Plato Cafe & Bistro (吳松街)

今日約咗朋友喺九龍公園做運動🏃🏻做完運動就順便喺附近搵地方食飯呢間西餐就正正喺九龍公園對面 非常就腳 喺門口望咗下見到有二人餐好似都幾抵食二話不說就入咗去先算$498二人餐有一份前菜，餐湯，兩份主菜，兩份甜品同飲品我哋要咗煙三文魚凱撒沙律北海道帶子松露野菌扁意粉美國安格斯肉眼牛扒五成熟好快就上咗餐湯，係煙肉薯仔忌廉湯味道正正常常，不過好夠熱，暖身啱晒🥹跟住個沙律上枱果下真係「嘩」咗一聲超級大碟 對比番碗餐湯就知咩事😂講下個牛扒主菜，五成熟煎得啱啱好件頭都幾大件～雖然中間有啲係肥膏食唔到但係整體都可以接受意料之外係個焗薯估唔到佢有一個軟林林嘅心啱晒作為薯仔控嘅朋友😁跟住到個意粉都係亮點～超香黑松露味同埋超熱辣辣一路食一路出煙帶子都煮得啱啱好，無煮到老晒再配埋海量嘅蘑菇同埋蘆筍～無得輸甜品有日式芝士蛋糕同埋朱古力雪糕估唔到佢係會比Mövenpick 雪糕濃濃嘅朱古力味～好味飲品有柚子蜜佢都加咗兩片檸檬中和下啲甜味，幾貼心🧡

《Plato Cafe Bistro》在佐敦吳松街屹立多年， 依然經常客滿，深受街坊歡迎，可想言知，食物質素和服務態度都是令人滿意的。這晚也不例外，坐無虛席，好彩有訂位。精選二人套餐$498「蕃茄湯」先來兩碗濃濃的蕃茄湯暖暖胃，蕃茄湯微酸，無添加糖。「天婦羅魷魚鬚」滿滿的一大碗魷魚鬚，非常新鮮，炸得外酥內嫩，Q彈鮮美。魷魚很粗，可知這是一條大魷魚。「北海道帶子松露野菌扁意粉」意粉軟硬適中， 滿口都是松露的香氣，還有香菇、竹筍，配3隻大大的帶子，，簡直讓人食到停不了口。「美國安格斯肉眼牛扒」大大塊的肉眼扒軟腍牛味濃，5成的熟度最適合我們口味，薯蓉是一整個薯仔，又香又滑，伴碟的翠肉瓜都好好味。「日式芝士蛋糕」芝士蛋糕賣相靚，口感幼滑細緻，為這一頓晚餐畫上完美句號。「熱柚子茶」「香蕉朱古力奶昔」

行到佐敦，見到一間西餐廳坐左好多人，我地就入去試下。這間餐廳有薄餅、漢堡包、意大利飯和粉等，有好多不同的食物可供選擇。我地叫左2個套餐，1個是西班牙海鲜炒飯，有2隻大大隻的蝦，2隻大大隻的青口，加上一些配料，吃起來好香口，好食。另1個是牛油果大蝦沙律，又是有2隻大蝦，配上牛油果和沙律，顏色好靚，好味，好健康。是日餐湯是红蘿蔔忌廉湯，每人一碗也不錯。我好鍾意2杯飲品，藍霉特飲和奇異果特飲擺得好靚，又好飲。

今日特別黎到佐敦食晚餐晚市都見到好多人喺到聚餐仲有籃可以放私人物品添～～-見到有兩款二人餐，有曬前菜，餐湯，兩款主食，飲品，甜品好抵食 $498是日餐湯係南瓜湯，好滑南瓜味幾濃郁🎃前菜揀左黑松露薯條配埋芝士🧀醬同番茄🍅醬一上台超香黑松露味！份量都好多下🫣芝士醬亦唔會好鹹好濃郁芝士味，🍅醬啱啱好唔會太酸主食有燒黃油春雞，龍蝦汁虎蝦意大利飯想食意粉的話揀意粉都得添！雞肉本身有調味，但額外有多個汁可以點就算點左都唔會好鹹👍🏻雞肉嫩滑都幾juicy🤤而且都有半隻雞！不過估唔到龍蝦汁虎蝦意大利飯最有驚喜！同以往食過嘅龍蝦汁完全唔同一d都唔腥而且好creamy濃味🥹超好食！十分推薦👍🏻👍🏻👍🏻最後甜品芝士蛋糕🍰細細件食曬都唔會太膩有濃郁芝士味又唔會太甜食曬真係超級滿足～～～飲品有咖啡，柚子蜜，檸檬茶等等呢個二人餐真係好抵食又高質

