Proton

營業中

休息中

放假同家姐去咗食一間想食好耐嘅Cafe😆好近屋企，而且聽朋友講話幾正，lunch set好抵食😃lunch set 會有埋餐湯同餐包，餐包上面有蒜蓉牛油，烘得脆，好好食。餐湯係蘑菇湯，好足料好多蘑菇打碎左，成個湯好濃郁。烤澳洲牛肉眼扒 $128我唔鍾意太熟所以揀咗五成，出到嚟煮得啱啱好，切開牛肉粉嫩，唔會太鞋。份量好多，大大件牛扒，薯條質素亦都好高，完全炸透曬，脆卜卜好好味😋烤西班牙豬鞍配時令蔬菜 $168賣相真係好掂😌食落去同樣好正，肉質鮮嫩，邊邊位焗到有少少脆，整體感覺都好好。兩件大大件，幾抵食。嘢飲非常推介 fruit bomb，咖啡味唔會太重，飲落水果味道好出，啱晒打卡🥰最重要係佢賣相好靚，好似杯cocktail另外要咗黑糖鮮奶咖啡，個拉花勁靚，好複雜嘅海馬。而且佢哋非常足料杯咖啡喺滿到就瀉😱好在職員夠定力，拎過嚟都冇事，好靚呀~非常值得一讚係員工勁好禮貌，好細心咁俾多啲紙巾，同埋勁快就幫我哋收碟，服務態度好好!!😃一定會再幫襯

🤎Proton (元朗)🧸元朗教育路83號地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️行過好多次，都冇入過呢間餐廳因為每一次都好多人😭今日特登book咗12:00一開門就黎唔怕冇位坐🫣職員嘅服務真係超級好😍非常周到😚煙肉、肉腸、煙鴨胸、茄醬手打意大利麵🍝 $86我之前好怕食手打意大利麵，那好怕人哋整出嚟唔好食😵‍💫畢竟以前試過伏🥵今次竟然令我覺得非常意外，打出嚟嘅意大利粉好似烏冬咁，軟硬適中。加埋蕃茄醬酸酸甜甜之外仲非常掛汁😋除此之外我幾鍾意佢加埋煙鴨胸，好少意粉會用鴨胸做配搭。鴨胸黑椒味略重，好特別👍🏻阿拉斯加蟹肉、牛油果、龍蝦沙律牛油包薯條🦀 $86蟹肉嘅份量都唔孤寒，不過兩個包疊住左可能下面嘅醬汁比上面嗰塊吸收左🤔我覺得分開少少擺可能味道更加好🤫首先個龍蝦沙律醬加埋牛油果蓉我覺得超級搭🤭個包唔會太硬身同乾，我覺得比較易消化同埋唔會咁Heavy😬薯條都係粗薯條一上枱就已經聞到好香嘅BBQ粉味😝仲有我哋食晒其他嘢再食薯條都仲係脆😍太厲害了👍🏻以上兩個午市套餐已經包咗餐包、餐湯同埋餐飲半價👍🏻又係我最愛嘅南瓜湯😍我覺得佢個南瓜湯好好飲，因為有南瓜蓉同埋佢落咗少少黑椒😆勁香即焗法

晚市無堂食成日搞到想揾間環境好啲既西餐嘆下晚餐都無，好彩呢間有做外賣餐，咁我都可以係屋企享受一下西餐既感覺👩🏻‍❤️‍👨🏻。🐒外賣自取套餐(免加一)連餐湯/沙律👉🏻虎蝦、阿拉斯加蟹肉、蟹膏手工麵💰$98So far係我食過最好食嘅意粉，先唔講佢手工意粉個個口感，淨係講料都可以讚不絕口🦞虎蝦新鮮彈牙，蟹肉同蟹膏係mix埋個醬一齊炒，但完全無蟹膏既腥味，反而係令醬汁更creamy，係每一啖都有絲絲蟹肉既高級享受😚。👉🏻虎蝦，蘆筍龍蝦汁手工麵💰$108呢個配料同調味就單純啲，但勝在個龍蝦汁同油香味夠重，而呢個就比較蟹肉意粉乾身🦐手工意粉係偏粗扁身，所以表面掛到汁之餘又唔會搞到個意粉口感淋哂，果然手工意粉係有佢既獨特之處🍝。👉🏻餐湯(蘑菇湯)👉🏻沙律(油醋火腿火箭菜沙律)即使係Appetiser都完全有水準，湯濃郁，沙律新鮮仲有一整塊Parma ham🥗🥓絕對唔係hea你。果日去到都full house, 因為環境真係唔錯，門口都有位可以帶埋毛孩同三五知己一齊聚一聚🍻下次都想試埋佢嘅甜品！小店值得支持💪🏽

