Pokéworld Express

營業中

休息中

下晏兩點幾，探朋友途經呢間野，鋪頭好開揚，感覺好fresh, 好，決定一試啦。先看看menu, 有自選base, sauce, protein & toppings, seasonings, drinks, 也有廚師精選的特定款式。由於經店員介紹，最後我選擇了廚師精選的「雞胸蛋糙米飯」。等了大約5分鐘，一盒美美的飯盒遞上，被吸引的飯盒顏色，紫藍色？唔理啦，太餓，要立即動餐。醬汁酸酸地，好開胃喎；雞胸又唔鞋，好味呢，店員果然無騙我；沙律菜新鮮甜；份量也剛好，夠飽呀！要再來試另外幾款。仲有呀，呢間餐廳走膠架，全部餐具都係用木，夠晒環保♻️呢！

呢間餐廳係我係office嘅健康選擇之一，今日黎manulife見客竟然俾我發現佢地係呢个角落開咗間分店🤔明顯呢度嘅menu係唔同咗，加左好多熟食，所以試下😋我叫咗糙米飯，辣柚子汁(my favourite),雞扒，烤西蘭花，車厘茄，烤南瓜，最後都係可以配啲免費seasoning，我最中意all in😎都幾好味咼，又健康，難得係觀塘有健康又好味嘅嘢食，但希望佢係上環都可以加多啲熱食就好啦😋😋

今日中午去咗宏利大廈度食poke lunch, 其實我一向都鍾意食poke呢一種食物，因為既健康又好食，而且係香港嘅食肆其實好難有健康之選擇！喺大部分餐廳食個餐通常都係得肉加少少粉面飯，或者飯加少少肉，想搵一個平衡有菜有肉有澱粉質嘅選擇真係唔多！Poke呢種食物本身就係好健康，有齊一餐所需要蔬菜肉類蛋白質，非肉類蛋白質同埋少量澱粉質嘅選擇！勁啱我！但我發現呢一間pokeworld HK express 更加好！一方面唔使次次食魚生咁凍，有超級多選擇，最緊要仲有熱誠，例如雞扒同埋牛扒仲有素食嘅烤菇tim! 我12:30去到，其實已經有好長隆排緊隊，我相信一定係好味所以先咁多人等！但係條龍都好快就可以買到，佢哋效率好高！咁當然最緊要就係食物質素啦！我叫咗個雞扒加毛豆加茄子同埋quinoa ，好開心有呢兩種高蛋白質嘅選擇！仲加埋食一半沙律同埋brown rice，好健康好好食！食完個lunch覺得自己好清新啊！絕對係健康之選！誠意推介推介推介!如果之後佢有買外賣送貨就好啦！