上海上海

餐廳：上海上海地點：灣仔灣仔道菜式：上海菜餐牌：下午茶餐有16款，有麵有點心有飯，包飲品6選1。無加一。上海排骨蔥油拌麵 $48 上海排骨蔥油拌麵賣相好正，用托盤上。蔥油麵餅舖得好靚，面頭加上炸菜絲。幼麵好有口感，味道甜甜地，唔會太重口味。排骨另上，一開5件連骨，面頭加上蔥油，炸得皮脆豬肉味濃，唔錯唔錯。鎮江小排骨配蘇式拉麵 $48鎮江小排骨配蘇式拉麵都係用木製托盤上。小排骨份量好多，整得皮少脆而入面爽爽地，個糖醋汁甜甜酸酸，味道調得好，面頭灑上少少白芝麻粒。拉麵係白色上海麵，清湯好清，好健康，伴有兩條小棠菜。鮮肉小籠包 $32鮮肉小籠包一客四件，熱辣辣上枱，入面都有湯汁，肉都好鮮，皮唔算厚。另上薑絲黑醋。連呢個餐都有飲品跟。涼拌木耳 $36呢個小食都幾大碟。爽脆木耳加上豐富蒜蓉同陳醋，撈有紅色辣椒，味道酸酸辣辣好醒胃。生煎牛肉包 $36生煎牛肉包一客三件，煎得脆底同好香，面頭加上少少黑芝麻粒同蔥花，個包好軟熟，入面牛肉餡料都唔錯。凍豆漿（跟餐）凍豆漿夠凍，味道少甜，好飲。無糖可樂（跟餐）無糖可樂配有獨立包裝紙飲管。今餐食物質素好，最正係價錢經濟。餐廳明顯新裝修，好光線，平日午市好滿客。…查看更多

今日喺灣仔搵野食見到有間最近新開嘅餐廳餐廳名好簡單又特別叫上海上海😙以為會好貴，點知望下menu ，價錢好親民👍🏻而且仲有下午茶於是就入去試吓啦✨南京清湯牛肉麵🥩🐮🍜麵好大碗，隻碗好深🤟🏻碗面有四大塊牛𦟌🤟🏻個塊都有手掌咁大塊✋🏻仲炆到好淋咬落唔硬，仲有陣陣牛油香湯底係普通雞湯，飲落唔咸配菜係兩舊小棠菜🥬🥬吸哂湯汁，食落好清新湯麵煮得剛剛好👍🏻易夾得來又唔會霉而且啲麵條係好長嘅麵條🥢唔係碎上，呢個抵讚👍🏻✨生煎牛肉包🔥🐮🥯因為係即煎，要等少少時間有三大個，每個都熱辣辣🔥每個都有手掌心咁大✋🏻個包底同包皮仲煎到好脆餡料係牛肉球咁樣咬落多汁💦✨桂圓紅棗茶🍵杯茶一望就見到好足料桂圓杞子紅棗舖到成半個杯有🤟🏻飲落微甜邊飲邊咀嚼埋啲配料感覺好清新🥳餐廳內部闊落坐得好舒服，仲有紙巾提供而且通風充足💨💨食完碗熱辣辣嘅麵都冇流汗侍應上菜會講菜名同埋會放到食客面前侍應態度親切有禮👍🏻喺灣仔地段食到呢個份下午茶仲要咁親民價錢性價比甚高🤟🏻…查看更多

上海上海灣仔灣仔道165-171號樂基中心地下A1號舖經開灣仔，老友想食上海菜，去咗上海上海，環境舒適，下午茶抵食，入去 chill 吓先。😁上海排骨蔥油拌麵上海排骨即叫即炸，肉汁豐富，香氣四溢，醃製得恰到好處，蔥油拌麵口感煙韌，趁熱食好正！😍嫩雞煨麵湯底鮮甜，煨麵爽口彈牙，雞肉新鮮嫩滑，份量十足，推薦！😻鮮肉小籠包香濃胡椒味，肉汁豐富，口感鬆軟，加黑醋效果更佳。😸家鄉煎餃即叫即煎，外層香脆，餡料新鮮，醬汁提升層次。😊生煎牛肉包面層加了香蔥，肉包鬆軟，牛肉鹹度適中。😄桂圓紅棗茶桂花香濃，紅棗圓肉，飲完好舒暢，養生之選。😉黑糖老薑辣度適中，黑糖香甜，秋冬飲一流。😚上海上海 環境舒適，食材新鮮，下午茶抵食，侍應服務態度好，回頭率高。😎…查看更多