元朗的 PROTON CAFE是間工業風寵物友善咖啡店! 有毛孩的朋友仔，歡迎帶你家的毛孩來嘆咖啡唷～ 餐廳走型格裝潢，有室外室內坐位。而食物質素不錯，成為年輕人受歡迎的聚腳點。煙三文魚牛油果忌廉芝士ʙᴀɢᴇʟ $88曾經有一段時間，我極度喜歡吃ʙᴀɢᴇʟ。大大個ʙᴀɢᴇʟ夾著煙三文魚、牛油果、牛油果醬和生菜，賣相吸引。ʙᴀɢᴇʟ軟熟，嚼勁不高，味道不錯。蘆筍粟米車厘茄野菌菠菜手打麵 $88超級推介這個素食手打麵，超級好吃! 麵條像烏冬，口感彈滑，大量的甜粟，令層次升華不少。蜜糖芥末雞翼 $60香脆又多汁的蜜糖芥末雞翼同樣有驚喜!外層酥脆，肉汁豐富，好吃呢～

今日同朋友嚟到元朗教育路呢間叫做Proton嘅Cafe食lunch，雖然係平日一點，但係成間店舖都滿晒人，好受街坊歡迎。餐廳環境係水泥牆，有少少工業風，俾人感覺舒服乾淨。lunch set包湯/沙津，如果揀指定飲品仲有半價，不過我同朋友最後就冇揀到指定飲品，而係叫咗雜果乾冷萃咖啡同薄荷西柚梳打。食物方面就揀咗西冷牛扒配薯菜同蟹肉牛油果龍蝦沙律牛油包配薯菜。西冷牛扒一上，份量十足，牛扒我怕生，所以揀咗七成熟，都唔會韌，好食。蟹肉牛油果龍蝦沙律牛油包望落細細份，食落都非常飽肚，味道都唔錯。兩道菜比較熱然，我個人比較鍾意西冷牛扒，呢個價錢真係幾抵食。嘢飲方面，薄荷西柚梳打嘅西柚味非常濃，薄荷味就比較淡少少，但都幾好飲。雜果乾冷萃咖啡好清新，如果飲咖啡唔鍾意有奶，但係又唔想咁苦，呢個真係非常好嘅選擇，好滿意。

ෆ⃛ Proton ෆ⃛元朗區一直都好多野食，基本上你想食啲咩嘅菜式都可以喺度搵到٩(๑˃̵ᴗ˂̵)و，今次就去咗間水泥牆裝修style嘅Cafe，枱頭有啲乾花又帶點清新嘅感覺🌸♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 煙三文魚野菌手打意大利麵 $88 ♪ 主要都係忌廉同煙三文魚帶出嘅鮮味，醬汁嘅稀杰度啱啱好🧈每條意粉都掛到醬汁，野菌仲可以增加纖維🌱而手打意粉比普通意粉更加煙韌彈牙，食落飽足感更高，一個女仔食晒好夠飽( ˊᵕˋ )♡.°⑅ᗦ↞︎◃︎ 值quota指數: ✿✿✿.5 / 5 Hojicha latte $44 ♪ 仲有杯冇獨照嘅焙茶latte🤣🤣熱嘅面頭仲有拉花，牛奶比例恰到好處，而且整體好濃郁所以有少少粉感，但回甘係好足夠的！ᗦ↞︎◃︎ 值quota指數: ✿✿✿✿ / 5✎ 總括：係元朗區比較少見嘅手打意粉，而且仲有好多food choice 🥩🍔🧇可以試試٩ ۶ෆ̈ Proton (元朗)✇ 地址：元朗教育路83號地舖

今日喺元朗經過呢間餐廳 佢平時午市都幾多人幫襯 係一間好文青嘅Cafe😆😆😆 依家晚市就主力做意粉同漢堡嘅外賣 雖然選擇少咗 但價錢都幾吸引✨✨✨佢呢度嘅意粉係手工意大利麵 好有心思🙈🙈🙈餐廳都幾闊落 裝修主要以灰色同金色為主 現代工業風設計🤤🤤🤤我哋叫咗冬陰功海鮮手工麵 意大利麵咬落彈牙 冬陰功嘅味好濃郁 海鮮有青口蝦蜆肉等等 都幾新鮮👍🏻👍🏻👍🏻值得一讚嘅係佢轉左外賣盒包裝 份量比上一次嚟食嘅多😍😍😍我哋再叫咗個虎蝦阿拉斯加蟹肉蟹膏手工麵 佢個醬汁有好濃烈嘅蟹膏味 好鍾意☺️☺️☺️我哋仲叫咗一個香脆煙肉安格斯漢堡配薯條 咬落好又肉汁 薯條熱辣辣🥺🥺每個餐都會送沙律或者餐湯 今日嘅湯係蘑菇忌廉湯😋😚😚

