Piccolo Pizzeria & Bar (已結業)

之前響堅尼地城食過呢間，佢哋既磚爐 Pizza 真心好食，一直都想再去食多次，不過未有機會。原來新城市都開咗分店，作為沙田友，梗係要支持吓！西餐廳的裝修以深色為主，加上燈光柔和，風格同另一間截然不同。店舖不算大，但枱與枱之間都有足夠的距離，幾舒服。餐牌有呢D，亦有圖片，當中都好多意大利特式菜，唔係周圍有得食架！一人一杯Mocktail 特飲，精神吓先Cucumber & Mint $55青瓜薄荷特飲，青瓜味唔會太濃，反而薄荷味幾出，好清新！Mango Mania $55其實係芒果香葉沙冰，香草味好濃又夠凍，夏天飲啱曬Caprese Salad $90水牛芝士 + basil + 蕃茄仔，傳統意大利沙律的組合！ 水牛芝士新鮮飽滿，份量夠重手，質感似豆腐而又有淡淡的芝士味，配上黑醋汁與蕃茄一齊食，芝士迷必試。炸南瓜芝士米球 $60炸米球外皮香脆又煙韌，內裡釀有流心南瓜芝士醬，再點一點甜酸茄醬。食落有D似咸味炸湯圓，熱辣辣好過癮。前菜同飲品都好 colorful, 好靚好吸引。Pancetta Pizza $150主菜叫咗 signature，中間有隻半熟蛋的古法意式煙肉 Pizza。薄底

見新開，一行5人試下晚餐，煩忙時間限時個半鐘間間餐廳都係，明嘅，但佢直情想你坐半個鐘好走！不斷催你落柯打，然後秒速收碟，真係快到嚇一嚇，剛攞起最後一片pizza,下一秒碟都收埋你！我個朋友剛食完餐碟上意粉，明明枱上仲有其他野未食完，都照收埋佢隻碟，真係O左嘴！冇服務之餘，野食只係普通西餐意粉pizza,以為主打意大利菜會有咩特別，係・完・全・沒・有！然後埋單竟然只收現金！！明明見佢有卡機。我覺得應該預先入座前同個客講聲只收現金，今時今日唔係個個有咁多現金係身。總之，新城市有更多更好選擇，最少其他餐廳食物普通，但也有服務。這間？不了！

居然可以追足50分鐘冇野出不單止……還可以說是漏單……已經倒來吃甜品..漏單又点會出到前菜同飲品？？見主餐未有……每10分鐘追一回話5分鐘完成……咁多個5分鐘……最後都是冇……還要人飢餓著肚皮50分鍾……繼續去工作…………大家賺錢都是想食返餐好的休息下……居然碰到這類型的餐廳……可說是不可以明白点呢？

放假搵朋友2點幾食個下午茶，見呢間新開張，於是就走去試下。鋪頭唔係好大，座位寛度一般人都覺得ok嘅，唔會話太逼夾。被安排到一張圓枱，呢個角度都幾好，同朋友傾計都唔會話太嘈。叫咗個香烤蒜蓉闊條麵。分量唔大，味道還可以，蒜味好濃郁，小小辣味。蝦🦐都有5隻，食落都彈牙嘅，唔會話有雪味。之後叫咗個烤芝士。超！級！鹹！開頭以為係出面啲Parma ham 鹹，點知原來入面嘅芝士都係鹹嘅，好似食咗啖鹽入口咁。之後只好再加多份炸雞翼，但係味道都覺得一般般，因為都趕時間，最後嗱嗱聲食完就走啦。應該唔會想再黎食啦⋯⋯

裝修懷舊意式風情feel~ 我覺得暗得滯 我坐位啱啱係廚房出餐位 成日會有人行黎行去 但係可以望到廚師焗pizza🧑🏻‍🍳 餐牌可以前菜/主菜/甜品揀2 course Starter & Main ($95)/3 course($110) 茶/咖啡+$15(食完我覺得甜品可以唔洗試)*是日餐湯 酸種麵包蕃茄菜湯 好多菜🍅 西芹紅蘿蔔蕃茄樣樣齊 有少少肉吊下味 偏鹹🤭酸種麵包👎🏻唔係酸種 又唔係麵包 係石頭 冇麵包味冇麵粉香 硬到可以做殺人兇器🌚火腿蘑菇比薩 Ham and Mushroom Pizza (Cotto and roasted button)麵包底少少脆 又有少少煙韌麵包感🍕 火腿唔係太鹹🍖蘑菇味淡淡地 芝士份量啱 我覺得各方面都配合得好好 值得一試芝士巴爾馬風乾火腿比薩Cheezy Parma Ham Pizza (Parma, Taleggio)芝士鹹啲 巴馬火腿又鹹啲 所以具體係偏鹹重口味🥴 餐牌寫用塔雷吉歐芝士🧀 我唔知佢到底係咩味 更加食唔出同上一個pizza用嘅芝士有咩唔同🙈係我廢💩意大利芝士蛋糕 Tiramisu餐牌寫明係馬斯卡邦尼奶酪 的確係mascarpo