午市套餐，包沙律或餐湯，主食，餐飲。L2 葡國雞，配飯（$68）竟然有驚喜，味道比起坊間好多茶餐廳好味道。葡汁幾香，勁啱撈飯；雞係香草醃製過嘅雞扒，雞肉肉質比較腍；配菜翠玉瓜帶有牛油香味，唔錯。L8 西班牙黑毛豬鞍架配蘋果蓉，配薯條（$128）即制，需時15分鐘，煎得好靚，但肉質豬味比較重；蘋果蓉幾 fresh，中和番啲豬味；薯條OK脆。沙律菜正常。時日餐湯（什菜湯）好多菜。熱蜂蜜柚子茶，味道幾濃。PS：自己 scan QR code 落單。另收加一服務費。

今日去佐敦嘅呢間咖啡店，非常適合同朋友傾下計，一齊晚餐❣️佢哋嘅精選二人套餐都幾抵食～只要$498，套餐包括前菜、餐湯、主菜、甜品同飲品😌🥔黑松露芝士薯條呢款薯條真係超級特別！每一條薯條都配上嘅黑松露同芝士，令味道更加香濃豐富。脆脆嘅口感同芝士嘅香氣立即爆發🍟🧀❤️龍蝦汁虎蝦意大利飯龍蝦汁嘅濃郁味道同虎蝦嘅鮮甜，同意大利飯嘅融合簡直係無敵👾每一口食落去都可以感受到龍蝦嘅豐富風味同虎蝦嘅彈牙🍛🫶🏻西班牙黑毛豬鞍黑毛豬肉質鮮嫩多汁，再加上獨特嘅西班牙調味料🐷🍖超推薦大家一試～🌅🌅🥰🫶🏻Movenpick估唔到呢個餐仲包左Movenpick雪糕🍽️🍨,仲可以揀士多啤梨或者朱古力或者雲呢拿口味，都真係幾抵食🎃🎃

性價比高，已是第二次光顧，今次 full house, 好彩預先有訂位，新年前二人套餐連服務費$6xx, 包括沙律，餐湯，兩個主菜，兩杯飲品及甜品或雪糕。風乾火腿伴哈密瓜沙律正，主菜有多款選擇，我們選了德國鹹豬手及西冷扒不錯，甜品有芝士蛋糕或Movenpick雪糕，其他甜品也做得很精緻，也好味！如餐牌內獨立order有七五折，食物味道好，服務好（香港現在難得）。但因近節日前後，套餐沒有做網上預付的特價，大約多付10%，而樓上包埸聚會，比比較嘈吵，唯一不好的是只有男女各一洗手間！如在Storellet Apps 內入會成為會員，可免費獲贈黑松露薯條一份，及有75折優惠卷在6個月內光顧，但餐廳從來沒有提供免費款待及試食優惠給會員

$498的精選二人套餐前菜：松露芝士薯條 幼身薯條，炸得剛好既酥脆，有d松露粉系試面，幾香口👍🏻份量黎講食極都仲有餐湯：南瓜湯較清香既口味，唔算creamy 好漏，但系清清地帶出南瓜既味道，食完唔會太heavy 相對配合到主菜👍🏻帶子黑松露意粉以帶子和黑松露為主要配料。帶子煮得剛好熟，帶有一絲甜味和鮮嫩的口感。黑松露的香氣就還好。意粉煮得恰到好處，整體creamy 少漏 ，所以餐湯好彩清清地 唔系應該會好膩🙌🏻澳洲肉眼牛扒 5成熟保持到肉質的嫩滑同肉汁的鮮美。搭配薯仔盧荀配菜冰果茶口感清爽，甜度冰度都固定清新解油膩👍🏻芝士蛋糕芝士的香濃味道👍🏻甜度適中 份量剛好 完滿的一餐🥳環境寬闊，可以容納容人不少，舒適 適合一班朋友仔黎吹水食野都唔錯