裝修簡約時尚，舖面很易找。Set Lunch 非常抵食，配麵包、餐湯或沙律。 友人點了是日餐湯，野菌湯，偷喝了一口，味道像羅宋湯，不過打得很細膩，像凍湯的口感。而我點的沙律十分開胃，先是不「頹靡」的碟子，然後是除了一般雜果還加入了柚子，沙律菜也很新鮮。➀ 蒜烤澳洲西冷牛扒配薯菜 | $138七成熟，剛剛好，不會因為餘溫而過熟，大塊厚肉，吃了一半已經有些飽肚，入口軟嫩，美中不足的是最近天氣太冷，肉很快冷掉。薯菜不是普通的曲薯條，上桌時依然很脆。➁ 阿拉斯加蟹肉牛油果龍蝦沙律牛油包配薯條 | $86大份抵食，蟹肉給得依然慷慨，龍蝦沙律有點搶味！整體是和諧可口的，不過個人傾向鹹的版本，Proton的麵包則比較甜。➂ 即焗比利時窩夫、榛子醬、鮮雜莓、雪糕 | $72原來Proton的Waffle並不普通，是最近很流行的Croffle（牛角包口感），淋上榛子醬。Croffle下面是椰子味雪糕，配著穀物片、雜莓和青蘋果吃，口感豐富。員工服務態度好好，即使當天客人很多，進入餐廳防疫程序繁複，他們也耐心解釋和回應客人的要求。題外話：餐廳附近的馬路抄牌抄得很密，建議不要以身試法。

What a surprisingly wonderful restaurant in Causeway Bay😍值得推介👍🏻The decoration is beautiful and stunning 🤩 it is also very eye-catching too ～it’s super coolWe ordered this 蟹肉蝦意粉, seafood full of protein. We love the taste so much ❤️💖 Of coz , we won’t miss this signature dish- Salmon 🍣 Avocado 🥑 bagel 🥯 😋 very yummy ~ must give it a try 👍🏻 the French fries 🍟 are crispy too.It is quite full for 2 ppl 👍🏻 the environment is suitable for dating also 😊The matcha 🍵 latte is good !!!

疫情下無得出街食，經常叫外賣。今日就試下呢間意粉，價錢中等，睇到食評都幾好，有少少期待。食落意粉好淋，好似食緊平價烏冬咁，同食評所講的軟硬適中手工意粉係兩回事。唔知係外賣嘅因素影響定本身都係咁，但我哋食咗一盒龍蝦汁虎蝦意粉就唔想食另一盒蟹肉意粉，試左少少個味好難食。雞翼麻麻地，青口正常雪藏貨素質，同價錢成正比。成餐最好係個湯，有啲菇碎，味道都唔錯。如果你話手工意粉係咁嘅口感，咁呢度嘅手工意粉就真係差啦，比起一般50蚊個嘅意粉質素還要差。性價比低。

Proton其實唔係第一次黎, 之前黎都係堂食, 好中意佢地煮野做整得有誠意, 而且員工又親切！今次夜晚時間黎冇得堂食照樣幫襯佢哋外賣支持一下, 諗咩諗其實從來未買過Cafe形式嘅餐廳外賣😆1/ 虎蝦, 阿拉斯加蟹肉, 蟹膏手工麵🍤🦀$98整個麵底為手工製作好有誠意! 四隻大蝦配上蟹肉+蟹膏整成既汁, 令整件事昇華👍🏾2/ 黑松露煙三文魚手工麵🐟🍄 $88同樣地整個麵底都係手工製作, 三文魚嘅材料睇相都見到非常慷慨, 汁味亦濃郁而且均勻😋3/ 鮮奶培茶☕️ $42自從某次試過培茶就立即愛上呢個口味, 你杯鮮奶培茶有好香濃嘅茶味, 不過可能拎到返屋企都一段時間所以返去記得搞一搞個底佢黎飲⚠️4/ 京都鮮奶抺茶🍵 $44用日本奶製配上抺茶, 清爽而且飲完唔會好飽👍🏾

