Simplylife Bakery Cafe (已結業)

Havent been back for a while. Ordered the roast half game hen with chorizo and bell pepper and the omelette with bacon, onion, cheese and tomato. They are consistent across branch. The brunch set came with salad/ soup as well as a drink (you can choose fruit tea or soft drink/ wine). The game hen was juicy with a crispy skin. The chorizo gravy added a bit of heat and flavor. The omelette wasn’t that nice. Perhaps it was becoz of the texture of the egg. Sitting was comfortable enough but they do

食物一般cafe 質數，還可以，都是三文治個類簡單bakery侍應就真是。。。唉。。不會再去，寧願去McDonald， 認真！叫佢來落單，侍應會一直不出聲，純企，落完單行左去，不會覆單，不講你叫左咩食，靜到手語咁。我知餐飲難做，我都知做前線辛苦，我地都無要求笑到四萬咁個隻service，但一般basic 都要有掛。。好耐無試過遇到咁差既服務！想外賣食物，問佢拿個盒，來到企在你後面遞比你，堅持宗旨依然一粒聲都不發出。。。你地不信就自己去一次，費事打字了。

去開葵芳行街，行到去新都會廣場，想靜靜地坐低食個午餐，見到simply life本身好開心甘入去，午餐用餐時間一小時我都覺得ok今次食左chicken burger，包冰茶同加左個沙律（$108+10%）唸住好穩陣基本上沙律同麵包係好食既，沙律酸味味加上炸蒜粒，口感好特別，麵包都好味道可惜chicken burger同薯條一送上已經係凍既，超級失望，以呢個價錢係葵芳可以食到更好既美食，唔開心，之後未必會再去

 新都會食welcome lunch ,四人嚟唔洗點等位揀左simply life, 可以靜靜地傾2句，之前食過中午最少人等😂都本身冇乜期待, 因為好多時cafe餐廳嘅味道都係不相伯仲😅叫左4個lunch set, 大家都叫左魚, 加個蘑菇湯, 飲完個湯食埋2片包都飽飽地，蘑菇湯味濃郁，飲落淡淡蘑菇味, 值得一讚，魚冇骨,唔會食到好麻煩, 配個燒薯唔會太肥膩，杯野好快上,支飲管好快濕同軟，總體都滿意。

Simplylife食過真係抵食、環境好，葵芳店都係一樣。今日嚟咗食下午茶，漢堡包薯條加杯嘢飲，6x蚊，真係抵，用餐時間講話60分鐘，過左見到都冇趕人走，漢堡包質素就一般，芝士味唔濃，但係牛肉都ok,, 薯條都夠脆，整體性價比高。

「2021 年尾奉旨飲飽食醉」系列之經典fish  &  chips無得輸放假前既心情當然係既relax 又趕工, 係咁矛盾既情況下, 就要去simply life 享受下何謂不簡單美食配簡單生活。先來餐湯 - 南瓜湯, 好香濃好滑, 帶香草味既顆粒狀南瓜蓉令人回味。西式餐包有提子乾, 紅莓乾, 而且外脆內軟好結實 (唔係食空氣), 好正! 水果茶 (走冰) 雖然唔知係咩水果, 但清清淡淡好爽口好易入喉主菜 - Fish & chips 有沙律拌碟, chips 帶少少辣, 好惹味, 炸到好香脆 ; fish 啖啖肉真材實料, 而且魚有魚味, 2 X 大大條魚柳, 有質素之餘, 份量又足, 魚迷必吃 ; 西柚沙律酸酸甜甜好開胃 呢餐果然唔簡單

4點35分坐低即刻落單，入座前話5點30分要起身交枱，之後叫左兩個餐，一個漢堡包，一個薄餅，5點左右先黎個漢堡包，食得好急，都覺得無所謂既，因為入座已經同我講左5點30分要交枱，心諗仲有半個鐘都應該食得切個薄餅，點知等多10分鐘都仲未黎，就問啲職員啦，佢一句話：有幫你落單，但未整喎。聽到真係好嬲，等左咁耐都未整，但又要個客一個鐘後交枱，啲時間都控制得唔好，啲職員態度勁差，完全無諗住幫你解決問題，如果話即刻跟返張單都無咁嬲，一句話有落單未整喎，叫經理黎，又話5點30分前要交枱，野未到齊仲要逼你交枱，真係無下次，錯左又唔認，呢間野真差差差

四人行嚟到葵芳新都會呢一間餐廳, 例牌四圍都係要等位, 我哋揀咗Simplylife, 因為我未食過而且最小人等😂其實本身冇乜期待, 因為好多時連鎖式嘅餐廳嘅味道都係不相伯仲😅叫左4個lunch set, 我食既係burger, 牛肉汁味濃郁識落淡淡香口牛肉味, 值得一讚👍🏾

返工辛苦咗成個星期，Happy Friday收工之後想同男朋友搵間西餐廳Chill下，迎接週末假期嘅來臨~無特別上網去搵，係葵芳廣場行咗陣，見「Simplylife Bakery Cafe」環境幾好就入咗去！ 後來上網search先知原來「Simplylife Bakery Cafe」係好多地方都有分店，餐廳裝修以當代歐陸式風格為主，環境舒適，氣氛浪漫，高樓底，落地大玻璃窗，空間感足，坐得好舒服！ 🧡餐湯餐包+紅酒（+$45）餐包係酸種法國麵包，大塊又好味！餐湯係忌廉南瓜湯，香甜又綿滑！紅酒斟得好滿，味道還好，飲完個人好放鬆！ 🧡加拿大天然豬鞍架·奶油瓜蓉·牛油松子·自家製意式乳清芝士（$218）豬鞍調味較淡，大件厚身，肉質鬆軟，易切易咬！搭配埋個奶油瓜蓉食又有另一番滋味！ 🧡慢煮肉碎手製闊條麵（$118）肉條碎好重牛香，好多汁！闊條麵有咬口，好掛汁，味道唔錯！ 整體來講，環境舒適，味道一般，價錢稍貴。如果大家行商場行到有啲攰，想搵間餐廳坐底休息下chill下，又對嘢食要求唔係話太高既，呢間都幾適合！