今晚和朋友去了佐敦的突破書局買書, 行完書店後, 看到對面街的這間西餐廳很像不錯, 便決定進去吃晚餐.餐湯: 南瓜湯好香滑, 幾好飲.我們點了精選2人餐 ($498):前菜: 天婦羅魷魚鬚魷魚鬚非常香口! 好脆好惹味, 不錯, 幾有咬口.美國安格斯肉眼牛扒:  牛扒選了5成熟, 幾好食, 牛的肉質好好, 肉質鮮嫩, 好重牛味, 不錯. 牛扒真的很好吃, 完全不會韌, 吃得出是靚牛扒.配菜的焗薯亦非常香口, 很香口, 好食.翠玉瓜, 番茄都幾香甜, 好吃.龍蝦汁虎蝦意大利飯: 龍蝦汁好香濃, 虎蝦大大隻, 好彈牙, 好鮮甜, 很好吃.意大利飯好香軟, 索哂d龍蝦汁, 非常juicy, 很好吃.凍蜂蜜柚子茶: 甜甜地幾好飲, 不錯.甜品: 日式芝士蛋糕芝士蛋糕非常香滑, 幾好味, 無論配朱古力或是藍莓都一樣幾夾.

依個餐廳都幾方便油麻地地鐵行去5至10分鐘就到尖沙咀過去又方便地理位置幾好😂我倆今次揀左精選2人套餐因為覺得好抵食😂前菜揀左煙三文魚凱撒沙律沙律菜好爽脆仲有好好味的三文魚係好好的開胃菜是日靚湯係南瓜湯都真材實料有南瓜蓉正餐揀左北海道帶子松露野菌扁意粉帶子煎過之後好香口扁意粉軟硬度岩岩好超creamy佢仲有黑松露味又帶有牛油香味正主菜方面五成熟嘅美國安格斯肉眼牛扒牛肉味好重，唔韌好juicy唔點醬都好夠味！旁邊的焗薯仔好出色我朋友超鐘意😂上面有沙律醬一齊食口感豐富甜品都係揀反雪糕，我最愛野飲揀咗冰果茶飲落似係凍的蜜桃紅茶幾解膩~另外一杯就叫左熱的蜂蜜柚子茶，super 甜～依個精選二人套餐超豐盛兩個人食份量都好足夠！環境其實都幾大，舒服的

位於佐敦的 「Plato Cafe & Bistro 」開業多年，主打歐陸西餐，一向以優質和抵食見稱，特別係有兩款晚市精選二人套餐，差不多每枱必點👍🏻🌟至尊二人套餐 $ 546有齊餐湯、頭盤、兩份自選主菜、甜品和飲品，非常豐富，性價比超高🎃▪️南瓜湯味道清甜，濃郁的南瓜香，口感Creamy 🥗▪️西班牙風乾火腿伴哈蜜瓜沙律份量十足的頭盤，四大件香甜嘅哈密瓜捲上鹹香肥美的西班牙風乾火腿，在伴上新鮮菜沙律及黑醋汁，美味又開胃🥩▪️美國安格斯肉眼牛扒牛扒質素相當唔錯，我們點了五成熟，牛扒外層焦香肉質仍呈粉紅狀態，肉質軟腍，配菜亦相當豐富，有原個焗薯伴沙律醬汁、烤翠玉瓜和蕃茄，清新美味🥘▪️西班牙海鮮飯海鮮材料豐富，有大蝦、魷魚、青口和帶子，味道帶濃香嘅牛油鹽味，海鮮飯口感尤如意大利飯一樣，吸收了海鮮的鮮味，加上忌廉燉煮，相當入味🧀▪️是日精選甜品芝士蛋糕口感清新充滿芝士香，Creamy 得黎一D都唔膩，作為飯後甜品非常唔錯🥭▪️Mango Yogurt + $ 20即叫即打的芒果乳酪，入口充滿芒果和奶香，口感清甜，質感又滑，好味道☕️▪️Americano我嘅習慣食飽就係要嘆番一杯濃濃嘅黑咖啡，才算完美的一

經過佐敦見到呢個間西餐廳睇落個價錢唔係好貴又諗唔到食咩就試下佢可以選擇都好多🍝🍕🫕🥩揀咗個最唔使用諗太多嘅二人餐黑松露芝士薯條黑松露道濃郁再加埋芝士超級邪惡薯條🍟個份量都算大跟咗兩杯果茶飲落都算OK同埋兩個白湯龍蝦汁虎蝦意大利飯虎蝦擺盤好靚食落都唔會煮得太老唔會鞋口龍蝦汁意大利飯食落唔會好流食晒成個都冇問題西班牙黑毛豬鞍黑毛豬鞍厚切已經入口Juicy再點埋個汁真係好正個汁就係解返豬嘅油膩度再配埋焗薯🥔 一定飽肚最後以cheese cake作為結尾cheese cake味道剛好餅身軟硬程度都合適呢間平靚正之選，可以再encore

