Spores

營業中

休息中

千其唔好黎，食到一半嬲嬲地俾負評食物:1.通粉套餐(包括所謂嘅沙律菜/慢煮雞胸/溫泉蛋) $492.紅豆多士套餐 (包括所謂嘅沙律菜/慢煮雞胸/溫泉蛋) $493.卡邦尼意粉 $73以上星期六日全部不包飲品，另外正價叫4.凍美式一杯 $321. 通粉係快熟通心粉, 煮到好淋, 湯底無乜味。雞胸3片紙咁薄，菜就係超級市場最平嘅生菜，有隻蛋咁。2. 多士就係方包搽牛油烘一烘，加一舊勁甜紅豆，菜一樣，紙片雞胸2片3. 卡邦尼就意粉烚熟放隻蛋上去，加啲煙肉咁4.美式無乜評價普普通通

平日lunch set柚子月見烏冬湯底幾清新, 真係有柚子味道月見好滑口烏冬口感唔錯Latte 個拉花唔錯, 飲到最尾個拉花仍然存在雖然係平日, 但都會滿座職員服務有禮, 友善

大約下午三點去到，人有啲多，但就仍然有位坐嘅~點咗個全日早餐(鰹魚湯煙三文魚通粉)同一杯凍鮮奶咖啡。餐廳裝修唔算特別靚，但食物質素有保證，出餐算快，值得一試。食完嘢可以喺附近影吓相，因為附近建築環境其實幾靚㗎~~講返食物，雞胸沙律嘅雞胸因為慢煮所以唔嚡，沙律醬好似係柚子醋🤔🤔幾好食，香得嚟又開胃~ 通粉上面嘅煙三文魚應該係熱熏三文魚💭🤔，所以同通粉好夾，傻人我以為會係冷熏三文魚🤣🤣🤣。通粉個日式鰹魚昆布高湯係暖嘅，可能係因為想保持湯嘅鮮味💭🤔，因為見一般啲人教煮日式高湯個陣都係教用中火Latte豆味好濃，隻豆應該本身偏苦💭🤔鮮奶味無辦法完全沖淡咖啡本身嘅苦味，如果本身嗜甜或者接受唔到苦味嘅話，建議你加糖漿~~

主要以輕食為主，但係所有嘢都係真材實料，而且價錢對得住食物嘅質素，屬於區內CP值高嘅食店，今日係星期五晏晝1:30左右，過咗最繁忙嘅lunch時間，店入邊依然都有幾台客人，雖然店舖面積唔係好大，但係坐喺入邊亦都唔會覺得好逼夾，樓底非常高，最吸睛嘅就係喺廚房上面嗰幾幅畫，應該係畫屯門青山嘅，文青得來又唔做作跟住講吓啲食物，我覺得係全日餐ok抵食，樣樣都有啲有沙律有慢煮雞胸，而且慢煮雞胸真係廚師用兩日時間去準備，我相信喺區內其他店都比較少有，食得出係原形食物，而且好味道，呢個set全日都係$48另外最經驗嘅就係佢跟餐可以六折試佢其他嘅飲品，佢廚師推介我呢一杯水果酵母茶，我揀咗雜莓味，佢真係新鮮生果唔係用糖水溝出嚟嘅，雖然係熱飲，但係唔係細細杯，六折之後$18，呢個我一定要帶屋企人過嚟試總括嚟講呢一間餐廳值得推介👍

SPORES地址 : 屯門海榮路22號屯門中央廣場地下G15號舖味道指數：⭐⭐⭐⭐抵食指數：⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：Waffle 等候時間：0分鐘位於中央廣場的 Spres cafe,店舖雖然不大，只有六七張枱，但是裝修簡約，設計獨特，很有休閒嘅感覺。All day Breakfast蕃茄濃湯蝦仁通粉這裏的蕃茄湯底很不錯，濃度適宜，有淡淡的番茄味，配上鮮蝦，感覺非常清新慢煮雞胸、沙律菜、日本溫泉蛋這裏的雞胸煮得很滑，不像平時食開的雞胸那樣。沙律菜非常新鮮。日本溫泉蛋，配上日本醬汁，非常有日本風味。Waffle每次光顧也愛吃這類的窩夫，一係最少要吃兩件，非常推介👍👍👍蜂蜜牛油多士All day Breakfast 只需要加兩元，便可以享有半份牛油多士，非常抵食，還非常醫肚餓呢！🤤🤤🤤🤤

