Steak’er

營業中

休息中

剛剛係元朗拜會完神醫, 舒緩左超級痛既腰同肩頸, 當然係要醫肚。已經八點幾, 不如係附近搵間野食完就算。行過幾間舖友人見到呢間餐廳話突然想食扒, 又見好耐冇食過, 所以就入左去。舖仔細細但裝潢好別緻, 又有好多牛扒/牛部位既畫, 好似好pro咁。因為好肚餓既關係迅速地叫左個精選海鮮二人餐, 有好多野食:海鮮拼盤 有 生蠔, 熟蝦, 智利青口, 翡翠螺 – 整體都算新鮮南瓜餐湯 – 不過不失黑松露野菌意大利飯 – 味道很好, 但口感削了少許炭燒澳洲穀飼肉眼牛扒(10oz) – 牛味好夠, 肉質嫩滑, 有肉汁另加左個甜品心太軟 – 中間好流心呀!! 好治癒~ 唔太甜, 不錯!!埋單每人大概$300, 唔算平價, 但性價比高, 絶對值得一試!

經常係Facebook見到其他人勁讚，所以抽空去食個Brunch.今日做一做食肉獸🙈，叫咗西冷排同埋牛肉漢堡。賣相一d都唔差，顏色配搭得好好，令人感覺好有heart，食物會好好味。西冷排叫左五成，但overcooked咗。 切開有大部份位置係七成熟，但入口都唔乾，好Juicy，幾好味。我覺得原汁原味食牛排🥩好過點汁食。因為點左汁會蓋過左牛既鮮味。沙律伴菜都唔差，用balsamic vinegar 做sauce，酸酸甜甜幾開胃。不過個人就對兩塊橙無喜好。佢d薯條🍟要熱食，好脆好正！最衰Brunch無任添薯條。Burger配菜同西冷一樣，我不多作評論。Burger比起西冷有點兒遜色。個包係好大個，好掋食既，但對我黎講就太大，好難處理。要續層續層食，唔似食緊Burger, 變得失色。牛肉碎漢堡既味道相對無西冷咁鮮味，有少少肉腥味，但可接受。 再配埋其他配料，包括紅椰菜，蕃茄，生菜，芝士，等等都還不錯。試完Steak’er覺得ok.下次會再去，不過唔食burger.😂😂

元朗區餐廳眾多，五花百門，而且食物水準絶不遜色於巿區的餐廳，所以如果約新界西區的朋友，很多時寧願約在元朗，也好過約在屯門吃飯。這店名字很有趣，Steaker是指愛牛扒之人？此店鄰近元朗站好就腳，亦是位於美食集中地，萬一等不到位，大可以轉場。餐廳較小，的確很易爆滿，要有心理準備，這晚亦不例外，幸好逛完街晚了點，已有第一轉客人埋單，只是等了十分鐘左右。朋友見STELLA ARTOIS生啤酒$68/兩大杯好抵，一坐下來就order了！不過最近胃口不大，於是只點了兩道主菜，不過加點了一份磨菇湯和一份薯條。蘑菇湯裡的蘑菇粒不太多，大概已blend得很碎，入口非常細滑香濃，很喜歡！薯條更是令人心動，炸得一身脆卜卜，薯味很重，我就是最愛帶點薯皮這種薯條！炭燒大啡菇黑松露忌廉汁野菌意大利，未食已經傳出陣陣黑松露香，先吃一口大啡菇，焗得外香內juicy，但有點過鹹，灑在表面的鹽太多了，意大利麵質感不錯，掛著creamy的黑松露忌廉汁很滋味。最後是炭燒28日英國風乾熟成黑安格斯肉眼扒配蕃薯條，十安士份量剛剛好。据開一看，是medium多少少的熟度，中心還是粉嫩的！入口非常的juicy，肉味很濃郁，對我來說

