SHAKE SHACK (太古廣場)

營業中

休息中

叫左2個包，一個薯條，一杯飲品叫左Shroom Burger,Shackburger🍔Shroom Burger:中間舊炸物係蘑菇mix芝士既感覺，會拉絲。好特別😋😋，可以一試Shackburger，好普通既burger，但係個汁幾好味😋2個包都好厚，夠飽肚飲品叫咗Fifty fifty🥤，啫係一半lemonade,一半茶，但係成杯都係酸既，怕酸嘅人極度啱飲😖😖而個薯條🍟好熱，都幾大包，但係就真係好普通，同普通店嘅差唔多，但係就貴好多，唔太推介。總括來講，可以一試但係食一次都夠PS,啲醬料，tissue係自助架

Standard Shack Burger plus milk tea shake. Around $100 dollars in total. 漢堡包的牛肉很鮮味，中間的肉是粉紅色的，番茄和生菜也很新鮮。珍珠奶茶味的奶昔質地很豐富，雖然沒有珍珠，但很有香港的特色。

今日同同事係太古廣場食lunch.好耐冇食shake shack啦叫左4個burger, 3杯野飲同兩份薯條唔記得幫每個影靚相， 不過排埋一齊都幾靚Double cheese beef burger 真係好好味， 芝士融到岩岩好 牛油煎漢堡有陣說不出的焦香， 雖然有點細個， 不過shake shack 的味道得e 到有za佢d 薯條粗得來好夠脆，超好味不過一包都要27蚊， 加芝士要36蚊總結：🤗burger 冇得輸， 薯條夠粗夠脆🤔價錢有d 貴， 如果食包加薯條同野飲要100以上， 如果之後有套餐會抵d

朋友想食漢堡飽,薯條,结果中午去左PP的shake shack食午餐,平日很多時shake shack都好多人,幸好呢日不是太多,輕易揾到位.我叫左個漢堡包,朋友叫左個炸雞包,每人一客薯條和餐飲,就眼看漢堡包的size唔大,但份量充足,食食下都好飽,漠堡包食落超好味,而那炸雞包是用冇激素的雞,大大件,值得一讚,薯條都是新鲜的,但食完個包再食薯條,结果食唔晒薯條,如兩人去食可考慮叫一客薯條一齊食,因份量都足夠.它没有套餐,所有食物都是散叫的,可自由配搭

好多年前第一次食Shake Shack係喺紐約，覺得好好味，試過一日食咗兩餐，之後次次去美國都會食，後來返咗香港就冇得食。好彩香港都已經開咗分店隨時可以食到！我食親都係食Double Shack，好滿足好治癒。加上香脆嘅薯條，一般我都會食cheese fries but cheese on the side，咁就唔會整淋晒啲薯條，不過當日唔想食得咁肥膩所以就點咗普通薯條。通常我諗唔到食咩嘅時候都會去食Shake Shack，咩煩惱都冇晒。我食開一種嘢就會永遠食嗰種野，所以到而家都未試shroom burger，希望下次會試啦。

路過Pacific place唔食shake shack 有啲對唔住自己jei 不得不提，作為一陣間只係快餐店，而佢嘅service非常好。Lunch hour啲人喺店內大排長龍佢哋有staff派檸檬水試飲☺️ very nice 叫咗一個ham 的burger， 同埋懶健康咁叫咗一個雞胸漢堡包XDDDDDD 以為雞胸漢堡包會好乾，一啲肉汁都冇，但竟然出乎意料之外。非常juicy。雞胸仲要輕輕落小小炸粉炸過，好不錯☺️ 雖然我懶健康走左汁，但雞胸的肉汁都搭夠啊😍😍😍朋友的hamburger 反而太多醬汁，令到我試啊唔到原來漢堡肉的肉味同肉汁😂薯條不過不失，夠新鮮，個醬無乜特別不過係我最中意的扭紋粗薯條😚😚😚A bery food lunch experience !!

