Pimary (已結業)

聽說大埔有一間隱世咖啡室，千里迢迢終於來到這個神秘小店，餐廳佈置以自然風為主，有一些植物作裝飾。剛開始人不多，小店有兩層，點餐前，參觀了樓上的小天地，然後到樓下點餐，餐牌是石製的，好特別！叫了All day breakfast，它是日式風味，有別於傳統的那種，個人比較喜歡這種具新意的配搭！然後點了咖啡、茶，咖啡雖然没有拉花，但味道不錯！茶的味道清香，也是不錯之選！小店內有一處放滿了書籍，供客人閱讀。喜歡它的設計及設施，讓我享用完餐食後，邊看書、邊飲咖啡、茶，慢活在這遠離煩囂的鬧市中，渡過了一個平靜的下午！

放假緊係想遠離煩囂。朋友話大埔有間村屋cafe好令，所以就一齊去左食tea。地點雖然係格涉，但勝在人唔多，傾計好舒服。食物同飲品方面，充滿田園風味。我地叫左菠菜雞肉意粉同芝士番茄意粉，再叫左個菠蘿特飲。意粉同平時係西餐廳食開既差唔多，但勝在真係有車厘茄俾你，所以口感好juicy。個菠蘿特飲好解渴，唔算太甜仲有菠蘿蓉係入面。最後我地仲叫左個蘋果芒果芝士蛋糕。蛋糕上面有兩塊蘋果做裝飾好令，整體黎講唔算太甜，但芝士味唔夠突出。

這裏位置隱蔽，即使用google map跟著到這裏，不走進村屋的範圍是找不到的呢！而且還是隱藏左樹後的cafe！cafe 門前看到外面有一個小田園，種了不同種類的樹和植物。我們選了坐在餐廳內對著田園的一排高椅子，剛好有一塊大玻璃，可看著外面發呆一天😀😀😀這家店著重環保，連menu也寫在一塊石頭上，名字也是簡單的，只和這menu不知有什麼食材製作，期待吧😆點了一杯咖啡，賣相很可以，飲管也是用不銹鋼的。有濃濃咖啡香，奶泡很多，感覺清新又悠閒點了一個all day breakfast, 是日式的，份量較少，不過就很有特色，有飯團，鯖魚，雞粒，小薯仔和一些沙律，無花果和秋葵。吃完是不夠飽的，畢竟這餐廳主打是輕食，適合和朋友閒聊

上網打大尾督All Day Breakfast，搵到呢間Shop，所以嚟試試！渣車嚟好快就到，位置就快到大尾督公眾停車場（但未到，就有個路口指條呢條村）。入村泊多一兩分鐘，就會見到好大個村屋Building寫住1970就到（不用上超級鈄路），車剛好可泊在門口，但車位非常有限，大家要留意。下午2點左右，入到去好舒服，無乜人又靜靜哋。食物選擇唔多，食物點咗一款Pomato pasta同埋All Day Breakfast。Pasta都Ok，意粉嘅軟硬適中，All Day Breakfast有啲驚喜，因為唔係西式，係日式嘅，所以味道配合得幾好，煎魚、炸雞同埋啲沙律🥗唔錯！至於咖啡就一般，凍飲俾環保飲管！

之前已經係Ig見過呢間大尾督cafe 見到個環境好靚好文青已經好想去! 但大尾督交通唔算好方便呢日趁👦🏽揸車就叫佢車我入去陪我打卡hea下😆咁cafe雖然唔近市中心 但都有巴士入去嘅但揸車人士就會方便d cafe門口都有少量車位可以泊車 當日可以問返店員架! ☺️我去嗰日天氣麻麻地 又落雨 所以人唔算多2個人霸咗張大枱一坐落已經覺得好文青好舒服! 有種隱世花園嘅感覺😍佢嘅menu 唔多選擇，但menu好特別，係一舊石(?) 有意粉,all day breakfast, 烏冬等 都有咖啡同茶呢啲野飲, 價錢都偏貴不過我地只係叫咗pasta同all day breakfast Pasta 係有幾個選擇 有波菜雞肉，蕃茄煙肉同唔記得咗😂波菜賣晒 唯有揀蕃茄煙肉啦Pasta 幾彈牙唔係淋晒嗰種 有少少辣招同蕃茄嘅甜味都幾夾! 仲有芝士碎，撈埋一齊食就perfect 😆另外個all day breakfast 同平時western style 有唔同似係日系，有d muji feel ，有豆腐，玉子燒，炸雞同沙律等等有好多種類 味道都唔錯可惜份量有d少有d唔夠候😣另外仲有上層可以行下 打下卡絕對值

非常豐富的一份All day breakfast (HKD128)，這樣的組合也太可愛了吧，食物擺放得很日式呢，看到很療癒，還真的是第一次吃這樣的組合😀魚塊，炸雞和豆腐都很好吃，其他的味道也不賴。在日光之下吃午餐真的好放鬆呀🌞🌿

秋高氣爽🍂，又係BBQ嘅季節，今日嚟到大美篤BBQ勝地，但唔係嚟燒野食，而係做偽文青，嘆咖啡，慢活一下！咖啡店☕️真係好隱秘，落左巴士，仲要行左十幾分鐘。已經行到民居，去到人地屋企咁濟，都未見到原來，佢係喺一幢村屋內面，地下連二樓的好特別😀地下係cafe, 有一啲環保♻️杯，家居用具等東西賣，而二樓就賣一啲organic嘅護膚產品，同小朋友用品喺度，真係可以spend一個下午！😌飲品選擇唔多，男友點了一杯Latte，我就點了Herbal Tea不過Herbal Tea就有好多款俾你揀老闆會逐款花茶向你介紹，俾你逐款嗅，慢慢揀咖啡店雖然話隱秘，但應該唔隱世座位不多，但幫襯嘅人就好多(4點幾去到，仲有超多人喺門口等緊)假期去嘅話，預左要喺門口等。或者，可以上去二樓睇下野，邊睇邊等其實隔離都有另一間cafe，初初以為係同一間，之後發覺兩間都各有特色不過兩間同樣多人如果等到入到cafe，有位坐得低嘅，就可以慢活一下，寫意一下，chill 下，time out下喇