今日經過佐敦發現一間小店人頭湧湧，一向鍾意試新嘢，我就決定喺度食晚飯原來係一間住意大利菜嘅西餐廳，貪方便嘅我哋好快就點咗個二人餐前菜叫咗個黑松露薯條，主菜可以叫兩份：分別係燒春雞同黑松露帶子扁意粉，甜品同飲品就點咗芝士蛋糕以及凍檸茶黑松露薯條炸得好脆，加上香口嘅黑松露調味，以及配上一兜芝士醬同一兜茄汁，非常開胃燒春雞皮脆肉嫩，而且份量好慷慨，兩個人食綽綽有餘；至於黑松露扁意粉好惹味，意粉軟硬適中，煙靭之餘非常彈牙，實屬高質之選。最後嘅芝士蛋糕味道香濃，為呢餐晚飯畫上咗個完美嘅句點#platocafebistro

都無約單車老死食飯好耐喇，所以，趁佢無咁忙，就搵佢出嚟聚一聚，就佢返工嘅位置，相約過嚟佐敦一帶，晌網上搵到呢間「Plato Cafe & Bistro」，風評不俗，位置好，食完大家各自搭車都方便。雖然只喺周中，但餐廳極旺場，目測都有9乘滿，而餐廳嘅環境幾好，一室咖啡店木系裝修，配以燈光，牆上有好多食物繪畫，感覺溫馨舒服。店員嘅服務都好細心，會主動俾個布籃你擺袋，又主動添水收拾，服務頗為熨貼，而且，都好有禮貌。餐具、糖包、牙簽就放晌枱上一旁，擺放整齊，份量充足，其實，亦反映到服務一環，晌預備上交足功課。摺頁式嘅主餐牌，打開一睇就有齊所有菜式，包括湯品、沙律、薄餅、前菜、主菜、全日早餐、意大利麵、意大利飯、甜品……等等，選擇非常之多。如果想食抵啲，就梗喺揀晚市套餐啦，包是日餐湯、主食及基本飲品，而主食都有成14款選擇供應，應該都唔難揀。再想食得好啲、又抵啲，就不妨晌兩款二人套餐中落手，一款賣$498，另一款賣$546，同樣包前菜、餐湯、主食、甜品及飲品，計落確喺幾划算，最後我哋就揀咗$498個二人餐，因為睇落都已經好豐富。天婦羅魷魚鬚3款前菜中，沙律、薯條當然食得多啦，反而呢個魷魚鬚真喺少

經過見到7 點已經full house 🤣睇一睇個餐牌見到d set 都幾抵！所以就入咗去叫咗個二人試一試。 芒果大蝦酥盒伴沙律擺盤靚靚的，酥皮盒非常脆仲係熱辣辣唔會林左！大蝦用咗蒜蓉焗再配合埋芒果肉 ， 幾開胃！西班牙海鮮飯 推介上邊有好多唔同嘅海鮮，魷魚青口大蝦都好新鮮！意大利飯軟硬適中，個醬汁好特別有少少蕃茄粒嘅酸味，又有海鮮嘅鮮味。仲要焗到個飯嘅濕度啱啱好！ 燒羊架五成熟啱啱好，落咗少少鹽少少香草 小小羊臊味好香。 而且羊肉好林，油脂味好岀！ 裏面仲有一個錫紙包焗薯仔。薯仔似係烚過再焗，所以裏面唔會好乾身！焗一焗出邊有啲脆身，再配合埋佢嘅沙律醬，食落去個味道好夾。 竹碳麻薯千層酥盒子配雪糕 特色第一次食呢一個甜品，千層酥中間夾雜着麻糬，咬落去脆身又黏黏好有咬口，令到個口感好有層次。冰果茶是日嘅冰果茶係菠蘿底，好似平時出邊嘅水果茶甘有啲果香味，又唔會太甜 ，幾清新 。整體食物唔錯，上菜都好快，性價比幾高。