Pret A Manger (已結業)

唔見左一排終於出番啦!乳酪質地好creamy,本身冇咩甜味,撈埋酸酸甜甜既芒果醬同脆口既granola,真係好正! 好味過麥記最近出番既藍莓乳酪,不過當然價錢亦貴好多啦!

I like their chicken manago sandwich. quite special. half is enough for me to have lunch. pumpkin soupd is also good.

好鍾意朝早黎呢間pret,環境好舒服又乾淨,黎買下早餐真係人都精神o的! Pret既咖啡一向有水準,個人認為比同場既Starbucks,Pacific同Mccafe都要優勝,價錢不比其他貴,值得捧場!今朝再去發現之前最愛既草莓乾果乳酪冇左，換左蜜糖香蕉乾果乳酪同埋蘋果玉桂乳酪. 最後要左另一隻冇乾果既芒果乳酪布甸,幾thick但略甜,味道唔錯但都係有亁果好味d. Latte水準依舊,仲可以揀skim milk添,不過而家唔見有買咖啡送曲奇lu. 見佢新出左凍既咖啡系列,下次試下iced skim mocha 先~

好鐘意飲呢間的Latte, 好多泡, 好正! 最重要的是每一間的水準都一樣, 從未令我失望過, 三文治不過不失, 最愛牛油果松子, either sandwiche or wrap. 試過Panini一次, 好鹹﹐從此冇試過. 如果係尖東有一間就好啦! Delifrance 就多到氾濫...

平時食佢個小龍蝦三文治食得多, 但就從未試過wrap. 尋日唔想食咁多carbohydrate, 所以就一試個小龍蝦辣菠菜wrap. 雖然份量比三文治仲細, 但係就貴$2, 一個盛惠$38. 呢個wrap o既小龍蝦比三文治多好多, 不過唔知係咪個wrap要sell健康,雖然ingredients寫住有mayonnaise, 我差唔多完全搵唔到佢o既蹤影. 由於太少醬o既關係, 個wrap無乜味. 我覺得三文治好食d!

兩個月前到英國旅行食了不少Pret & Manger o既三文治和咖啡, 佢就好似老麥咁, 周街都係, 方便得很. 好欣賞佢可以做到一貫standard o既味道, 我可以話o係香港同英國味道都係一致. 相比眾咖啡連鎖店, 我覺得Pret & Manger 價錢比較合理, 又無Pacific coffee 咁淡, $22一杯可以飲個飽. 前日同友人做完gym 去食tea, 友人叫了Avocado, ham sandwich, 而我叫了tea set $26, 除左scone 外, 另可選牛角包danish. 我要了mocha, 泡沫好滑, 有朱古力香, 面頭o既朱古力粉呈星型, 正係pret & manger o既logo..對於小妹--一個咖啡朱古力包類愛好者, 一個tea set真係滿足我三個願望^_^! 個scone 其實幾細下,係大斑o既一半size. 鬆餅比較脆身(類似biscuit),亦又d 似以前KFC o個款鬆餅, anyway, 我正係鍾意呢個口味. 牛油味唔會太濃, 另有一小portion cream cheese "送" scone. o係呢個陽光普照, 悠閒

係呀... 我之前以為個芒果雞真係有芒果味... 點知D味怪怪地... 買左好後悔. 不過其他三文治真係好好味~ 至愛SuperClub~ 龍蝦仔辣波菜都幾好味~早餐佢有個煙三文魚Bun, 都好好味架! 仲要好平添~ 裡面好似都係有D蛋黃醬.仲有, 出左半件之後真係好正呢!! 可以雙拼~ 唔使次次買都諗得甘辛苦佢既三文治真係值三十蚊件! 又好食, D料又新鮮. (SuperClub 裡面既煙肉仲係脆架!!)

今日食左呢個香芒雞肉三文治做lunch,因為未試過,所以要了half size,(其實全份都幾大份..我次次都食唔晒....),本來想要雙料芝士果款,但係half size賣晒,所以試下新野..不過我覺得d未好古怪..又似又咸又甜咁,又有d杏仁碎係入面..d 味唔夾..知道要返脆味煙生蕃啦,我幾中意呢款,試過咁多種料,呢種我覺得最唔掂..好彩要左半份($18)

其實佢0係中環mtr station有一間,都好耐喇,可唔可以加番?

行過發覺佢而家出左半份三文治, 即係話allow人去買"雙拼", 好呀....p.s. 佢地有隻新o既玫瑰小龍蝦三文治, 聽落去有d怪, 唔知好唔好食?

星期日去睇matrix前嚟呢度醫肚,男友要左新出嘅Club panini同Strawberry + banana smoothie,我唔係好肚餓,只係買左盒芒果yoghurt個panini都幾大個幾多餡,有雞肉,脆煙肉,菜,蕃茄同厚厚mozarella cheese,幾正,若果可以grill耐啲等啲cheese溶多啲就仲正我杯yoghurt係分三層嘅,面頭有啲granola,中間係yoghurt而底係芒果醬,撈埋晒一齊食好好味,唔會太甜,granola又好好趙,正!!strawberry味都好正架臨走買左支mixed berries smoothie入戲院飲,點知原來好鬼酸,雖然我都鍾意食酸嘢,不過好似真係酸左啲喎...之前見隔離啲外藉人士叫嘅mocha同cappucino好似好香好正,下次試下先

如題..除左Sandwiches之外. Brownie朱古力磚好濃郁.外層夠脆.加埋杯Cafe Latte..Excellent~

款式多亦比oliver 特別,但一樣咁好味,好鍾意佢d 餐麥包, 推介mango chicken 同club sandwiches<br />海港城分店都開左啦!

金鐘都開o左間新的，<br>佢o地話自已的產品係新鮮同餡料特別，咪貪新鮮試下，其實都不外如是o者，同super sandwich 都差唔多。<br>後者還即買即做，份量還多，價錢還平過佢啦！

很多種類o既三文治, 餡料好新鮮~ 果汁又特別~ 貴就貴d, 不過好好味~