影片
港鐵佐敦站 D 出口, 步行約4分鐘
繼續閱讀
電話號碼
23102922
開飯介紹
由資深埃及主廚帶領團隊，炮製高質且定價合理的黎巴嫩菜；裝潢以藍色、黃色為主調，配合民族風咕𠱸、花飾等佈置，打卡充滿特色。
繼續閱讀
營業時間
今日營業
11:30 - 00:00
星期一至四
11:30 - 15:00
17:30 - 22:30
星期五
11:30 - 15:00
17:30 - 00:00
星期六
11:30 - 00:00
星期日
11:30 - 22:30
以上資料只供參考, 請與餐廳確認詳情
有關餐廳
有關獎賞計劃
優惠
相關文章
今次聽🐧🐧 朋友仔介紹，少有地試下平時好少食嘅黎巴嫩菜😋 餐廳裝修充滿異國風情😍 牆身以鮮明嘅藍白間條作主題，設計獨特雅緻嘅燈飾，加上天花上佈滿大量植物花奔，令人好似置身於黎巴嫩花園一般🥰 好chill❤️首先㨂咗款餐廳推薦嘅主食😋 雞肉乳酪煮飯🤩🌟 米飯配搭特調嘅風味乳酪醬，再混合雞肉、雜豆等配料，食落酸酸地充滿奶香，清新又開胃🌟 特別配多一份薯條🥴 薯條新鮮炸起，全部又粗又長份量十足👍 配以茄汁和沙律醬兩款經典必備醬料👍 真係好惹味❤️ 🐧 一場黎到，當然要試勻曬佢哋嘅地道特色甜品😈❤️ 首先試咗黎巴嫩法式多士😍 多士炸得外酥內嫩😋 油香而不膩👍 表面和內餡塗滿香滑甜美嘅忌廉同埋果醬😍❤️ 滋味滿分😋 蜂蜜芝士焦糖餅嘅口感好特別👍 外層一絲絲嘅粗糙質感，與內裡煙韌軟糯嘅餡料形成鮮明對比，令人意外地食不停口🤤 入口味道甜蜜蜜中又帶有芝士嘅鹹香，好正👍 米布甸食落，每一啖都能感受到米粒分明，有點似泰式甜品糯米飯嘅滋味，奶香中帶有一絲微甜，值得一試👍🐧❣️聽職員講，餐廳不定時會有肚皮舞表演tim👯♀️ 有機會一定要朝聖下🥴
繼續閱讀
👭🏻孖妹第一次食黎巴嫩菜，山林道一向都多嘢食，門面以深藍色為主調，入到去係另一個世界🤪天花板掛左好colorful花草，牆身有馬賽克磚形造異果風情感，環境極舒適餐廳員工都熱情主動，聽聞主廚係海外Sheraton 酒店主廚😇食身質素一定有保證！餐廳仲會有肚皮舞表演添🔸🔹🔸🔹🔸🔹🔸🔹🔸🔹🔸🔹🔸🔹🥢迷你菠菜松子仁酥角 💰98用上紫洋蔥粒、紅石榴、松子仁、醃製過嘅菠菜餡料，外觀望落好似帽仔好得意😂酥皮整得夠薄身又不失酥脆口感，餡料好足好飽滿👍🏻🥢黎巴嫩雞肉卷 💰198主要材料有雞胸肉卷、雜錦堅果、黎巴嫩飯，雞肉外層類近腐皮卷，以半煎焗方式煮熟，雞肉十分軟嫩黎巴嫩飯以印度米同松子仁煮，濕度高令飯粒增加黏糯口感，另外配上番茄莎莎醬汁，增添清新口味🥢肉眼沙威瑪 💰178牛肉眼切成細長肉條，以紅椒、青椒作配料，牛肉保持嫩滑多汁，聞落好香中東香料味，味道較濃郁，中間放上黎巴嫩炒飯，配上加入橄欖油花生麻醬汁，牛肉香濃同麻醬中和balance，或者可以揀薯條作side dish 🥢黎巴嫩法式多士 💰98👷🏻♀️細孖極力推介！厚方包浸滿牛奶蛋漿，煎至外皮焦黃酥脆，兩塊包中間塗上乳酪、面加左椰棗蓉甜汁以鮮忌廉同薄荷葉裝飾，再灑上開心果碎、藍莓、提子乾，白色包部份好蓬鬆柔軟，入口奶油味十足，甜酸甜酸唔會太甜！🥢紅酒🔸🔹🔸🔹🔸🔹🔸🔹🔸🔹🔸🔹🔸🔹💰人均消費：$300