中午大約13:15去到等左陣好快有位，坐最邊玻璃欄2人枱，太陽好猛呢個位勁曬，冷氣吹唔到去果度，有得揀千祈唔好坐果邊，邊食邊流汗。落order既女侍應無咩禮貌，佢埋黎想幫我地落order，但我地未揀好，同佢講「唔好意思呀我地未揀好」佢一個轉身就行左去完全感覺到佢態度有幾好之後等野食黎等左25分鐘左右，入去前有提及過用餐時間75分鐘。我地差唔多食完先發現餐湯仲未到，同另外一個女侍應講，佢當場既反應係好似我地呃佢咁，之後佢再同原本同我地落order既女侍應確認，跟住先比我地。呢間餐廳職員既態度好有問題野食方面個burger牛油果蓉略嫌小左啲啲，整體唔錯，另外個白酒煮蜆手製意粉就淡啲，但意粉幾煙韌。如果唔係啲員工態度問題，呢間餐廳都幾推薦比大家既

同屋企人慶祝生日，又唔想食一款口味的蛋糕甘沉悶。決定自由配搭蛋糕件😂一次過買8款不同口味😋😋滿足每人既口味😂哈蜜瓜伯爵茶蛋糕 $36法式綠茶茉莉班戟蛋糕 $36法式紅桑子蛋糕 $36紅桑子特濃朱古力蛋糕 $36芒果海綿蛋糕 $36焦糖雲呢拿蛋糕 $36草莓芝士撻 $32無花果乳酪雪芳蛋糕 $368款味道入面，最中意焦糖雲呢拿蛋糕，甜度適中，配上果仁是絕配💕法式紅桑子蛋糕都值得一試，千層蛋糕分明，cream量適中。

因為附近做野,所以成日都會去食,之前2次都幾好但今次真係差左d今次點既係  雞肉芝士大蘑茹漢堡沙律+冰美式沙拉一如以往好吃 新鮮的 冰美式苦澀適中因為點了漢堡 不想吃太多包 所以餐包就打包望落係唔係幾好  錯了~~~首先 漢堡包 已經凍晒 唔係新鮮烘熱~~炸薯條既油到底幾耐沒換過  黑到咁又燶晒 又細條 唔知想點以為雞胸或者雞扒  原來係免治雞肉壓成既= =口感奇差 又散收收說好的大蘑茹 只係得幾片茹仔 真係好唔得乾爭爭唔juicy又凍冰冰!!! 包仲要有燶味囉

又是忙碌的一天,早早就來吃個BRUNCH. 準備迎接新一天.今天自己來,坐在窗邊,挺舒服的,周六的上午沒什麼人.馬上就可以入座周六周日的餐點及價錢與平日不一樣倒牌還是點了沙拉,他們家的沙拉菜特別爽及新鮮,而且主菜份量不少,喝了湯會吃不完哈哈~每次都好期待他的法包,外皮脆脆,入面是軟軟的.很好吃熱LATTE +$15 沒什麼咖啡味, 溫度太熱了.烤美國春雞半隻 小番茄配甜椒辣肉腸底下的配菜及醬汁很好春雞嫩嫩的 皮帶甜又小小脆 就算沒意粉飯都很飽肚

難得同朋友放假，見中午未有太多人，就入去呢間坐吓，環境光猛，近窗感覺好舒服。填完申報表，門口員工帶我哋入去坐，無笑容，入到去佢放低張餐牌就走咗。我同朋友坐住對面係廚房，可能你會覺得望住廚師煮嘢食幾得意，不過只係幻想😭我坐唔夠5分鐘，已經覺得好嘈（主要係碗碟聲），視覺上，基本廚師係背向住你煮嘢，而侍應就喺前面來回送餐，呢個座位設計係失望，完全享受唔到用餐，反而心裏多咗一份煩擾🥲是日餐湯，正正常常蘑菇意粉個汁整得唔錯，你見我食晒就知幾好食😋朋友食嘅烤雞都唔錯，配菜焗得岩岩好個人一般呢個冰茶，不過朋友OK，睇個人口味。整體上裝修環境唔錯，不過近廚房位置就好嘈，難以享受用餐，近入口座位會比較好。食物質素好食，但餐牌好似冇咩點變過，可以增加多啲選擇。侍應服務態度一般，雖然戴住口罩，但客人係仍會感受到服務。建議侍應多番笑容，態度有善啲，客人用完餐，侍應收餐嘅時候，可溫柔啲將餐具放落隻碟到拎走，太大力收野，其實都會影響客人嘅感受，畢竟客人仲未用餐完畢，少少建議希望會改善。

我同朋友無預先睇OPENRICE評價，就隨意揀左入去食，結果中伏。一如之前食客既評價，依間餐廳由落單到加單到埋單既服務，保持非常惡劣水準，D客爭佢地錢咁，覆單無心機、嫌麻煩。負責我地食區個三個侍應都黑面。本人當場已向其負責人投訴，但依然要係OPENRICE落評語，寄語各位食客唔好去貼錢買難受。周六晚，新都會廣場基本每間餐廳都爆，依間餐廳本來都話90分鐘用餐時間，結果可以見到根本無第二輪客，原因呼之欲出，服務態度不知所謂，依間嘢既客戶服務有必要向譚仔三哥D姐姐學習。