紅豆烘焙 (華美大廈)

。沙翁 $9/隻呢隻沙翁真係超級大隻，大過我拳頭😂一拎上手已經聞到陣陣蛋香～外層微脆，入面係濕潤軟熟嘅口感，係好食嘅沙翁！依家喺街見到嘅傳統小食越嚟越少，有緣遇到都值得買一件試吓！…查看更多

👨🏻‍🍳紅豆烘焙 (華美大廈) (旺角)📍旺角上海街520A-522號華美大廈地下A2-A3號舖 「開心果燒餅好食🤤」 肚餓入去買個包食，見到👍🏻🍽️開心果燒餅😻爆多開心果餡料😻 👍🏻🍽️腸仔豬柳牛角包超脆牛角包，有童年懷舊麵包舖既味道🤤 兩樣加埋$28🙈 — 之前買過酥皮菠蘿包，系幾脆既菠蘿皮，不過麵包既質感忘了🙈 豬柳包，豬柳有童年既味道，不過都系忘了包既質感同味道🤣有機會再食再記錄返🙈 #紅豆烘焙 #香港麵包關注組 #香港麵包店 #開心果燒餅 #arigato_旺角 #香港麵包 #香港烘焙 …查看更多

去左旺角食放題，順便買D包返屋企做第二朝早餐因為要擺到去第二朝，所以盡量都揀啲冇餡嘅包，冇咁容易壞見到啲麵包嘅價錢都唔算太貴，食完飯睇太飽啦，所以冇食到招牌嘅布丁麵包黑芝麻合桃包$12黑芝麻合桃包好大個，都只不過係買$12個麵包需要係黑芝麻咁嘅色，但係唔係好食到黑芝麻味，不過包體整體嚟講甜甜地幾鬆軟合桃同埋提子乾嘅份量唔係好多，間唔中分布咗系麵包中間，叫做點綴咗個麵包香蕉蛋糕$7香蕉蛋糕個質地偏鬆散，香蕉味唔太出不過$7 舊香蕉蛋糕，已經對得住個價錢…查看更多

有日路過，試咗佢哋呢個開心果糯米糍。之後，成日都念念不忘，間唔中就會再去幫襯。佢哋呢個開心果糯米糍，好大粒，非常之彈牙，當然都係甜啦，但係冇想像中咁「超級甜」，可能因為開心果餡料好充足，感覺上係好足夠果仁嘅味道。裏面亦有啲椰絲，非常之足料，香香甜甜，$12/一個。個糯米糍外皮亦都好煙靭，滿足咗我對糯米糍嘅慾望，但係當然都係少食多滋味🤣。但係，都要留意返，唔係成日都有㗎。好食嘅嘢就係容易啲賣晒🙈。…查看更多

買咗蛋撻、老婆餅、同埋提子麥包。食物正正常常，但店員就唔係太老實。現場見到有麵包出爐，就問店員佢啲蛋撻係咪都係啱啱出爐，店員答我係啱啱出，所以我就買咗。但一拎上手，蛋撻只係暖暖地，食落去，係微溫。其實本來唔係啱啱新鮮出爐都唔係問題，但唔應該誤導顧客，好似為求快啲去貨而誤導人咁。佢個老婆餅，熱過個蛋撻，味道幾好。個涵唔會太甜，層皮都幾好食。提子麥包一般，唔係好鬆軟嗰種，偏硬，都勉強算正正常常，但就抵食，大大個$12。…查看更多