試下分享我個人既感受🥰🥰早上來到想放空一下入到店舖感覺係 職員都有動力 令我充滿能量🙌🏻🙌🏻食物: 早餐 （讓我簡單來描述）煙三文魚通粉魚湯+慢煮雞胸沙律+溫泉蛋+呢個最好食微甜窩夫😊😊💯💯latte咖啡成為$23😝 因為佢有拉花所以令到我覺得值回票價😂😂 簡單真好今日通心粉有啲凍咗，不過其他都OK好食最緊要地方舒適😊😊下次再來 小店😄😄打晒字之後唔識送出😵‍💫😵‍💫😵‍💫暈證明我唔係打手🤭😜

充滿植物嘅舒服cafe🪴🌱🍃.▪️全日早餐-鰹魚湯煙三文魚通粉餐慢煮盬麴雞胸,沙律菜,日本溫泉蛋,窩夫 ($48)一上碟見到好豐富 擺碟都幾靚🥰鰹魚湯好濃味三文魚半生熟口感 配通粉好夾🍲溫泉蛋個蛋黃可以整得生啲~沙律菜配咗啲黑醋 有誠意雞胸肉唔會太鞋身容易入口！▪️和風味噌卡邦尼意粉 ($68)有巴馬臣芝士,白味噌,意式煙肉,日本溫泉蛋✨意粉多汁 唔會好乾🍝但溫泉蛋唔係好流心 煮得太熟啦🤣▪️奇異果水果酵素 ($29)健康之選✨甜甜酸酸嘅果汁😋▪️凍拿鐵 ($38+$5焦糖糖漿)咖啡都算濃味 記得搞均勻糖漿就會啱啱好甜度~飲完之後好精神🤣.✍🏻整體:平日8:30-12:00飲品先有6折優惠~呢間比較似日式x西式茶餐廳🤣食物唔算勁突出但可以值得一試☀️

中央廣場外圍的一間小清新cafe, 平日有午餐供應，可以點一個主菜加指定飲品，例如花茶，美式咖啡等。cafe內的座位不多，裝修令人感覺很舒服。點餐需要自己到收銀處點餐付款，食品即叫即製，要給一點耐性 。午餐時間去到，沒有點他們的招牌窩夫，點了一個鴨粒蔥油拌烏冬加花茶。本身不是愛飲茶的人，感覺杯花茶同普通暖水分別不大。鴨肉蔥油拌烏冬味道偏日式醬油風，拌開蛋黃後蛋汁包裹著烏冬，令烏冬的口感更加滑溜。鴨肉切成細粒，不會煮得太柴，入口沒有羶味。餐點整體不錯，加上餐廳的環境舒服，如果下次經過可能都會再試。

餐廳四周都佈滿不同種類植物🌱🌵，其中一個特色喺連牆都有🤩👍🏻。我一開始被餐廳嘅窩夫🧇吸引，小小的，多個拼在一起的話好像蜂巢🤣。🥣鰹魚湯煙三文魚通粉All Day Breakfast：$48鰹魚湯陣陣清甜，清清地再最啱早餐食了😋！套餐還包括慢煮鹽麵雞胸，一啲都唔「鞋」，仲有藜麥沙律菜非常健康👍🏻。加埋日本溫泉蛋🥚，連all day breakfast 都有窩夫🧇！絕對喺個Perfect 早餐，份量對我啱啱好！🧇和風窩夫Janpanese Style Waffle：$78All day breakfast得一嚿窩夫唔夠喉，所以就叫多個甜品🧇😝。中間仲有大量忌廉，窩夫配埋紅豆搽茶雪糕再沾黑糖醬都唔會話好甜。🍝和風味噌卡邦妮意粉Miso Carbonara Pasta：$68意粉中加入了白味噌，味道完全不像在其他cafe食的Carbonara😯。而且還有鰹魚碎作點綴，唔怪之得叫和風味👍🏻🤣～———————————總結：我覺得絕對喺性價比高的cafe小店。提提大家餐廳❌晚市❌，唔好夜晚嚟摸門釘呀🥲。而且採用自助形式，買完後自己拎餐具斟水坐低等食🍽～

星期日午餐時段來的,雖然滿座但至少不用排隊就很快能入座跟朋友一人叫左一個通粉餐，我叫個個係蕃茄通粉，+$2加大左個通粉，又真係好大碗喎🙈湯底濃郁，有幾隻大蝦仁我好鍾意佢個冷盤雞柳，味道酸酸，肉質鮮嫩👍🏻