究竟金鐘呢個美食沙漠有啲咩好食？🧐我諗除咗Shake Shack都好似冇咩🤦🏻‍♀️～每日都勁多人排隊😱經過上次嘅教訓，今次冇再叫肥到濟嘅芝士薯條同埋甜到喊嘅港版奶昔，取而代之嘅係正常薯條同Lemonade🍟🥤，成個餐當堂正常晒🤘🏻！食埋佢地既Shroom Burger （寶寶食Double Shack Burger）就不得了：塊大烤菇連芝士用炸粉包住，咬落啲芝士仲熱辣辣 🔥，聽落唔錯，只可惜，個包overcooked，做到長長芝士嘅效果之餘仲帶陣燶味，扣晒分🧀🤦🏻‍♀️Lemonade就唔多講啦，好似普通檸檬水咁，唔太飲出梳打嘅感覺☹️😭～Btw店員換檯的速度好慢（塊面黑黑地），搞到等枱嘅時間好長，未食到都已經餓死左👹總結，依然冇改變感覺～伏味呢～未到要突登去囉，始終呢個價錢有更好嘅選擇🤭-Double Shack Burger | $77Shroom Burger | $66Fries | $27Lemonade | $37-Shake Shack金鐘金鐘道88號太古廣場一期1樓105A號舖-

夜晚黎呢度附近有嘢做 搞掂都好夜 就係PP搵嘢食啲店都關曬門 我地想快食所以就揀咗Shake Shack夜晚9點鐘都算幾多客 每次去都一定會有個職員喺門口派menu幾好 啱曬我今日無帶con嘅人🤣睇下menu先👇🏻我地就買咗兩個包 一個薯條 一杯嘢飲ShackBurger 好味 有cheese tomatoes lettuce 牛肉有少少紅 Juicychicken Shack 太乾 層皮炸到好硬 舊雞都幾厚身Cheese Fries 薯條熱辣辣 但係太硬 唔係我鍾意食嘅薯條類型🤷🏻‍♀️杯lemonade太甜 唔知可唔可以叫少甜🤔整體黎講餐廳好大 快餐黎講環境好舒服 企位仲有得叉電 （自己帶線） 不過職員無以前去咁有活力 返咗成日工都累啦💤

在金鐘想試試新餐廳，去開飯網頁找找，找到這間漢堡包店。睇裝修就知道走高格調路線，在戲院旁邊，英文餐牌，在等候區旁邊更有漢堡包精品賣。我叫了一個招牌菜芝士漢堡包 "Shack"、薯條和大檸檬水。第一個感覺是價值$50漢堡包很細小，那杯大凍檸檬水 比漢堡包體積大一倍！初時有點不是味兒，可是第一口咬漢堡包，感覺非常特別， 麵包和牛肉都很軟， 口感很好，而且味道一流。 漢堡包雖小，但物超所值。薯條，$27，合乎水準。大凍檸檬水，$32， 太大杯了，飲完會瀨尿。堂食，我建議走入一點，轉角，私隱度高，景觀很好。

有唔少外國burger餐廳進駐香港市場，Shake Shack 係其中一間。價錢同其他外國漢堡餐廳相約，4、50蚊一個包，而shake shack 既包可以揀size。我叫左個shack burger，cheese fires 同 vanilla shake.Shack burger 係最基本既漢堡黎，有蕃茄、芝士、生菜同肉。漢堡肉非常juicy有肉味。個包有掃過牛油所以極香滑，但有朋友嫌個包太油膩。Cheeses fires 就只係薯條上有一pat芝士。總結shake shack既包係好好食。