今晚經foodpanda外賣，去到店員求其俾一個pizza加一罐汽水俾我，但我訂既係六人份量既餐！果時間餐廳唔多人，所以佢唔係好忙！佢後來先好似瞓醒禁話food panda既單冇收過，check完又話部機冇自動generate張單出嚟，問我仲要唔要！佢連唔好意思都唔講，好冇禮貌！我叫佢快d趕起，再等十五分鐘。再去到拎時，佢兩個pizza冇綁好又冇pack好，再加袋，佢就禁要我捧住！！！正常兩隻手捧住pizza,點有手拎多三袋？我叫佢再pack好，佢居然話我地係禁wow!最後強烈要求下先幫我綁好個pizza!店員冇禮，外賣漏單，外賣包裝求其，唔會再去😡😡😡

行過見到新開左間餐廳，入黎試試佢～午餐2道菜式（前菜及主菜） $95加多$15，就有埋甜品～1️⃣前菜📌是日餐湯、酸種麵包睇落似意大利蔬菜湯。不過朋友似乎麻麻地～📌羽衣甘藍、堅果穀物沙律勁多羽衣甘藍～喜歡呢種菜既你要揀喇！🥬2️⃣主菜📌芝士巴爾馬風乾火腿比薩巴爾馬風乾火腿、塔雷吉歐芝士📌火腿蘑菇比薩意大利熟火腿、烤紐扣蘑菇8吋左右，大細剛好～期望係再多啲芝士，不過味道唔差既～📌意大利蕃茄麵意大利煙肉、車厘茄、洋蔥鍾意呢度既意粉多過pizza，因為扁意粉真係煮得剛好，意粉醬味道又好到位！正！👍🏻👍🏻

限聚令下，4人食晏點左個pizza,2個意粉同沙律。pizza幾有特色，味道不錯，但意粉同沙律味道都係非常一般，而且份量偏細。價錢唔平，地點都幾難搵，應該冇take 2😅

早一日同事經過呢間舖頭感覺唔錯，咁到星期五就成班同事訂枱嚟呢度試吓，因為新開張，所以都想試吓好唔好食。呢間舖頭鋪位唔係好大，裝修係以深黑色為主，配上一啲裝飾波波燈，成個環境都比較暗唔會光殘殘。講完裝飾最緊要就係啲嘢食啦，如果以新城市廣場來講，呢度嘅嘢食都唔算好貴，$100有找已經可以有兩件嘅套餐，裏面包括前菜同埋主菜，其實只要加$15就可以有埋甜品或者飲品一杯，假如你喺附近做嘢呢，可能因為新開張店主都比較熱情，仲俾左啲特別優惠。客人暫時都唔算太多，繁忙嘅時間應該坐左八成。呢個香草猪肉丸，正！另外，呢度上菜亦都非常之快，我諗都關店面比較細，客人不太多而廚房嘅人都唔少。

新城市開嘅一間新Pizza🍕店作為沙田友嘅我當然要去試下咩料子啦😆Piccolo Pizzeria & Bar-Tamagotchi Pizza- $140有鰻魚、玉子、水牛芝士、蛋黃醬同鰹魚片成個Pizza都係人手即刻製造餅底比較薄🍕食落好chewy 但係就食到牙骹有啲攰不過我今日呢個呢個有少少overcooked個邊邊位有好多都燶咗普遍來講個Pizza都幾多鰻魚每一塊大約有兩至三粒而玉子就配合得好好👍🏻唔會太過甜-Antipasto Platter- $185呢碟嘢一嚟到嘅時候有少少失望因為事實與相片好唔同可是求其搵一個兜裝住咁一d都唔grand Portion仲好似少好多如果你問我呢碟好唔好食🧐我會話俾你知只係平平無奇冇咩特別但就唔值咁貴囉可能最值錢就係中間嗰嚿芝士㗎啦將佢夾住ham係好食嘅總括來講試一次就夠啦🤣雖然佢個裝修係幾靚嘅好有意大利餐廳嘅的feel員工仲幾Nice添