Season Plus

營業中

休息中

今次慶祝朋友生日，因為朋友想食生蠔，見到呢間餐廳買紅白酒，再叫生蠔有優惠，所以預約咗呢間餐廳。去到餐廳都幾多座位，大概坐咗一半，可能因為係平日，唔算多人。/白酒🌟 叫咗一支清爽易飲意大利白酒，都真係幾易入口，飲落唔算太dry，亦都唔甜，朋友就嫌酒味唔夠重。/精選生蠔（一打）🌟叫完白酒，換購價$50就可以叫到一打，啲生蠔真係好細隻，但一分錢一分貨，味道都算新鮮，但係就洗得唔乾淨，好多隻入邊都有生蠔殼碎。/鵝肝醬脆片🌟鵝肝醬唔夠油膩，但份量都好大兜。/烤焗海鮮拼盤🌟海鮮拼盤有齊焗龍蝦、扇貝、翡翠螺、虎蝦同埋大啡菇。全部加咗芝士焗都幾入味，不過龍蝦焗得太耐少少韌，翡翠螺同虎蝦都幾好食。/威爾斯羊仔架（四支骨）🌟羊仔架生熟度把握得幾好，有少少羊嘅膻味。

老公帶我去秘密餐廳食Dinner，估唔到山林道有一間咁隱蔽既餐廳。餐廳主打生蠔，小食。精選生蠔只係$9一隻，非常抵食，亦有幾款生蠔選擇，價錢不同，鐘意食生蠔既朋友唔好錯過呀。另外餐廳仲有雞尾酒任飲，只係$98/位，真係超級抵。牛油蒜蓉蜆肉意粉（$128）一上枱，已聞到陣陣蒜香味，意粉軟硬適中，蜆肉處理得好，沒有沙、粒粒飽滿，蜆肉份量都頗多，意粉入面有大量蒜蓉，食落超級惹味。美國特級安格斯肉眼（$248）黎到嘩左一聲，塊扒好大塊，點了5成熟，煎得剛剛好，脂肪比較重，香口帶點油份，肉汁豐富，牛肉味道香濃，只加了小許鹽和黑椒調味，已經好好食。雜果賓治（$28）我唔鐘意太多氣，以杯岩晒凍檸水（$28）

🙌🏻最近聽朋友介紹 知道尖沙咀有間餐廳既生蠔好抵食只要嗌一枝紅酒或者白酒 就可以加$50要一打😍其他餐點都仲有好多選擇 環境都幾好feel同另一半拍拖啱哂🤤-今次食呢款精選生蠔雖然唔係好大隻 不過就好鮮甜海水味唔會太重 蠔肉好新鮮 好快俾我哋食晒😛如果鍾意食大隻啲啲 都可以改要半打美國中碼生蠔架白酒我哋揀咗南非產 呢隻花香味比較濃 入口順滑平時冇乜點飲酒都應該可以接受到🥰-美國特級安格斯肉眼扒 照舊叫咗五成熟油脂分布得好均勻 肉質都好腍 肉味頗濃配埋炸薯角同埋意大利黑醋沙律 好滿足😜-煙三文魚沙律 有四大塊煙三文魚 份量幾足沙律菜新鮮爽甜 作為開胃前菜唔錯👍🏻好味評分😋：5 /5🌟🌟抵食指數🤑：5/5 🌟🌟餐廳環境 🤪：5/5🌟🌟

今日放工黎左尖沙咀食飯😊😊🌟 炸日本廣島蠔 （$48）廣島蠔炸得好脆，蠔🦪肉Juicy，蠔肉厚身😋😋🌟美國中碼生蠔（$18 per one)中碼生蠔大隻，即叫即開，好鮮甜，黎到酒吧必點之一😋😋👍🏻🌟韓式炸雞塊 （$68）炸雞🍗好大份，即叫即炸，外脆內軟，肉質好滑，好Juicy😋😋🌟田園沙律（$48）沙律🥗菜新鮮，好香好濃嘅黑醋味，好開胃😋🌟 美國🇺🇸安格斯西冷（$198）西冷牛扒5成熟，外面唔會太濃，中間唔會太熟，好易切，鎖住肉汁做得好好，好軟熟，西冷扒好重牛味😋👍🏻薯角即叫即炸，好香脆，放耐左都仲脆口😋😋🌟 菠蘿梳打（$28）唔會太甜，好香菠蘿🍍味😋