元朗要食平價扒，大把選擇，什麼鬆肉粉，大大件。今次就比左個驚喜我，平唔一定冇質數，要有既野有齊，價錢又吸引。Steak’er 一直在我的foodie list，可是我這種隨心吃的人很少預早book好檯，經多次星期六日碰壁後，終於有次平日九時多去，可以直入✌🏻（就係死都唔訂位🔫☠️）星期一至四有平價扒，$98 澳洲穀飼西冷扒6安士配薯菜，可以$18 有餐湯，飲品。點菜後就送上麵包籃及千島醬有脆條，脆但冇咩味。（蔓越梅？）飽，脆卜卜 I like, 一點點紅色的也沒什麼味道，反正脆就夠了😬餐湯是紫薯湯（沒其他選擇）正常，我比較喜歡濃稠的西湯，但這個是水的，紫薯味很淡，湯沒有甜味。個人不太喜歡，我期望的紫薯湯是 杰杰的帶香濃紫薯味的甜湯（那是糖水吧）主角來了牛扒，要五成熟是五成熟，西冷來說很腍，好像牛柳般嫩 餐碟有一道芥末和牛扒汁，但我覺得簡單的salt and pepper 就很好，點醬汁反而蓋過牛味，平價餐的牛扒也有牛味喔但有根，影響口感，但這價錢來說，超值薯條🍟，香脆，新鮮炸的，建議先吃，我留下數條吃扒後才吃說不脆了😭 薯條必須是脆的。扒下有茄子，菜肉瓜，不是一兩片，是很多塊，兩者共約有

前菜上左2舊香脆麵包, 配千島醬食又幾過癮, 開左個胃口.跟住到薯條出場喇!!!! 熱辣辣即叫即炸, 脆過麵包係基本啦 最重要佢係任添既自家制粗薯! 平時食著條已經好講究, 唔粗唔食, 但唔係度度都容許你食完又食, 感到好貪心又好興奮可以繼續order黎食。我地叫左個白蘆荀野菌意大利飯, 一放低就聞到香噴噴既菇! 份量都唔少, 因為好夠熱所以一啖接一啖, 唔想停低呀可能太肚餓了。呢個飯多得黎又唔算好漏, 有剛好既感覺。之後叫左個5成熟既炭燒美國黑安格斯肉眼扒1OZ, 但出到黎變左7成熟既口感, 少韌。中意炭火既香氣, 都補救到少少! 香甜番薯條就超正呀, 比薯條更好味, 脆脆地又甜甜地。另外個煙肉薯仔忌廉湯既煙肉味濃郁,飲落一D都唔稀,滑滑的。

男朋友成日都話唔使幫佢慶祝生日，叫我今年唔好再為佢大費周章準備，不過慶唔慶祝都要食飯架！所以book間近近地嘅餐廳，留枱時都有問定生日甜品，個waitress 都有俾啲建議，搞到我都好期待個生日甜品先嚟個餐包同湯，餐包附上千島醬，食落又幾夾忌廉薯仔湯較淡口！跟住上左個薯條，炸得好香脆，重點係任食，非常啱薯條控嚟食餐勁！炭燒低温慢煮美國黑毛豬鞍扒配蕃薯條，個豬鞍真係好嫩，完全估唔到可以咁好食炭燒美國黑安格斯肉眼扒10 oz配蕃薯條，肉眼扒好香炭燒味，不過不失，但就唔及個豬鞍咁有驚喜！wow!個生日甜品好靚，本身我想試泡芙，之後waitress 提議可以加waffle，出來嘅視覺效果好好，至於味道呢？我個人較喜歡泡芙

有朋友住元朗, 上去佢屋企玩及尋找下美食, 元朗太多選擇,朋友又食咩都無所謂 於是上OPENRICE 搵下見到呢間食評都唔錯, 諗住試下  一去到間店好細, 座位好逼而且好嘈  我地叫左份牛扒及蟹膏蟹爪肉忌廉扁意粉  牛扒無牛味又鞋, ORDER左7成黎到係全熟???  蟹膏蟹爪肉忌廉扁意粉賣相極差, 味道又咸, 唔知想點!!  甜品又唔掂....  朋友唔係一個嘴叼嘅人都覺得難食, 而且服務又一般  未試過食一間咁差嘅餐廳, 佢地係唯一一間令我忍唔住要寫食評有這個價錢但沒有這個質素, 唔會有下次!!