先唔講唔既食物，講講佢既service先。我同朋友星期一一點左右去到排隊，前面有大概6-7個人。有staff見倒我大住個肚，叫我唔好企咁耐，行出黎幫我落左order先。呢個行為好surprise好窩心。以為fast food會無人理添。Order既時候又主動問我洗唔洗講個beef patty轉做全熟。之後去搵位坐既時候，有另外一個staff主動幫我搵位。我要俾10個like shake shack既staffs啊，十分大肚婆friendly啊。我叫左個ShackBurger，個bun好soft，patty雖全熟不過都好juicy。係我craving既野，如果佢唔係咁高卡路里我淋我自己可以食2個，一個根本唔夠喉。朋友叫左個Chick’n Shack，佢話塊炸雞唔會好油又juicy。好味！我覺得個Cheese Fries有d失色，薯條有d稔，芝士味有d淡。

次次夜晚發夢都會食shakeshack😏，今次真係食我第一次既shakeshack，本身唔太好burger不過夜晚真係好肚餓就黎左食啦，佢唔似香港既漢堡包咁硬繃繃，佢既麵包好明顯用大量牛油煮過，牛油味好重亦都好軟林林，所以配落漢堡包黎食個感覺真係第一次，都加深左我對burger既熱愛，但係真係好肥好肥好肥同埋好肥！本身仲話要減肥，都嗌多左個薯條share黎食，呢隻紋既薯條好難炸得好食，不過佢就炸得好脆，下次有機會要食埋佢個對手先😂定還是減左肥先再食好呢🥺

Unlike the typical hamburgers, the smashed burgers here is absolute decedent for its value.The shake stack is an absolutely must tryEspecially if you love cheese.The only thing evil about this burger is that once you’ve devoured this burger, you will want to order another one.Now, if you a girl or a rabbit, you may order this.This may be served in a restaurant known for their burgers, and although this does in fact have the crucial element of a burger, the hamburger patty, but this is no damn bu

睇呢篇食評之前... 請留意我係比較主觀用2間國際知名連鎖漢堡包店做comparison, 希望唔好介意！聽聞呢間嘢好耐，今日終於有機會試！由於我係中午去，所以好多人... 而且因為周圍好多寫字樓，引黎唔少白領人士食lunch。「環境 」- 清潔都尚算可以，唔會座得太逼啱啱好！Staff 好nice~ 會幫你搵位及有新野試飲比起5條友，我食過3次，但暫時未試過有staff會咁。「食物 」- 首先性價比問題，我覺得佢哋平過5條友先～ 2個single (已經好夠飽) 漢堡 + 芝士薯條 + 奶昔x1 , 總價先係$186 ！比起5條友，2人份量應該要$2xx 行出鋪～ 「食物選擇」- 雖然佢地都有幾款唔同漢堡包，但係佢地對 topping 唔係5條友咁，可以自己揀。我個人覺得5條友係呢點上比較好 （但呢點因人而異啦～ ）「食物味道」 - 老實講，我覺得佢哋牛肉好食過5條友牛肉！真係肉嘅 juicy ～ 5條友就係D topping 嘅水份，味道出乎意料算幾好食！佢哋嘅Milk tea shake 可以試下喔～但係薯條就...... 忠告：可以唔食另外番茄醬係偏酸...

係附近收工，即興約想食好嘢，就去左金鐘太古廣場，食下嘢抖下。係戲院旁，平時都好多，可能平日又加上已經9點，行埋去就可以order啦。叫左之後就去搵位，原來入面都幾多位，當晚都坐左7成。拎得啦！我地三個人三個包三杯飲品。朋友好喜歡叫呢個，shake shack，86元，個菇係重點，好值得試，而且好多料，好豐富，朋友喜歡在一啖落去，既有菇味，又有啲肉汁同菜味，而且唔會過油。我叫嘅係Shake Meister Burger，58元，我個人唔特別好洋蔥，不過又唔想食咁大個包。第一下，好熱，我呢條「貓脷」要慢慢食。洋蔥薄薄地，口感都幾好，對我黎講剛剛好。飲品係50/50，個人麻麻，有啲死甜嘅感覺。