久吾久都想食吓滬菜，今次去左位於灣仔嘅《上海上海》，木系裝潢，地方乾淨。一入座，店員就會比杯熱茶你，呢度仲係免收加一服務費，食物價格亦好親民。今次嚟嗌左:✨蟹粉蟹肉豆腐煲 $82上枱時，用一個鍋盛著，下面有燃點著嘅蠟燭，令鍋內食物一直都緩著。蟹粉蟹肉好有鮮味，同時冇腥味，餸飯一流。呢個餸仲可以✨️+$15升級套餐配江南菜飯 (可轉白飯) 及飲品菜飯軟硬適中，約一碗份。至於飲品方面，可在以下六款飲品中選其中一種：豆漿、酸梅湯、桂圆紅聚茶、黑糖老薑茶、各式汽水(可樂/ 無糖可樂/ 七喜/ 忌廉)、陳年菊普。而我就選了 桂圓紅棗茶，味道香醇，材料十足，飲完好緩胃。📍灣仔樂基中心地下 A1 号舖…查看更多

今日黎到灣仔呢道搵食，比我發現左呢道有間食上海野，就黎試吓啦，服務員熱情既招待好快就坐底左，樓面都幾大，坐得都好闊落。首先我地叫左個鮮肉小籠包（4件），襯熱食係最好味，入面肉汁非常新鮮，夾起黎塊皮都唔會好易穿，可以食盡肉汁唔會流曬出黎曬左。點咪啲醋食更加野味。跟住再點左家鄉煎餃（5件），呢個皮較乾身，食落非常有口感，點咪醬汁食味道都唔錯。再點多個黃橋芝麻燒餅，呢個芝麻勁多，香軟鬆餅，唔會好甜，味道岩岩好。主食方面就選左上海粗炒，份量十足，味道較濃，非常有鑊氣，口感都好好，值得一試。另一款主食係上海排骨蔥油拌麵，排骨炸到金黃色，賣相都十分吸引。食起香脆可口。份量都十分之多，好抵食。主食重包咪飲品，我就叫左黑糖老薑蜜，味道唔會太甜，淡淡既甘香老薑，非常養身。另一杯係凍豆漿，都唔會好甜，味道岩岩好，健康之選。…查看更多

上海上海 （灣仔）上海上海係一間新開嘅上海舖頭，但中午飯時間都已經多人到要等位。入坐後，qr code落單，點午市套餐左上海排骨擔擔麵配豆漿，小龍包同炸銀絲蘿蔔卷。野食大概10分鐘就送哂黎，小龍包皮薄但夾落去唔易穿，而且每個小龍包之間都有空間，唔會痴爛哂d皮，保得住湯汁，湯汁唔係太熱，唔會燙咀。配上酸醋，解膩又開胃。銀絲蘿蔔卷做到外脆內軟，新鮮炸好，咬開入面個餡都仲係熱到出煙。入面成個蘿蔔蓉仍保留住蘿蔔味道。上海排骨擔擔麵個麵份量偏少，但擔擔麵湯底都好夠味道，花生醬配上少少花生碎芝麻，仲有少少辣味，味道豐富。豬扒新鮮炸好，賣相吸引，食落唔會干柴鞋口，帶有甜味，配上蔥油，味道不俗，亦都大塊，足夠送麵。熱豆漿已經落左糖，唔會太甜，亦有豆味，沒開稀感覺。埋單大約130蚊左右，係一間性價比幾高嘅餐廳。…查看更多