跟朋友説，很久沒有吃生蠔了，因為單點比較貴，現在自助餐包生蠔也不便宜了。朋友話佢近期發現佢公司附近有間食生蠔幾抵食，所以不用多想就馬上去試啦🤣「Season Plus」位於山林道環海大廈，位置比較偏一點，行到山林道街尾，要落幾級樓梯，再轉右直行上條樓梯再會見到😎大約7點左右到，已經看到好多食客了🤨 餐廳裝修屬中格調，適合三五知己聚一聚，有室內外座位，客滿也不會覺得擠擁👍🏻除了生蠔，焗海鮮也是餐廳主打，有龍蝦，虎蝦，扇貝等...當然還有不能缺少的牛扒等等🤤🤤精選生蠔$9隻，美國中碼生蠔$18...今日精選是南非生蠔，肉質厚而鮮甜甜，海水味也剛剛好，$9隻超值👍🏻👍🏻美國安格斯西冷牛扒，肉質鮮嫩，多汁，牛味很濃🤤🤤$198絕對值！沙律配菜也不少，亦很新鮮！烤焗海鮮拼盤不得了🙈🙈原隻芝士焗龍蝦🦞，芝士夠多而且香濃，龍蝦膏又多，又大隻厚肉🤤🤤🤤芝士焗松露大菇1個，Juicy 菇味超濃而且鮮嫩👍🏻👍🏻蒜蓉翡翠螺3隻，肉質肥厚又彈牙👍🏻👍🏻拼盤還有2隻蒜蓉牛油焗虎蝦和巴馬臣芝士焗扇貝2隻，而且墊底的沙律茶夠多又新鮮🥰🥰🥰$298絕對超值！

舊同學有事找我商量，約咗去尖沙咀食飯，大家一齊不約而同提議去season plus,因為餐廳的生蠔同海鮮都好美味！首先來中碼生蠔一打，即叫即開，清洗得好乾淨，生蠔都好大隻又夠新鮮，蠔肉鮮甜，完全沒有腥味！西班牙海鮮燴飯：份量足夠3-4人食，飯面全是海鮮，蜆肉鮮甜、蝦肉爽口、還有用芝士焗到金黃色的兩隻大扇貝，鮮甜惹味，飯煮到粒粒分明又有口感，伴均勻醬汁食，美味可口！朝日啤酒，與朋友聚舊又有美味佳餚，當然要啤啤佢！

以前去過一次【Season Plus】食飯，知道觀塘店已經無做，點知今次朋友帶左我去尖沙咀店，餐廳位置有少少隱蔽，有心去真係要比d耐性搵路！Weekend去特別多人，空間好大，Full左半個場，客人可以自行選擇坐Indoor定Outdoor。《精選生蠔 $9、美國生蠔 $18》唔洗多諗即刻叫左生蠔先~我地無叫酒，所以要散叫，要左半打$9精選生蠔，同埋3隻美國生蠔。精選生蠔幾有驚喜，唔係交行貨，新鮮帶少少甜，當然美國生蠔就更加正啦，明顯大隻好多，肥美鮮甜，少少海水味，我覺得中意食生蠔絕對可以再Encore。《牛油蒜蓉蜆肉意粉 $128》唔想要兩份肉，所以叫左一款意粉，有4-5款選擇，價錢合理。又係叫左我其中一樣最中意的牛油蒜蓉蜆肉意粉，呢度d蒜蓉真係落重本，蒜味好濃郁，意粉彈牙偏硬身，蜆肉份量亦頗多，大大粒肉而且無沙。整體咸香蒜香味道好出，不過食到後期有少少過咸。《西班牙厚切黑毛豬鞍扒 $248》厚切真係好食好多，黑毛豬鞍扒簡單用鹽同黑椒醃已經好夠味，煎至金黃色，好多肉汁，口感嫩滑帶點爽，完全唔鞋口；另外有薯角、沙律菜做配菜。

