Starry House (已結業)

荃灣西站最近開左幾個新商場。而且就來有Donki Donki,所以今日就去左睇睇。但係 d 商店好多都仲裝緊修。但餐廳都開左好幾間了。行到攰，想搵個地方食野，行過比呢間餐廳裝修吸引，就簡左呢間開餐了。 仲有午餐食～ 午餐由 $68-108, 有沙律或餐湯選擇。我地兩個人都選擇左沙律。蕃茄水牛芝士沙律份量大，蕃茄同菜都新鮮，水牛芝士都唔少！跟餐沙律都噤足料，驚喜！燒澳洲西冷牛扒個扒都唔錯呀。幾腍幾香呀，好味！燒三文魚柳意大利飯呢個係我朋友叫的。目測都嚇左一嚇意為比錯左我地，因為條三文魚柳真係好大呀。我朋友話味度都十分唔錯。下次我一定要試下先得！

今晚同屋企人試新餐廳～～夜晚7點半左右到，好彩有位唔洗等。侍應姐姐好快就招待左我地入座喇！餐廳環境唔錯。今晚人比較多，幾熱鬧。睇睇餐單，又唔貴喎。好快就做左選擇了！上菜速度都快，侍應小姐都好快噤倒左幾杯水比我地。首先上既就係燒大蝦蕃茄天使麵擺得好靚啊放係台面已經有陣陣燒烤香味。蝦身仲去左殻，真係唔會食到污污糟糟呀！讚天使麵蕃茄味濃，好味～跟住就主菜了。首先是焗比目魚柳配檸檬牛油汁比目魚肥美，魚皮燒到脆卜卜。一定要點埋個檸檬牛油汁！正！記住要試埋D薯仔。真係落過調味燒烤過的啊。跟住就西班牙黑毛豬豬架JUICY～燒得剛剛好，肉質又夠腍。配左D蘋果蓉比你點住來食，酸酸地，中和晒豬架D油膩。最後我忍唔住叫左個甜品，係綠茶朱古力心太軟。做到外脆內裡流漿～OK呀。整體食物好味，價錢又唔貴，一定會再來～

上星期同女朋友行過海之戀見到呢間餐廳望落唔錯，個景好似都幾好，價錢又唔太高，决定紀念日黎呢度慶祝下，試下新餐廳，點知一試難忘⋯真係好難忘，係難以忘記既災難性食物！首先叫左個頭盤 芒果大蝦沙律 諗住開下胃先！一黎到見到個賣相就真係唔多開胃囉！好似求其撈埋一堆野，感覺就係有沙律菜！有車厘茄！有芒果！有蝦！噢！求其落碟！出得！好hea囉！可以話係完全無賣相可言 好似人地係buffet拎完野食個碟野咁！呢個大蝦沙律既沙律菜正正就係酒店buffet個一堆沙律菜囉！我女朋友仲講佢食buffet個時夾落碟都擺得好睇過佢！不過味道都入得口！印象中好似一百蚊！咁都正正常常嘅！係賣相真係接收唔到！話哂紀念日本應想影下相打下卡！但女朋友塊面都好似唔係咁滿意加上又真係唔值得影！本應都無諗過擺上OpenRice 不過真係覺得好伏！决定分享！再黎叫左個 蒜香蕃茄大蝦天使麵！又係好hea，煮好就求其落碟咁，連基本卷一卷放都無，感覺就好似去左茶餐廳叫左個星洲炒米咁既賣相 ！個天使麵煮得太淋，本身個麵又無咩番茄汁，食落去一patpat咁誇張啲講句，個麵淋到就黎同個汁融為一體變成蕃茄醬，重點係個意粉好咸，感覺啲鹽落得唔平