放假前夕攞咗timeoff，順便要去灣仔道拎月餅，但又有啲肚餓，來左呢間開左無耐嘅上海餐廳試下味。接近放工嘅下午茶時段得4，5枱有人坐，職員安排左我坐2人枱。枱上面有QR code自助落餐。話就話下午茶時段，佢仲有午餐供應，7,80蚊有主食，前菜同飲品，價錢都算合理。下午茶餐牌都唔少野揀，有飯同麵，大概5，60蚊。我揀左酸菜魚菜飯（$48）跟汽水。等左一陣就有得食喇，兜酸菜魚賣相幾靚，大概有10塊斑魚肉鋪滿晒成個碗，魚肉上面有啲花椒粒，辣辣乾。二話不說就飲左啖湯先，佢啖湯先係酸味重，然後啲辣先慢慢來。魚肉就無乜特別，唔腥，唔梅，但佢啲薯粉幾煙韌，而且佢有少少似近期大熱嘅捲捲意粉嘅薯粉，少少凹凸嘅表面掛到多啲湯，口感好好兜酸菜魚有魚片，豆芽，同薯粉，份量都唔少，但佢仲有碗菜飯就唔好嘥。坦白講，佢碗菜飯唔多討好，因為啲菜黃咁咁，啲飯又油油地咁款，質地又唔係特別好><不過湯飯咁食又唔錯喎，啖湯啲辣好似去左啲飯嘅油膩，又加多左味喺啲飯度，再加埋菜飯啲菜同湯入面啲豆芽，又幾爽口。本身打算食一兩啖就放棄，點知最後食晒成碗兜酸菜魚啲味道嘅精髓應該喺啲酸菜度，啖湯有酸菜同無酸菜一齊飲嘅味道真係差好遠，可惜食到差唔多完先發現，因為佢啲酸菜沉晒喺啲芽菜同薯粉下面其實本來想食擔擔面，但佢下午茶無得轉，下次lunch過來試吓…查看更多

這家標榜“上海菜特色”的餐廳，實際菜品與江浙菜毫無關聯，反而充斥著廉價預製菜的味道。回鍋肉作為招牌菜，並非現炒，而是預先包裝的復熱菜品，完全失去了應有的鑊氣，只有黏腻的酱味。菜飯乾硬無味，麵條煮得軟爛無筋道，與上海菜講究的"精細"背道而馳。店員全程冷臉相待，對顧客的需求敷衍了事，徬佛多問一句都是打擾。全程無微笑問候，連最基本的茶水服務都需要顧客主動要求。這種"高價低質"的經營模式無異於自掘墳墓。服務員未經培訓的傲慢態度，反映出管理層對服務價值的根本性誤解。當消費者為體驗買單的時代，這種既無菜品優勢又無服務亮點的餐廳，終將被市場淘汰。建議經營者立即進行服務體系重建，否則所謂"上海菜特色"只會淪為笑談。…查看更多

今次試咗招牌 四川擔擔麵，一上桌就聞到濃郁嘅芝麻醬同花生香氣🥜，麵條彈牙有嚼勁，拌勻秘製辣油同肉碎後，每啖都係香、辣、麻嘅完美結合🌶️～ 湯底濃稠度剛好，掛汁力十足，食到最尾都唔會覺得膩！ 老壇酸菜魚同樣出色🐟，魚片嫩滑無骨，酸菜酸爽開胃，湯底鮮甜帶微辣，好適合夏天刺激食欲～ 新推出嘅 椰絲奶黃包絕對係驚喜之作🥥，外皮鬆軟，一咬開奶黃餡creamy得嚟唔會過甜，椰絲增添口感，完美作結！ 環境乾淨企理，服務又快，$80就食到高質擔擔麵套餐，性價比超高～ …查看更多

位於灣仔的上海菜餐廳，餐廳裝修新淨，環境光猛，座位舒適。下午茶時份人流也不多，可以慢慢嘆一份下午茶。冷盤小食：老上海臭豆腐黑色的炸豆腐，那股臭味不算太強烈、濃郁，容易接受；外皮炸過之後脆口，入面軟嫰，滿滿的醬汁，上面鋪上蒜辣醬，更加惹味。下午茶套餐：南京清湯牛肉麵下午茶的份量恰好，細細碗。清湯底，清甜清淡。配上青菜及牛𦟌，麵條幼細，牛𦟌也有好幾片，口感爽彈。套餐配飲品，點了一杯凍豆漿，豆漿不是順滑那種，而是帶有豆渣，所以味道富有豆香。…查看更多