幾年前黎過第一次 個陣open rice未有呢間pimary 既資料 最鐘意就係呢間cafe😭 第一次黎係上網見到飲食文章 睇相覺得好似世外桃園咁就決定黎chill 咁岩去個日好好天 涼涼地 第一次黎搭巴士係附近落搵左一陣終於搵到 好似隱世小屋咁 好鐘意😭去到坐左係門口位 好靚既自然光 岩哂打卡 menu係石頭黎 好天然organic feel 好特別 我同男友叫左西式all day breakfast pimary tea pasta 同埋沙冰樣樣都好好食！1.all day breakfast 配料非常豐富 菇上面有塊芝士 好入味 個薯好香口 每一舊toast都夠哂脆 炒蛋好滑 係100分既all day breakfast2.pimary tea 飲完心情好似好放鬆咁 好甘香 fresh 又係非常鐘意3.沙冰Pineapple味 好清新 仲有薄荷葉 好天然4.carbonara pasta好彈牙入味 又係高質既菜式除左食物質素高 呢到既音樂都令人好放鬆 我仲特登問店員係咩歌黎🤣佢地好多天然products買 我同男朋友一人買左一個杯 係用栗米纖維造架！住荃灣既我地 幾遠都要定期

近來工作壓力好大，想搵間文青咖啡店抖吓氣，曾經喺雜誌見過呢間的咖啡店嘅訪問，覺得佢嘅理念’綠色生活’好有意思，環境好舒服，今日一於去試吓！我哋由尖沙咀出發去大埔，驚無位泊車就打電話去咖啡店問吓，點知老板好好人話幫我留起個車位真係隱世小屋，無路牌指示喺邊，去到見到有兩間小屋俾個小花園圍住，右邊嗰間就係喇！老板話今日咖啡豆無貨，咁只好飲茶啦，估唔到茶都有咁多選擇，仲可以俾你先聞吓啲茶葉嘅味道，咁我就揀咗用佢個名pimary嘅茶。 呢隻茶聞落去無咩特別，但原來飲落去好有層次，一開始有少少苦，之後有少少酸，但過後係非常甘甜，好有回甘！好好飲！ 仲可以refill! 因為未食午餐，咁我就試吓佢個日式嘅All day breakfast , 個presentation 好靚，每一樣小吃都好好食，可惜分量太少，我唔夠飽添呢度環境好舒服，每一個角落都精心佈置，坐喺度睇吓書，飲吓茶，真係好relax!

平時去港島區café 靚係靚 但人真係好多一來嘈 二來坐一陣又要好快走 Pimary 其實saved左係to go list 都有一陣子 但遲遲未的起心肝去要係大埔火車站再轉小巴/巴士 落車後再行一小段路仔 Pimary 其實係一間兩層的村屋既係Café 又係一間賣organic用品及Skincare的店Meun 好特別 係寫係石頭上面點了 All day breakfast (Japanese style) 🍽$128食落清淡得黎都飽 有好健康的感覺 Turkish Coffee☕️ $68好特別 平時都唔多咖啡店有 不論咖啡味同咖啡因都好濃 Herbal Tea🍵 $56花茶會有好多款 可以慢慢揀你喜歡的 Homemade Cake $38Pear🍐 Pie (Vegan)其實係啤梨酥皮 好清香 唔會太甜 雖然入新界區有點遠 🌳🌴🌱🌿但真係清悠好多 空氣又清新不知不覺真係人都放鬆點P.S. 小店只招待會員 staff會同你講點樣入會的

今日係高興嘅日子，雖然落好大雨，不過都揀咗嚟呢度試吓。一幢兩層高嘅屋仔，屋頂上面寫住「1970 」，外面有個小花園，旁邊仲有一隻小船，呢度真係香港嗎？嚟到門口見入面閂咗門，以為今日冇開，行到門口，就見到老闆娘坐咗喺入面，冇開燈啫！推門入去，已經覺得好舒服，旁邊有好多放滿家品嘅木頭，上層可以試吓天然草本護膚品，又有藝術展覽睇，有時會邀請來自世界各地嘅藝術家嚟呢度搞短期創作。呢度唔單止係cafe，仲有香草、環保家品及護膚產品。行入去就會見到幾張餐枱老闆娘遞上一舊石頭，原來佢就係menu，好特別！食物簡簡單單的日式All day breakfast ($118)仲話有西式及日式all day breakfast，咁當然要試吓日式㗎啦。賣相好特別，中間係一大盅蒸蛋，有兩條大蟹柳及香草，不過蒸得有啲過咗火，老咗啲；兩件芝麻醬豆腐，味道不錯、三件尚算嫩滑嘅雞肉，不過冇乜味；一個紫米飯糰及應該係芋頭茸，唔算好有味不過勝在顏色夠靚；一堆加咗類似木魚花嘅秋葵；兩塊煎得好結實唔鬆散又充滿油香嘅鯖魚；整體嚟講唔係超級好味，不過勝在夠色彩繽紛、每種食物都放得好有心思，唔講都會以為自己去咗日本食all day