Segafredo Zanetti Espresso (已結業)

其實間店早幾日我已經試過早餐去飲off menu嘅Flat White，味道唔錯，泡啡融合度頗高，尚算幼滑，帶強澀味非人人接受，但至少有點個性。嗰次食嘅鬆餅都幾好，唔算太甜。今日响樓上食完燒味，已經好飽，但經過舖頭，見到熟悉嘅糕影－紅絲絨蛋糕 Red Velvet Cake，於是轉身去買外賣，順便要Flat White。店員話全港暫時只有佢哋賣－錯唔哂，唔計cupcakes都係，因為我早排打過電話去全港所有五星酒店同出名嘅蛋糕甜品店問。呢件蛋糕原裝美國運過嚟，非常符合原著：顏色深紅，蛋糕底蓬鬆濕潤，面層cream cheese滑順棉密細緻柔軟，仲有啲糖霜，食落帶酸忌廉嘅微酸，一啲都唔甜膩。$65一件一嚐如此經典，值回票價。不過店員普遍唔熟悉咖啡，兩次去唔同咖啡沖調師，唔知我問嘅Piccolo係咩嚟，又唔知咖啡豆係咩地方，淨係知意大利牌子…對打正旗號賣咖啡嘅店，表現出專業才可嬴得客人的尊重。