影片
前晚一行9人0黎呢度晚飯聚會我們吃了1)拼盤- 有串燒﹐洋蔥圈﹐炸墨魚。D炸墨魚好香脆(2) 炸雞亦2客- 幾好味﹐非常香口(3) 燒春雞一隻- 這個比較乾身﹐不過都預0左(4) 凱撒沙律- 有好多cheese粉﹐同其他地方差唔多(5) 海鮮墨魚汁麵- 味道OK(6)ribs- 比較乾﹐但係點0左個醬幾好味﹐好大0舊(7) 印尼炒飯- 呢個我無食到﹐因為都飽了(8) 白酒汁燴蜆- 味道普普通通﹐唔係0甘夠熱總括來講﹐食物的確OK﹐份量又夠﹐多人share就幾好。不過服務就真係麻麻地。換牒換得好疏﹐個牒放滿骨都唔0黎換﹐要叫先有。斟水都係﹐唔叫都唔會自動斟﹐只係成日見到D男侍應企埋一邊傾計﹐而且仲聽到有粗口﹐真係離譜。有次想叫人斟水﹐但係D侍應唔知去晒邊﹐我地就叫0左個女經理斟﹐佢當堂黑起塊面!呢度環境都係麻麻﹐餐廳有一邊好似係BAR﹐D音樂好嘈﹐傳到過我地呢邊﹐搞到成日聽唔清楚我Dfriend講0野﹐同埋就算我地坐非吸煙區﹐D煙一樣由吸煙區攻過0黎。
繼續閱讀
我和我的男朋友由2004開始便經常到這裡睇波,因後來裝了"有X電視"才不太經常光顧,點知再來就發覺服務差了很多:1)到開波時間沒有關音樂,我們有禮地問侍應,他們竟答:"這裡一向都無開聲(即旁述)!而且態度很"寸",實在令人氣憤!我再向經理反應,他只說可能係新人唔知,但佢地依然要開音樂,只係較細聲左一點,在此我請各波迷注意,如果你想有旁述,千祈唔好到這裡睇波,耳朵受眾.2)侍應的態度差了很多,埋單都要HK$435 for two persons. 我地唔介意價錢,只係服務比食物更重要,點解要俾氣客人受呢!這餐廳對我和男朋友有特別意義,變成這樣我們都很失望,免不過不會再去!
繼續閱讀
環境氣氛非常好, 不過佢0的野食同Ruby Tuesday 差不多係一樣, 味道一般, Ruby 成日有promote, 所以唔會再去呢度。1. ribs -- 比較乾, 唔夠juice2. 牛扒-- 老左0的, 又貴, 唔抵3. 薯皮-- 無什麼味, 唔夠材料, ruby 好食0的4. Iced Tea -- 淡到水咁, 飲水好過食物一般, 其實都係麻麻地, Ruby 個個月都有6折以上, 佢有discount 的先會考慮再去
繼續閱讀
已經有一段時間無去食, 今次去食例牌食ribs, 焗薯皮, 海鮮併盤等, 平均黎講都保持到個水準。不過本人至愛都係佢既薯皮, 夠厚身!呢度d 野食大大件, 最岩就係一班人gathering, 不過美中不足既係呢度service 麻麻, 唔知係咪多人, d waiter 叫左好幾次先會過黎serve 客。仲有, 今次黎先知原來凍檸樂都可以refill, 我仲以為凍檸茶先可以忝。
繼續閱讀
成日都係尖沙咀食, 對於成日想食新都開始發覺難搵食, 行來行去最終都係返番去硬石, 唉……今次打開個menu, dinner set無咩吸引, 於是就a la carte啦! 好少黎到呢度無叫steak, 今次例外, 叫左個肉醬lasagne, 一個火腿煙肉蛋麵食物好快就到啦, 肉醬lasagne好多肉醬喎, 焗得都幾靚仔, 切開佢都唔會散開晒喎, 食落個去發現面頭個層乾左少少, 其他都ok, 肉醬唔太酸, 芝士味淡左d, 不過整體味道都算岩岩好, 雖然size唔大, 但係肉醬同芝士夠多, 好飽肚, 另一個火腿煙肉蛋麵, 個賣相”白濛濛”好creamy, 麻麻地靚仔, 食落的而且確係極度creamy, 味道雖然夠濃, 但即係忌廉太杰, 涷左少少即刻好一pat pat, 火腿煙肉唔多, 蛋面係少少寬條, 但比較硬, 涷左之後重硬, 同埋味太濃, 食得多會好漏環境同service都好似差左好多, 而家成日都好多客, 你知啦, 去親個度多數都一大班人, 搞到好鬼嘈, 係好似酒吧個隻嘈喎, 搞到一心食飯個d客好disturb, 伙記又好似好忙咁, 叫好多次先有人應, 唔.…..
繼續閱讀