完全中晒伏，其實個招牌寫中國菜咪得囉！點解要寫上海上海？俾個門口呃晒，睇落去企企理理，香港嘅價錢，預置菜嘅質素！入到去坐低睇個餐牌，而家啲餐廳我都唔想講話係正宗唔正宗，個餐牌裏面有一半以上都唔係上海菜，最重要係全部都係預置菜🤦🏻‍♂️上海菜竟然有梅菜扣肉，竟然招牌上海菜鱔糊係冇嘅！晏晝食個午餐加個小籠包要成百幾蚊👍🏻如果好食真係唔緊要，掃碼點菜，個餐一分鐘就即刻喺你面前，又要搭枱食完放低筷子就即刻同你執枱想嗱嗱聲趕你走，呢啲質素呢個價錢，我去食Five Guys差唔多！…查看更多

啱啱行過門口見到間店好企理，隨之入去食個下午茶，叫咗上海排骨撈麵，味道好正😋😋 配餐飲龍眼紅棗茶健康有美味. 特別一提是餐廳服務非常好，本人唔小心倒瀉杯茶令到餐廳麻煩真不好意思； 餐廳在沒要求下另補一杯龍眼紅棗茶俾我，多謝晒呀😄…查看更多

光顧幾次嘅啦但是今日有個男服務員好似不太想理睬我地，不知是否當日心情不佳⋯⋯嘢食就OK，都系滴蘇杭菜居多，同埋一些辣嘢，套餐可選擇嘅都多，食得飽。希望服務再進步吧…查看更多

最後放工經過發現左呢間新開既上海野食，餐廳裝修好新潮好靚，以為會好貴，點知見到個價錢跌晒眼鏡，咁平？！（下午茶）於是就入左去試，一試難忘，已經食左4次喇！第一次食酸菜魚菜飯，相之前post左唔重覆喇。酸菜魚有好多塊，有薯粉係底，不過就超級辣，就咁食魚幾正，食晒啲飯都仲有魚繼續食，可惜我食唔到咁辣，薯粉就放棄了，同埋酸菜唔多。第二次係食呢個鎮江小排骨 配 蘇式拉麵，呢個真係一試難忘，食完再繼續食。個蘇式拉麵雖然只係普通淨麵，但係好好味，雞粉味湯底，麵軟硬適中，仲有買少見少既菜，食到停唔到口，而個小排骨都好正，唔會太甜，味道剛剛好又有咬口，不過就因為有咬口所以老人家就可能未必食到。今次就叫左嫩雞煨麵，比想像中大碗，不過雞肉同菜就比想像中少，但係其實食晒之後係好飽。由於係煨麵，所以都等左一陣，出黎既時候超級熱，聞到好香但係食唔到，要放涼一陣間，食落去又係好正，個湯比起上次個淨麵湯濃好多，好creamy，愈食愈好食，食下食下又食晒成碗。剛好坐到風口位，食完好暖身。最後一定要介紹個餐飲 桂圓紅棗茶。第一眼見到覺得好癲，點可能咁多料，慢慢食下紅棗杞子桂圓，成件事好健康！另外就係想話唔知點解飲左呢杯野嗰晚特別好訓🧐餐廳啲位好闊落，完全唔迫，坐得舒服。有時見啲街坊同員工有講有笑，好親切。另外就係有次個疑似老闆問我覺得味道點，即刻加分。呢個時世開咁大間餐廳，仲要價錢親民，仲要有heart，值得讚！我以後一定成日黎…查看更多

第一次打評語，唔係太嬲都唔會打見有人排隊膽粗粗試吓，排到間伏如題，得煎炸野好食，預製菜嘅特徵其他食物簡直浪費我胃容量，1. 嗰蟹粉乜乜乜不要叫，唔知食緊啲咩，1 pat嘢，得啲豆腐入到口，最後係挑起晒啲豆腐咁食2. 小籠包，叮叮點心質素，皮好厚3. 臭豆腐乾噌噌上枱 好油 唔係吸飽晒啲湯嗰隻臭豆腐得杯黑糖薑茶好飲，就咁沖都可以唔好飲咁真係幫唔落如果係貪平，可以食碗魚旦粉如果係想食上海野，建議你俾多少少支持本地小店，唔爭得太遠…查看更多