒適，職員非常和藹，服務非常好。食物質素一流水準當我步進這餐廳，有種很熟悉的感覺，服務員的態度非常恩賜、有禮。食物選擇非常多元化，由於我是第一次到訪，選擇了意粉類，加了湯和麵包。意粉非常好味，對於第一次到訪此餐廳，真是一個非常獨特的體驗和驚喜。湯和麵包也非常好吃。當我點選飲品的時候，我選擇了咖啡，當職員經過我的身旁嘅時候，我對他說：「意粉非常好味」，但咖啡比較酸，這種酸的感覺，我不知道是咖啡豆的原味，抑或是由於其他的情況影響到。這位職員完全冇追加思索下就即刻同我更換另外一杯，他說可能是咖啡豆於咖啡機的時間影響。第二杯咖啡，也是酸的味道比較重，不久這位服務員再回來詢問我的意見，我說這杯比之前個杯的酸味減退了。我說不需要再更換，但是他堅持要換第三杯咖啡給我，但第三杯咖啡無論是酸味輕或重，我也感受到他們對食物、飲品及食客的意見非常着重。這是我對這間餐廳的第一感覺、也是非常好的感覺。真多謝可以比我遇到有這麼好的餐廳、及餐廳內的職員。多謝晒

自從陳根記搬到石門，🧐先發現原來石門呢個以前乜都無嘅地方多咗好多新餐廳！而👩🏻餓妹子咁鍾意試新餐廳梗係要嚟留低d🦵🏻腳毛啦！👣·🍾白酒羅勒忌廉紐西蘭青口 $88New Zealand mussels in white wine cream sauce 白酒味濃！青口大隻鮮甜漲卜卜！唔好浪費d汁！唔知點形容，總之係必試！🙈Sweet and fresh mussels “soaked” in the rich white wine sauce. Hard to explain the heavenly good taste. Must-try dish! 😎·🍝溫泉蛋肉醬意粉 $98Spaghetti bolognese with onsen tamago 🥚溫泉蛋整得好靚！⏲時間剛剛好！🐷肉醬亦都唔係茶餐廳/大X樂吸數！唔油味精唔多！肉醬意粉唔難，但整得好味出色少之有少！呢間覺對係超出期望！🤟🏻Onsen tamago is cooked perfectly. Unlike the usual bolognese, this is not too oily and not too mu

居住沙田區二十年了，找一間食物質素較好、款式多樣化、餐牌常更換、價錢合理而又有靚蠔吃的西餐廳，真是不容易的。我們找到了！Su casa 絕對是區內一間有心的西餐廳，每次光顧也有時令的主菜提供，值得一讚！喜歡吃蠔的我們很滿足，蠔的款式很多。今次選了法國Magestic，相當新鮮甜美，$68一隻，買一送一，跟我們在Sheraton Oyster Bar 吃的絲毫沒有分別，抵吃！蠔湯鮮味濃郁; 番茄湯如果多點洋葱、西芹和煙肉，口感會更好。小虎蝦自家製田園蕃茄醬扁意粉，酸甜味道調較得剛剛好，小虎蝦絕對不是蝦仔，亦沒有雪味或膠味的感覺。好味！蟹籽蟹肉靈芝菇忌亷汁意粉，配料多、醬汁充滿濃郁的香味。煙生文魚伴酸忌廉青瓜，賣相幾靚，給人開胃的感覺。半份燒春雞醃得很入味，皮很香脆，碰巧是雞腿位，特别滑嫩。酥炸魷魚圈配他他汁相對較一般。炸漿可薄一點、皮可炸得脆一點、魷魚不夠爽和香，他他醬內的蛋白可以多一些，以提升味道。這款小食仍須改善。服務方面，老闆、老闆娘很友善，用心介紹食物外，亦會了解客人的需要。整體來說，蠔和主菜是這餐廳最吸引人的地方。