上個星期六同友人去元朗行街，夜晚唸住係元朗食埋先番去～上OpenRice 搵到呢間Steakhouse ，就試下啦～由元朗西鐵站步行大約10分鐘左右既路程，係鳳琴街體育館斜對面，俗稱「雞地」既地方，聚集左好多美食小店。Steak’er 門口不算高調，差少少搵唔到錯失左～餐廳細細地，大約10張枱左右！餐牌有星期一至四先有既特價$98炭燒西冷扒，加$18可以升級做套餐，性價比高薯條熱辣辣，外脆內暖！讚！！羊鞍餐，炭燒既味道剛剛好僻到羊羶味！配菜甜蕃薯都好好味！黎元朗真係可以一試既扒房

今晚先生突然話想食牛扒， 但又話唔想出九龍食飯， 又唔想食連鎖式的餐廳。。。🤔🤔🤔真係唔知點算好， 因為我平時話食好西多數都係尖沙咀食多d, 於是就問朋友啦， 朋友就介紹咗Steak'er比我啦，話個度有薯條任食， 扒又足份量。 咁元朗我哋都近嘅， 所以我地去咗食。 去到已 full house 了，因為walk in 無訂位， 店員就同我地講需要等一等， 於是我地就係門口睇定啲餐牌食咩好啦。 其中有個二人套餐好吸引， 因為佢有個海鮮拼盤啦又有餐湯飲品同甜品跟， Pasta 同Risotto都有幾款揀。。。另外主食都有都有幾款選擇㗎。 另外都仲有七款個人set, 🐖🐂🐑都有。咁我哋最後就揀咗二人set, 叫左炭燒澳洲穀飼黑安格斯肉眼扒， 原本個set 件牛扒係8oz , 因為我地好鐘意食牛， 於是我地選擇左+$40 upgrade轉左10oz 牛扒， 意粉我選擇左橄欖油蒜片辣椒絲蜆肉扁意粉。 想講雖然Steak'er 只係小店一間， 但由麵包到甜品都好好食， 用心製作， 麵包都有兩款， 麵包係熱， 我估唔到小店都會做到咁足， 之後上海鮮併盤， 有4隻蠔， 好肥好大隻， 伕平時自己買都

元朗老婆餅和一些小食素來出名，但今次要介紹的反而是西餐-Steak’er。餐廳開在元朗人稱之為「雞地」的鳳攸南街的地鋪，位置都開揚而且容易搵到，但下午茶餐價錢卻非常親民貼地，平均$50起便能享用到相當高質的食物，而且包括餐湯和飲品，非常抵食！是日餐湯是以橙皮煮成，帶淡淡的橙味芳香，而且令忌廉湯嚐起來更清新，非常有驚喜！我的Egg Benedict with Smoked Salmon$62，除了蛋黃醬可以在濃稠一點和蛋黃生一點之外，其他的都無可挑剔了。重頭戲其實是sirloin steak 配蒜香薯條$118，價錢雖然是最貴的，但吃一口便發現非常值得一試！牛扒牛香十足，肉質軟腍多汁，質素能媲美其他$300起的牛扒！ 蒜香薯條也是驚喜十足！粗身薯條有口感，蒜蓉香非常濃郁！

好友家附近的餐廳~~~早已聽聞薯條任食今次終於有機會試一試這間小店~點餐後，麵包及麵包條很快就上枱了~味道不過不失，作為餐前的小吃是不錯的，份量也剛剛好紅菜頭湯顏色好fancy, 加了一絲忌廉就看上去高級了一點任食薯條只需點特定的Set, 薯條是無限refill的~食店提供2款醬，其中黑松露醬是特色，松露味很濃配合炸的得脆脆的粗薯條，真的一口接一口，未食主菜而飽一半炭燒慢煮黑毛豬鞍跟番薯條這個是好友特地推介的，一試果然美味~~豬鞍燒得剛剛好，保持肉汁(對~豬都有架)之餘又嫩沒有牛扒的油膩感，但又有牛的質感，實在是意料之外~分量也很足~兩個人都足夠有餘大啡菇黑松露忌廉汁意粉上枱時已有很濃的黑松露味道，汁是Creamy的~入口是豐富的醬汁及剛好的意粉，不錯只是薯條及豬鞍已經食至半飽，意粉只可淺嚐~