-🔸芝士焗西蘭花 $68🔸威爾斯羊仔扒 $188🔸烤焗海鮮拼盤 $298🔸美國中碼生蠔 $50/6隻🔸易飲果甜南非白酒 $198-琴晚朋友話想食生蠔，帶佢嚟呢間超抵食嘅西餐，原來尖沙咀都有分店呢！叫咗支果味較重嘅白酒，再加$50換購半打美國中碼生蠔，隻隻都又大隻又肥美，真係超抵食吖！今次都係encore海鮮拼盤，成個plate有晒芝士焗龍蝦、牛油蒜蓉焗虎蝦、芝士焗扇貝、蒜蓉翡翠螺、同芝士黑松露焗大啡菇，朋友都話價錢超值、新鮮又好味～今次叫咗芝士焗西蘭花，成棵西蘭花咁焗真係第一次見，所以份量好多又新鮮，加埋芝士焗係冇得輸啊！今晚再試埋羊仔架，羊肉烤得恰到好處，肉質軟稔唔會過火喉，調味簡單更食到羊本身特有嘅羶味，旁邊亦有配上薄荷醬增加風味。

前排食過呢間高質餐廳，確實一試難忘😻個中學老死又話想試，咁就決定去呢間餐廳分店再食過夠😂Rhanleigh chardonny $198 +優惠$50/6隻 美國中碼生豪食飯首先梗係叫枝白酒飲下先啦～呢隻白酒拎出來十分冰凍，飲落清甜易人口，加埋佢個優惠$50/6隻美國中碼生蠔，隻隻新鮮肥美大大隻，超有鮮味，兩樣一起食超夾啊～威爾斯羊仔架$188羊架質素很高，而且烤得香口，肉質仍保留到嫩滑，羊膻味仲好突出，羊迷必點！烤焗海鮮併盤$298燒海蝦外面燒得好香口，食落蝦肉爽新鮮彈牙，凡立貝大大隻，又係烤到金黃色，得兩隻唔夠候啊～最後，龍蝦新彈口，食落龍蝦獨有既味道很濃烈👍芝士焗西蘭花$68西蘭花一向都係我鍾意既蔬菜之一😍芝士焗到有焦香味道，而且芝士熱辣辣仲慢慢咁融化係西蘭花到，食落芝味突出又有流心邪惡感覺～

今日是女兒生日，我一早book定尖沙咀season plus 同佢慶生。餐廳主打西式,海鮮,酒吧,蠔吧等美食。環境靜中帶旺，座位寬敞舒適，是一個休閒舒適的聚會的地點。南非生蠔：新鮮空運！ 海水味淡，味道清甜，肉質爽口又厚肉 。烤焗海鮮拼盤用料好豐富，芝士焗原隻龍蝦：原隻龍蝦舖上芝士烤焗， 芝士多到足以拉絲， 濃香芝味四溢。芝士味重，但又唔會掩蓋龍蝦鮮甜味，蝦肉很彈牙！巴馬臣芝士焗扇貝：扇貝好大隻，超多芝士鋪滿扇貝面，焗到金黃色，又香又鮮甜。牛油蒜蓉焗虎蝦：牛油和蒜蓉真係絕配，用嚟焗海鮮係最惹味，虎蝦夠大隻，鮮甜美味！蒜蓉翡翠螺：味道爽口帶蒜香。芝士黑松露焗大蘑菇：大蘑菇厚肉有汁，芝士可以拉絲，加入黑松露增加不少香味！

陪朋友喺尖沙咀試婚紗，試完梗係食餐好啦，行行吓行到去山林道，見到呢間高質嘅海鮮餐廳，入去慶祝吓先🤪🤪一入到去已經爆曬場，睇嚟應該好高質🤗🤗因為今日揸咗車所以就飲唔到酒，冇白酒又點配生蠔呢🤫唯有食其他😋😋🔸芝士牛油焗日本元貝，芝士味濃郁，有埋拉絲既效果🤫扇貝好鮮甜同嫩滑😋🔸牛油焗比目魚扒，煎得啱啱好，魚皮好脆口呀，保留着啖啖魚香🤗🤗🔸精選沙律拼盤，有挪威煙三文魚，巴馬火腿，有機沙律菜，法式凍熟蝦，超級豐富，因為真係勁大盤，啱晒我平時好少食菜。🔸西班牙厚切黑毛豬鞍扒😋需時35分鐘，好高質，入口相當濃郁，豬鞍近梅頭位置，所以食落口感帶點爽，香煎都能保存肉質彈性和肉汁😍😍