環境不錯，位與位之間不逼狹。店員、廚師不多，但有效率，點菜、上菜都很快。➀ 阿拉斯加蟹肉、虎蝦粉紅汁手打意大利麵蟹肉給得慷慨，吃到最後，還有剩蟹肉醬汁，但蟹味不突出。手工意粉口感彈牙，亦僅此而已。虎蝦雖則彈牙，但有一絲是未熟透的感覺。見OpenRice食評，很多人推介這品項，可能是我今天不幸運，我覺得頗普通。➁ 意式濃朱古力不建議點這杯朱古力，因為完全不濃！應該只比茶餐廳的濃一點～* 整體來說，食物確實很普通，除了可以坐得久一點外，應該不會有再訪的原因。

今日返工太攰夜晚唔係咁想煮飯就買咗呢間餐廳嘅意粉返去做晚飯之前同朋友都喺度飲過咖啡同埋食嗰啲輕食覺得唔錯 見佢有啲外賣晚餐套餐就決定嚟試下 佢嘅套餐仲可以揀沙律或者係餐湯，天氣凍就揀咗湯，今日嘅湯係野菌湯入邊係非常滿滿嘅野菌攪拌製成，非常濃郁，香味撲鼻至於意粉我哋揀咗虎蝦，阿拉斯加蟹肉蟹膏手工義大利麵；虎蝦蘆筍龍蝦汁手工義大利麵；煙鴨胸野菌pesto忌廉手工意大利粉呢度嘅手工意粉，比意粉較有咬口，食起嚟比平時嘅意粉粗但又畀闊條麵窄身，比起扁意粉又更有厚度，食起嚟我覺得係非常掛汁同埋吸汁，好味道而三款意粉裏面，我哋各人都有唔同嘅喜好，個人覺得加咗阿拉斯加蟹肉蟹膏嘅意粉味道濃郁 ，一絲絲蟹肉亦增加咗口感朋友就非常鍾意龍蝦汁嘅味道，佢話就算淨係醬汁炒意粉都已經令佢非常滿意，加蘆筍又係佢鐘意嘅食材，讚淨pesto醬個人就覺得太濃味，加入野菌同忌廉平衡下，味道層次豐富，鴨胸同埋野菌嘅份量十足，大滿足！希望餐廳快啲可以有返夜晚堂食，到時再嚟佢咁有型格嘅環境食美味嘅意粉！

元朗出名多嘢食呢個我諗冇人我會反對以我認知近元朗站又新街嗰邊會多嘢食啲原來依家近朗屏站教育路嗰邊仲多嘢食🙈🤪小編見識未夠多😂😂🤣呢間PROTON門面已經好吸引有一張古典嘅沙發打卡一流 裏面先用咗唔同嘅燈光效果投射出嚟嘅光源我覺得有啲似M+😗🤩✨✨✨✨我鍾意食環境嘅人呢間選擇呢間係一個不錯嘅選擇叫咗個阿拉斯加蟹肉大蝦手工意大利麵 🦀️ 蟹肉碎混入左醬汁裏面配埋四隻大蝦個手工意大利麵比普通嘅意大利粉粗少少口感幾好 杯意大利朱古力好邪惡😆🤣重朱古力🍫味 飲完變北極熊🐻‍❄️ 唔會凍☺️55度黑松露蛋糕配雪糕呢個簡直係藝術品嚟 極得好精緻精緻得來又唔會太細份 變咗法國小菜🤣松露朱古力食完個口有些少酒味Nice🧚🏻‍♂️

-𝙋𝙧𝙤𝙩𝙤𝙣 💕近排啲cafe 開到周圍都係 元朗都唔例外身為大西北牛牛 當然要explore 下元朗既今次就揀左呢間偏向工業風既 Proton 成間餐廳都係以灰色水泥做主調 門口仲有個特色“射燈”牆 畀人打卡等位果陣仲見到啲著得令令既姐姐們瘋狂影相📸另外呢度仲歡迎小寵物一齊進食 所以當日都見到唔少人帶埋寵物黎hi tea 🍞M7和牛、俄羅斯椰菜、Brie芝士、酸種包薯條（$118）淨係睇個樣就知係有幾咁豐盛 其實有2塊包的和牛同椰菜既份量係非常有誠意✨食起上黎雖然有啲狼狽但好滿足 💕醬汁酸酸甜甜 所以好開胃 食晒全部都唔會覺得膩🍝阿拉斯加蟹肉、虎蝦粉紅汁手打意大利麵（$118）呢個意粉有驚喜 真心幾好食✨意粉軟硬適中 用蟹肉整既汁好足料配埋大大粒新鮮虎蝦 鮮味濃郁 必點💕🍵巴黎水果茶（$48）見到個名就好好奇 究竟咩叫巴黎水果茶原來係有洛神花 蘋果 士多啤梨 橙 薄荷等材料味道上酸酸甜甜 香氣怡人~