今日入咗元朗同契媽搵食， 原來元朗真係一個臥虎藏龍之地，真係有唔少隱世驚喜食店， 今日就試下呢一間以炭燒牛扒聞名於元朗嘅 steak'er， 除咗牛扒出名之外，呢度自家製薯條一樣好受歡迎， 一定要試!炭燒28日英國風乾熟成安格斯肉眼扒，配香甜蕃薯條 $398炭燒令到表皮小小脆口，入口juicy得黎，啲肉汁 真係特別香，加上軟熟嘅肉質，真係唔錯。 不過要讚嘅係配菜，果件炭燒菠蘿真係大人細路都好鍾意，香甜蕃薯條更加食到停唔到口。黑松露蘑菇湯 （跟餐）跟餐有湯飲，濃郁creamy， 雖然味道唔係算太突出，但係都不錯㗎。即炸薯條 （跟餐， 無限任食）配黑松露沙律醬及茄汁嘅薯條， 喺呢度嘅自家製， 的確不負眾望，好好食， 香脆外層，軟綿嘅薯肉， 再灑上香料。。。 好彩係無限任食咋!白酒忌廉煮鮮藍青口 $148十分creamy嘅鮮藍青口啖啖肉，鮮甜juicy，唯一缺點在於酒味唔夠濃， 不過都值得一試!炭燒大啡菇黑松露忌廉汁野菌意大利粉 $128黑松露忌廉汁又濃又香， 大啡菇都啖啖肉㗎，不過如果唔切片就更好啦。 呢個意粉的確份量十足 不但止多汁而且多粉， 兩三個人share都得。《後記》最估唔到嘅係

收工同朋友行過yoho附近，發現有間抵食扒房，價格非常實惠。入到去staff既service都非常唔錯，keep住有幫我地加水，飲品放耐左都主動refill返熱水。到野食方面，我地揀左6oz 西冷牛扒，加18蚊升級套餐，有埋飲品同餐湯。當日安排既係少見的紅菜紫薯湯，賣相都好特別。令我地覺得驚喜既，竟然係之後上既炸薯條。作為前菜黎講，份量好足，有茄醬同黑松露沙津醬，呢個自製既沙律醬真係大推！西冷牛扒旁邊有翠玉瓜同炸薯條做配菜，肉質唔錯，出廚師係有用心烹煮。牛扒非常多汁，完全唔覺得乾同硬。另外我地再叫左個孜然羊架，有配埋炸紅薯。羊架熟度剛好，肉質鮮嫩唔老，脂肪同肉既比例均勻，食落又唔重羊膻味，認真唔錯。最後仲揀埋個好特別既甜品-西班牙油炸鬼。外型有花紋幾精緻，唔會太大件。就咁食又脆又熱，當飯後甜品食都幾好。隔離仲有個朱古力醬，點埋黎食都唔會好甜，所以就算食飽飯再食都一樣冇問題。

今日想食西餐，近呢幾年元朗新開左唔少嘅西餐小店。去開鳳琴街嗰頭，今次就試吓呢個steaker，好在book咗位，因為雖然今日係閑日但係都全院滿座。一嚟就見到個餐牌有星期一至四嘅特價牛扒餐，90幾蚊就有一份牛扒，加$18就可以轉set，有餐湯同埋飲品。另外在叫咗一個墨魚咀墨魚汁意粉，一樣係餐可以配飲品同埋湯。我哋再加左錢配埋甜品，甜品有千層蛋糕或者雪糕心太軟，但係問咗店員話今日冇千層蛋糕，所以我哋就揀咗心太軟。講下啲嘢食先，個牛扒超值得一讚， 90幾蚊有呢個質素一定會再返轉頭，食落真係有炭燒味，真係好正啊，我叫咗夠成熟因為我唔鍾意食血淋淋嘅牛扒，雖然夠成熟但係一啲都唔鞋。碟牛扒再配有幾條薯條，啲薯條都好好味唔會覺得好熱氣嗰種。至於個墨魚咀墨魚汁意粉，啲墨魚咀都有好多舊，而且好彈牙。墨魚汁嘅意粉味道亦都好好，可惜就搞到人個食相唔係幾好睇啦，如果同拖友仔你食就可能唔好叫呢個啦，因為食到成個咀都黑蚊蚊，但係真係好好味。總括依然覺得呢間西餐性價比好高，食快餐西餐嘅價錢但係食到高質嘅西餐牛扒。10分推薦。

元朗出名多嘢食，早兩日聽朋友講話呢間西餐廳雖然細細間但係嘢食水準高於價錢。小弟搵啱時間約埋個朋友一齊再試食。我叫咗份星期一至星期四先有嘅扒餐，炭燒牛扒火候啱啱好，唔會太老，我唔係太食得生嘢叫咗七成，可惜份野細咗少少，如果佢多番三份一就冇得頂！