約朋友食飯，見到海之戀入伙以黎都未黎過，又啱好見到openrice推薦睇落唔錯就決定一試，然後就發現真係⋯我地兩個人嗌左1個前菜，一份小食，兩份主食同兩杯野飲。望住隔離檯個大蝦天使麵分量，我地都深知對大食嘅人黎講應該相當不足，不過就估唔到到食曬所有都真係好不足。先講前菜，香芒大蝦沙律。價錢印象係80-90左右？味道幾好，夠酸，不過比較油，唔鍾意太油嘅朋友要注意。炸蕃薯條我同朋友覺得呢個味道最好！雖然都係最平蕃薯本身甜，配以少少鹹又脆好好食。蒜蓉蜆肉意粉。對我地黎講只有四個字，又硬又鹹。每個人對於意粉口感要求不同，所以實在好難有客觀評價，但對我地就係太硬，好似未係好熟。而絕對不主觀就係真係好鹹，而蜆肉唔知係咪驚烚過頭所以好快攞起但口感似係有啲生。黑毛豬配青蘋果蓉。呢個真心失望，本身係沖呢個黎食，但份量真係少得可憐，同餐牌個對比堅有啲大同埋肉有少少over左所以唔夠juicy，個汁就有啲似牛肉製品。青蘋果蓉搭配黑毛豬一齊食就酒味好突出。餐廳未有酒牌於是不能嗌cocktail就嗌無酒精啦。呢杯Honey Lizz睇intro就話有梳打水，蜂蜜，蜜桃汁，橙汁等，但飲落第一下就係蜂蜜味，其次係梳

係OPEN RICE 見到荃灣海之戀商場有新餐廳開業，身為荃灣人，一定走去試啦！商場本身有好多鋪都未開業，餐廳係 3 樓，我地晚上7點幾去，商場都十分冷清。所以都唔洗等位就即刻入座。跟住當然第一時間睇下Menu有乜食啦。沙律意粉意大利飯海鮮扒甜品樣樣齊。我地2個人，好快就簡左3個菜啦。首先上菜係 蟹肉牛油梨沙律真係成個牛油梨上碟！！多蟹肉，而且新鮮。最驚喜是他們用了芒果汁取代了沙律醬！十分清新又唔肥呀！跟住就 2 個主菜，第一個係 燒大蝦茄醬天使麵本人最怕食有殻蝦！怕麻煩又整到隻手污糟。但又想食天使麵，所以最後都決定叫左呢款。到啦！睇下！隻蝦身係已經甩左殻架！廚師仲要去左蝦身殻先燒隻蝦，隻蝦仲帶燒烤出來既味架！正呀！廚師勁有心機！天使麵都吸晒D蝦味同番茄醬，好食～最後就係 燒西班牙黑毛豬架配青蘋果蓉呢個燒西班牙黑毛豬架係我朋友叫既，佢都話驚喜！佢乜都無講，只比左一舊我試。明晒 ！！！真係又嫩又 Juicy 呀！好食～

前幾日行經發現開左間新餐廳，裝修幾有格調，就建議姐妹們一齊嚟試試！我地人多，侍應好醒目咁安排我地坐角落大枱，座位梳化都好舒服，坐喺度一個晏就吹水一流呢度有多款西式食物，侍應姐姐推介左幾款前菜、小食，我地都揀左幾款主食前菜都唔馬虎，侍應姐姐簡單介紹後建議我地先食麵包沙律、蕃茄，最後食烤蝦沙律。水牛芝士加蕃茄再伴紅醋汁好開胃，令人食指大開蝦沙律毫不馬虎，隻隻蝦都飽滿多汁，好香好開胃！食西餐從不缺席既卡邦尼意粉芝士味濃香而不膩，我地三兩下就解決左主角們到擺盤好精緻，影相呃like啱曬煎牛扒啱啱好7成熟，一上枱就聞到陣陣香味～厚薄切得啱好，一啖咬落去肉汁好豐富，伴上佢既靈魂伴侶—黑椒汁，絕對不會出錯。呢道煎魚係我地一致最愛深海魚的油分豐富，連魚皮一煎香味四溢，簡單調味已經係人間美味！魚肉滑、魚油香，七個人叫了兩客，都係唔夠分。推介！小食點了普通薯條及蕃薯薯條蕃薯薯條炸得外脆內軟，糯糯甜甜，鍾意食蕃薯既人一定鍾意來一張全家福食完野又坐喺座位吹水，傾下傾下又一日～

本來與家人打算到酒樓飲茶，誰知太多人的關係，所以就尋覓商場內其他食肆。可能因為沒有太多宣傳加上位置較隱蔽，所以行了一陣才發現！發現餐廳裏面人不太多，所以就立即坐下，睇午市餐牌見主打意大利西餐，而且價錢亦合理，大約70-100,有湯同飲品跟都覺得ok！我決定叫了一個西冷牛扒5成熟配薯菜！牛扒有驚喜地好香😋而且亦係恰到的5成，我覺得幾滿意！餐後咖啡都幾香，相信未来都會再去幚襯😚！離開時發現有下午茶餐，見有fish and chips ,下次會去試