繼續閱讀
今次初嚐黎巴嫩菜🇱🇧😍到訪位於尖沙咀山林道既一間餐廳同朋友食晚飯👭入到去被餐廳既環境佈置所吸引🤩天花板垂吊住色彩繽紛既花草，超美！！有種世外桃源既感覺😚另外，餐廳亦用左阿拉伯式吊燈、牆身以黃藍相間，充滿民族風情，異國氣氛濃厚✨✨好喜歡呢度既環境設計🥰令人可以放鬆住咁用餐！因為第一次食黎巴嫩菜，一開頭對食咩冇咩頭緒～後來店員過來介紹一下食物，感覺到服務態度熱情❤️❥ Chicken Fatteh 雞肉乳酪飯 $168將雞肉同乳酪醬淋上白飯上，再混合松子仁、原粒鷹咀豆同自家製脆片，每啖飯都帶有微酸感，食落有咬口，夠晒開胃！❥ Lebanese Style Chicken Roll 黎巴嫩雞肉卷 $188有驚喜😚雞肉卷裡面包住黎巴嫩飯🍚雞肉十分軟嫩，內裡既飯有少少似糯米卷，有種黏糯既感覺，經過調味後好香口入味✨❥ Lebanese French Toast with Brioche 黎巴嫩法式多士 $98多士外脆內軟，加左椰棗蓉甜汁，另外再灑上開心果碎同藍莓🫐，賣相好靚，食落有層次感，味道唔會太甜！
繼續閱讀
第二次食黎巴嫩菜，而今次嚟到尖沙咀嘅山林道，行入少少有間黎巴嫩菜，入邊環境好似花園一樣，個天花板佈滿一朵朵嘅花朵、成個環境彷彿進入咗黎巴嫩花園嘅感覺每款食物味道都極具黎巴嫩嘅特色，加埋餐廳環境，同所有店員都是外國人，食住野就有異國風情的感覺念台- 羊肉鷹嘴豆蓉呢個係前菜嚟，不過其實2個人食完個前菜都幾飽，感覺類似薯蓉，上面鋪滿羊肉粒，見到中間仲有啲幾香的油，食法係撈埋一齊放喺麵包同埋脆片上面，味道都幾好而且佢嗰啲比較特別嘅香料味，其實一開始食落去都幾滿意- 地中海慢燉牛肋骨牛肋骨燉到好淋，部份中間有肥肉的位置有少少溶化，一舊牛少少地2個人都夠，太多會好飽念牛肉味都好出，而且個底放左啲好奇特的薯蓉，第一次食到薯蓉酸酸地，可能檸檬味？隱約夾雜住有香草味，其實都幾有趣- 羊肉串 Lamb Kofta睇中文以為佢係串燒，其實唔係兮佢有一塊薄餅，上面鋪滿四大舊羊肉，佢唔係原條羊肉嚟，似係羊肉碎醬整做一條條②呢碟嘢都幾飽，隔離仲會配咗啲青椒紅椒洋蔥做配菜，你可以分開只食羊肉，亦都可以包住薄餅，當佢卡巴咁食，佢亦都配咗一個醬，類似平時食卡巴嗰啲醬都算幾好.- 米布甸佢唔係我哋平時食一嚿嚿嘅日式布甸，佢係似係用米飯再加啲牛奶，再加少量果仁同埋肉桂粉，質感有啲似芝麻糊，但帶點有口感的米飯、感覺又係幾特別..
繼續閱讀
朋友生日聚餐，揀左呢間好特別既黎巴嫩餐廳 RUE DU LIBAN，黎巴嫩野第一次食，滿心期待。店內環境好靚，滿佈花海，充滿異國風情，岩晒一班女人打卡。😍整體覺得黎巴嫩菜味道配搭好特別，味道都算濃，所有菜式都幾開胃，食落都唔會覺得太heavy。松露鷹嘴豆蓉，係凍既 ，沾面包同脆片食 ，好冇口感又開胃。香烤8爪魚，雖然份量唔算大 ，但好彈牙 ，好鮮味， 值得一試。雞肉乳酪煮飯，第一次食帶咁refreshing 既飯，有乳香但帶少少甜酸味。慢燉牛肋骨，意外地香軟幼滑，仲好入味啊。
繼續閱讀