今日中午一班朋友在聚會完後一起到樓下的餐廳吃午飯，因為當中有朋友吃過不錯，而且在那區來說是價錢合理，便六個人在此聚餐，只可惜不能坐在一起。📍位置：近屯門泳池輕鐵站，大約十分鐘步程。🏠環境：門口是落地玻璃，室內呈L字形，左邊是吧台，附近種植了來自馬達加斯加🇲🇬的植物，很特別，有點像脹大了的榕樹，而右邊則是卡座，空間不多，廚房佔了一半。🤵🏻服務：自行拿餐具和倒水，不收加一。🍽️午市：提供兩款全日的早餐，沒有套餐。鰹魚湯煙三文魚通粉 $48除了通粉，還有慢煮雞胸藜麥、溫泉蛋和窩夫仔，魚湯味道清淡，通粉軟韌，雞胸微煎，肉質有少少柴，但算嫩口，窩夫味道帶點甜，有蛋香，整體來講不錯👍🏻。蕃茄湯蝦仁通粉 $48這是另一款常餐，蕃茄通粉配慢煮鹽麴雞胸沙律、溫泉蛋和窩夫🧇仔，蕃茄湯非常濃郁，通粉硬度剛剛好，這一款湯底比鰹魚湯更棒，其他都一樣。牛油果醬蝦仁沙律🥗 $68這是朋友點，賣相吸引，有半隻糖心蛋、蝦🦐仁和沙律菜，沒試過，不清楚味道，朋友是滿意的。

有日上網見到呢間小店野食幾得意 就專登去試下～ 地點喺屯門中央廣場好唔就腳 旁邊都冇野行🙈 但估唔到一去到要等位 應該好受街坊歡迎👏🏻鰹魚湯煙三文魚通粉 💰48一上枱好驚喜 成個set好豐富咁每樣細細份 個鰹魚湯通粉好入味 加埋溫泉蛋好夾🥰 慢煮雞胸好滑 感覺好似食緊雞髀咁 另外仲有個窩夫仔🧇 味道甜甜地有啲蛋香😋 估唔到成個餐都好好食☺️ 難怪鋪頭細細都keep住咁多人肯等位👍🏻希望快啲搬大啲同地點就腳啲啦😝另外值得一讚係小店好有人情味 因為我去當日係臨近萬聖節🎃 小店會準備啲糖仔比小朋友👍🏻

♡̴ 明太子忌廉意粉 $68明太子忌廉意粉賣相唔錯✨ 面頭鋪上紫菜絲同鰹魚絲增添口感😍 食落意粉夠彈牙同掛汁🍝 整體非常濃郁同creamy 仲有層次感😋 加上午餐配既凍美式咖啡 解膩之餘又醒神☕️ 以呢個價錢黎講絕對係抵食之選🔥 推介大家黎試下🙌🏻 Creamy mentaiko pasta was mouth watering🤤 Pasta served with Mentaiko rod was rich and appetising🤩 Seaweed and Bonito Flakes on top just leveled up the whole flavour😚 Creamy sauce clung to the Al dente pasta were pretty nice🥰 Besides, the lunch set included a cup of ice americano that was light and refreshing🧊 Loved the high quality of food with this friendly price🫶🏻, worth a

一向食開，味道不錯。點知今日外賣自取，問佢點解平台加$2小窩夫個option按不到。佢話冇窩夫。咁算，但取餐時明明見到好多窩夫。佢話可以正價$15散叫。明明個歺不嬲包窩夫，一直用外賣平台買都係咁。依家外賣平台加$2個option灰左唔比買，但鋪頭大把叫你散買。咁不如以後唔好做歺啦。

傳聞話今晚打8號風球，咁就乖乖地留番喺屋企，襯未打到黎之前嘆番個靚早餐。打開delivery app見到野食都唔錯，上open rice comment又幾好，就試試佢日式炸雞窩夫炸雞送到黎仲熱同脆，雞炸得夠乾身，唔會油淋淋，肉質仲好juicy，配埋個沙律醬一齊食真係超yummy相信如果堂食會更加好味，但窩夫就有小小失望，可能因為外賣，黎到嘅時候係淋嘅，感覺係似麵包，味道其實幾淡，連蛋香，甜味都冇嘜，反而個菜有驚喜，好多時cafe嘅沙律菜都好求其，但佢個菜係新鮮翠綠嘅，加埋小小藜麥同柚子醋幾fresh又健康日本柚子湯力咖啡咖啡同tonic water做個base 再加柚子/檸檬/青檸etc…. 呢個混合風喺外國好hit，而家香港都越嚟越常見，我自己係超鍾意呢個組合💓咖啡嘅香，水果嘅甜同清新香氣，再加tonic water互相平衡，係傳統咖啡以外嘅另一種感覺。另外一定要讚舖頭嘅細心，成個外賣包得好仔細，好實淨。食物，醬汁全部分隔好。飲品亦包得好安全，一滴都冇留出嚟。見到Delivery app紙袋上面張單，有用螢光筆間住，相信係職員最後對單，睇吓有冇執漏嘢。呢啲小細節絕對值得再次幫襯🫶🏻