相約了朋友到尖沙咀Season Plus進食晚餐，我們都是第一次去這間餐廳，不知道原來它的位置有點兒難找，我們都找了一會才找到！雖然餐廳主打生蠔，但我們那晚沒太大意欲，反而叫了不同的海鮮食～白酒煮蜆頗有驚喜，分量多，調味不錯，肉質亦鮮嫩。牛油焗比目魚分量比想像中多，兩大塊比目魚，用牛油煎香，味道正常，但抵食～烤焗海鮮拼盤最期待這一份！有一整隻龍蝦，扇貝，螺，還有芝士焗大啡菇，真的一次過滿足多個願望！龍蝦的蝦膏飽滿，肉質稍為熟了一些，但都算新鮮。芝士焗扇貝和大啡菇都值得一試，大啡菇很juicy,很想encore呢！炸薯角朋友想食，份量多得誇張，味道也不錯，炸得香脆一口和牛粒和牛肉質肥美，一口一粒，很是滋味飲品叫了雜果賓治和菠蘿梳打，都很解渴～

Season Plus 尖沙咀山林道52號環海大廈一期地下A及E舖，係山林道盡頭，一路行一路以為行錯，位置都幾隱蔽，自成一角。餐廳有室外，露天座位，環境非常闊落，燈光昏暗，同一大班朋友或者情侶黎談下心都係一個唔錯選擇。烤焗海鮮拼盤-有一隻芝士焗原隻龍蝦、巴馬臣芝士焗扇貝2隻、蒜蓉焗翡翠螺、芝士焗黑松露大蘑菇一隻、牛油蒜蓉焗虎蝦2隻，賣相非常吸引。海鮮新鮮，龍蝦大大隻，好多膏，龍蝦肉口感較實在，其他海鮮都焗得相當入味，虎蝦爽口彈牙，另外芝士焗黑松露大蘑菇，菇味香濃，一咬落去d汁出晒黎，口感好juicy 。日式佐酒枝豆炸美國薯條配黑松露芝士醬-份量相當驚人，真係好大兜，薯條炸到金黃香脆，即叫即炸。菠蘿梳打（$28）夠大杯

第一次去呢間餐廳!!個環境幾好，好似世外桃園咁~~~阿魚提醒：不過記得要行到山林道最尾，見到華美達酒店，再轉右有條樓梯上去，上到去就會見到~~一坐低當然要食9蚊一隻生蠔!!!!重要係南非蠔!!!阿魚最中意就係南非蠔!!!因為蠔味既餘韻好重，金屬同海水味並兼!!!真係好好食!!!另外，如果有叫酒就可以50蚊叫12隻!!! 重抵!!!阿魚同朋友就叫左 Moscato 中意甜酒既朋友可以試下~^^海鮮拼盤($298)都好驚喜~~竟然有芝士大啡菇!!好多汁好正!!龍蝦同扇貝都好大隻!!! 至於，安格斯牛扒5成剛剛好😆😆!!! ($248)食飽飽就可以飲下酒，傾下計!!!我地重叫個炸物拼盤送下酒都正!!! 炸蠔好 juicy!!!p.s 如果想叫仼飲嘅話，留意返！要先叫2個小食，先可以叫仼飲的～～Season Plus地址：尖沙咀山林道52號環海大廈一期地下A及E舖（港鐵佐敦站 D 出口, 步行約7分鐘）電話號碼：26200385營業時間：星期一至四 15:00 - 23:00 星期五至六 15:00 - 00:00 星期日 15:00 - 23:00

山林道出面的食肆也得多要不是家姐帶路也不知道這間隱世的食肆想不到環境意外寬敝及舒適還主打新鮮海產及酒類煙三文魚明太子意粉 - $128煙三文魚以輕鹽醃製，保留魚肉本味，帶一層薄薄的煙香，味道份外濃烈魚肉較有彈性，口感肥美豐滿，肉香久久不散明太子是不辣、顏色較淡的那種，濃郁奶香、口感綿密美國特級安格斯肉眼 - $248肉眼扒大理石紋油脂分佈多，肉質香濃嫩滑，瘦肉和肥肉兼有安格斯牛肉更有牛肉味，煎烤味道更香牛肉有嫩度，還可以感受到肉裡油脂化開的甜美入口嫩滑多汁，重牛味還配外脆內嫩的炸薯角及清新沙律唐揚手羽雞翼 - $48六隻熱騰騰的炸雞外面炸皮薄且酥脆，入面雞肉水潤嫩滑，鮮美的雞肉汁忍不住流出來零系可口可樂&雪碧 - $18/1本身冰凍的汽水，另外奉上冰塊，份外清爽